သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

null

သင့်တွင်အတက်ရောဂါရှိပါက ဘယ်လိုတက်တက်ကြွကြွနေထိုင်မလဲ။

    သင့်တွင်အတက်ရောဂါရှိပါက ဘယ်လိုတက်တက်ကြွကြွနေထိုင်မလဲ။

    ယေဘုယျအားဖြင့်ဆိုရလျှင် လေ့ကျင့်ခန်းလုပ်ခြင်းဟာ လူတိုင်းအတွက်ကောင်းပါတယ် ။ လေ့ကျင့်ခန်းပုံမှန်လုပ်ခြင်းဟာ ကြံ့ခိုင်မှု ၊ စွမ်းအင်များနဲ့ စိတ်ဓါတ်အင်အားများကို တိုးမြှင့်ပေးပြီး စိတ်ဖိစီးမှုများကို သက်သာစေပါတယ် ။

    ဒါ့အပြင် အတက်ရောဂါများနဲ့တက်ခြင်းရဲ့ဆိုးကျိုးများမှသက်သာစေပြီး တစ်ကိုယ်လုံးရဲ့ကျန်းမာရေးကိုကောင်းစေပါတယ်။

    တက်ခြင်းနှင့် လေ့ကျင့်ခန်းများ ။

    လေ့လာမှုတွေအရ အတက်ရောဂါရှိတဲ့သူတွေဟာ လေ့ကျင့်ခန်းလုပ်နေစဉ်မှာတက်တာကို တွေ့ရခဲပါတယ် ။ ဒါ့အပြင် လေ့ကျင့်ခန်းလုပ်တဲ့သူတွေဟာ ဦးနှောက်ထဲရှိ တက်စေတာကို ထိန်းချုပ်နိုင်ကြပါတယ် ။

    ဒါဟာ ဘာကြောင့်လဲဆိုတော့ လေ့ကျင့်ခန်းလုပ်နေစဉ်မှာ EEG ပေါ်တွင် ပုံမမှ်ခြင်းများဟာသိသိသာသာလျော့နည်းလာပြီး တက်စေတာကို လျော့နည်းစေပါတယ် ။

    ခန္ဓါကိုယ်နှင့် စိတ်ဓါတ်ကြံ့ခိုင်မှုများဟာ တက်ခြင်းကို လျော့နည်းစေပါတယ် ။ လေ့ကျင့်ခန်းပုံမှန်လုပ်ခြင်းဟာသင့်ကိုနေထိုင်ကောင်းစေပြီး တက်ခြင်းကိုထိန်းချုပ်ရာတွင်တိုးတက်လာစေပါတယ် ။

    အလားတူပင် တက်ခြင်းရဲ့ဆိုးကျိုးများဖြစ်တဲ့ကြွက်သားများနာကျင်ခြင်း ၊ အိပ်ရေးပျက်ခြင်း ၊ စိတ်ဓါတ်ကျခြင်းနှင့် ပင်ပန်းနွမ်းနယ်မှုများမှလည်း သက်သာစေပါတယ် ။

    လေ့ကျင့်ခန်းမလုပ်ခြင်းကြောင့် ဖြစ်တတ်တဲ့ရောဂါတွေဖြစ်တဲ့ နှလုံးနှင့်သွေးလမ်းကြောင်းရောဂါများ ၊ ဆီးချိုသွေးချို နှင့် သွေးပေါင်တက်ခြင်းဟာ တက်ခြင်းကို အချိန်မရွေးပိုပြီးဆိုးဝါးစေပါတယ် ။

    လေ့ကျင့်ခန်းလုပ်ရာတွင်စိတ်ချရမည့် မှတ်စုများ။

    လေ့ကျင့်ခန်းမလုပ်ခင်တွင် စဉ်းစားသင့်တဲ့စိတ်ချရစေမယ့်အချက်အချိုရြှိပါတယ် ။

    – လေ့ကျင့်ခန်းအသစ်တွေမလုပ်ခင်မှာသင်ဟာဆရာဝန်ကိုအရင်တိုင်ပင်သင့်ပါတယ် ။

    – တက်ခြင်းကိုပိုဆိုးစေတဲ့အကြောင်းအရာများကို သိရှိနားလည်၍ ထိုအရာများမှရှောင်ကျဉ်ရပါမည် ။

    – ညွှန်ကြားထားတဲ့အတိုင်းဆေးကိုသောက်သုံးရပါမယ် ။

    – ရေများများသောက်ရန်လည်းသတိရနေပါစေ ။ သကြားပါတဲ့စားစရာ ၊သောက်စရာတွေကိုလည်းစားသုံးသင့်ပါတယ် ။

    – သင်ဟာ မူးကနဲမိုက်ကနဲဖြစ်ခြင်း ၊ ပျို့ချင်အန်ချင်ခြင်း သို့ရေဓါတ်ခန်းခြောက်နေသလိုမျိုးခံစားရလျှင် လေ့ကျင့်ခန်းလုပ်တာကိုရပ်ရပါမယ် ။

    – သင့်ကိုယ်သင် ဝန်မပိစေရန် သင်လုပ်နိင်တဲ့ပမာဏကိုသိရှိရပါမယ်။

    – ရေနှင့်ပတ်သတ်သောအားကစားနည်းများတွင်သင်ပါဝင်လျှင်နှဖူးအကာ ၊ ဒူးအကာ နှင့် အသက်ကယ်အင်္ကျီကဲ့သို့သောအကာအကွယ်ပေးသည့်ပစ္စည်းများကို ဝတ်ဆင်ရပါမယ် ။

    – အားကစားလုပ်ရန် ၊ ၊ လမ်းလျှောက်ရန် အပြင်သွားတဲ့အခါ မိသားစုဝင်များ သို့ သူငယ်ချင်းများကို သတိပေးသွားရပါမယ် ။

    ဘယ်လိုလေ့ကျင့်ခန်းမျိုးတွေသင်လုပ်နိုင်သလဲ။

    လူအများစုအတွက်အလွယ်ကူဆုံးနဲ့စိတ်အချရဆုံးကတော့ gym တစ်ခုတွင်ကစားခြင်း သို့အနှေးလမ်းလျှောက်ခြင်း ပဲဖြစ်ပါတယ် ။ ယောဂ ၊ထိုက်ကျိ လေ့ကျင့်ခန်းများဟာလည်း လုပ်ရန်ကောင်းမွန်သင့်တော်ပါတယ် ။ သင်ဒါတွေကိုစိတ်မဝင်စားဘူးဆိုရင်တော့ ရေကူးခြင်း ၊ ကြက်တောင်ရိုက်ခြင်း ၊ ဘတ်စကတ်ဘောကစားခြင်းစတဲ့အခြားအရာများကို စဉ်းစားသင့်ပါတယ် ။

    သို့သော်ဆိုင်ကယ်စီးခြင်း၊ မြင်းစီးခြင်း ၊ ကိုယ်ကာယအလေးကစားခြင်း ၊ စကိတ်စီးခြင်း ၊ တစ်ယောက်တည်းရေကူးခြင်း ၊ ဒိုင်ဗင်ပစ်ခြင်း ၊ အမြင့်ခုန်ခြင်း ၊လက်ဝှေ့ထိုးခြင်းတို့ပြုလုပ်ချင်ပါက ဆရာဝန်ရဲ့အကြံဉာဏ်ကိုအရင်တောင်းရပါမယ် ။

    အတက်ရောဂါရှိခြင်းဟာ ဒီအားကစားတွေမှာမပါဝင်နိုင်တော့တာမဟုတ်ပါဘူး ။ တက်ခြင်းဟာထိနိးချုပ်ဖို့ခက်ခဲတယ်ဆိုတာသိလာတာနဲ့အမျှ ဘာကသင့်အတွက်အသင့်တော်ဆုံးလဲဆိုတာ သင်သိလာပါလိမ့်မယ် ။ သင်လုပ်ချင်တဲ့လေ့ကျင့်ခန်းတွေအတွက်ဆရာဝန်နဲ့တိုင်ပင်ရပါမယ် ။

    လုံလုံလောက်လောက်စီစဉ်မှုတွေ၊ ရှောင်ရန်ဆောင်ရန်တွေကိုသိထားပြီးရင်တော့ အားကစားတော်တော်များများမှာပါဝင်နိုင်ပါပြီ ။ သင့်သူငယ်ချင်းများ သို့ မိသားစုဝင်များနှင့် အတူတူရှိနေရင်တော့ ပိုကောင်းပါလိမ့်မယ် ။

    ဒါပေမယ့် သင်ဟာတစ်ယောက်တည်းရှိနေရင်တော့…

    သင်တက်တတ်တဲ့အကြောင်းကို သင့်ရဲ့နည်းပြ ၊ကစားဖော်တွေကိုပြောပြထားရပါမယ် ။

    သင်တက်တဲ့အခါမှာသူတို့ဘာလုပ်ရမလဲဆိုတာလည်းပြောပြထားရပါမယ် ။

    သင်အပြင်သွားတဲ့အခါ လိုအပ်တဲ့ဆေးဝါးများ သို့မဟုတ် ရှေးဦးပြုစုရန်ပစ္စည်းများကိုယူဆောင်သွားရပါမယ် ။

    Hello Health Grouop သည် ကျန်းမာရေးဆိုင်ရာအကြံပေးခြင်း ၊ရောဂါရှာဖွေခြင်းနှင့် ကုသခြင်းတို့ကို မပြုလုပ်ပေးပါ ။

    health-tool-icon

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Phyo Wai Yan မှ ရေးသားသည်။ 12/05/2020 တွင် ပြန်လည်ပြင်ဆင်ခဲ့သည်။
    Dr. Kaung Thar မှ အချက်အလက် စစ်ဆေးထားပါသည်။