သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ကျောင်းနေအရွယ်မတိုင်ခင် ကလေးများကို အနုပညာတစ်ခုခု သင်ပေးပါ

ကျောင်းနေအရွယ်မတိုင်ခင် ကလေးများကို အနုပညာတစ်ခုခု သင်ပေးပါ

ကျောင်းနေအရွယ်မတိုင်ခင် ကလေးများကို စောစီးစွာ အနုပညာတစ်ခုခု သင်ကြားပေးခြင်းဟာဆိုရင် ကလေးတွေရဲ့ ဘက်စုံဖွံ့ဖြိုးတိုးတက်မှုအတွက် အထောက်အကူများစွာ ဖြစ်စေတာကို တွေ့ရှိရပါတယ်။

အနုပညာလို့ပြောတဲ့အခါမှာ ဂီတ၊ အက၊ ပန်းချီ တို့အပြင် လက်မှုပညာများ၊ စိတ်ကူးစိတ်သန်းဖြင့် ဖန်တီးမှုများလည်း ပါဝင်ပါတယ်။

ဘယ်လိုအကျိုးကျေးဇူးတွေ သက်ရောက်စေနိုင်သလဲဆိုရင်…

(၁) လှုပ်ရှားမှုအတွက် အထောက်အကူပြုပါတယ်
ကလေးတွေအဖို့ တူရိယာတစ်ခုခု တီးခတ်မယ်၊ ရွှံစေးနဲ့ အရုပ်ကလေးတွေ ပုံဖော်မယ်၊ စုတ်တံကို အသုံးပြုကာ ပန်းချီဆွဲမယ်… အစရှိတဲ့ နည်းလမ်းများဟာ ကလေးတွေရဲ့ လက်လှုပ်ရှားမှုလေးများဖြင့် ပြုလုပ်ရတာကြောင့် ကလေးတွေရဲ့ လှုပ်ရှားမှုတွေကို တိကျစေတယ်၊ ခန္ဓာကိုယ်အစိတ်အပိုင်းကိုလည်း သန်မာစေပါတယ်။

(၂) ဂဏန်းသင်္ချာသင်ကြားရာမှာ အထောက်အကူပြုတယ်
ကလေးတွေဟာ ဖန်တီးမှုတစ်ခုခုလုပ်တယ်ဆိုကြပါစို့။ ဥပမာ – ဆွဲကြိုလေးတစ်ကုံးသီကြတယ်ဆိုရင်.. crystal လေးတွေတော့ ဘယ်နှလုံး သုံးရမယ် စသည်ဖြင့် ရွေးချယ်ရတာကြောင့် သူတို့လေးတွေရဲ့ ဂဏန်းသင်္ချာသင်ကြားမှုမှာ လွယ်ကူ ပျော်ရွှင်စွာနဲ့ သင်ယူနိုင်ပါတယ်။

(၃) အရောင်ခွဲခြားမှုသင်ကြားရာမှာ အထောက်အကူပြုတယ်
ပန်းချီဆွဲခြင်း၊ အရောင်ခြယ်ခြင်းများတွင် အရောင်နှင့် လုပ်ဆောင်ရသည့်အတွက် အရောင်များသင်ကြားရာတွင် လွယ်ကူစွာ သင်ကြားနိုင်ပြီး တစ်ဆက်တည်းတွင် ခွဲခြမ်းစိတ်ဖြာမှုစွမ်းရည်လည်း ပိုတက်လာနိုင်ပါတယ်။

(၄) ဉီးနှောက်ဖွံ့ဖြိုးမှုတွင် အကျိုးရှိစေတယ်
တူရိယာတစ်ခုခု တီးခတ်ဖို့ သင်ယူရာမှာ notes များကို ဖတ်ရတဲ့အခါ၊ ပုံဆွဲတဲ့အခါ၊ ဖန်တီးမှုများကို ပြုလုပ်ရတဲ့အခါ သူတို့လေးတွေရဲ့ ဉီးနှောက်ဟာ ပုံမှန်ထက် ဖွံ့ဖြိုးမှု မြန်ဆန်ပါတယ်။ ဒီအရာဟာဆိုရင် ကျောင်းပညာရေး သင်ကြားတဲ့အခါမှာလည်း ပုံမှန်ထက်သာလွန်တဲ့ ရမှတ်တွေကို ရစေနိုင်ပါတယ်။

(၅) ကလေးတွေမှာ ရှိတတ်တဲ့ စိတ်ဖိစီးမှုတွေကို လျှော့ချပေးပါတယ်။
အနုပညာဟာ လူကြီးတွေ အတွက်ပဲမဟုတ်ပါဘူး။ ကလေးတွေအတွက်လည်း စိတ်ထွက်ပေါက်တစ်ခုလို့ တင်စားလို့ရပါတယ်။ သူတို့အရွယ်နဲ့ တွေ့ကြုံခံစားရနိုင်တဲ့ စိတ်ဖိစီးမှုတွေကို လျှော့ချပေးပါတယ်။

(၆) ငယ်ရွယ်စဉ်ကပင် မိမိကိုယ်ကို တန်ဖိုးထားတတ်အောင် သင်ကြားပေးရာလည်း ရောက်ပါတယ်။
အထူးသဖြင့် အဖွဲ့လိုက်လုပ်ဆောင်မှုများမှာ တစ်ယောက်နဲ့တစ်ယောက် အပြန်အလှန် မှတ်ချက်ပေးခြင်းများ ပြုလုပ်ကြတဲ့အခါ ငယ်စဉ်ကပင် ဝေဖန်မှု နှင့် ချီးမွမ်းမှုကို တစ်ပါးတည်းတွဲ၍ လက်ခံရတဲ့အတွက် စိတ်ထားတတ်လာတယ်။ ကိုယ့်ကိုယ်ကို တန်ဖိုးထားတတ်လာတယ်။

ဒီအရာတွေကြောင့် ကလေးတွေကို ငယ်စဉ်ကပင် အနုပညာ တစ်ခုခု သင်ကြားပေးခြင်းဟာ သူတို့လေးတွေရဲ့ စိတ်ခံစားမှုတွေ၊ ဆုံးဖြတ်ချက်ချမှုတွေ၊ သင်ကြားနိုင်မှုစွမ်းအားတွေ၊ ဖတ်တီးနိုင်မှုစွမ်းအားတွေနှင့် ဆက်စပ်နေတဲ့အပြင် အဖွဲ့လိုက် အက ကခြင်းမျိုးတွင်ဆိုလည်း ပေါင်းသင်းဆက်ဆံရေးနှင့်ပါ ချိတ်ဆက်နေတာကို လေ့လာတွေ့ရှိရပါတယ်။

အခုလို ကလေးတွရဲ့ ဘက်စုံ ဖွံ့ဖြိုးတိုးတက်မှုကို အားပေးတဲ့ အနုပညာသင်ကြားမှုကိုဆိုလျှင် နိုင်ငံတကာမှာ ကျောင်းတွေမှာပါ ဘာသာရပ်တစ်ခုအနေနဲ့ သင်ကြားပေးနေတာကို တွေ့ရှိရပါတယ်။

သင့်ကလေးကိုရော ဘယ်လို အနုပညာမျိုး သင်ကြားပေးမလဲ။

ကျေးဇူးတင်ပါတယ်။

ရေးသားသူ – May Kham Eain

health-tool-icon

ကလေးကာကွယ်ဆေးထိုး အချိန်ဇယား

ကာကွယ်ဆေးထိုးအချိန်ဇယားကို အသုံးပြုပြီး သင့်ကလေး ဘယ်ကာကွယ်ဆေးကို ဘယ်အရွယ်မှာ ထိုးသင့်တယ်ဆိုတာကို လေ့လာလိုက်ပါ။

ကလေးက ယောကျာ်းလေးလား၊ မိန်းကလေးလား

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

7 BENEFITS OF THE ARTS FOR EARLY YEARS https://theartsdevelopmentcompany.org.uk/culture/7-benefits-of-the-arts-for-early-years/ Accessed Date Nov 30, 2019

An Analysis of Characteristics of Children’s Growth through Practical Art https://www.ncbi.nlm.nih.gov/pmc/articles/PMC7349711/ Accessed Date Nov 30, 2019

Monitoring and Evaluating the Impact of Arts in Schools https://www.artisfoundation.org.uk/blog/blogposts/2017/09/monitoring-evaluating-impact-arts-schools/ Accessed Date Nov 30, 2019

How the Arts Develop the Young Brain https://www.researchgate.net/publication/234571095_How_the_Arts_Develop_the_Young_Brain Accessed Date Nov 30, 2019

Creative Art Helps Children Develop across Many Domains https://childcare.extension.org/creative-art-helps-children-develop-across-many-domains/ Accessed Date Nov 30, 2019

 

စာရေးသူ ဓာတ်ပုံbadge
Dr. Thiha Phyo Myint မှ ရေးသားသည်။ 2 ရက် အကြာက တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။