ကိုယ်၀န်ရနိုင်ခြေများမများ(အရေးပေါ်တားဆေးသောက်ဖို့လိုမလို)
July 16ရက်နေ့မှာ ကွန်ဒုံးသုံးပြီးအတူ နေပါတယ်ဗျ အရေးပေါ်တားဆေးလည်းသောက်လိုက်ပါတယ် July 22မှာ ရာသီလာပါတယ် 4ရက်ကြာပါတယ်ဗျ ရာသီလာရက်ကတော့ပုံမှန်မရှိပါဘူးဗျ အရင်လက 45ရက်ကြာပြီး ဒီလ 21ရက်ထဲနဲ့လာတာပါ ရာသီလာပြီးခြောက်ရက် အကြာ July 27ရက်နေ့မှာ ကွန်ဒုံးသုံးပြီးအတူထပ်နေပါတယ် ကွန်ဒုံးပေါက်တာတွေချော်တာတွေတော့မရှိပါဘူးဗျ ဒါပေမဲ့ ကိုယ်၀န်မရအောင်သေချာဖို့ အရေးပေါ်တားဆေးသောက်ဖို့လိုမလို သိချင်ပါတယ်ဗျ အရင်သောက်ထားတဲ့ရက်နဲ့ 10ရက်ဘဲခြားတဲ့အတွက်ကျန်းမာရေးကိုလည်းထိမှာစိုးရိမ်လို့ပါ အရေးပေါ်တားဆေးမသောက်ဘဲနေလိုက်ရင်လည်း ကွန်ဒုံးတစ်မျိုးတည်းအသုံးပြုထားတဲ့အတွက် ကိုယ်၀န်ရနိုင်ခြေ များမများသိချင်ပါတယ်ဗျ
ကွန်ဒုံးက သေချာသုံးထားရင်တော့ ကိုယ်ဝန်ရနိုင်ခြေ နည်းပါတယ်။ အရေးပေါ်တားဆေးသောက်မယ်ဆိုလည်း သောက်လို့ ရပါတယ်။
အရေးပေါ်တားဆေးတွေက ရာသီမမှန်တာ၊ မလာတာ၊ ပုံမှန်မဟုတ်တဲ့ သွေးဆင်းတာ စတဲ့ ဘေးထွက်ဆိုးကျိုးတွေ ရှိတတ်ပါတယ်။ ဒါ့ပြင် ရင်သားတင်းတာ၊ ပျို့အန်ချင်တာ၊ ခေါင်းမူးတာ၊ နေထိုင်မကောင်းတာလည်း ဖြစ်တတ်ပါတယ်။
ဒါတွေက အသက်အန္တရာယ်မရှိပါဘူး။ မလိုချင်ဘဲ ကိုယ်ဝန်ရသွားတာထက်စာရင်တော့ တော်ပါသေးတယ်။