home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

သွေးတိုးခြင်းက ခေါင်းကိုက်ခြင်းကို ဖြစ်စေသလား ?

သွေးတိုးခြင်းက ခေါင်းကိုက်ခြင်းကို ဖြစ်စေသလား ?

သွေးတိုးကြောင့် ခေါင်းကိုက်စေတယ်လို့ တွေးရတာလွယ်ကူပါတယ်။ တစ်ခါတစ်လေသင်တွေးမယ်။“နှလုံးကအရမ်းခုန်တာကြောင့် သွေးက သွေးကြောနံရံတွေကိုအားနဲ့တွန်းပြီးစီးဆင်းသွားတယ်။ ဒါကြောင့် ငါ့ဦးခေါင်းခွံကပါလိုက်ခုန်လာတာများလား” ဆိုပြီးတော့ပေါ့။ ဆက်စပ်မှုရှိမရှိဆိုတဲ့ အဖြေကမသေချာပါဘူး။ လေ့လာမှုတွေမှာတော့ ခေါင်းကိုက်နဲ့ သွေးတိုးဆက်စပ်မှုကိုအနည်းငယ် တွေ့ရပါတယ်။
အောက်မှာ သွေးတိုးနဲ့ခေါင်းကိုက်ဘယ်လိုဆက်စပ်နေလဲဆိုတဲ့အကြောင်းအရင်းအမှန်ကိုပြောပြသွားပါ့မယ်။
လွန်ခဲ့တဲ့ဆယ်စုနှစ်လောက်ကလူတွေဟာ ခေါင်းကိုက်တာက သွေးတိုးရဲ့လက္ခဏာဖြစ်တယ်လို့ယုံခဲ့ကြပါတယ်။ တကယ်တော့ လေ့လာမှုတွေအရ ခေါင်းကိုက်တာနဲ့ သွေးတိုးတာကသိသာတဲ့ဆက်စပ်မှုမရှိခဲ့ပါဘူး။ ဒါပေမယ့်ယနေ့ခေတ်ရဲ့လူတော်တော်များများနဲ့ဆရာဝန်တွေကပါခေါင်းကိုက်တာက သွေးတိုးရှိလို့ဆိုပြီးထင်နေကြတုန်းပါဘဲ။

အာရုံကြောဆရာဝန် Deborah Friedman ကခုနကပြောသွားတဲ့အချက်နဲ့ပတ်သက်ပြီးအကြောင်းပြချက်တွေပေးထားပါတယ်။
• သွေးတိုးကကြီးကြီးမားမားနာကျင်မှုတွေနဲ့ဆက်စပ်ချင်ဆက်စပ်နေလိမ့်မယ်။
• ခေါင်းကိုက်ခြင်းက တချို့သွေးတိုးကျဆေးတွေရဲ့ဘေးထွက်ဆိုးကျိုးကြောင့်လည်းဖြစ် နိုင်တယ်။
• ပြောင်းပြန်အားဖြင့် သွေးတိုးကျဆေးများသည် ခေါင်းကိုက်ဝေဒနာကို ကာကွယ်ပေးကောင်းပေးနိုင်တယ်။ ထို့ကြောင့်လည်းဆေးကုသမှု ခံယူနေသောသွေးတိုးလူနာများတွင် ခေါင်းကိုက် ဖြစ်နိုင်ချေ နည်းပါတယ်။

ခေါင်းနည်းနည်းပဲကိုက်တဲ့ သွေးတိုးဝေဒနာရှင်တွေဘာလို့ရှိနေတာလဲ ?

နော်ဝေမှာရှိတဲ့ လေ့လာမှုတွေကသွေးတိုးရှိတဲ့ ဒေသခံတွေက ခေါင်းသိပ်မကိုက်ကြဘူးလိုပြောပါတယ်။ လေ့လာမှုအဖွဲ့သားတွေကအရွယ်ရောက်ပြီးသူ၂၂၀၀၀ခန့်ကို၁၁နှစ်ခြားပြီးစမ်းသပ်ခဲ့ပါတယ်။
အပေါ်သွေး(Systolic blood pressure) ၁၅၀အထက်မှာရှိတဲ့သူတွေကခေါင်းကိုက်နိုင်ချေ၃၀ရာခိုင်နှုန်းပိုနည်းပါတယ်။ အပေါ်သွေး(Systolic figure)ဆိုတာက သွေးတိုးတိုင်းရာမှာအမြင့်ဆုံးဂဏန်းကိုဆိုလိုတာပါ။ လေ့လာသူတွေကလည်းhypalgesia (နာကျင်မှုကိုအာရုံခံစားနိုင်စွမ်းလျော့ခြင်း) ကြောင့်ဖြစ်နိုင်ပါတယ်ဆိုပြီးအဖြေထပ်ထုတ်ခဲ့ပါတယ်။

Malignant hypertension (ပြင်းထန်တဲ့သွေးတိုး) ဆိုတာဘာလဲ ?

တကယ်လို့သင်ဟာMalignant hypertension ကိုခံစားနေရတယ်ဆိုရင်တော့ ခေါင်းကိုက်ခြင်းကလက္ခဏာတစ်ခုဖြစ်မှာအမှန်ပါပဲ။ ဒီလိုပြင်းထန်တဲ့ သွေးတိုးမျိုးကရုတ်တရက်မထင်မှတ်ဘဲဖြစ်လာတတ်ပြီး သွေးတိုးရောဂါရှိသူတွေရဲ့တစ်ရာခိုင်နှုန်းလောက်သာဖြစ်တာပါ။
Malignant hypertension ကငယ်ရွယ်တဲ့ဆယ်ကျော်သက်တွေမှာအဖြစ်များပြီးအထူးသဖြင့်အာဖရိကန်-အမေရိကန်စပ်ယောက်ျားလေးတွေမှာပိုအဖြစ်များပါတယ်။ ကျောက်ကပ်ရောဂါဖြစ်နေသူတွေနဲ့ကိုယ်ဝန်အဆိပ်သင့်နေသူတွေမှာပါဖြစ်နိုင်ပါတယ်။

သတိထားရမယ့်လကဏာတွေကဘာတွေလဲ ?

Malignant hypertension ကြောင့်ဖြစ်တဲ့ ခေါင်းကိုက်ခြင်းရဲ့လက္ခဏာတွေကအမြင်အာရုံဝေဝါးလာခြင်း၊စိတ်အခြေအနေပြောင်းလဲလာခြင်းတို့ဖြစ်တဲ့အပြင်မအီမလည်ဖြစ်ခြင်း၊အသက်ရှူကြပ်ခြင်း၊ရင်ဘတ်အောင့်ခြင်းနဲ့တက်ခြင်းတို့ပဲဖြစ်ပါတယ်။
Malignant hypertension ကအရေးပေါ်အခြေအနေဖြစ်တဲ့အတွက် ဆေးရုံကိုအမြန်ဆုံးသွားပြီးလိုအပ်တဲ့စောင့်ရှောက်မှုတွေခံယူဖို့အရေးကြီးပါတယ်။


သင်ဘာကို မှတ်ထားသင့်သလဲ ?

နောက်ဆုံးလေ့လာချက်တွေအရဖိစီးမှုကြောင့်ဖြစ်သောခေါင်းကိုက်ခြင်း(tension headache) သည် သွေးတိုးနဲဆက်စပ်မှုရှိသည်ဆိုရင်တောင် အနည်းငယ်သာဆက်စပ်ပါသည်။ သွေးတိုးရှိနိုင်ချေသိပ်မရှိပါ။
ခေါင်းတစ်ခြမ်းကိုက်ရောဂါ (Migraine)နဲ့ သွေးတိုးတွေကအရွယ်ရောက်ပြီးသူ၁၀ရာခိင်နှုန်းကနေ၂၂ရာခိုင်နှုန်းအထိသက်ရောက်စေတဲ့အဖြစ်များသောအခြေအနေတွေပဲဖြစ်ပါတယ်။ လူဦးရေအားလုံးရဲ့၃ ရာခိုင်နှုန်းကဒီအခြေအနေနှစ်ရပ်လုံးရှိနေနိုင်ပါတယ်။
Malignant Hypertension(ပြင်းထန်တဲ့သွေးတိုး)မှလွဲပြီးတခြားအခြေအနေများတွင် ခေါင်းကိုက်ခြင်းသည် သွေးတိုးကိုညွှန်ပြနိုင်တဲ့ ယုံကြည်အားထားရတဲ့ လက္ခဏာတစ်ရပ်မဟုတ်ပါ။ အကောင်းဆုံးကတော့ သွေးပေါင်ချိန်မှန်မှန်တိုင်းတာပါပဲ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Friedman, D. (2002). Headache and hypertension: refuting the myth. Journal of Neurology, Neurosurgery and Psychiatry, 72, 431.

http://jnnp.bmj.com/content/72/4/431.full

Hagen, K. et al. (2002, April). and risk of headache and Blood pressure: a prospective study of 22,685 adults in Norway. Journal of Neurology, Neurosurgery and Psychiatry, 72(4),
463-466.

http://www.ncbi.nlm.nih.gov/pubmed/11909904

Janeway, Theodore. (2006). Excerpt from Theodore Janeway’s study of high blood pressure and headaches, Clinical Study of Hypertension. Harvard Health Letter.

http://www.health.harvard.edu/newsletters/Harvard_Health_Letter/2006/January/ excerpt_from_theodore_janeway8217s_study_of_high_blood_pressure_and_headaches_8220a_clinical_study_o

Malignant hypertension. (2011, April 1). National Institutes of Health.

http://www.nlm.nih.gov/medlineplus/ency/article/000491.htm

Prutkin, Jordan M. (2007). Theodore Caldwell Janeway, Clinician and Pathophysiologist.Clinical Cardiology, 30, 146-148.

http://onlinelibrary.wiley.com/store/10.1002/clc.5/asset/5_ftp.pdf?v=1&t=hnrvqdfx
&s=7ea825ff474c86cb1fc26b8a317499b8b4efdb9e

What are the Symptoms of High Blood Pressure? (2011, April 4). American Heart Association.

http://www.heart.org/HEARTORG/Conditions/HighBloodPressure/SymptomsDiagn

osisMonitoringofHighBloodPressure/What-are- the-Symptoms- of-High- Blood-Pressure_UCM_301871_Article.jsp

Yeung, Albert. (2006, June). What Is the Connection Between Hypertension, Headache and Migraine? Hypertension Canada, 87.

http://www.stacommunications.com/customcomm/Back-issue_pages/Hyp_Can/hypcanPDFs/eng/2006/June2006eng.pdf

စာရေးသူ ဓာတ်ပုံ
Kyaw Thura Htun မှ ရေးသားသည်။ 12/05/2020 တွင် ပြန်လည်ပြင်ဆင်ခဲ့သည်။
Dr. K Zin Thwe မှ ကျွမ်းကျင်စွာ စစ်ဆေးထားပါသည်။