home

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ဆံပင်ဖြူခြင်း နှင့် နှလုံးရောဂါဖြစ်နိုင်ခြေ

ဆံပင်ဖြူခြင်း နှင့် နှလုံးရောဂါဖြစ်နိုင်ခြေ

အသက်အရွယ်ရလာချိန်မှာ တဖြည်းဖြည်းချင်း ဆံပင်တွေဖြူလာတာက နှလုံးသွေးကြောဆိုင်ရာရောဂါတွေ ဖြစ်နိုင်ခြေနဲ့ဆက်စပ်နေပါတယ်။ လေ့လာမှုအသစ်တစ်ရပ်မှာတော့ ဆံပင်ဖြူတာက နှလုံးရောဂါရဲ့ ရှေ့ပြေးလက္ခဏာဖြစ်နိုင်တယ်၊လို့ သုံးသပ်ထားပါတယ်။

ကိုလက်စထရော၊အဆီ၊ကယ်လ်ဆီယမ်နဲ့ အခြားဒြပ်ပစ္စည်းတွေပါဝင်ဖွဲ့စည်းထားတဲ့ atherosclerosis လို့ခေါ်တဲ့ အရာက သွေးကြောတွေထဲမှာ စတင်ဖြစ်လာပါတော့တယ်။ ဒီပစ္စည်းက တဖြည်းဖြည်းချင်းစုပုံအနည်ကျလာပြီး သွေးကြောတွေရဲ့ ကျုံ့နိုင်ဆန့်နိုင်စွမ်းကို ကန့်သတ်လာပါတယ်။ ဒီလိုဖြစ်လာတဲ့အနေအထားက နှလုံးနဲ့ ခန္ဓါကိုယ်ရဲ့ အရေးပါတဲ့ အစိတ်အပိုင်းတွေဆီကို သွေးရောက်ရှိစီးဆင်းနိုင်မှုကို အနှောင့်အယှက်ဖြစ်စေပါတယ်။

တကယ်လို့ ဒီအခြေအနေကို မကုသဘဲထားမယ်ဆိုရင် လေဖြတ်တာရုတ်တရက်နှလုံးရပ်တာတွေအပါအဝင် ပြင်းထန်တဲ့ နှလုံးရောဂါဖြစ်နိုင်တဲ့ အလားအာလတွေကိုတိုးစေမှာဖြစ်သလို နှလုံးဖောက်ပြီး အသက်သေဆုံးသည်အထိတောင်ဖြစ်နိုင်ပါတယ်။

နှလုံးသွေးကြောဆိုင်ရာ ရောဂါတွေဖြစ်ရတဲ့အဓိကအကြောင်းအရင်းကတော့ နှလုံးသွေးကြောတွေထဲမှာ အနယ်အနှစ်တွေစုပုံတာက သွေးကြောတွေရဲ့သွေးစီးဆင်းထောက်ပံ့မှုကို ထိခိုက်စေနိုင်တာကြောင့်ဖြစ်ပါတယ်။ နှလုံးသွေးလွှတ်ကြောမကြီးက သွေးတွေကို လုံလောက်အောင် မထောက်ပံ့နိုင်တဲ့အခါ နှလုံးနဲ့ပတ်သက်တွေ ဝေဒနာတွေစတင်ခံစားလာရပါတော့တယ်။

အသက်အရွယ်ကြီးရင့်လာလေလေ နှလုံးရောဂါခံစားရနိုင်ခြေကများလာလေလေပါပဲ။ အသက်အရွယ်ရောက်လာတဲ့အခါ ခန္ဓါကိုယ်တွင်းမှာ oxidative stress တွေတိုးလာပြီး ဆဲလ်တွေကလည်း သက်တမ်းရင့်လာတာကြောင့် DNA တွေက ထိခိုက်ပျက်စီးလာပါတယ်။

သုတေသနအဖွဲ့ဟာ လေ့လာမှုအတွင်း အသက်အရွယ်ကြီးရင့်နေပြီဖြစ်တဲ့ အမျိုးသား ၅၄၅ ဦးကိုလေ့လာခဲ့ ပါတယ်။ လေ့လာမှုမှာပါဝင်သူတွေက နှလုံးရောဂါခံစားနေရတယ်လို့ ယူဆရတဲ့သူတွေဖြစ်ပြီး သူတို့ရဲ့ ဆံပင်ဖြူနေတဲ့ အနေအထားအလိုက် အုပ်စု ၄ စုခွဲခဲ့ပါတယ်။

အဖွဲ့ ၄ ဖွဲ့ထဲမှာအဖွဲ့ ၁ က ဆံပင် လုံးဝမဖြူသူတွေဖြစ်ကြပြီး အဖွဲ့ ၂ ကတော့ ဆံပင် နည်းနည်းပဲဖြူသူတွေပါ။ အဖွဲ့ ၃ ကဆံပင်အမည်းထက် အဖြူပိုများသူတွေဖြစ်ကြပြီး အဖွဲ့ ၄ ကတော့ ဆံပင်လုံးဝဖြူနေသူတွေပါ။ လေ့လာမှုမှာ ပါဝင်သူတွေကို သုတေသီတွေက သေသေချာချာလေ့လာခဲ့ပါတယ်။

လေ့လာမှုအတွင်း လေ့လာမှုမှာပါဝင်ပေးသူတွေရဲ့ နှလုံးရောဂါဖြစ်နိုင်ခြေ၊ သွေးတိုး၊ဆီးချိုနဲ့ သွေးတွင်းကိုလက်စထရောများနိုင်ခြေ၊ ဆေးလိပ်သောက်သုံးလားဆိုတာနဲ့ နှလုံးရောဂါမျိုးရိုးရှိလားဆိုတာတွေကို လေ့လာခဲ့ကြပါတယ်။

သုတေသနအဖွဲ့က လေ့လာမှုမှာပါဝင်သုူတွေရဲ့ အသက်အရွယ်၊ ဆံပင်ဖြူနေတဲ့အတိုင်းအတာ၊ သွေးပေါင်ချိန်ြမင့်နေလားဆိုတာနဲ့ နှလုံးသွေးကြောဆိုင်ရာ ရောဂါတွေခံစားနေရလားဆိုတာကို လေ့လာခဲ့ပါတယ်။

ဆံပင်ဖြူတွေက နှလုံးရောဂါရဲ့ရှေ့ပြေး လက္ခဏာတွေပါ

လေ့လာမှုအရ နှလုံးရောဂါခံစားနိုင်ရခြေရှိသူတွေက ပုံမှန်ထက် ဆံပင်ပိုဖြူနေတယ်၊လို့တွေ့ရှိခဲ့ရပါတယ်။

လေ့လာမှုကို ပူးတွဲလုပ်ဆောင်သူဖြစ်တဲ့ အီဂျစ်နိုင်ငံ ကိုင်ရိုတက္ကသိုလ်က နှလုံးအထူးကု ဒေါက်တာ အီရီနီ ဆာမျူကတော့ “ ဆံပင်ဖြူတာက အသက်အရွယ်ကြီးလာတာကြောင့်ဖြစ်သလို နှလုံးရောဂါခံစားရနိုင်ခြေ ပုံမှန်ထက်များနေတာကြောင့်ဆိုလည်း ဟုတ်ပါတယ်။ လေ့လာတွေ့ရှိချက်တွေအရကတော့ ဆံပင်ဖြူတွေက အသက်အရွယ်ကြီးရင့်လာတာကို ဖော်ပြနေသလို ခန္ဓါကိုယ်ထဲမှာ နှလုံးရောဂါဖြစ်နိုင်တဲ့ အနေအထားတွေ များနေတာကြောင့် နှလုံးရောဂါခံစားရနိုင်ခြေများလာနေတယ်၊လို့ဖော်ပြနေတာလည်းဖြစ်ပါတယ်၊” လို့ရှင်းပြခဲ့ပါတယ်။

ဒီလေ့လာမှုကို အတည်ပြုနိုင်ဖို့အတွက် နောက်ထပ်လေ့လာမှုတွေလုပ်ဆောင်ဖို့လိုအပ်မှာလည်းဖြစ်ပါတယ်၊လို့ ဒေါက်တာ ဆာမျူကပြောပြခဲ့ပါတယ်။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

health-tool-icon

ရှိသင့်သည့် နှလုံးခုန်နှုန်း တွက်ချက်ကိရိယာ

သင့်အသက်အလိုက် နားနေချိန်နှင့် လှုပ်ရှားချိန်မှာ ရှိရမယ့် နှလုံးခုန်နှုန်းက ဘယ်လောက်လဲဆိုတာ တွက်ချက်လိုက်ပါ။ နှလုံးခုန်နှုန်းကို လေ့ကျင့်ခန်းနှင့် အခြားအချက်များက ဘယ်လိုသက်ရောက်စေသလဲဆိုတာာကို လေ့လာလိုက်ပါ။

အမျိုးသား

အမျိုးသမီး

မည်သူ့အတွက် စစ်ဆေးမည်နည်း။

နားနေချိန်မှာ ရှိသည့် နှလုံးခုန်နှုန်း (တစ်မိနစ်လျှင် အကြိမ်ရေ)

60

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Aye Thi Mon မှ ရေးသားသည်။ 11/05/2020 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။