မှ အချက်အလက် စစ်ဆေးထားပါသည်။ Dr. Thurein Hlaing Win
ဘူနီယွန်ဆိုတာ ခြေမအရင်းက အဆစ်မှာဖြစ်လာတဲ့ အရိုးဖုထုံးတစ်ခုဖြစ်ပြီး ဆေးပညာအရ metatarsophalangeal (MTP)joint လို့ခေါ်ပါတယ်။ သူက အချိန်အကြာကြီးတဖြည်းဖြည်းနဲ့ဖြစ်လာပြီး နောက်ဆုံး ကြီးလာတယ်၊ သိသိသာသာငေါထွက်လာပါတယ်။ သူ့ဘေးက ခြေချောင်းအဆစ်ကိုလည်း ဆက်ကူးစေတယ်။ ဂေါက်နဲ့ဘာကွာလဲဆိုတော့ ဂေါက်ဆိုရင် တခြားအဆစ်တွေမှာပါ နာကျင်ကိုက်ခဲလာနိုင်တယ်၊ အဆစ်တစ်ခုလုံးရောင်ရမ်း၊နီရဲ၊ပူနွေးလာနိုင်တယ်။ ဘူနီယွန်မှာကျတော့ ခြေမအရင်းအဆစ် အပြင်ကို ဖုထွက်နေပြီး ရောင်လာကိုက်လာမယ်၊ အသားမာတက်မယ်၊ ခြေမ လှုပ်ရှားရခက်စေတယ်။
သူ့ရဲ့အထင်ရှားဆုံးလက္ခဏာက ခုနပြောသလို ခြေအဆစ်မှာ မာကျောတဲ့ဖုတစ်ခုဖြစ်လာတာပါ။ အဲဒီဖုက နာကျင်ရမယ်၊ နီပြီးရောင်ရမ်းလာတတ်တယ်။ တစ်ခါတလေ ခြေချောင်းတွေ၊ အထူးသဖြင့် ခြေမကို မလှုပ်ရှားနိုင်ဖြစ်စေနိုင်ပါတယ်။ ပြီးရင် –
ဘူနီယွန်ဖြစ်စေတဲ့အကြောင်းရင်းနဲ့ပတ်သက်ပြီး ယူဆချက်တွေအမျိုးမျိုးရှိကြပေမယ့် တိကျတဲ့အကြောင်းရင်းတော့ မသိရသေးပါဘူး။ ဖြစ်နိုင်ခြေအများဆုံးအချက်တွေကတော့ –
အမြဲတမ်းနာကျင်နေရတာမဟုတ်ပေမယ့် သူ့ကို ခွဲစိတ်မပြုပြင်မချင်းတော့ ဘူနီယွန်ဖုတွေကရှိနေဦးမှာပဲ။ သူ့ကြောင့်ဖြစ်လာနိုင်တဲ့ နောက်ဆက်တွဲပြဿနာတွေက –
ဖိနပ်ပြောင်းစီးပါ – သက်တောင့်သက်သာဖြစ်မယ့် ဖိနပ်ကိုစီးခြင်းအားဖြင့် ခြေချောင်းတွေအတွက် ဝန်ပိသက်သာစေမယ်။ ဖိနပ်အမြင့်တွေစီးရင် ခြေထောက်အရှေ့ပိုင်းကို ဝိတ်ပိစေပြီး ဘူနီယွန်အပြင် တခြားပြဿနာတွေပါဖြစ်လာနိုင်ပါတယ်။ ကျပ်တဲ့ဖိနပ်တွေ၊ ခြေချောင်းထိပ်တွေကို စုပြီးစည်းထားတဲ့ဖိနပ်မျိုးတွေကို ရှောင်ပါ။
ရေခဲကပ်ပါ – နာကျင်ကိုက်ခဲမှုကို သက်သာအောင်လို့ ရေခဲတုံးကို အဝတ်စလေးပတ်ပြီး အဖုမှာ ကပ်ပေးပါ။ တစ်ကြိမ်မှာ မိနစ် ၂၀ ထက်ပိုမကြာဖို့တော့ သတိပြုပါ။ ခြေထောက်မှာက တခြားကိုယ်အစိတ်အပိုင်းတွေမှာထက် တစ်ရှူးနဲ့ကြွက်သားနည်းတာကြောင့် ရေခဲလောင်မှာစိုးရိမ်ရလို့ပါ။
ပတ်စည်းပါ – သူ့အတွက်သီးသန့်ထုတ်တဲ့ Special pads လေးတွေဖြစ်ဖြစ်၊ မရှိရင် အဝတ်တစ်ခုနဲ့ဖြစ်ဖြစ် ဘူနီယွန်ဖုရှိတဲ့နေရာကို ပတ်စည်းပါ။
ဆေးသောက်ပါ – acetaminophen၊ ibuprofen၊ naproxen တို့လို အကိုက်အခဲပျောက်ဆေးတွေ လွယ်လွယ်ဝယ်သောက်လို့ရပါတယ်။ တကယ်လို့ လေးဖက်နာလို အဆစ်ရောင်ရောဂါကြောင့်ဆိုရင်တော့ ဆရာဝန်က သက်ဆိုင်ရာအကိုက်အခဲပျောက်ဆေးတွေ ပေးပါလိမ့်မယ်။
ခွဲစိတ်ကုသမှုခံယူပါ – တခြားကုသနည်းတွေနဲ့ မသက်သာရင်တော့ ဆရာဝန်က ခွဲစိတ်ကုသပြီး ခြေမကို ပြန်ဖြောင့်တန်းအောင် လုပ်ပေးပါလိမ့်မယ်။
များသောအားဖြင့် ဆေးသွားကုရတဲ့အထိ မလိုအပ်တတ်ပေမယ့် ဒီအခြေအနေတွေဖြစ်လာရင်တော့ ဆရာဝန်ပြသင့်ပါတယ် –
ဘူနီယွန်မဖြစ်အောင် ကြိုတင်ကာကွယ်မယ်ဆိုရင်တော့ –
Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။