အပျိုဖော်၊လူပျိုဖော်ဝင်ချိန် ခန္ဓါကိုယ်က ဘယ်လိုပြောင်းလဲလာမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

အပျိုဖော်/လူပျိုဖော်ဝင်လာပြီဆိုရင် ယောက်ျားလေး တွေရော မိန်းကလေးတွေမှာပါ ရုပ်ပိုင်းဆိုင်ရာ၊ စိတ်ပိုင်းဆိုင်ရာပြောင်းလဲမှုတွေဖြစ်လာတဲ့အခါ ကိုယ့်ခန္ဓါကိုယ်မှာဖွံ့ဖြိုးလာတာတွေက ပုံမှန်ဟုတ်ရဲ့လားဆိုတာကို အများစုက သိပ်မသိကြပါဘူး။

အောက်ပါဆောင်းပါးက မိန်းကလေးနဲ့ယောက်ျားလေးခန္ဓါကိုယ်မှာ ပျိုဖော်ဝင်ချိန်ဖြစ်လာမယ့် အပြောင်းအလဲတွေကို ဆွေးနွေးဖော်ပြမှာဖြစ်ပါတယ်။

ပျိုဖော်ဝင်ခြင်းအစ

အသက် ၈ နှစ်နဲ့ ၁၃နှစ်ကြားအရွယ်မှာ ပျိုဖော်ဝင်ခြင်းစတင်ပါတယ်။ ပျိုဖော်ဝင်ပြောင်းလဲ လာတဲ့ကာလက နှစ်အနည်းငယ်ကြာနိုင်တဲ့အပြင် ကိုယ်အလေးချိန်များတဲ့ မိန်းကလေးတွေမှာ ပျိုဖော်ဝင်စောနိုင်ပြီး အရမ်းပိန်တဲ့ ဒါမှမဟုတ် အားကစားလုပ်တဲ့မိန်းကလေးတွေမှာ နောက်ကျတတ် ပါတယ်။

သင်က အသက် ၁၂နှစ်ပြည့်ပြီးသူဖြစ်ပြီး ရင်သားဖွံ့ဖြိုးမှုလက္ခဏာရှိမလာရင်၊ ဒါမှမဟုတ် သင့်အသက် ၁၅နှစ်ပြည့်ပြီး ရာသီသွေးမပေါ်ဖူးသေးရင် ဆေးရုံသွားပြီး ရောဂါရှာဖွေ၊ဆေးစစ်ကာ အကြံဉာဏ် ရယူဖို့လိုပါတယ်။

မိန်းကလေးတွေမှာဖြစ်လာတဲ့အပြောင်းအလဲများ

  • ခန္ဓါကိုယ်ဖွံ့ထွားလာပြီး တင်ပါးဆုံရိုးတွေ ပြန့်ကားလာပါလိမ့်မယ်။
  • မိန်းကလေးတွေက ကိုယ်အလေးချိန်တက်လာမှာဖြစ် ပြီး အထူးသဖြင့် တင်ပါးတဝိုက်မှာ ဖွံ့ဖြိုးလာပါမယ်။ ဒီအချက်မှာ ကိုယ်အလေးချိန်တိုးလာတာ မကောင်းဘူး လို့ မယူဆသင့်ပါဘူး။ တကယ်တော့ လုံးဝ ကိုယ်အလေးချိန်တက်မလာဘူးဆိုမှ မကျန်းမာဘူးလို့ ယူဆရတာဖြစ်ပါတယ်။ သင့်အနေနဲ့ ခန္ဓါကိုယ်ကျန်းမာစွာ ကြီးထွားဖွံ့ဖြိုးနိုင်ဖို့ အာဟာရပြည့်ဝတဲ့အစားအသောက်တွေကိုစားပြီး ကိုယ်လက်လေ့ကျင့်ခန်းလုပ်ပေးဖို့ပဲ လိုပါတယ်။
  • ရင်သားတွေကြီးလာပါလိမ့်မယ်။ အစပိုင်းမှာတော့ နို့သီးခေါင်းဧရိယာအောက်နားမှာအနည်းငယ်ဖောင်းလာပြီး နောက်မှ ရင်သားတစ်ခုလုံး ကြီးထွားလာမှာဖြစ်ပါ တယ်။
  • ရာသီသွေးစလာပါမယ်။
  • ကြွက်သားတွေဖွံ့ဖြိုးလာပါမယ်။ ဒါပေမယ့် ယောကျာ်းလေးတွေမှာလောက်တော့ မသိသာပါဘူး။
  • မိန်းမကိုယ် ကနေ အဖြူရောင်ကျိချွဲချွဲတွေဆင်းလာတာ သတိထားမိလာနိုင်ပါတယ်။ ရာသီမလာခင် ဒါမှမဟုတ် ရာသီလာနေစဉ်အတွင်း ဒီလိုဖြစ်လာနိုင်ပေမယ့် မိန်းမကိုယ်က အလိုအလျောက်သန့်စင်ပေး တဲ့နည်းဖြစ်တာကြောင့် စိုးရိမ်စရာမရှိပါဘူး။
  • သင့်ခန္ဓါကိုယ်က မတူကွဲပြားတဲ့ ဟော်မုန်းအမျိုးအစားများစွာထုတ် ပေးမှာဖြစ်တာကြောင့် သင့်စိတ်ကို မကြာခဏ အပြောင်းအလဲမြန်စေပါလိမ့်မယ်(စိတ်အတက်အကျ မြန်ပါတယ်)။

ယောကျာ်းလေးတွေမှာ ဖြစ်လာနိုင်တဲ့ အပြောင်းအလဲများ

  • ကိုယ်အလေးချိန်နည်းနည်းတက်လာမယ်
  • ပခုံးတွေကျယ်လာမယ်
  • ကြွက်သားတွေဖွံ့ဖြိုးလာ၊ ပိုကြီးထွားလာ၊ သန်မာလာ မယ်။
  • လည်စေ့က ပိုထင်ရှားလာတာကိုလည်းသတိထားမိ ပါလိမ့်မယ်။ အသံအိုးကလည်း ပိုကြီးလာပြီး အသံက ပြောင်းလဲလာနိုင်ပါတယ်။ အသံအိုးဖွံ့ဖြိုးလာချိန်အတွင်း အသံခပ်သြသြဖြစ်လာနိုင်ပါတယ်။ ဒါပေမယ့် ကိုယ်ခန္ဓါဖွံ့ဖြိုးမှုကာလ ကျော်လွန်သွားတာနဲ့ သင့်အသံကပုံမှန်ဖြစ်သွားမှာ ဖြစ်တဲ့အပြင် အနည်းငယ်တောင် သြသွားနိုင်ပါတယ်။
  • လိင်တံတောင့်တင်းခြင်းစတင်ဖြစ်ပေါ်လာနိုင်ပါတယ်။ အနည်းငယ်ရှက်ရွံ့ဖွယ်ကောင်းနိုင်ပေမယ့် သဘာဝတရားပါပဲ။
  • လိင်အင်္ဂါက ပိုရှည်လာ၊ကြီးလာမယ်
  • ဝှေးစေ့တွေက ပိုကြီးလာမယ်
  • ရင်သားတွေလည်း အနည်းငယ်ပိုကြီးလာသလို ထင်ရမယ်။ ဒါကလည်းသဘာဝကြောင့်ပါပဲ။ ဒါပေမယ့် ရပ်တန့်သွားပါလိမ့်မယ်။ တကယ်လို့ သင့်ရင်သားက မိန်းကလေးတွေလောက်နီးနီးဖွံ့ဖြိုးလာတာဆိုရင်တော့ ရောဂါရှာဖွေဆေးစစ်မှုခံယူပြီး ကျွမ်းကျင်ဆရာဝန်ထံမှ အကြံဉာဏ်တောင်းပါ။

ပျိုဖော်ဝင်ချိန်ဟာ တကယ်တော့ ကြုံရမယ့် စိန်ခေါ်မှု တွေ အများကြီးရှိပါတယ်။ ဒါပေမယ့် သဘာဝအတိုင်း ဖြစ်လာတဲ့ကိစ္စဖြစ်လို့ ရှက်နေစရာလည်း မလိုပါဘူး။

Translated by Yun Sandi

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    နောက်ဆို လစဉ်အမြဲကြုံရမယ့် ရာသီပန်းကိစ္စအတွက် ညီမလေးတို့ ကြိုသိထားဖို့

    အပျိုဖော်ဝင်ချိန် ဖွံ့ဖြိုးမှု ဆယ်ကျော်သက်အရွယ် ရာသီသွေးပေါ်ခြင်း အက်စထရိုဂျင်ဟော်မုန်း သုက်ကောင် သားအိမ်နံရံအမြှေး အကိုက်အခဲပျောက်ဆေး လစဉ်သုံးပစ္စည်း ရာသီလာချိန်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Yun Sandi Nan Mon

    ကိုယ့်ကလေး လူပျိုဖော်ဝင်တာ နောက်ကျလို့ စိတ်ပူနေပြီလား

    လူသားတိုင်း မဖြစ်မနေ ကျော်ဖြတ်ရမယ့် ဘဝအချိန်တွေထဲမှာ လူပျိုဖော်၊ အပျိုဖော်ဝင်ကာစ ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    သင့်အတွက် ရွေးချယ်ထားသည်

    အမျိုးသားတွေ သွေးဆုံးနိုင်သလား။

    အမျိုးသားတွေ သွေးဆုံးနိုင်သလား။

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Htet Htet Zaw Win
    ရေးသား ထုတ်ဝေခဲ့သည် ဇူလိုင် 1, 2020 . 2 mins read
    သမီးလေးက ရာသီမလာသေး ဘူးလား။

    သမီးလေးက ရာသီမလာသေး ဘူးလား။

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Htet Htet Zaw Win
    ရေးသား ထုတ်ဝေခဲ့သည် ဇွန် 7, 2020 . 2 mins read
    အရပ်ရှည်ဖို့ လေ့ကျင့်ခန်းလုပ်စို့။

    အရပ်ရှည်ဖို့ လေ့ကျင့်ခန်းလုပ်စို့။

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Aye Thi Mon
    ရေးသား ထုတ်ဝေခဲ့သည် ဇွန် 2, 2020 . 2 mins read

    ရာသီသွေးဆုံးချိန်အကြောင်း သိမှတ်ဖွယ်ရာများ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Zon Aung
    ရေးသား ထုတ်ဝေခဲ့သည် ဖေ‌ဖော်ဝါရီ 17, 2020 . 4 mins read