ဆီးချိုဖြစ်ရတဲ့အကြောင်းအရင်းနဲ့ ဆီးချိုရောဂါ အကြိုလက္ခဏာတွေက

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

ခေတ်စနစ်တွေတိုးတက်လာနေသလိုရောဂါဖြစ်ပွားမှုနှုန်းတွေကလည်း အဆက်မပြတ်တိုးလာနေပါတယ်။လေ့လာမှုစစ်တမ်းတွေအရ ကမ္ဘာတလွှားမှာ ဆီးချိုဝေဒနာခံစားနေရသူအရေအတွက်က သိသိသာသာကိုမြင့်တက်လာနေပါတယ်။ ဆီးချိုဝေဒနာက မျိုးဗီဇဖွဲ့စည်းမှု၊ မျိုးရိုးလိုက်တာ၊ ကျန်းမာရေးနဲ့ ပတ်ဝန်းကျင်ကအကြောင်းအရာတွေကြောင့်ဖြစ်နိုင်ပါတယ်။ ဆီးချိုရောဂါက လူတစ်ဦးချင်းစီနဲ့ ခံစားနေရတဲ့ ဆီးချိုအမျိုးအစားပေါ်မှာလိုက်ပြီး ကွာခြားနိုင်ပါတယ်။ အခုတစ်ခေါက် ဘာကြောင့် ဆီးချိုရောဂါဖြစ်ရတာလဲဆိုတာနဲ့ရောဂါလက္ခဏာတွေအကြောင်းပြောပြပေးချင်ပါတယ်။

ဆီးချိုဖြစ်ရတဲ့အကြောင်းအရင်းတွေက

အမျိုးအစား – ၁ ဆီးချိုရောဂါဘာကြောင့်ဖြစ်ရတာလဲ

ကိုယ်ခံအားစနစ်က ခန္ဓါကိုယ်အတွက် အင်ဆူလင်ထုတ်ပေးတဲ့ ပန်ကရိယဆဲလ်တွေကို ဖျက်ဆီးလိုက်တဲ့ အချိန်မှာ အမျိုးအစား – ၁ ဆီးချိုရောဂါဖြစ်လာရတာပါ။ ခန္ဓါကိုယ်က အင်ဆူလင်ပမာဏကို လုံလောက်အောင်မထုတ်နိုင်တဲ့အခြေအနေကြောင့် အမျိုးအစား – ၁ ဆီးချိုရောဂါစဖြစ်လာပါတယ်။

ခန္ဓါကိုယ်က အင်ဆူလင်မထုတ်နိုင်တော့တဲ့ အခြေအနေပါ။ အမျိုးအစား – ၁ ဆီးချိုရောဂါက အသက် ၄၀ မတိုင်ခင်မှာဖြစ်တာများပါတယ်။ ဆယ်ကျော်သက်အရွယ်မှာဖြစ်တာမျိုးလည်းရှိပါတယ်။ ဆီးချိုဝေဒနာရှင် အများစုရဲ့ ၁၀ ရာခိုင်နှုန်းက အမျိုးအစား – ၁ ဆီးချိုရောဂါရှင်တွေပါ။ အမျိုးအစား – ၁ ဆီးချိုဝေဒနာသည်တွေက အင်ဆူလင်ထိုးဖို့လိုအပ်မှာဖြစ်ပါတယ်။

အမျိုးအစား -၁ ဆီးချိုရောဂါဖြစ်ရတဲ့ အကြောင်းအရင်းတွေက –

  • ရောဂါပိုး ဒါမှမဟုတ် ဘက်တီးရီးယားပိုးကူးစက်ခံရတာ
  • အစားအသောက်တွေထဲမှာပါတဲ့ ဓါတုဆေးဝါးတွေ
  • မျိုးရိုးလိုက်တာ

အမျိုးအစား – ၂ ဆီးချိုရောဂါဘာကြောင့်ဖြစ်ရတာလဲ

အမျိုးအစား -၂ ဆီးချိုရောဂါဖြစ်စေနိုင်တဲ့ အကြောင်းအရင်းတွေအများကြီးရှိပါတယ်။ မိသားစုဝင်တစ်ဦးဦးမှာ အမျိုးအစား – ၂ ဆီးချိုရောဂါဖြစ်ဖူးတာကြောင့်ရောဂါခံစားရတာများပါတယ်။

မျိုးရိုးရှိတာကြောင့် အမျိုးအစား – ၂ ဆီးချိုရောဂါဖြစ်ရတာကအများဆုံးပါ။

အမျိုးအစား -၂ ဆီးချိုရောဂါဖြစ်ရတဲ့အကြောင်းအရင်းတွေကတော့-

  • အဝလွန်တာ
  • အထိုင်များတာ
  • အသက်အရွယ်ကြီးရင့်လာတာ
  • စားသောက်မှုပုံစံမမှန်တာ
  • ကိုယ်ဝန်ဆောင်တာ၊ နာမကျန်းဖြစ်တာ
  • သွေးတိုးရှိတာ
  • သွေးတွင်းကိုလက်စထရောများတာတွေကလည်း အမျိုးအစား – ၂ ဆီးချိုရောဂါဖြစ်နိုင်ခြေကိုတိုးစေနိုင်ပါတယ်။

ကိုယ်ဝန်ဆောင်ဆီးချို ဘာကြောင့်ဖြစ်ရတာလဲ

ကိုယ်ဝန်ဆောင် ဆီးချိုရောဂါဖြစ်ရတဲ့ အကြောင်းအရင်းကိုသေသေချာချာမသိရသေးပါဘူး။ ဒါပေမယ့် ဒီအချက်တွေကြောင့်တော့ ကိုယ်ဝန်ဆောင်ဆီးချိုရောဂါဖြစ်နိုင်ပါတယ်။

  • ကိုယ်ဝန်ဆောင်ဆီးချိုဖြစ်ဖူးတဲ့ မျိုးရိုးရှိနေတာ
  • အဝလွန်နေတာ
  • မျိုးဥအိမ်မှာ အလုံးအကျိတ်လေးတွေအများကြီးဖြစ်နေတာ
  • သန္ဓေသားရဲ့ ကိုယ်အလေးချိန်က ၉ပေါင်ကျော်နေတာတွေကြောင့် ကိုယ်ဝန်ဆောင်ဆီးချိုရောဂါဖြစ်နိုင်ပါတယ်။

ဆီးချိုရောဂါ အကြိုလက္ခဏာတွေက

အမျိုးအစား – ၂ ဆီးချိုရောဂါခံစားနေရသူတွေမှာ ဆီးချိုရောဂါ အကြိုလက္ခဏာတွေကို ခံစားရနိုင်ပါတယ်။သွေးတွင်း သကြားဓါတ်က ပုံမှန်ထက်မြင့်တက်နေပြီး ဆီးချိုဖြစ်နေပြီလို့ပြောရလောက်တဲ့အထိမြင့်တက်နေတာမျိုးမဟုတ်တာ။ ခန္ဓါကိုယ်က ဆဲလ်တွေက အင်ဆူလင်ကို ခုခံနိုင်စွမ်းများလာတာ။

လေ့လာမှုတွေအရ ဆီးချိုရောဂါအကြိုလက္ခဏာအဆင့်မှာသွေးကြောစနစ်တွေထိခိုက်ပျက်စီးတာနဲ့ နှလုံးထိခိုက်တာမျိုးဖြစ်နိုင်ပါတယ်။

အမျိုးအစား – ၁ ဆီးချိုရောဂါ နဲ့ အမျိုးအစား – ၂ ဆီးချိုရောဂါလက္ခဏာတွေက –

  • ဆီးခဏခဏသွားတာ
  • ရေအရမ်းငတ်တာ
  • ကိုယ်အလေးချိန်ကျလာတာ
  • ခဏခဏဆာတာ
  • ခြေကုန်လက်ပန်းကျတာ
  • အရေပြားပြဿာနာတွေခံစားရတာ
  • အနာကျက်နှေးတာ
  • မှိုပိုးကူးစက်တာ
  • ခြေဖျားလက်ဖျားတွေ ထုံကျဉ်တာ

ဆီးချိုရောဂါအကြိုလက္ခဏာ ဒါမှမဟုတ်ဆီးချိုဖြစ်တဲ့ လက္ခဏာတွေရှိနေပြီလို့ သံသယရှိတယ်ဆိုရင် ကျွမ်းကျင်တဲ့ ဆရာဝန်နဲ့ပြသပြီး ကုသမှုခံယူဖို့လိုအပ်မှာဖြစ်ပါတယ်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

    ရေဓာတ်ခန်းခြောက် ခြင်းက လူတိုင်းအတွက် မကောင်းပေမယ့် ဆီးချို နဲ့ ရောဂါအခံရှိသူတွေအတွက် ထိခိုက်မှုက ပိုများပါတယ်။ သေချာလေး ဂရုစိုက်ဖို့လိုပါမယ်။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    မုယော ရဲ့ကျန်းမာရေး အာနိသင်

    မုယော (malt) လို့ ပြောလိုက်ရင် အရင်ဆုံး ပြေးမြင်တာ ဘာလဲ။ malted milk လား။ မုယော အားဖြည့်အချိုရည်တွေလား .......................................

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

    အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်။ အုန်းသီးကတင် စားလို့ရပြီး ဆေးဖက်ဝင်တာ မဟုတ်ပါဘူး။ အုန်းလက်၊ အုန်းမြစ်တွေကရော ဘယ်လို ဆေးဖက်ဝင်တာလဲ။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    မျက်လုံး ဓာတ်မတည့်မှု ကို သက်သာစေမယ့် အိမ်တွင်းကုထုံး

    မျက်လုံး ဓာတ်မတည့်မှု ကို သက်သာစေမယ့် အိမ်တွင်းကုထုံး တွေက ဘာတွေများ ဖြစ်မလဲ။ မျက်လုံး ဓာတ်မတည့်မှုကို မြန်မြန် သက်သာစေနိုင်ဖို့အတွက် ......

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    သင့်အတွက် ရွေးချယ်ထားသည်

    ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

    ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် မတ် 12, 2021 . 2 mins read
    ဆီးချို နဲ့ အစားအသောက်ဆိုင်ရာ myths များစွာ

    ဆီးချို နဲ့ အစားအသောက်ဆိုင်ရာ myths များစွာ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် မတ် 11, 2021 . 2 mins read
    ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

    ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် မတ် 10, 2021 . 2 mins read
    ဆီးချိုရှိသူတွေ ကို ရေဓာတ်ဖြည့်ပေးမယ့် သောက်စရာ (၆) မျိုး

    ဆီးချိုရှိသူတွေ ကို ရေဓာတ်ဖြည့်ပေးမယ့် သောက်စရာ (၆) မျိုး

    ရေးသားသူ Aye Thi Mon
    ရေးသား ထုတ်ဝေခဲ့သည် မတ် 9, 2021 . 2 mins read