မယ်လတိုနင်ဆိုတာ ပင်နီရယ်ဂလင်းလို့ခေါ်တဲ့ ဦးနှောက်ထဲက ဂလင်းကနေ ထွက်လာတဲ့ ဟော်မုန်းတစ်မျိုး ဖြစ်ပါတယ်။
နေဝင်လာပြီ၊ မှောင်လာပြီဆိုရင် ခန္ဓာကိုယ်က အချက်ပြလိုက်တာကြောင့် မယ်လတိုနင်ဟော်မုန်းထွက်လာပြီး အိပ်ဖို့ စပြီး ပြင်ဆင်ပါတော့တယ်။ များသောအားဖြင့်တော့ ည၉နာရီ ဝန်းကျင်လောက်မှာပါ။ မယ်လတိုနင်ဟော်မုန်းတွေ သွေးထဲမှာ များလာပြီဆိုရင်တော့ လူက တဖြည်းဖြည်း အိပ်ငိုက်လာမှာပါ။
ပြီးရင်တော့ မနက်လင်းပိုင်းလောက် ရောက်ရင် တဖြည်းဖြည်း ပြန်နည်းလာတာကြောင့် လူက အိပ်ရာက နိုးလာပြီး လန်းလန်းဆန်းဆန်း ဖြစ်လာပါတယ်။ ဒါက မယ်လတိုနင်ရဲ့ အလုပ်လုပ်ပုံပါ။
မယ်လတိုနင်က အိပ်ဆေးလိုမျိုး သောက်လိုက်တာနဲ့ အိပ်စေတာမျိုး မဟုတ်ပါဘူး။ ခန္ဓာကိုယ်ရဲ့ ဇီဝနာရီလို့ ခေါ်တဲ့ ဘယ်အချိန်မှာတော့ အိပ်သင့်ပြီ၊ ဘယ်အချိန်မှာတော့ ထသင့်ပြီဆိုတာကို ပတ်ဝန်းကျင်အခြေအနေပေါ် မူတည်ပြီး အချက်ပြပေးတာ ဖြစ်ပါတယ်။
ခရီးခဏခဏ သွားပြီး အိပ်ချိန်အပြောင်းအလဲ ဖြစ်တဲ့သူတွေ၊ ညဘက်တွေ ဖုန်းသုံးတာ၊ အလုပ်လုပ်တာကြောင့် အိပ်ချိန်မမှန်တဲ့သူတွေမှာဆို ဒီဇီဝနာရီက ပျက်သွားတာကြောင့် အိပ်မပျော်တာ၊ အိပ်ရခက်တာတွေ ဖြစ်လာပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။