Ash Gourd (ကျောက်ဖရုံသီး)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

ကျောက်ဖရုံသီး

ကျောက်ဖရုံသီးဟာ အာဟာရဓါတ်ပြည့်ဝပြီး ဗီတာမင်Bနဲ့C အပြင် ကယ်လ်စီယမ်၊ပိုတက်စီယမ်၊သံဓါတ်နဲ့ အမျှင်ဓါတ်တို့လို ခန္ဓါကိုယ်အတွက်လိုအပ်တဲ့ အရေးကြီးတဲ့သတ္တုဓါတ်တွေကြွယ်ဝပါတယ်။

ဆီးချိုသမားတွေအတွက် အကောင်းဆုံးစားစရာတွေထဲပါဝင်သလို ကယ်လိုရီပါဝင်မှုလည်းနည်းပါတယ်။ ကိုယ်အလေးချိန်လျှော့ချရာမှာ ကျောက်ဖရုံသီးကိုစားသုံးခြင်းက အထောက်အကူပေးနိုင်တယ်လို့ သိရပါတယ်။ကျောက်ဖရုံသီးက ခန္ဓါကိုယ်အပူကိုငြိမ်းစေပြီး အဆိပ်အတောက်ကိုပြေစေပါတယ်။ကျောက်ဖရုံသီးဖျော်ရညိကို အစာမရှိတဲ့အချိန်မှာသောက်ပေးရင် အစာအိမ်အနာတွေအတွက်ကောင်းပါတယ်။

ကျောက်ဖရုံသီးရဲ့ကျန်းမာရေးအကျိုးကျေးဇူးများ

(၁) အစာအိမ်အနာတွေသက်သာစေ၊ အူတွင်းပိုးမွှားတွေရှင်းစေတယ်

ကျောက်ဖရုံသီးက အစာအိမ်နဲ့အူတွင်းအမြှေးပါးမှာအနာဖြစ်ပေါ်ခြင်းကို ကုသရာမှာ အထောက်အကူပေးပါတယ်။ အစာအိမ်နဲ့အူလမ်းကြောင်းအတွင်းမှာရှိတဲ့ အန္တရာယ်ရှိဘက်တီးရီးယားအားလုံးကို ဖယ်ရှားရှင်းလင်းပေးနိုင်လို့ အစာအိမ်နဲ့အူလမ်းကြောင်းရောဂါပိုးဝင်ခြင်းတွေ၊ အစာမကြေခြင်းတွေ ကိုကာကွယ်ပြီးသားဖြစ်ပါတယ်။

(၂) ကိုယ်အလေးချိန်လျှော့ချရာမှာ အထောက်အကူပေးတယ်

ကိုယ်အလေးချိန်လျှော့ချဖို့ စဉ်းစားနေတာဆိုရင် ကယ်လိုရီများတဲ့အစားအစာတွေနေရာမှာ အစားထိုးနိုင်ဖို့ အသင့်တော်ဆုံးကကျောက်ဖရုံသီးဖျော်ရည် သို့မဟုတ်ပြုတ်ကြော်ပဲဖြစ်ပါတယ်။ သူ့မှာ အာဟာရဓါတ်ကအပြည့်အဝ ပါရှိပြီးရေဓါတ်က ၉၆ ရာခိုင်နှုန်းပါဝင်ပါတယ်။

(၃) သွေးတိတ်စေတယ်

ကျောက်ဖရုံသီးကသွေးတိတ်စေတဲ့သဘာဝအာနိသင်ရှိပါတယ်။ပြင်ပဒဏ်ရာအတွက် ကုသဖို့ အသုံးပြုခဲပေမယ့်( အရွက်တွေကိုထောင်းကြိတ်ပြီးအနာမှာပွတ်အုံပေးတာမျိုးကလွဲလို့)ကျောက်ဖရုံသီးက အတွင်းပိုင်းသွေးယိုခြင်းအတွက် အစွမ်းထက်ပါတယ်။ ပုံမှန်စားပေးရင်နွေရာသီမှာဖြစ်တတ်တဲ့ နှာခေါင်းသွေးယိုခြင်းကိုလည်း ကာကွယ်နိုင်ပါတယ်။ကျောက်ကပ်မှာသွေးယိုစိမ့်မှုကြောင့်ဖြစ်လာတဲ့ ဆီးထဲမှာသွေးပါခြင်း၊ အနာတွေကြောင့်၊ လိပ်ခေါင်းကြောင့်သွေးယိုခြင်း စတာတွေကိုကျောက်ဖရုံသီးဖျော်ရည်သောက်ခြင်းဖြင့် သက်သာစေနိုင်ပါတယ်။

(၄) စိတ်ပိုင်းဆိုင်ရာပြဿနာတွေကို သက်သာပြေလျော့စေတယ်

ကျောက်ဖရုံသီးက သဘာဝစိတ်ငြိမ်ဆေးတစ်မျိုးလို စိတ်ပိုင်းဆိုင်ရာပြဿနာတွေကိုကုသပေးနိုင်ပါတယ်။ ဝက်ရူးပြန်ရောဂါ၊ စိုးရိမ်ပူပန်နေခြင်း၊ ညအိပ်မပျော်ခြင်းစတဲ့ အာရုံကြောစနစ်နဲ့ဆက်နွှယ်တဲ့ စိတ်ပိုင်းဆိုင်ရာပြဿနာတွေကို ကုသရာမှာ အသုံးဝင်ပါတယ်။ကျောက်ဖရုံသီးဖျော်ရည်ကို တစ်နေ့တစ်ခွက်သောက်ခြင်းအားဖြင့် စိတ်ဖိစီးမှုတွေ၊ဝေဒနာတွေအားလုံးကို သက်သာလျော့ပါးစေဖို့ ကူညီပေးပါလိမ့်မယ်။

(၅) ဆံပင်နဲ့ မျက်နှာအတွက် အကျိုးကျေးဇူးတွေရှိပါတယ်

ကျောက်ဖရုံသီးက အလှအပအတွက်လည်း အသုံးဝင်လိမ့်မယ်လို့ ထင်မထားမိကြလောက်ပါဘူး။ကျောက်ဖရုံသီးကြိတ်ရည်ကို သံပရာရည်နဲ့အရေပြားမှာရောလိမ်းတာဖြစ်ဖြစ် ဒါမှမဟုတ် တခြားမျက်နှာပေါင်းတင်ဆေးတွေနဲ့ရောသုံးတာဖြစ်ဖြစ် လုပ်ပေးရင် အမည်းစက်တွေကိုလျော့ပါးစေပြီး အသားအရေဝင်းလက်လာစေမှာပါ။

ကျောက်ဖရုံသီးကဗောက်ပျောက်စေတဲ့အစွမ်းလည်းရှိပါတယ်။ဗောက်ထနေတယ်ဆိုရင်ကျောက်ဖရုံသီးကြိတ်ရည်ကို ဦးရေပြားနဲ့ဆံပင်မှာဆွတ်လိမ်းပြီးခေါင်းလျှော်ချပါ။ ဆံပင်ကို အုန်းဆီလိမ်းတတ်တယ်ဆိုရင်ကျောက်ဖရုံသီးအစေ့ကိုထောင်းပြီး အုန်းဆီနဲ့ရောလိမ်းပါ။

(၆) ဝမ်းချုပ်ခြင်း

ကျောက်ဖရုံသီးရဲ့အကောင်းဆုံးဝိသေသက အမျှင်ဓါတ်နဲ့ရေဓါတ်ပါဝင်မှုဖြစ်ပါတယ်။ ဒါ့ကြောင့် သူက အစာချေဖျက်ခြင်းကိုအထောက်အကူပြုပါတယ်။ မနက်စာမှာကျောက်ဖရုံသီးကို ပုံမှန်ထည့်စားပေးရင် ဝမ်းချုပ်ခြင်းပြဿနာကိုဖြေရှင်းနိုင်ပါလိမ့်မယ်။

(၇) အိပ်မပျော်ခြင်း

ကျောက်ဖရုံသီးဟာ ညအိပ်မပျော်ခြင်းကိုကုသရာမှာလည်းကောင်းပါတယ်။ စိတ်ဖိစီးမှု၊ အလုပ်ပင်ပန်းမှု၊ စိတ်ကျဉ်းကျပ်မှုတွေလို အကြောင်းရင်းတွေကြောင့် ညအိပ်မပျော်တဲ့သူတွေဆိုကျောက်ဖရုံသီး ပုံမှန်စားပေးရင် ဒါတွေ သက်သာလျော့ပါးစေနိုင်ပါတယ်။

(၈) ဆီးသွားနည်းခြင်း

နွေရာသီမှာ ချွေးထွက်များလို့ ခန္ဓါကိုယ်ကရေဓါတ်ဆုံးရှုံးရတတ်ပါတယ်။ ဒီလိုကနေ ဆီးသွားနည်းတဲ့ပြဿနာဖြစ်လာစေနိုင်ပါတယ်။ကျောက်ဖရုံသီးက ခန္ဓါကိုယ်မှာရေဓါတ်ထိန်းညှိပေးပြီး ဆီးရွှင်စေတာကြောင့် ဆီးကျောက်တည်တာတွေကို ကာကွယ်ပေးပါတယ်။

တခြားအကျိုးကျေးဇူးများ

ကျောက်ဖရုံသီးကသွေးနီဥဆဲလ်အရေအတွက်နည်းတဲ့အခါဖြစ်လာတဲ့သွေးအားနည်းရောဂါအတွက်ဆေးဝါးဓါတ်စာတစ်ခုဖြစ်ပါတယ်။သွေးတွင်းကိုလက်စထရောကိုလည်းကျစေလို့ နှလုံးအတွက်ကောင်းပါတယ်။

ဒီလိုအကျိုးကျေးဇူးများတဲ့ကျောက်ဖရုံသီးရဲ့အာနိသင်တွေကို အသုံးချနိုင်ဖို့ ဟင်းချိုသို့မဟုတ် ဟင်းချက်စားကြသလို အချိုပွဲအဖြစ် ကျောက်ဖရုံယိုလည်းစားနိုင်ပါတယ်။

Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

ပေါ်လီဖီနော (Polyphenol) အကြောင်း သိကောင်းစရာ

Polyphenol Flavonoid ပေါ်လီဖီနော ကျန်းမာရေး နှလုံးရောဂါ အမျိုးအစား ၂ ဆီးချို BMI ဘေးထွက်ဆိုးကျိုး ရောင်ရမ်းခြင်း ဟင်းသီးဟင်းရွက်များ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

ရှားစောင်းလက်ပပ်

ရှားစောင်းလက်ပပ် ဓာတ်တိုးဆန့်ကျင်ပစ္စည်း သွေးတွင်း သကြားဓာတ် အရေပြား ကျန်းမာရေးအကျိုးကျေးဇူး သွားပိုးစားခြင်း သွားပြဿနာတွေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

ကျောက်ဖရုံသီး၏ အကျိုးကျေးဇူး

ကျောက်ဖရုံသီး ကယ်လိုရီ အကျိုးကျေးဇူး အာဟာရဓာတ် အမျှင်ဓာတ် ရေဓာတ် အစာချေဖျက် အမျိုးအစား ၂ ဆီးချို ကာဗိုဟိုက်ဒရိတ် ကိုယ်ခံစွမ်းအား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

ဆေးလိပ်ဖြတ်လိုက်ခြင်းရဲ့ နောက်ကွယ်က အချိန်နဲ့အမျှပြောင်းလဲမှုများ

သွေးပေါင်ချိန် စီးကရက် ဆေးလိပ်ဖြတ် ခန္ဓာကိုယ် သွေးလည်ပတ်နှုန်း ကာဗွန်ဒိုင်အောက်ဆိုဒ် နှလုံးသွေးကြောကျဉ်းရောဂါ ကျန်းမာရေးအကျိုးကျေးဇူးတွေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

သင့်အတွက် ရွေးချယ်ထားသည်

ဆေးဖက်ဝင်ဂျင်ဆင်း၏ အကျိုးကျေးဇူးများ

ဆေးဖက်ဝင်ဂျင်ဆင်း၏ အကျိုးကျေးဇူးများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် စက်တင်ဘာ 21, 2020 . 2 mins read
ဆွမ်းမွှေးရွက် ရဲ့ ဆေးဖက်ဝင် အစွမ်းသတ္တိတွေ

ဆွမ်းမွှေးရွက် ရဲ့ ဆေးဖက်ဝင် အစွမ်းသတ္တိတွေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဩဂုတ် 7, 2020 . 2 mins read
Intermittent Fasting လုပ်တဲ့အခါ သတိထားသင့်တဲ့ ဆောင်ရန် ရှောင်ရန်တချို့

Intermittent Fasting လုပ်တဲ့အခါ သတိထားသင့်တဲ့ ဆောင်ရန် ရှောင်ရန်တချို့

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇူလိုင် 27, 2020 . 2 mins read
ဥပုသ်သီလ ဆောက်တည်မယ်ဆို သတိပြုသင့်တဲ့အချက်များ

ဥပုသ် စောင့်ရင် အဆာခံနိုင်အောင် ဘယ်လိုလုပ်ကြမလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇူလိုင် 17, 2020 . 2 mins read