ကလေးတွေမှာ ဖြစ်တဲ့ ဝမ်းလျှောရောဂါ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

ကလေးတွေမှာဖြစ်တဲ့ ဝမ်းလျှောရောဂါဆိုတာ ဘာလဲ။

ကလေးလေးတွေရဲ့ ဝမ်းက ပုံမှန်ထက်ကို ပိုပြီးအရည်အဖြစ်သွားနေခြင်းဖြစ်ပါတယ်။ ဒီလို ဝမ်းလျှောတာဟာ ဘယ်ကလေးမှာ မဆိုဖြစ်နိုင်ပါတယ်။

ဒါဟာ ကလေးတွေမှာဖြစ်လေ့ဖြစ်ထရှိတဲ့ရောဂါတစ်မျိုးဖြစ်ပြီး အိမ်မှာ ကုသရုံနဲ့ သက်သာသွားတာများပါတယ်။ ဒါပေမယ့်သေချာ ဂရုစိုက်ကုသခြင်းမရှိရင်တော့ ဒီဝမ်းလျှောရောဂါဟာ အန္တရာယ်ရှိလာနိုင်ပါတယ်။

ကလေးတွေမှာ ဝမ်းလျှောရောဂါဖြစ်ရင် ဘယ်လို လက္ခဏာတွေပြလဲ။

ဝမ်းလျှောရောဂါဆိုတဲ့အတိုင်းပဲ ဝမ်းကတော့ အရည်အဖြစ်သွားနေပါလိမ့်မယ်။ ဝမ်းလျှောတာ အပြင်

  • အန်ခြင်း
  • အစားအသောက်ပျက်ခြင်း
  • ဖျားခြင်း
  • မအီမသာဖြစ်ခြင်း
  • ရေဓါတ်ခမ်းခြောက်ခြင်း
  • ကိုယ်အလေးချိန်ကျခြင်း တို့ပါဖြစ်နိုင်ပါတယ်။

ဘယ်အချိန်မှာ ဆရာဝန်နဲ့ပြသင့်လဲ။

အောက်ပါလက္ခဏာတွေပြနေရင်တော့ ဆရာဝန်နဲ့ဆွေးနွေးတိုင်ပင်သင့်ပါတယ်။

  • ဝမ်းလျှောခြင်းက တစ်ရက်၊နှစ်ရက်နဲ့ မသက်သာသွားရင်
  • အဖျား ၁၀၂ံF နှင့် အထက်ရှိနေရင်
  • ခဏခဏအန်နေပြီး ဘာအရည်မှသောက်မရနိင်အောင်ဖြစ်နေရင်
  • ဝမ်းထဲမှာသွေး သို့မဟုတ် ချွဲတွေပါလာရင် ဆရာဝန်နဲ့ပြသင့်နေပါပြီ

ရေဓါတ်ဆုံးရှုံးမှုလွန်ကဲခြင်း လက္ခဏာတွေဖြစ်တဲ့

  • ပါးစပ်နှင့် နှုတ်ခမ်းများခြောက်သွေ့ခြင်း
  • ငိုနေသော်လည်း မျက်ရည်မထွက်ခြင်း သို့ နည်းခြင်း
  • မျက်ကွင်းချိုင့်နေခြင်း
  • ငယ်ထိပ်ချိုင့်နေခြင်း
  • မှိန်းနေခြင်း တို့ဖြစ်နေရင်တော့ အရေးပေါ်ဆေးရုံ၊ဆေးခန်းသို့ အမြန်ဆုံးသွားပါ။

     

ကလေးတွေမှာ ဝမ်းလျှောရောဂါ ကို ဘယ်အရာတွေကဖြစ်စေပါသလဲ။

အဓိကဖြစ်စေတာတွေကတော့ မသန့်ရှင်းတဲ့ အစားအသောက်တွေ စားမိသောက်မိတာကနေဖြစ်ပါတယ်။ တစ်ခါတစ်ရံမှာရောဂါပိုးရှိတဲ့လူရဲ့ အညစ်အကြေးတွေနဲ့ မတော်တဆ ထိမိကိုင်မိတာတွေကနေလဲဖြစ်တတ်ပါတယ်။ တခြားဖြစ်စေတာတွေကတော့ ဘက်တီးရီးယား၊ ဗိုင်းရပ်စ်၊ ဓါတ်မတည့်တာ သို့မဟုတ် အဆိပ်မိတာတွေပဲဖြစ်ပါတယ်။

ကလေးမှာဖြစ်တဲ့ ဝမ်းလျှောရောဂါရဲ့နောက်ဆက်တွဲပြဿနာတွေက ဘာတွေဖြစ်နိုင်လဲ။

ဝမ်းလျှောတာက မသက်သာပဲ ဆက်တိုက်ဖြစ်နေမယ်ဆိုရင်တော့ပြင်းထန်တဲ့ အာဟာရချို့တဲ့ခြင်းကိုဖြစ်လာစေနိုင်ပါတယ်။ ကလေး ဝမ်းလျှောပြီဆိုရင် အန္တရာယ်အပေးနိုင်ဆုံးကရေဓါတ်ခမ်းခြောက်တာဖြစ်ပါတယ်။ ဒီတော့ ကလေးဝမ်းလျှောပြီဆိုတာနဲ့ အရည်များများတိုက်ကျွေးဖို့သာပြင်ပါ။ပြီးမှ အကျိုးပြုဘက်တီးရီးယားဆေးတွေပေးပါ။

ဝမ်းလျှောတာကို အဓိက ကုသတဲ့နေရာမှာတော့ အရည်များများတိုက်ခြင်းက အဓိကအကျဆုံးဖြစ်ပါတယ်။

ဝမ်းလျှောတာကိုသေချာဂရုတစိုက် ကုသမှုမပြုရင်တော့ အစာချေစနစ်ကိုထိခိုက်လာနိုင်ပြီး အာဟာရချို့တဲ့ခြင်း၊ ခုခံအားကျဆင်းခြင်းအပြင်နောက်ဆုံးသေဆုံးခြင်းအထိပါဖြစ်လာနိုင်ပါတယ်။

ကလေးတွေမှာဖြစ်တဲ့ ဝမ်းလျှောခြင်းကို ဘယ်လို ကုသလို့ရသလဲ။

အာဟာရလုံလုံလောက်လောက်ပေးဖို့ အလွန်အရေးကြီးပါတယ်။ အာဟာရလုံလုံလောက်လောက်ပေးခြင်းဖြင့် ကလေးရဲ့ အစာချေစနစ်ကိုကောင်းမွန်လာစေပြီး ဝမ်းလျှောခြင်းကိုလျော့နည်းလာစေတဲ့အပြင် ကလေးရဲ့ အာဟာရပြည့်ဝမှုကိုပါ အထောက်အကူဖြစ်စေပါတယ်။ ဝမ်းလျှောနေစဉ် အစာကျွေးတာက ပိုဆိုးစေနိုင်တယ်ဆိုပြီးတော်တော်များများက အထင်မှားနေကြပါတယ်။ တကယ်တော့ အစာကြေလွယ်တဲ့ အစားအသောက်တွေကျွေးရမှာဖြစ်ပါတယ်။ ဥပမာ ကြက်သားလေးကိုပြုတ်ပြီး မုန်လာဥနဲ့ဖြစ်ဖြစ် အားလူးနဲ့ဖြစ်ဖြစ်ချက်ကျွေးပေးပါ။

နောက်ပြီးတော့ ကလေးကို အကျိုးပြုဘက်တီးရီးယားဆေးတွေပေးဖို့လည်း မမေ့ပါနဲ့။ အကျိုးပြုဘက်တီးရီးယားတွေက ကလေးရဲ့အစာချေစနစ်ရဲ့ ခံနိုင်ရည်ကိုကောင်းမွန်စေပြီး တခြားသောရောဂါပိုးများ၊ ဗိုင်းရပ်စ်များကိုပြန်လည်တိုက်ထုတ်ပေးပါတယ်။

ကလေးတွေမှာ ဝမ်းလျှောရောဂါမဖြစ်အောင် ဘယ်လိုကာကွယ်မလဲ။

ကလေးတွေမှာ ဝမ်းလျှောရောဂါမဖြစ်အောင် မိဘတွေအနေနဲ့ ကလေးတွေရဲ့နေထိုင်စားသောက်မှုကို အထူးဂရုစိုက်ရမှာဖြစ်ပါတယ်။

  • သန့်ရှင်းလတ်ဆတ်ပြီး ကျက်အောင် ချက်ထားတဲ့ အစားအသောက်တွေကိုပဲ ကျွေးပါ။
  • လမ်းဘေးဆိုင်က အစားအစာတွေကို မကျွေးပါနဲ့။
  • ရေသန့် သို့ ချိုချက်ထားတဲ့ရေကို တိုက်ပါ။
  • အစာမစားခင် လက်ကို စင်ကြယ်အောင်ဆေးကြောသန့်စင်ပေးပါ။

ဝမ်းလျှောရောဂါဟာ မိဘတွေသေချာဂရုစိုက်ပေးပြီး ကာကွယ်လို့ရပါတယ်။ ဒါကြောင့် မိဘတွေအနေနဲ့ ကလေးတွေမှာဖြစ်တတ်တဲ့ ဝမ်းလျှောရောဂါအကြောင်း၊ ရောဂါလက္ခဏာတွေနဲ့ ဘယ်လိုပြုစုစောင့်ရှောက်ရမလဲဆိုတဲ့ ဗဟုသုတလဲ ရှိထားသင့်ပါတယ်။ အကောင်းဆုံးနည်းလမ်းကတော့ဆေးရုံမှာ အနီးကပ်စောင့်ကြည့်ကုသတာ အကောင်းဆုံးပဲဖြစ်ပါတယ်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

သားသားမီးမီးတို့ကို စိတ်ညစ်အောင်လုပ်နေကျ ဗိုက်ဗိုက်ပြဿနာတွေအကြောင်း

သားသားမီးမီးတို့ရဲ့ ဗိုက်ဗိုက်ကလေးမှာ ဝမ်းချုပ်တာက၊ လေပွတာတွေက လူကြီးတွေမှ ဖြစ်တတ်တဲ့ ပြဿနာ မဟုတ်ပါဘူး။ သားသားမီးမီးတွေလည်း ခံစားရနိုင်ပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုဗစ်ကာလမှာ ကလေးတွေဂိမ်းပိုဆော့လာတာကို အပြစ်မမြင်သင့်တော့ပါ

ကိုဗစ်ကာလမှာ မိဘတွေနဲ့ တီးခေါက်ကြည့်မိသလောက် ကလေးတွေနဲ့ ကျောင်းတက်နေဆဲဖြစ်တဲ့ ဆယ်ကျော်သက်အရွယ်တွေ အရင်ကထက် ပိုပြီး ဂိမ်းဆော့လာတယ်လို့ ပြောနေကြတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 29, 2020 . 2 mins read

အမျိုးသားများ ရင်သား နို့ထွက်နိုင်သလား…

အမျိုးသား ရင်သား နို့ထွက် နို့တိုက် အမျိုးသမီး ဆီးကျိတ် သားအိမ် ကိုယ်ဝန်ဆောင် ဟော်မုန်း ပရိုလက်တင် အသည်း အာဟာရ သိုင်းရွိုက်ဟော်မုန်း ကလေး နို့သီးခေါင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

စာသင်ကျောင်းတွေ ပြန်ဖွင့်ဖို့ စောနေသေးလား…

စာသင်ကျောင်း ကိုဗစ် ကပ်ဘေးကာလ ရောဂါပိုး မြန်မာနိုင်ငံ ကူးစက် ကာကွယ် ဒုတိယလှိုင်း Mask ကွမ်းတံတွေး ချောင်းဆိုး နှာချေ လက်ဆေး ကလေး လူကြီး ပိုးကူးစက်သူ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 25, 2020 . 2 mins read

သင့်အတွက် ရွေးချယ်ထားသည်

ကလေးကျန်းမာရေး အကြောင်း

ကလေးကျန်းမာရေး အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 25, 2021 . 3 mins read
ကလေးရဲ့အနာဂတ် လှပစေဖို့အတွက် အာဟာရဇယားကို ဖတ်ပါ.....

ကလေးရဲ့အနာဂတ် လှပစေဖို့အတွက် အာဟာရဇယားကို ဖတ်ပါ…..

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 22, 2021 . 2 mins read

ကိုယ်ဝန်ဆောင်ချိန်မှာ ဖြစ်တဲ့ တင်းတိပ်ပြဿနာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် နိုဝင်ဘာ 30, 2020 . 2 mins read

ကိုယ်ဝန်ဆောင်နေချိန် Skin Care လုပ်သင့်လား

ရေးသားသူ Ye Myo Myat
ရေးသား ထုတ်ဝေခဲ့သည် နိုဝင်ဘာ 30, 2020 . 3 mins read