အားကစား လေ့ကျင့်ခန်းများနှင့် ဆီးချိုသွေးချိုရောဂါ

    အားကစား လေ့ကျင့်ခန်းများနှင့် ဆီးချိုသွေးချိုရောဂါ

    လေ့ကျင့်ခန်းနဲ့ကိုယ်လက်လှုပ်ရှားမှုတွေက လူတိုင်းအတွက် ကောင်းပါတယ်။ အထူးသဖြင့် အဝလွန်သူတွေနဲ့ ဆီးချိုရှိသူတွေအတွက် ကောင်းပါတယ်။ လေ့ကျင့်ခန်းတွေကသင့်ရဲ့သွေးတွင်းကလူးကိုစ့်ကိုထိန်းပေးရုံသာမကနှလုံး၊ကြွက်သား၊ကိုယ်အလေးချိန်စတာတွေကိုပါ အကောင်းဘက်ရောက်စေပါတယ်။ သင့်လေ့ကျင့်ခန်း စလုပ်တော့မယ်ဆိုတည်းက သင်သွေးတွင်းကလူးကိုစ့် ကျပါတော့မယ်။ လေ့ကျင့်ခန်းမလုပ်ခင်၊ လုပ်နေစဉ်၊ လုပ်ပြီးမှတ်သားထားစရာလေးတွေ ရှိပါတယ်။

    လေ့ကျင့်ခန်းစ မလုပ်ခင်ရေးမှတ်ပါ

    သင့်ဆရာဝန်နဲ့သင့်အတွက် ဘယ်လေ့ကျင့်ခန်းက သင့်တော်လဲ ဆွေးနွေးပါ။ သင့်ရဲ့ကာဗိုဟိုက်ဒရိတ်စားသုံးမှု၊ ဆေးပမာဏ နဲ့ သွေးတွင်းက လူးကိုစ့် ကို အသေးစိတ်မှတ်ထားပါ။ ဒါမှသာ သင့်ကျန်းမာရေး တိုးတက်လာမှာပါ။

    သင့်သွေးတွင်းကလူးကိုစ့်ကိုတိုင်းပါ

    လေ့ကျင့်ခန်းမလုပ်ခင် သွေးတွင်းကလူးကိုစ့် ကို အရင်တိုင်းသင့်ပါတယ်။ ဒါကသင်လေ့ကျင့်ခန်း လုပ်နိုင်မလား၊ လေ့ကျင့်ခန်းက သင့်သွေးတွင်း ကလူးကိုစ့်ကိုကျစေနိုင်မလား သိနိုင်ဖို့အတွက်ပါ။ တကယ်လို့သင့်မှာ ဆီးချိုအမျိုးအစား (၁) ရှိနေတဲ့အခါသွေးနဲ့ဆီးထဲမှာ ကီတုန်းတွေများနေတဲ့အတွက် လေ့ကျင့်ခန်းလုပ်ဖို့ စိတ်မချရပါဘူး။ ဘာကြောင့်လဲဆိုတော့ ဒီအခြေအနေက သင့်ရဲ့ခန္ဓါကိုယ်ကို ဘေးဖြစ်စေတဲ့အပြင် တစ်ခါတစ်လေ အသက်ဘေးစိုးရိမ်ရတဲ့ diabetic ketoacidosis (DKA) လို့ခေါ်တဲ့ ကီတုန်းပမာဏများပြားသော အန ္တရယ် အခြေအနေတစ်ခုကိုပါဖြစ်စေနိုင်ပါတယ်။

    အစာမှန်မှန်စားပါ

    ဘာလေ့ကျင့်ခန်းပဲလုပ်လုပ် သင့်ရဲ့ကိုယ်က ကလူးကိုစ့်တွေကို အဓိကစွမ်းအင်အရင်းအမြစ်တွေအဖြစ် သုံးမှာပါ။ ဒါကြောင့်သင့်အစားအစာတွေမှာ ကာဗိုဟိုက်ဒရိတ်၊ပရိုတိန်းနဲ့အဆီတွေကို ညီညီမျှမျှ ပါဝင်အောင်ထိန်းညှိပြီးစားတာက လေ့ကျင့်ခန်းလုပ်နေစဉ် သွေးတွင်းကလူးကိုစ့် ရုတ်ချည်းကျသွားတာမျိုး မဖြစ်စေဖို့အကြံကောင်းပါ။

    လေ့ကျင့်ခန်းလုပ်နေစဉ်

    သင့်ရဲ့သွေးတွင်းကလူးကိုစ့် ကို၁၅မိနစ်ကနေ မိနစ်၃၀ခြားတစ်ခါတိုင်းတာခြင်းက လေ့ကျင့်ခန်းအတွက်သင့်သွေးတွင်း ကလူးကိုစ့် တည်ငြိမ်မှုရှိမရှိ သိနိုင်ပါတယ်။

    ကျန်းမာစေတဲ့မုန့်များဥပမာ- ကွတ်ကီး၊မြေပဲထောပတ်၊စတာတွေကို သင့်သွေးတွင်းကလူးကိုစ့် အလွန်ကျနေတယ်ထင်ရင်စားပါ။

    ရေများများသောက်ပါ၊ ရေဓါတ်ခန်းခြင်းက အားကစားလုပ်သူတွေအတွက် ခြိမ်းခြောက်မှုပါ။ ဒါကြောင့် လေ့ကျင့်ခန်းလုပ်ပြီးရင်တောင် ရေအများကြီး သောက်ဖို့လိုပါတယ်။ ရေဓါတ်ခန်းတာက သင့်ကိုနေမကောင်းစေရုံသာမက ဆီးချိုသွေးချိုကိုပါဆောင့်တက်စေပါတယ်။

    လေ့ကျင့်ခန်းလုပ်ပြီး

    သာမန်လေ့ကျင့်ခန်းလုပ်ပြီးရင်တောင် သင့်သွေးတွင်း ကလူးကိုစ့်ကိုအကြိမ်များစွာစစ်ဖို့လိုပါတယ်။ ဘာကြောင့်လဲဆိုတော့ဆီးချိုအမျိုးအစား(၁)ရှိသူတွေရဲ့ သွေးတွင်းကလူးကိုစ့်က လေ့ကျင့်ခန်းအပြီး ၄၈နာရီအတွင်း အမျိုးမျိုးပြောင်းလဲနိုင်လို့ပါ။

    လေ့ကျင့်ခန်းလုပ်ခြင်း၏ အကျိုးကျေးဇူးများ

    • ကြွက်သားနဲ့အရိုးသန်မာစေခြင်း
    • နှလုံးရောဂါနဲ့အချို့ကင်ဆာများဖြစ်နိုင်ချေ လျော့စေခြင်း
    • ဟန်ချက်ထိန်းနိုင်မှု၊ခွန်အားနှင့်သက်လုံကောင်းစေခြင်း
    • စွမ်းအင်မြင့်တင်ပေးခြင်း

    သင့်ကိုယ်ထဲကအင်ဆူလင်ကိုအလုပ်ကောင်း

    • ကောင်းလုပ်စေနိုင်ခြင်းကြောင့် သွေးတွင်းကလူးကိုစ့်ကို ထိန်းသိမ်းထားနိုင်ခြင်း
    • ကယ်လိုရီတွေလောင်ကျွမ်းစေခြင်းကြောင့် ကျန်းမာတဲ့ကိုယ်အလေးချိန်ရှိခြင်း၊စိတ်ဖိစီးမှုကို ထိန်းချုပ်နိုင်ခြင်း၊ ပျော်ရွှင်စေခြင်း

    သင့်ကို အသင်းအဖွဲ့ စိတ်ဓါတ်၊ပြိုင်ဆိုင်မှု စိတ်ဓါတ်နဲ့ ခွန်အားတွေပြည့်စေခြင်း

    သင့်နေထိုင်မှုပုံစံကို လေ့ကျင့်ခန်းတွေနဲ့ပြောင်းလဲခြင်းက တချို့လူတွေအတွက် အစပိုင်း ခက်ချင်ခက်နေလိမ့်မယ်။ လူအများစုကတော့ သူတို့လေ့ကျင့်ခန်းတွေကနေ အကျိုးကျေးဇူးတွေရရှိလာသောအခါ လေ့ကျင့်ခန်း ပြုလုပ်ရတာကိုချစ်မြတ်နိုး လာတယ်လို့ ဆိုကြပါတယ်။ ဒါပေမယ့်လည်း သင့်လုံခြုံမှုအတွက်ကတော့ သင့်နဲ့သင့်တော်မယ့်လေ့ကျင့်ခန်းကို ဆရာဝန်နဲ့ အရင်ဆွေးနွေးမှသာ သင်ပျော်ပျော်ရွှင်ရွှင် နေနိုင်မှာပါ။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Kyaw Thura Htun မှ ရေးသားသည်။ 12/05/2020 တွင် ပြန်လည်ပြင်ဆင်ခဲ့သည်။
    Dr. Thurein Hlaing Win မှ အချက်အလက် စစ်ဆေးထားပါသည်။