မြန်မာနိုင်ငံဆိုတာ ထမင်းကို အဓိကထား စားသုံးတဲ့ နိုင်ငံတစ်ခုပါ။ နေ့တိုင်း စားနေတဲ့ အနပ်တွေထဲမှာ ထမင်းက လုံးဝကို မပါမဖြစ်ပါ။ ဆန်အမျိုးအစားအများကြီးရှိတဲ့အတွက် ထမင်းတွေလည်း အမျိုးမျိုးရှိပါတယ်။ ဒီမှာတော့ ဆန်လုံးညိုနဲ့ ထမင်းဖြူ အကြောင်းကို အဓိက ထားပြောပြပေးမှာဖြစ်ပါတယ်။ ကြားဖူးကြမှာပါ။ ထမင်းဖြူထက်စာရင် ဆန်လုံးညိုက ကျန်းမာရေးအတွက် ပိုကောင်းတယ်ဆိုတာမျိုးပေါ့။ ထမင်းဖြူနဲ့ ဆန်လုံးညို ဘယ်သူက ပိုကောင်းလဲ ။
Hello Sayarwon မှ ထွက်မည်။
ထွက်မှာ သေချာပြီလား။
ထမင်းဖြူနဲ့ ဆန်လုံးညို ဘယ်သူက ပိုကောင်းလဲ ။ ။
ထမင်းဖြူနဲ့ ဆန်လုံးညို ဘယ်သူကပိုကောင်းလဲ ။ ကျန်းမာရေးအပေါ်ကို ဘယ်လိုတွေ သက်ရောက်သလဲ ။ ။
ဆန်လုံးညိုပဲ ဖြစ်ဖြစ် ထမင်းဖြူပဲ ဖြစ်ဖြစ် သေချာတာကတော့ နှစ်ခုလုံးက ဗိုက်ပြည့်စေပြီး ကစီဓါတ် တွေ ကြွယ်ဝတယ်ဆိုတာပါပဲ။ တစ်ခြား အချက်တွေ ကြောင့်သာ သူတို့ နှစ်ခုကို နှိုင်းယှဉ်ပြီး ခွဲပြောနေရတာပါ။
အရင်ဆုံး ပါဝင်တဲ့ အာဟာရ ညွှန်းကိန်းတွေကို ကြည့်ရအောင် ။ ။
| ထမင်းဖြူ | ဆန်လုံးညို |
| ၂၀၅ ကယ်လိုရီ | ၂၄၈ ကယ်လိုရီ |
| ပရိုတင်း ၄.၂၅ ဂရမ် | ၅.၅၃ ဂရမ် |
| အဆီ ဝ.၄၄ ဂရမ် | ၁.၉၆ ဂရမ် |
| ကာဘိုဟိုက်ဒရိတ် ၄၄.၅၄ ဂရမ် | ၅၁.၆၇ ဂရမ် |
| အမျှင်ဓါတ် ဝ.၆ ဂရမ် | ၃.၂ ဂရမ် |
ထမင်းဖြူဟာ ကယ်လိုရီ နဲ့ အဆီ ပိုနည်းတယ်ဆိုပေမယ့် ဆန်လုံးညိုကျတော့ ပရိုတင်းနဲ့ အမျှင်ဓါတ် ပိုများနေပြန်ရော။ ဒီတော့ သူတို့ နှစ်ခု ဘယ်သူကပိုကောင်းလဲ ။ ။
ထမင်းဖြူ ။ ။
ထမင်း ကို အဓိက အစာအဖြစ်ထားစားကြတဲ့ လူတိုင်း ထမင်းဖြူကိုပဲ စားကြတာများပါတယ်။ ထမင်းဖြူဟာ ကျန်းမာရေးအတွက် မကောင်းဘူးဆိုတဲ့ အကြောင်းတွေ ကြားဖူးကြပေမယ့် သူ့မှာလည်း ကောင်းတဲ့အချက်လေးတွေ ရှိပါသေးတယ် ။ ။
- ဗီတာမင် B နဲ့ သံဓါတ်တွေကြွယ်ဝတယ်။ ဒါပေမယ့် အရမ်းဖြူနေအောင် လုပ်ထားတဲ့ ဆန်တွေမှာဆိုရင် ဗီတာမင် B ဓါတ်ချို့တဲ့နေတတ်ပါတယ်။
- စားလိုက်ရင် အစာမြန်မြန်ကြေတဲ့အတွက် ဝမ်းလျှော နေတဲ့သူနဲ့ အူရောင် နေတဲ့သူတွေ အတွက် အဆင်ပြေတဲ့ အစားအသောက်တစ်ခုပါ
- ဒါ့အပြင် အူလမ်းကြောင်းမှာ ပြဿနာရှိပြီး အမျှင်ဓါတ် များများစားလို့ မရတဲ့ သူတွေ အတွက် ထမင်းဖြူ ဟာ သင့်တော်တဲ့ အစားအသောက်တစ်ခုပါ။
- ဆန်ုလုံးညိုထက်စာရင် ထမင်းဖြူဟာ ချက်ရတာ ပိုမြန်ပါတယ်။
- ဒါပေမယ့် သွေးတွင်းသကြားဓါတ် ကို မြင့်တက်စေတဲ့အတွက် ထမင်းဖြူဟာ ဆီးချို သွေးချို သမားတွေ ရှောင်စားသင့်တဲ့ အစားအစာတစ်ခုပါ။
ဆန်လုံးညို ။ ။
- အမျှင်ဓါတ်ပိုကြွယ်ဝပြီး အူလမ်းကြောင်းကို အားကောင်းစေလို့ ဝမ်းချုပ်တတ်တဲ့သူတွေ အတွက် သင့်တော်ပါတယ်။
- ပရိုတင်းတွေ အများကြီးပါတာကြောင့် ကြွက်သားတည်ဆောက်နေတဲ့ သူတိုင်း အားထားစားသင့်တဲ့ အရာတစ်ခုပါ။
- သွေးတွင်းကိုလက်စရောကို ထိန်းညှိပေးပါတယ်။
- တစ်ပါတ်အတွင်းမှာ ဆန်လုံးညိုကို နေ့တိုင်းမဟုတ်တောင် နှစ်ရက်လောက် ထည့်စားပေးတာနဲ့တင် သွေးချို ဆီးချို အမျိုးအစား၂ ဖြစ်နိုင်ချေကို လျှော့ချပေးပါတယ်။
- အစာခြေဖျက်ရတာ ခက်တဲ့အတွက် ဆန်လုံးညိုကို အစာအိမ်ရောဂါရှိသူတွေနဲ့ ကျောက်ကပ်သမားတွေ မစားသင့်ပါဘူး။
- ထမင်းဖြူထက်စာရင် ဆန်လုံးညိုဟာ ချက်ရချိန်ကြာတတ်ပါတယ်။
ကဲ အကုန်လုံး ပြန်ချိန်ကြည့်လိုက်တော့ ထမင်းဖြူနဲ့ ဆန်လုံးညို ဘယ်သူက ပိုကောင်းလဲ။ ခု အချိန်ထိ အာဟာရ ဆိုင်ရာ ပညာရှင်တွေ သတ်မှတ်ထားကြတာကတော့ ဆန်လုံးညိုဟာ ထမင်းဖြူထက် ပိုကောင်းတယ်ဆိုတဲ့ အချက်ပါပဲ။ ဒါပေမယ့်လည်း သေချာ ဖွတ်ထားခြင်း မရှိတဲ့အတွက် ဆန်လုံးညိုမှာ အာဆင်းနစ် ( arsenic ) အဆိပ် ပါဝင်မှု နှုန်းပိုမြင့်တက်နိုင်ပါတယ်။ ဒီတော့ သူတို့နှစ်ခုမှာ ဘယ်သူကပိုကောင်းလဲဆိုတာတော့ မရှိပါဘူး။ နှစ်ခုလုံးမှာ ကောင်းကျိုးလည်းရှိသလို ဆိုးကျိုးလည်း ရှိတဲ့အတွက် သူတို့နှစ်မျိုးကို မျှတအောင်စားပါ။ တစ်ပါတ်စားတဲ့ ထမင်းတွေထဲမှာ ထမင်းဖြူကို ၄ ရက်လောက်စားပြီးဆန်လုံးညိုကို ၃ ရက်လောက်တော့ စားပေးသင့်ပါတယ်။ ။
Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။
ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။
ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။
အမျိုးသား
အမျိုးသမီး
Verifying...
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ရင်းမြစ်များ
Share