အမျိုးသားများ၏ ကျန်းမာရေးအတွက် အထူးကောင်းမွန်သော အစားအစာ ၆ မျိုး

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

အမျိုးသားများ၏ ကျန်းမာရေးအတွက် အထူးကောင်းမွန်သော အစားအစာ ၆ မျိုး

သင်တို့ သိထားကြတဲ့အတိုင်း ကျန်းမာရေးအတွက် ကောင်းတဲ့ အစာတွေစားဖို့က အလွန် အရေးကြီးပါတယ်။ ဒါပေမယ့် ဒီလို နေ့စဉ် စားသုံးတဲ့ အစားအစာတွေထဲမှာ လုံလောက်တဲ့ အာဟာရတွေရမယ်လို့ ထင်ပါသလား။

အမျိုးသားတွေရဲ့ ကျန်းမာရေး ပြဿနာတွေကို ဝေးဝေးရှောင်နိုင်ဖို့ ဘယ်လို အစားအစာတွေ စားသင့်တယ်ဆိုတာ ရှာဖွေကြည့်ကြပါစို့။

ခရု ကမာများ

တခြား အစားအစာတွေ ထက်စာရင် ခရု ကမာတွေမှာ ဇင့် (zinc) ပိုပါ ပါတယ်။ ဇင့် (zinc) ဆိုတာ ဆီးကျိတ် ကျန်းမာရေးအတွက် အရေးကြီးတဲ့ သတ္တုဓါတ်တစ်မျိုး ဖြစ်ပါတယ်။

ဒါ့ကြောင့် Zinc ပမာဏ နည်းသွားခြင်းဟာ ဆီးကျိတ်နဲ့ ပတ်သက်တဲ့ ရောဂါတွေနဲ့ မျိုးပွားမှု ပြဿနာတွေ ဖြစ်စေနိုင်ပါတယ်။ ကျွန်ုပ်တို့ ခန္ဓါကိုယ်မှာ zinc ပမာဏ လုံလုံလောက်လောက် မရှိပါဘူး။

ဒါကြောင့် zinc ကို အစားအသောက်မှ တစ်ဆင့် (သို့) ဖြည့်စွက်အနေနဲ့ ရရှိဖို့က မဖြစ်မနေ လိုအပ်ပါတယ်။ ယောက်ျားလေးတွေ အတွက် တစ်နေ့လျှင် zinc ပမာဏ ၁၁ မီလီဂရမ် ရသင့်တယ်လို့ အကြံပြုထားပါတယ်။

ပင်လယ်ရေငံမှ ဖမ်းယူရရှိသော ဆယ်လမွန်ငါး (ပင်လယ်ငါးသလောက်)

ဗိုက်တာမင် D နည်းခြင်းက ပန်းသေပန်းညှိုးကို ဖြစ်စေပါတယ်။ ၂၀၁၂ မှာ ဖော်ပြထားတဲ့ လေ့လာချက် တစ်ခုအရ ဗိုက်တာမင် D ကို ကောင်းကောင်း စုပ်နိုင်ခြင်းဟာ ယောင်ယမ်းခြင်းကြောင့် ဖြစ်စေတဲ့ သွေးကြော ပျက်စီးမှုတွေကို လျှော့ချခြင်းအားဖြင့် ပန်းသေပန်းညှိုးခြင်း ဖြစ်နိုင်တာကို လျော့နည်းနိုင်စေပါတယ်။

ပုံမှန် လူထုနဲ့ ယှဉ်လိုက်ရင် ဒီလို ပန်းသေနေတဲ့ ယောက်ျားလေးတွေမှာ သွေးကြောနံရံတွေ ယောင်ယမ်းဖို့ အခွင့်အရေး ပိုများပါတယ်။ ပြီးတော့ အဲဒီလို ယောင်ယမ်းတာကို လျော့နည်းစေခြင်းက သွေးစီးတာကို ပိုကောင်းစေတယ်လို့ ယုံကြည်ထားကြပါတယ်။

ပင်လယ်ရေငံမှ ဖမ်းယူရရှိသော ဆယ်လမွန်ငါး ပမာဏ အနည်းငယ်မှာတောင် နေ့စဉ် လိုအပ်တဲ့ ဗိုက်တာမင် D ရဲ့ ၁၁၂ ရာခိုင်နှုန်းအထိ ပါရှိနေပါတယ်။

သစ်ကြားစေ့

သစ်ကြားသီးတွေဟာ ဦးနှောက် ကျန်းမာရေးကို ကောင်းစေနိုင်တဲ့ အိုမီဂါ ၃ fatty acids တွေ၊ ဓါတ်တိုးခြင်းကို တားမြစ်နိုင်တဲ့ (မကောင်းတဲ့ ပစ္စည်းတွေကို ဖယ်ရှားပေးတဲ့) ဓါတုပစ္စည်းတွေ ပါဝင်ပါတယ်။

အဲဒီ ကောင်းမွန်တဲ့ အစာ အာဟာရတွေဟာ စိတ်ကျရောဂါကို ကာကွယ်ပေးနိုင်တဲ့ ဂုဏ်သတ္တိရှိပြီး မှတ်ဉာဏ်ကို ကောင်းမွန်စေတယ်လို့ အတည်ပြုခံခဲ့ရပြီး ဖြစ်ပါတယ်။

၂၀၁၄ က ထုတ်ဝေခဲ့တဲ့ အစာအာဟာရနဲ့ ပတ်သက်တဲ့ ဂျာနယ်တစ်ခုအရ အသက်ကြီးလာခြင်းကြောင့် ဖြစ်တဲ့ အိုမင်းရင့်ရော်ခြင်းနဲ့ ယောင်ယမ်းခြင်းတွေ အတွက်လည်း ကောင်းတယ်လို့ အသိအမှတ် ပြုခံခဲ့ရပါတယ်။

သစ်ကြာစေ့ တစ်ခွက် (1 cup = ၈ အောင်စ) ရဲ့ လေးပုံ ပုံတစ်ပုံမှာ အိုမီဂါ ၃ fatty acids ၂.၇ ဂရမ် ပါဝင်ပါတယ်။ အဲဒီပမာဏဟာ နေ့စဉ်အတွက် လိုအပ်တဲ့ ပမာဏထက်တောင် ပိုနေပါသေးတယ်။

ချောကလက်နို့

အမေရိကန်၊ ဝါရှင်တန်မြို့၊ အယ်လင်ဘာ့ဂ်မှာ ရှိတဲ့ Central Washington တက္ကသိုလ်က သုတေသီများရဲ့ ၂၀၁၂ ခုနှစ်မှာ ဖော်ပြချက်အရ ချောကလက်နို့ဟာ အားအင် အလွန်သုံးရတဲ့ အားကစားသမားတွေ အတွက် တန်ဖိုးရှိပြီး ဘယ်သူမဆို သောက်သုံးဖို့ တတ်နိုင်တဲ့၊ အားအင် ပြန်လည်ရအောင် သောက်သုံးနိုင်တဲ့ အရည်တစ်မျိုး ဖြစ်ပါတယ်။

အဆီနည်းတဲ့ ချော့ကလက်နို့မှာ ဆိုရင် တခြားသော အားကစားသမားများ သောက်သုံးနေတာတွေနဲ့ နှိုင်းယှဉ်လိုက်ရင် ကစီဓါတ်နဲ့ အသားဓါတ် အချိုး ၄ ဆ ၁ ဆလောက် ပါပါတယ်။

အားအင်ကုန်ခမ်းပြီး ပြန်လည် ဖြည့်တင်းတဲ့ နေရာမှာလည်း လိုအပ်တဲ့ အရည်ဓါတ်နဲ့ ဆိုဒီယမ် (ဆားဓါတ်) ကို ပေးနိုင်ပါတယ်။

လေ့လာချက်တွေအရ အကြံပေးထားတာကတော့ ဒီ ချောကလက်နို့ကို လေ့ကျင့်မှု ပြီးပြီးချင်းမှာ တစ်ကြိမ်နဲ့ နောက်ထပ် ၂ နာရီ အကြာမှာ တစ်ကြိမ် ထပ် သောက်သုံးသင့်ပါတယ်။

သစ်သီးများနဲ့ ဟင်းသီးဟင်းရွက်များ

သစ်သီးများနဲ့ ဟင်းသီးဟင်းရွက်များဟာ အမျှင်ဓါတ် ကြွယ်ဝပြီး နှလုံးကို ကာကွယ်ပေးခြင်း၊ မောပန်းတာတွေကို တိုက်ထုတ်ပေးခြင်းနဲ့ ကောင်းမွန်တဲ့ ခံစားမှုရရှိအောင် ထောက်ပံ့ပေးနိုင်တဲ့ အာဟာရဓါတ်တွေ ပါပါတယ်။

အမျိုးသားတွေဟာ အသီးတွေနဲ့ ဟင်းသီးဟင်းရွက်တွေကို အမျိုးသမီးတွေထက် ပိုလိုအပ်ပါတယ်။ ဒါ့ကြောင့် အမျိုးသားတွေဟာ နေ့စဉ် တစ်နေ့ကို ၈ အောင်စ ပမာဏရှိသော ခွက် နှစ်ခွက်စာ သစ်သီးများနဲ့ ၈ အောင်စ ပမာဏရှိသော ခွက် ၂ ခွက်ခွဲ မှ ၃ ခွက်စာ ဟင်းသီးဟင်းရွက်တွေကို စားသင့်တယ်လို့ အကြံပြုထားပါတယ်။

သင့်တစ်နပ်စာတိုင်းရဲ့ တစ်ဝက်ဟာ သစ်သီးတွေ၊ ဟင်းသီးဟင်းရွက်တွေ ဖြစ်သင့်ပါတယ်။ ကျန်တဲ့ တစ်ဝက်ကိုတော့ ထမင်း (ဆန်) နဲ့ ပဲ၊ အစေ့အဆံတွေ ကဲ့သို့သော ပရိုတင်းဓါတ် ကောင်းကောင်းပါတာတွေ၊ ငါးတွေ ပါသင့်ပါတယ်။

တစ်ခါတလေမှာ အသား (မြက်စားတဲ့ သတ္တဝါတွေရဲ့ အသား) တွေနဲ့ နို့၊ နို့ထွက်ပစ္စည်းတွေ ပါဝင်သင့်ပါတယ်။

ဒါ့အပြင် အရောင်အဆင်း၊ အမျိုးအစား စုံလင်မှုနဲ့ လတ်ဆတ်မှုတွေကိုလည်း အာရုံစိုက်သင့်ပါတယ်။

အဲဒါတွေကို လိုက်နာခြင်းအားဖြင့် သင့်ရဲ့ အစားအစာတွေဟာ တဖြည်းဖြည်း ပိုပိုကောင်း၊ ပို အရသာရှိလာပြီး၊ ကျန်းမာရေးကိုလည်း ပိုကောင်းစေလာမှာပါ။ တဖြည်းဖြည်း ပြောင်းလဲပါ။

ဥပမာ စစချင်းမှာ သင့်နေ့စဉ် အစားအစာမှာ အသုတ်တစ်မျိုးမျိုး တစ်ရက်စထည့် ကြည့်ပါ။ နောက်ပိုင်း ကျန်းမာစေမယ့် အစားအစာတွေကို တဖြည်းဖြည်းနဲ့ တစ်မျိုးချင်း ထပ်ထည့် သွားနိုင်ပါတယ်။

အားလုံးကို တိတိကျကျ တစ်ခုမလွဲ လုပ်စရာ မလိုတဲ့အတွက် ကျန်းမာဖို့အတွက် ဆိုပြီး သင်ကြိုက်တဲ့ အစားအစာတွေကို မစားဘဲ လုံးဝ ရှောင်စရာမလိုပါဘူး။ ကျန်းမာပြီး အားအင်ပြည့်ဝတဲ့ ဘဝကို ရဖို့ဆိုတာ အကြာကြီး လျှောက်လှမ်းရမယ့် လမ်းတစ်ခုပါ။

တစ်ညတည်းနဲ့ ပြောင်းလဲယူလို့ ရတာမျိုးလည်း မဟုတ်ပါဘူး။ ဒါ့အပြင် ဒီအချက်တွေက များပြားတဲ့ နာတာရှည်ရောဂါတွေ ဖြစ်နိုင်ခြေကိုလည်း လျော့နည်းစေပါတယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေ အတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ ကော်လာဂျင်က ကျန်းမာရေးအတွက် အကျိုးကျေးဇူးတွေ များပေမယ့်  ကော်လာဂျင်ကို အသားအရေအတွက် အဓိက သောက်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အရေပြား ဓာတ်မတည့်မှု

အရေပြား ဓာတ်မတည့်မှု က ကလေးတွေမှာရော အရွယ်ရောက်ပြီးသူတွေမှာပါ အမျိုးအမျိုးသော အခြေအနေတွေနဲ့ ဖြစ်နိုင်ပါတယ်။ ဖြစ်စေတဲ့ အကြောင်းအရင်းတွေကလည်း အမျိုးမျိုးပါပဲ။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သွေးတိုးသမားတွေ စားပေးရမယ့် အထူးအစားအစာများ

သွေးတိုးသမားဆိုတာ ဟိုဟာမတည့် ဒီဟာမတည့်နဲ့ဆိုတော့ စားရေးသောက်တာမှာ အင်မတန်ခက်ခဲတယ်။ ဒီလို သွေးတိုးသမားတွေ စားပေးရမယ့် အထူးအစားအစာလေးတွေ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read
မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read