ကိုရိုနာထိန်းချုပ်ခံ ဒေသတွေက မိသားစုဝင်တွေရဲ့ နေ့စဉ်ဘဝ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 3 mins read
Share now

၂၀၁၉ ဒီဇင်ဘာလကနေ စတင်ဖြစ်လာခဲ့တဲ့ ကိုရိုနာ အဆုတ်ရောင်ရောဂါဟာ ယခုဆိုရင် နိုင်ငံပေါင်း ၁၀၀ ကျော်၊ လူပေါင်း သိန်းချီပြီး ပျံ့နှံ့တဲ့အထိ ဆိုးရွားလာခဲ့ပါပြီ။ ကျွန်တော်တို့ နိုင်ငံမှာတော့ ကံကောင်းစွာနဲ့ပဲ ပိုးကူးစက်ခံရသူ ဝေဒနာရှင် မတွေ့သေးဘူးဆိုပေမယ့် လုံးဝ ပေါ့လျော့နေလို့တော့ မဖြစ်တော့ပါဘူး။

ကိုရိုနာဗိုင်းရပ်စ်ပိုး ကူးစက်ခံထားရတဲ့ နိုင်ငံတွေမှာ ဘယ်လိုအခြေအနေတွေ ဖြစ်နေလဲ။

ပိုးကူးစက်ခံရပြီးသား နိုင်ငံတွေမှာ ယခုဆိုရင် ပြည်ပထွက်ခွင့်တွေ တားမြစ်ထားတာ၊ တချို့သော နိုင်ငံတွေမှာ ခရီးသွားတွေကို ပြည်ဝင်ခွင့် ပိတ်ပင်တာ၊ ကြပ်မတ်တာ၊ စားနပ်ရိက္ခာ ပြတ်လတ်တာ၊ ရုံး၊ ကျောင်း အားလုံးပိတ်ထားပြီး အိမ်ထဲမှာ မိသားစုဝင်အားလုံး နေနေရတာ၊ ခရီးသွားမယ့် အစီအစဉ်တွေ ပြတ်လတ်တာ၊ ကမ္ဘာ့စီးပွားရေး၊ ငွေကြေး ကျဆင်းတာတွေထိပါ ဖြစ်နေပါပြီ။ နိုင်ငံအများစုမှာလည်း ရောဂါပိုး ပြန့်ပွားမှုကို နည်းနိုင်သလောက် နည်းအောင် ထိန်းချုပ်ဖို့အတွက် တစ်နိုင်ငံလုံး Quarantine လုပ်ပြီး အခြေအနေကို ပြန်လည် ထိန်းချုပ်နေရပါတယ်။

Quarantine လုပ်တယ် ဆိုတာ ဘာလဲ။

အလွယ်ပြောရမယ်ဆိုရင် ရောဂါပိုးကို ကုသနိုင်တဲ့ ဆေးဝါးလည်း မထွက်ရှိသေးဘူး၊ တစ်ယောက်ကို တစ်ယောက် ပျံ့တဲ့နှုန်းကလည်း အလွန် လျင်မြန်နေတဲ့အတွက် ရောဂါပိုး ကူးစက်ခံရသူ အရေအတွက်ကို နည်းနိုင်သမျှ နည်းဖို့ ပြည်တွင်း ဝင်ထွက်သွားလာခြင်းကို ထိန်းချုပ်ခြင်းပါပဲ။ Quarantine လုပ်လိုက်ပြီဆိုတာနဲ့ ပြည်ပထွက်ခွင့်တွေကို များသောအားဖြင့် ပိတ်ပင်တားမြစ်ထားမယ်၊ ပြည်ပကနေလည်း ခရီးသွားတွေ ဝင်မလာအောင် တားဆီးမယ်၊ ပြည်တွင်းမှာလည်း မိသားစုတွေကို အိမ်မှာပဲ လုံလုံခြုံခြုံနေဖို့၊ တတ်နိုင်ရင် အပြင်လုံးဝမသွားဖို့ မှာကြားမယ်၊ ရုံး၊ ကျောင်း စတာတွေကို အကုန်ပိတ်တာမျိုး တွေ့ရနိုင်ပါတယ်။

Quarantine ဒေသမှာ နေထိုင်တဲ့ မိသားစုတွေရဲ့ ရင်တွင်းခံစားချက် စကားသံများ

အမေရိကန်နိုင်ငံ နယူးယောက်မြို့မှာ နေထိုင်နေတဲ့ Tamer Weinberg ဆိုသူ အိမ်ထောင်ရှင်အမျိုးသမီးက ကိုရိုနာဗိုင်းရပ်စ်ပိုး ကူးစက်ခံရတဲ့ နိုင်ငံတွေက မိသားစုတစ်ချို့ရဲ့ အိမ်တွင်းအောင်း ထိန်းချုပ်ခံနေရတဲ့ အခြေအနေ၊ တဖြည်းဖြည်း ကျပ်တည်းလာတဲ့ နေ့စဉ်ဘဝကို ဘယ်လိုကျော်ဖြတ်နေရလဲ၊ ကိုယ့်မိသားစုအတွက် ဘယ်လိုတွေ စိုးရိမ်ပူပန်နေရလဲ ဆိုတာနဲ့ ပတ်သက်ပြီး ခံစားချက်တွေကို ပြောပြခဲ့ပါတယ်။

၁။ ကျောင်းနဲ့ ကလေးတွေရဲ့ ပညာရေး

Quarantine လုပ်မယ်ဆိုတဲ့ အကြောင်းကို အစိုးရအဖွဲ့က စတင် တရားဝင် ကြေငြာခဲ့တဲ့ နေ့ကစပြီး ကျောင်းတွေ၊ တက္ကသိုလ်တွေ အားလုံး ပိတ်ထားခဲ့ပါတယ်။ ဒါပေမယ့် စာသင်ကြားမှုနဲ့ ပတ်သက်ပြီး ကျောင်းရဲ့ ကိုယ်ပိုင် ဝက်ဘ်ဆိုဒ်မှာ ဆရာ၊ ဆရာမတွေက အွန်လိုင်းကနေ ဗီဒီယိုဖိုင်နဲ့ တင်ပေးထားခဲ့ပါတယ်။ တစ်ခုခု နားမလည်တာရှိရင် အချိန်မရွေး ဖုန်းဆက်မေးတာ၊ မေးလ်လှမ်းပို့လို့လည်း ရတယ်လို့ ဆိုထားပါတယ်။ ဒီကိစ္စကို အဆင်ပြေချောမွေ့စေဖို့ အစိုးရအနေနဲ့လည်း အင်တာနက်လိုင်းတွေကို အရင်ကထက် ပိုပြီး မြန်ဆန်နေအောင် စီစဉ်ပေးထားတဲ့အတွက် ကျွန်မ သားသမီးရဲ့ ပညာရေးအတွက် သိပ်ပြီး မစိုးရိမ်ရတော့ပါဘူး။ ကျောင်းမသွားဘူး ဆိုပေမယ့်လည်း ကျွန်မရဲ့ သားသမီးတွေက အိမ်မှာပဲ စာပုံမှန်လုပ်တယ်၊ မသိတာရှိရင်လည်း ကျွန်မနဲ့ ကျွန်မခင်ပွန်း၊ ဒါမှမဟုတ် ဆရာမတွေကို ဖုန်းဆက်လှမ်းမေးပါတယ်။

၂။ Gym ကတော့ လုံးဝသွားလို့ မရတော့ပါဘူး။

Quarantine လုပ်ခံထားရတဲ့အတွက် Gym ဖွင့်ခဲ့ရင်တောင်မှ ကျွန်မတို့ သွားလို့ မရတော့ပါဘူး။ Gym ဆိုတာက လူပေါင်းစုံ ဝင်ထွက်သွားလာနေတာဆိုတော့ ရောဂါတွေကလည်း ရှိနေနိုင်တယ်လေ။ ကျွန်မတို့က မိဘတွေဆိုတော့ ကူးလည်း ဘာမှမဖြစ်ပေမဲ့ ကျွန်မဆီကနေ ကလေးတွေကို ပြန်ကူးရင်တော့ ဒုက္ခတွေ များမှာပါ။ အဲ့ဒါကြောင့် အိမ်မှာပဲ အေးအေးဆေးဆေး လေ့ကျင့်ခန်းလုပ်တာ၊ ယောဂကျင့်တာမျိုး လုပ်ပေးရတာပေါ့။ ညောင်းကိုက်ပေမယ့်လည်း ကျန်းမာရေးက ပထမဦးစားပေးဆိုတာ ကျွန်မ နားလည်ပါတယ်။

၃။ အစားအသောက်အတွက်က delivery ကိုပဲ အားကိုးနေရတယ်။

ကျွန်မနဲ့ ကျွန်မခင်ပွန်းက အပြင်ထွက် အလုပ်လုပ်ကြတာဆိုတော့ အိမ်မှာ မရှိတဲ့အချိန် ပိုများပါတယ်။ ပြီးတော့ ကျွန်မက ဟင်းမချက်တတ်တော့ အရင်ကတည်းက အပြင်ဆိုင်တွေမှာပဲ ဝယ်စားကြတာလေ။ အခုကျ တစ်နိုင်ငံလုံး Quarantine လုပ်ထားတာဆိုတော့ ဆိုင်ထွက်စားလို့ မရတော့ဘူး။ အွန်လိုင်းကနေပဲ Delivery နဲ့ မှာပြီး Delivery လာပို့ဖို့ကို စောင့်နေရတာပေါ့။ သူငယ်ချင်းတစ်ချို့ကတော့ အိမ်မှာပဲ ချက်စားကြတာမို့ မဖြစ်ခင်ကတည်းက ကြိုလှောင်ထားတဲ့သူတွေလည်း ရှိတယ်။ ရိက္ခာများများစားစား မလှောင်မိတဲ့သူတွေကျတော့လည်း နောက်မှ အွန်လိုင်းကနေ မှာတာရှိတယ်။ အမျိုးမျိုးပေါ့။

၄။ စီစဉ်ထားသမျှ အကုန်ဖျက်ရတယ်။

ပွဲတော်ရက်ဆိုရင် ကျွန်မတို့အိမ်က သူငယ်ချင်းတွေ၊ ဆွေမျိုးတွေကို ခေါ်ပြီး ပါတီပွဲ ကျင်းပနေကြပါ။ အခုလို ကပ်ရောဂါ ဖြစ်လာတော့ အကုန်လုံးက ကိုယ့်အိမ်မှာပဲ ကိုယ်နေကြတော့သလို ပွဲလမ်းသဘင်တွေ မလုပ်ကြတော့ဘူး။ အဲ့တော့ ကျွန်မတို့လည်း ပါတီပွဲအတွက် စီစဉ်ထားခဲ့သမျှ အကုန်လုံး အလဟဿ ဖြစ်ရတာပေါ့။ ကျွန်မသူငယ်ချင်း တစ်ချို့ဆိုရင် နေ့ကြီးရက်ကြီးတွေ၊ ပိတ်ရက်ရှည်တွေဆိုရင် နိုင်ငံရပ်ခြား ခရီးစဉ် ထွက်နေကျ၊ သူတို့တွေလည်း ခုဆို စီစဉ်ထားသမျှ ခရီးတွေ အကုန်ဖျက်၊ လက်မှတ်တွေ ဆုံး၊ အိမ်မှာပဲ နေနေရပါတယ်။

၅။ အနာဂတ်ဘယ်လို ဖြစ်မလဲ မသိသေးဘူး။

စပြီး ဖြစ်ကတည်းကနေ အခုထိ ဒီရောဂါနဲ့ ပတ်သက်ပြီး လူတွေကိုယ်တိုင်လည်း ရေရေရာရာ မသိကြသေးသလို ဆရာဝန်တွေ ဘက်ကလည်း ရောဂါပျောက်ကင်း ကုသနိုင်ဖို့ ဆေးတွေ စမ်းသပ်စစ်ဆေးနေဆဲပါပဲ။ သတင်းတွေကလည်း တက်လာရင် အစုံပဲ။ မှန်တာတွေရော မမှန်တဲ့ သတင်းအတုတွေရောပေါ့။ ကျွန်မတို့ကတော့ အစိုးရက တရားဝင်ထုတ်ပြန်ထားတဲ့ သတင်းတွေပဲ အမြဲစောင့်ကြည့်တယ်။ ကုသနိုင်မယ့် ဆေးကို မြန်မြန်ထွက်လာဖို့လည်း မျှော်လင့်မိတယ်။ ဘာလို့လည်းဆိုတော့ ဒါက တစ်နိုင်ငံတည်း ဖြစ်တဲ့ ကိစ္စမဟုတ်တော့ဘူးလေ။ တစ်ကမ္ဘာလုံး ပြည်ဝင်ပြည်ထွက် မရှိတော့ရင် စီးပွားရေးအခြေအနေတွေ အကုန် ကျပ်တည်းပြီး အားလုံး ဒုက္ခရောက်ကုန်တော့မှာပေါ့။

ဒါတွေကတော့ Quarantine လုပ်ခံထားရတဲ့ နိုင်ငံတွေမှာ ကြုံတွေ့နေရတဲ့ အခက်အခဲတွေနဲ့ လက်တလော အခြေအနေအကြောင်းကို ပြည်သူတွေကိုယ်တိုင် ပြောပြထားတာပဲ ဖြစ်ပါတယ်။

မြန်မာနိုင်ငံသားတွေလည်း ဘာတွေ ကြိုတင် ပြင်ဆင်ထားကြမလဲ။

ကျွန်တော်တို့နိုင်ငံမှာလည်း လောလောဆယ် ပိုးကူးစက်ခံရခြင်း မရှိသေးဘူးဆိုပေမယ့် ဒီအခြေအနေအတိုင်း ဆက်ပြီး ထိန်းထားနိုင်ဖို့ တစ်နိုင်ငံလုံးက မိဘပြည်သူတွေ ဝိုင်းဝန်းပူးပေါင်းကူညီဖို့ လိုအပ်ပါတယ်။ အားလုံးက တစ်တပ်တအား ဝိုင်းဝန်းကူညီမှသာ ဒီအခက်အခဲကနေ လွတ်မြောက်နိုင်မှာပါ။ ဒါကြောင့် တတ်နိုင်ရင် လူများတဲ့ ပွဲလမ်းသဘင်တွေ သွားတာရှောင်ပါ။ နိုင်ငံရပ်ခြား ခရီးစဉ်တွေကိုလည်း လတ်တလော ဖျက်ထားပါ။ လက်ကို အမြဲတမ်း ရေ၊ ဆပ်ပြာနဲ့ ဆေးပါ။ ကျန်းမာရေးဝန်ကြီးဌာနက ထုတ်ပြန်တဲ့ သတင်းတွေကို အမြဲလေ့လာ စောင့်ကြည့်နေပါ။

သင်္ကြန်နဲ့ ပတ်သက်ပြီးတော့လည်း ရေမပက်ရတာထက် ကျန်းမာရေးက ပိုအရေးကြီးတယ်ဆိုတာ သတိရပေးပါ။ ပျော်ပွဲရွှင်ပွဲဆိုတာ ကိုယ်အသက်ရှိနေသ၍ လုပ်လို့ရပါတယ်။ ဒီရောဂါ ဖြစ်လာရင် ကိုယ်တစ်ယောက်တည်း ဒုက္ခရောက်မှာ မဟုတ်ပါဘူး။ ကိုယ့်မိသားစုဝင်၊ ကိုယ်သွားလာခဲ့တဲ့ နေရာမှာ ရှိနေတဲ့သူတွေ အကုန်လုံး ဒုက္ခရောက်မှာပါ။ အမြဲတမ်း အသိကို သတိနဲ့ ကပ်ထားပြီး မဖြစ်ခင် ကြိုတင်ကာကွယ်ထားကြပါ။ စားနပ်ရိက္ခာတွေလည်း နည်းနည်းချင်းစီ လှောင်ထားကြပါ။

Hello ဆရာဝန် ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာ ကောင်းတဲ့ ဘဝနေ့ရက်တွေကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။

COVID-19 Outbreak updates
Country: Myanmar
Data

117,946

Confirmed

97,819

Recovered

2,484

Death
Distribution Map

Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကယ်လိုရီလောင်ကျွမ်း ခြင်းနဲ့ လေ့ကျင့်ခန်းအမျိုးအစားကွဲများ

ဘယ်လေ့ကျင့်ခန်း အမျိုးအစားက ဘယ်လောက် ကယ်လိုရီလောင်ကျွမ်း စေသလဲ ဆိုတာကို သိထားဖို့လိုပါတယ်။ ဒါမှ ကိုယ့်လိုအပ်ချက်ပေါ်မူတည်ပြီး ကစားနိုင်မှာဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

မီးသတ်ပိုက် နဲ့ အထိုးခံရရင်

မီးသတ်ပိုက် ဆိုတာက အရှိန် ခပ်ပြင်းပြင်း၊ ရေလုံး ကြီးကြီးနဲ့ ဖိအား အတော်လေး များတဲ့အရာပါ။ မီးတွေကို ငြှိမ်းသတ်နိုင်စေဖို့ ပြုလုပ်ထားတဲ့ အရာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သတိ ကိုဗစ်ရှိသေးသည်

လက်ရှိမှာ COVID-19 ရောဂါအပေါ် အာရုံစူးစိုက်မှုက အတန်ငယ်လျော့ကျလာသယောင် ရှိနေပါတယ်။ တကယ်တော့ ကပ်ဘေးဟာ မပြီးသေးသလို ‘ ကိုဗစ်ရှိသေးသည် ’ လို့ ဆိုရဦးမှာပါ။

ရေးသားသူ Ye Zon Aung

သင့်အတွက် ရွေးချယ်ထားသည်

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read
မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 4, 2021 . 2 mins read