၃။ အသက်ရှူရခက်ခဲလာခြင်း (Acute respiratory distress syndrome)
Covid-19 ကြောင့် ခံစားရနိုင်တဲ့ ဝေဒနာတွေထဲမှာ အသက်ရှူခက်ခဲတဲ့ဝေဒနာလည်း ပါဝင်ပါတယ်။ အဆုတ်တွေ ပြင်းပြင်းထန်ထန်ထိခိုက်သွားတဲ့အတွက် ပုံမှန်အတိုင်းအသက်ရှူဖို့တောင် ရုန်းကန်လာရနိုင်ပါတယ်။ ဒီလိုအခြေအနေနဲ့ကြုံရရင် ventilator ခေါ်တဲ့ အသက်ရှူအထောက်အကူပြုစက် တပ်ဖို့လိုအပ်လာပါပြီ။
Covid-19 ရောဂါဆိုးဆိုးဝါးဝါးခံစားရသူတွေမှာ အသည်းပါထိခိုက်ပျက်စီးနိုင်တာကို တွေ့ရှိရပါတယ်။ ကိုရိုနာဗိုင်းရပ်စ်က အသည်းကိုတိုက်ရိုက်တိုက်ခိုက်လို့ အသည်းပျက်စီးတာလား၊ တခြားအချက်တွေကြောင့်လား ဆိုတာတော့ လက်ရှိအချိန်ထိ လေ့လာနေဆဲဖြစ်ပါတယ်။ ရုတ်တရက်အသည်းပျက်စီးခြင်းနဲ့ အသည်းပုံမှန်အတိုင်း အလုပ်မလုပ်နိုင်တဲ့အခြေအနေတွေက အသက်အန္တရာယ်စိုးရိမ်ရပါတယ်။
တရုတ်နိုင်ငံမှာ Covid-19 ကြောင့်ဆေးရုံတက်ပြီးကုသမှုခံယူလိုက်ရသူတချို့မှာ နှလုံးခုန်မြန်ခြင်းလို နှလုံးပြဿနာတချို့ ပေါ်လာတာတွေ့ရပါတယ်။ နောက်ပြီး အမေရိကန်နိုင်ငံမှာ Covid-19 ကူးစက်ခံရသူတွေကို ပြုလုပ်ခဲ့တဲ့ သုတေသနတွေမှာလည်း Covid-19 နဲ့ဖျားနာနေသူတွေမှာ နှလုံးပြဿနာ တွေထပ်ပေါ်ပေါက်လာတာကိုတွေ့ရှိခဲ့ရပါတယ်။ ဒါပေမဲ့ Covid-19 ရောဂါက ရောဂါအသစ်ဖြစ်ပြီး သုတေသနတွေလည်း လုပ်ဆောင်ဆဲဖြစ်တာမို့ ဗိုင်းရပ်စ်က နှလုံးကို ဘယ်နည်းနဲ့ထိခိုက်စေသလဲဆိုတာ လေ့လာနေဆဲပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။