ဘာလို့ အဖြူဆင်း ရတာလဲ၊ နောက်ဆက်တွဲ ဘာပြဿနာတွေ ရှိနိုင်လဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇန်နဝါရီ 22, 2021 . 2 mins read
Share now

ပုံမှန်မဟုတ်တဲ့ အဖြူဆင်း ခြင်းက ဘာကြောင့်ဖြစ်ရတာလဲ

မိန်းမကိုယ်မှာရှိတဲ့ အကျိုးပြုဘက်တီးရီးယားလေးတွေပမာဏထိန်းညှိမှုမှာ တစ်ခုခုပြောင်းလဲမှုရှိလာတာနဲ့ အဖြူဆင်းခြင်းရဲ့ အနံ့၊အရေင်နဲ့ အနေအထား(ဥပမာ – ပျစ်ချွဲမှုအတိုင်းအတာ)တို့ကို သက်ရောက်မှုရှိနိုင်ပါတယ်။ ဒီလိုအပြောင်းအလဲဖြစ်စေနိုင်တဲ့ အချက်တွေကတော့ –

  • ပဋိဇီဝပိုးသတ်ဆေး ဒါမှမဟုတ် စတီးရွိုက်ဆေးသုံးစွဲခြင်း
  • ဘက်တီးရီးယားကြောင့်မိန်းမကိုယ်ရောင်ရမ်းခြင်း(Bacterial vaginosis)
  • မိန်းမကိုယ် မှိုပိုးဝင်ခြင်း
  • သွေးဆုံးခြင်း
  • သန္ဓေတားဆေး
  • သားအိမ်ခေါင်းကင်ဆာ
  • ဆီးပူညောင်းကျရောဂါ အပါအဝင် လိင်မှတဆင့်ကူးစက်တတ်တဲ့ရောဂါတွေ
  • ဆီးချိုရောဂါ
  • အမွှေးနံ့ပြင်းတဲ့ ဆပ်ပြာ၊ လိုးရှင်းတွေ၊ရေချိုးဆပ်ပြာတို့နဲ့ဆေးကြောခြင်းတို့ပါဝင်ပါတယ်။

နောက်ဆက်တွဲဘာပြဿနာတွေဖြစ်နိုင်လဲ

အဖြူဆင်းတာ သက်သက်တော့ရောဂါမဟုတ်ပေမယ့်နောက်ခံကျန်းမာရေးပြဿနာတစ်ခုခုရဲ့လက္ခဏာဖြစ်နေနိုင်ပါတယ်။ အဖြစ်များတဲ့ မှိုပိုးဝင်ခြင်းကအစ ကင်ဆာရောဂါအထိဖြစ်နိုင်ပါတယ်။ ဥပမာဆီးပူညောင်းကျရောဂါ အပါအဝင် လိင်မှတဆင့်ကူးစက်တတ်တဲ့ရောဂါတွေဆိုရင်သေချာမကုသရင် ဆိုးရွားတဲ့အခြေအနေတွေဖြစ်လာနိုင်ပြီး အသက်ဆုံးရှုံးရတဲ့အထိဖြစ်နိင်ပါတယ်။ မိန်းမကိုယ်ရောဂါပိုးဝင်ခြင်းတွေကိုသေချာမကုသရင် ကိုယ်ဝန်ကိုပါထိခိုက်နိုင်တာ၊ သားအိမ်နဲ့ သားဥပြွန်တွေအထိရောဂါပိုးပြန့်သွားနိုင်တာ၊ တင်ပါးဆုံအောင်ပိုင်းရောင်ရမ်းခြင်းတို့အပြင် ကလေးရဖို့ခက်တာတွေအထိဖြစ်နိုင်တယ်။

ဘယ်လိုကုမလဲ၊ ကာကွယ်မလဲ

ကုသတဲ့နည်းလမ်းကတော့ဖြစ်ရတဲ့အကြောင်းရင်းကိုမူတည်ပါလိမ့်မယ်။ ဥပမာ မှိုပိုးဝင်ခြင်းဆိုရင် မိန်းမကိုယ်အတွင်းကိုတိုက်ရိုက်သုံးဖို့ မှိုပိုးသတ်ဆေးခရင်မ် သို့မဟုတ် ဂျယ်လ်တစ်မျိုးမျိုး ဆရာဝန်က ညွှန်လေ့ရှိပါတယ်။ မိန်းမကိုယ်ရောင်ရမ်းခြင်းအတွက်တော့ ပဋိဇီဝပိုးသတ်ဆေးသောက်ဆေး သို့မဟုတ် ခရင်မ်တွေ ညွှန်းတတ်ပါတယ်။

မိန်းမကိုယ်ပိုးဝင်ခြင်းကို ကာကွယ်နိုင်ဖို့ အဓိကအားဖြင့် ဒီအချက်တွေကို ဂရုစိုက်တာကောင်းပါလိမ့်မယ် –

  • မိန်းမကိုယ်သန့်ရှင်းရေးအတွက် သီးသန့်ထုတ်လုပ်တဲ့ အမျိုးသမီးသန့်စင်ဆေးရည်သုံးပါ။
  • ဆပ်ပြာမသုံးပါနဲ့။ ကိုယ်တိုက်ဆပ်ပြာမွှေးတွေ၊ရေချိုးဆပ်ပြာရည်တွေနဲ့ မိန်းမကိုယ်ကို မဆေးကြောပါနဲ့။
  • ရေမှန်မှန်ချိုးပါ။ တစ်ကိုယ်ရေသန့်ရှင်းမှုကို ဂရုစိုက်ပါ။
  • အတွင်းခံမှန်မှန်လဲပါ။
  • ခြောက်သွေ့ပြီးလေဝင်လေထွက်ကောင်းစေဖို့အတွက် ချည်သားအတွင်းခံကိုပဲရွေးချယ် ဝတ်ဆင်ပါ။
  • မိန်းမကိုယ်ကို ရောဂါပိုးတွေရောက်မလာစေဖို့ သန့်စင်ခန်းသွားလို့ရေသုံးတဲ့အခါပဲဖြစ်ဖြစ်၊ တစ်သျှူးသုံးတဲ့အခါပဲဖြစ်ဖြစ် အရှေ့ဘက်ကနေ အနောက်ဘက်ကိုပဲဆေးကြောသန့်စင်ပါ။
  • အဝတ်အစားတွေ၊ အထူးသဖြင့် အတွင်းခံနဲ့ဘောင်းဘီတွေကို သိပ်ကျပ်စည်းအောင်မဝတ်ပါနဲ့။ချွေးထွက်ပိတ်လှောင်ပြီး ပွန်းတာ၊လောင်တာ၊ မှိုပိုးဝင်တာ၊ ယားတာတွေဖြစ်လာနိုင်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုယ်ဝန်မြန်မြန်ရနိုင် စေဖို့ နည်းလမ်းကောင်းများ

ကိုယ်ဝန်မြန်မြန်ရနိုင် ပါ့မလား၊ ရတဲ့ ကိုယ်ဝန်လေးကလည်း ကျန်းမာပါ့မလားဆိုရင်တော့ ဒီအချက်တွေကို ကိုယ်ဝန်ဆောင်မယ့် မေမေသာမက အမျိုးသားပါ လိုက်နာဖို့လိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
Uncategorized ဇန်နဝါရီ 18, 2021 . 2 mins read

အမျိုးသမီးတွေမှာဖြစ်တတ်တဲ့ ကျန်းမာရေးပြဿနာများ

အမျိုးသမီးတွေမှာ ခံစားရနိုင်ခြေများနေတဲ့ ကျန်းမာရေးပြဿနာတွေက ရင်သားကင်ဆာ၊ သားအိမ်ကင်ဆာ၊ သွေးဆုံးတာ၊ ကိုယ်ဝန်ဆောင်တာတွေပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

လေဒီတို့ ခံစားရနိုင်တဲ့ တင်ပါးဆုံပြဿနာ အဖုံဖုံ

တင်ပါးဆုံဆိုတာက  ဝမ်းဗိုက်အောက်ဘက်နားမှာရှိတဲ့ ဇလုံလို ခပ်ခွက်ခွက် အစိတ်အပိုင်းပါ။ ကျောရိုးကို ထောက်ကန်ပေးထားပြီး အတွင်းအင်္ဂါကို ကာကွယ်ပေးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မိန်းမကိုယ်မှာပေါက်တဲ့ ဝက်ခြံ သက်သာစေဖို့

မိန်းမကိုယ်မှာ ဝက်ခြံပေါက်တာက လေဒီလေးတွေအတွက် အတော်လေး ခံရခက်တဲ့ ကိစ္စတစ်ခုပါ။ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အချစ်ကပေးတဲ့ဒါဏ်ရာ (သို့) ချစ်တင်းနှောရင်းရနိုင်တဲ့ ဒါဏ်ရာအနာတရတွေ

အချစ်ကပေးတဲ့ဒါဏ်ရာ (သို့) ချစ်တင်းနှောရင်းရနိုင်တဲ့ ဒါဏ်ရာအနာတရတွေ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
ဆယ်ကျော်သက်အရွယ် သားသားမီးမီးတို့ အကြောင်း

ဆယ်ကျော်သက်အရွယ် သားသားမီးမီးတို့ အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read

ဆီးလမ်းကြောင်း ပိုးဝင်ခြင်းရဲ့ ရောဂါလက္ခဏာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 2, 2021 . 2 mins read
ဘေဘီလေးက ကြက်သွန်ဖြူစားလို့ရလား..............

ဘေဘီလေးက ကြက်သွန်ဖြူ စားလို့ရလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 18, 2021 . 2 mins read