ကိုယ့်ကိုယ်ကို အဆုံးစီရင်မိအောင် တွန်းအားအပေးနေဆုံးကိစ္စက ဘာလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date အောက်တိုဘာ 9, 2020 . 2 mins read
Share now

သာမန်အချိန်မှာ သာမန်လူတစ်ယောက်အနေနဲ့ တွေးကြည့်မယ်ဆိုရင် မိမိကိုယ်ကိုအဆုံးစီရင်ဖို့ ဆိုတာ အတော်လေးကို ဖြစ်နိုင်ခြေနည်းပါးတဲ့ကိစ္စတစ်ခုပါ။ ဒါပေမယ့် ပြင်းထန်တဲ့ စိတ်ဖိစီးမှု၊ ပတ်ဝန်းကျင်ဖိအားနဲ့ စိတ်အားငယ်မှုစတာတွေကို ခံစားနေရသူတစ်ယောက်အတွက်ဆိုရင်တော့ ဒီအချက်ဟာ ဖြစ်မလာနိုင်ဘူးလို့ ဆိုဖို့ခက်ခဲပါတယ်။

စိတ်ဖိစီးမှု၊ စိတ်ဓာတ်ကျမှုနဲ့ စိတ်ပင်ပန်းမှုဝေဒနာတွေကို ပြင်းပြင်းထန်ထန် ခံစားနေရသူတွေဟာ ကိုယ့်ကိုယ်ကို သတ်သေနိုင်ပါတယ်။ ဒီလိုဖြစ်လာအောင်တွန်းအားပေးနေတဲ့ အကြောင်းအရင်းတွေ အများကြီးရှိနေပြီးတော့ အဓိကအကျဆုံးတွန်းအားက စားဝတ်နေရေး ဒါမှမဟုတ် ငွေကြေးဥစ္စာနဲ့ဆက်နွယ်တဲ့ကိစ္စတွေ ဖြစ်တယ်လို့ လေ့လာချက်တွေက ဆိုထားကြတာပါ။

ဘာကြောင့် ငွေကြေးက လူကို သတ်သေချင်စိတ်ပေါက်စေတာလဲ

နေ့စဉ်လူနေမှုဘဝမှာ စိတ်ဖိစီးမှုတွေ၊ လူမှုဘဝအခက်အခဲတွေ၊ မိသားစုအဆင်မပြေမှုတွေနဲ့ လူမှုရေး၊ ကျန်းမာရေး၊ စီးပွားရေးပြဿနာတွေဟာ ကြုံတွေ့ရနေကြ လောကဓံတရားတွေဖြစ်ပါတယ်။

ဒီလိုရုံးကန်လှုပ်ရှားနေရတဲ့ဘဝထဲမှာ ပင်ပန်းဆင်းရဲမှုဒဏ်တွေ၊ နာမကျန်းမှု ဝေဒနာတွေနဲ့ ပြင်းထန်လှတဲ့ စိတ်ဖိစီးမှုတွေကို မတွန်းလှန်နိုင်ကြတော့တဲ့သူတွေဟာ ရှိနေတဲ့ လူ့ဘဝကို စွန့်ခွာပြီး ကိုယ်လွတ်ရုံးဖို့ ကြိုးစားကြလေ့ရှိပါတယ်။

WHO ရဲ့ အချက်အလက်တွေအရ ဒီကနေ့ ကမ္ဘာပေါ်မှာ စက္ကန့် ၄၀ ကို လူတစ်ဦးနှုန်း မိမိကိုယ်ကို သေကြောင်းကြံစည်နေကြပါတယ်။ ဆိုလိုတာက တစ်နှစ်ကို လူပေါင်း ၈ သိန်းခန့် ကိုယ့်ကိုယ်ကို သတ်သေနေကြတဲ့ သဘောဖြစ်ပါတယ်။

အဲ့ဒီထဲက ၇၉% ဟာ တစ်ဦးချင်းဝင်ငွေနည်းပါးတဲ့ (ဒါမှမဟုတ်) ဝင်ငွေအလယ်အလတ်သာရှိတဲ့ တိုင်းပြည်တွေမှာ ဖြစ်ပွားနေတာဖြစ်ပါတယ်။ ပိုမိုဆိုးရွားတဲ့အချက်ကတော့ သေဆုံးသူတွေရဲ့ ပျမ်းမျှ အသက်အရွယ်ဟာ အသက် ၁၅ နှစ်နဲ့ ၂၉ နှစ်အကြား အသက်အရွယ်မှာဖြစ်ပွားနေကြတာပါပဲ။ စီးပွားကို အားကြိုးမာန်တက် ရှာဖွေနေကြတဲ့အရွယ်ပေါ့။

ဒီကနေ့ ကမ္ဘာကြီးမှာ ဂုဏ်ဒြပ်တွေနဲ့ ပကာသဏတွေဟာ ရှေ့တန်းကိုရောက်လာပါတယ်။ ဒါ့အပြင် လူတစ်ဦးချင်းစီရဲ့ နေထိုင်မှုဘဝမှာ ငွေကြေးဥစ္စာလိုအပ်ချက်လည်း မြင့်မားလာနေတာ သိသာထင်ရှားလွန်းနေပါရဲ့။

ဒီလိုလူ့အဖွဲ့အစည်းကြီးထဲမှာ ရှင်သန်နေကြရတဲ့အခါ ငွေကြေးဥစ္စာရှာဖွေစုဆောင်းမှုက လူတစ်ဦးချင်းစီရဲ့ ဘဝမှာ အရေးအပါဆုံးကိစ္စရပ်ဖြစ်လို့လာတော့တာပေါ့။ နေ့စဉ်နဲ့အမျှ မိုးလင်းမိုးချုပ် ရုံးကန်လှုပ်ရှားနေရတာဟာ ငွေကြေးရှာဖွေဖို့ပါပဲ။ ဝင်ငွေရှာဖွေနိုင်မှာ အစားအစာဝယ်စားနိုင်မယ်၊ နေစရာရမယ်၊ မိသားစုကို ထောက်ပံ့နိုင်မယ်၊ အကြွေးဆပ်နိုင်မယ်၊ လုပ်ငန်းကို ရင်းနှီးမြှုပ်နှံနိုင်မယ်၊ စသဖြင့် အကြောင်းအရင်းကတော့ အမျိုးမျိုးပါပဲ။

လေ့လာချက်တွေအရဆိုရင် လူတွေဟာ ဒီလိုမျိုး နေ့စဉ်ဘဝရဲ့ အစိတ်အပိုင်းတစ်ခု ဒါမှမဟုတ် အရေးအပါဆုံးကိစ္စတစ်ခုအဖြစ် သတ်မှတ်ကာ ကြိုးစားဖန်တီးယူနေရတဲ့ ငွေကြေးဥစ္စာပိုင်းကိစ္စရပ်တွေ တစ်စုံတစ်ရာ အဆင်မပြေဖြစ်လာတဲ့အခါ (သို့) ဒါမှမဟုတ် ပျက်စီးဆုံးရှုံးသွားရတဲ့အခါ (သို့) မဖြည့်ဆည်းနိုင်တော့တဲ့အခါ အလွန်အမင်းစိတ်ဓာတ်ကျသွားတတ်ကြတာ ဓမ္မတာဖြစ်ပါတယ်။

ဒီအချက်ဟာ ကိုယ့်ကိုယ်ကို အဆုံးစီရင်မိအောင် တွန်းအားပေးတဲ့ စိတ်ပိုင်းဆိုင်ရာ ထိခိုက်ခံစားရမှုတွေထဲမှာ အဆိုးရွားဆုံးလို့ဆိုထားပြီး တခြားအခြေအနေတွေထက် ဖြစ်နိုင်ခြေ ၂၀% လောက်ပိုတယ်လို့ဆိုပါတယ်။

ဒုခ်တက္ကသိုလ်ရဲ့ လေ့လာချက်အရဆိုရင် ခုလို COVID-19 ရောဂါဆိုးကြီးကြောင့် ကမ္ဘာတစ်ဝှမ်းမှာ စီးပွားရေးထိခိုက်နစ်နာမှုတွေရှိနေချိန်မှာ ငွေကြေးပြဿနာတွေ၊ အကြပ်အတည်းတွေကြောင့် ကိုယ့်ကိုယ်ကို သတ်သေမှုနှုန်းပိုမြင့်တက်လာတယ်လို့ ဆိုထားပါတယ်။ ဒါ့အပြင် ဒီနှုန်းတွေဟာ လျော့ကျသွားဖို့ရာလည်း မရှိသေးပါဘူးတဲ့။

အရှုံးမပေးပါနဲ့

မြန်မာနိုင်ငံမှာလည်း ကိုယ့်ကိုယ်ကို အဆုံးစီရင်မှုတွေ အကြာခဏဖြစ်ပွားနေတာကို ကြားသိနေရပါတယ်။ ခုလို COVID-19 ကာလမှာတော့ ကိုယ့်ကိုယ်ကို အဆုံးစီရင်တဲ့သတင်းတွေက ကိုဗစ်သတင်းတွေအကြား မြှုပ်နေဟန်တူပါရဲ့။ သိပ်သတိမထားမိပါဘူး။ ဒါပေမယ့် ကိုယ့်ကိုယ်ကို သတ်သေနှုန်း အတိုင်းအတာတစ်ခုအထိရှိနေတဲ့ မြန်မာပြည်မှာ အဆုံးစီရင်မှုတွေ ရှိနေမှာတော့ သေချာသလောက်ပါပဲ။

ယခင်ကတည်းက မြန်မာပြည်မှာဖြစ်တဲ့ အဆုံးစီရင်မှုတွေဟာ အများစုသော အဖြစ်အပျက်တွေဟာ မိသားစုစားဝတ်နေရေးနဲ့ သက်ဆိုင်နေကြတာမို့ တိုင်းပြည်ဆင်းရဲမွဲတေနေမှုဟာ အခြေခံလူတန်းစားတွေရဲ့ လူမှုဘဝအပေါ် ပြင်းထန်တဲ့ ဖိအားတွေဖြစ်နေစေတယ်လို့ မှတ်ယူရပါတယ်။

ပုံမှန်အားဖြင့် လူတစ်ယောက် ဘယ်အကြောင်းကြောင့်မဆို စိတ်ဖိစီးမှုလွန်ကဲလာရင် ကိုယ့်ကိုယ်ကို သတ်သေတဲ့ ပြဿနာက အမြဲလိုလိုကပ်ပါလာတတ်ပါတယ်။ ဘဝဟာ နေပျော်စရာမရှိတော့ဘူးလို့ ထင်မြင်ယူဆလာပြီး ဘဝကို အဆုံးသတ်ချင်စိတ် မကြာခနပေါ်လာနေပါလိမ့်မယ်။

ဒီအခြေအနေမျိုးကို ရှောင်လွှဲနိုင်ဖို့ လိုအပ်ပါတယ်။ ကိုယ့်မှာ စိတ်ဖိစီးမှုလက္ခဏာတွေ၊ စိတ်ဓာတ်ကျဆင်းနေတဲ့လက္ခဏာတွေ ရှိနေရင်တောင်မှ လောကဓံကို အရှုံးမပေးပါနဲ့။ အားမလျော့ပါနဲ့။ ရှေ့မှာရောင်နီဖြာတဲ့ နေ့သစ်တွေ ရှိနေဦးမယ်ဆိုတာ သေချာနေလို့ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

သိမ်းဆည်းထားရမယ့် အရာတွေထဲမှာ စိတ်ဖိစီးမှု မပါပါ။

စိတ်ဖိစီးမှုက ပမာဏ နည်နည်းမှာ စိတ်အားထက်သန်မှု ဖြစ်စေတယ်ဆိုပေမယ့် ပမာဏ များလာရင် ထိခိုက်မှု ကြီးလာပါတယ်။ဒီတော့ နှစ်ရှည်လများ စိတ်ဖိစီးမှုကို စုမထားပါနဲ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင်ချစ်ရတဲ့သူတွေ စိတ်ဖိစီးမှုမှ လွတ်မြောက်ဖို့ ဘယ်လိုကူညီပေးမလဲ

စိတ်ဖိစီးမှုက ခံနိုင်စွမ်းထက် ကျော်လွန်လာရင်တော့ ရုပ်ပိုင်းဆိုင်ရာ၊ စိတ်ပိုင်းဆိုင်ရာတွေ ထိခိုက်လာမှာပါ။ ဒီအဆင့်ထိရောက်မသွားအောင် ကာကွယ်ဖို့လိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သွေးတွင်းအချိုဓာတ်ကို များစေနိုင်သည့် လူသိနည်းသော အချက်များ

သွေးတွင်းအချိုဓာတ်ကို များစေတဲ့ အချက်တွေကတော့ စိတ်ဖိစီးမှုများတာ၊ အိပ်ရေးပျက်တာ၊ ဖျားနာတာ၊ ဆေးသောက်ချိန်မမှန်တာ၊ ကဖင်းဓာတ်စတာတွေကြောင့် ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကျနေတဲ့ စိတ်ဓာတ်ကို ဆွဲတင်ကြစို့

အမြဲစိတ်ဓာတ်တွေကျနေရင် ဘယ်လိုလုပ် ဘဝကို အဓိပ္ပါယ်ရှိရှိ ဖြတ်နိုင်တော့မှာလဲ။ ဒီတော့ စိတ်ဓာတ်ကျ (Depression) နေပြီဆိုရင် တိုက်ထုတ်လိုက်ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

အမျိုးသားကျန်းမာရေးအချိန်အခါ နိုဝင်ဘာ

အမျိုးသားကျန်းမာရေးအချိန်အခါ နိုဝင်ဘာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 26, 2020 . 3 mins read
အမျိုးသမီးများ နှင့် တစ်ကိုယ်ရေ အာသာဖြေခြင်း

အမျိုးသမီးများ နှင့် တစ်ကိုယ်ရေ အာသာဖြေခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 25, 2020 . 2 mins read
ခါးနာခြင်း

ခါးနာခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 25, 2020 . 3 mins read
ဆီးချိုရှိသူအတွက် ပြုစုစောင့်ရှောက်ရသူတစ်ယောက်ရဲ့စိတ်သောကကို လျှော့ချပေးနိုင်မယ့် (၇) ချက်

ဆီးချိုရှိသူအတွက် ပြုစုစောင့်ရှောက်ရသူတစ်ယောက်ရဲ့စိတ်သောကကို လျှော့ချပေးနိုင်မယ့် (၇) ချက်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် နိုဝင်ဘာ 10, 2020 . 3 mins read