ပုံမှန်ကျန်းမာရေးစစ်ဆေးမှုလုပ်တာကြောင့် ဘယ်လိုအကျိုးထူးတွေရနိုင်မှာလဲ…….

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ကျန်းမာရေးစစ်ဆေးမှုလုပ်တာက ပိုက်ဆံအပိုကုန်တဲ့ကိစ္စလို့တွေးနေတယ်ဆိုရင် အခုကစပြီး ဒီအတွေးကိုဖျောက်လိုက်တော့နော်။ ပုံမှန်ကျန်းမာရေး စစ်ဆေးမှုက လူတိုင်းလုပ်သင့်တဲ့ ကျန်းမာရေးစောင့်ရှောက်မှုတွေထဲက တစ်ခုမို့ပါ။ ဘာကြောင့် ဒီလိုပြောရလဲဆိုတာကို ဒီဆောင်းပါးလေးထဲမှာပြည့်ပြည့်စုံစုံရှင်းပြထားလို့ ဖတ်ကြည့်ဖို့ပြောပါရစေနော်။

ဘာကြောင့် ပုံမှန်ကျန်းမာရေးစစ်ဆေးမှုလုပ်သင့်တာလဲ……….

ဒီအချက်တွေကြောင့် ပုံမှန်ကျန်းမာရေးစစ်ဆေးမှုလုပ်သင့်တာပါနော်။

ကျန်းမာရေးကုန်ကျစရိတ်သက်သာစေတယ်

ရောဂါတစ်ခုခုဖြစ်ပြီဆိုရင်ငွေကနောက်ကမည်းလိုက်ရပြီဆိုတာထွေထွေထူးထူးပြောနေစရာမလိုအောင် လူတိုင်းသိထားပြီးဖြစ်မှာပါ။ တကယ်လို့ ပုံမှန်ကျန်းမာရေးစစ်ဆေးမှုလုပ်မယ်ဆိုရင်ဖြစ်လာမယ့်ရောဂါတွေကို ထိထိရောက်ရောက်ကြိုတင်ကာကွယ်နိုင်တာကြောင့် ကျန်းမာရေးစရိတ်ကို တော်တော်လေးလျှော့ချနိုင်မှာပါ။နောက်ထပ်အားသာချက်တစ်ခုကစောစောသိစောစောကုသမှုခံယူနိုင်တာကြောင့်ရောဂါခံစားရမှုသက်သာစေနိုင်မှာပါ။

မဖြစ်ခင်က ကြိုတင်ကာကွယ်ခွင့်ရတယ်

ပုံမှန်ကျန်းမာရေးစစ်ဆေးမှုကြောင့်ဖြစ်လာနိုင်တဲ့ ရောဂါတွေကို ကြိုတင်သိရှိပြီး ကြိုတင်ကာကွယ်ခွင့်ရရှိမှာဖြစ်ပါတယ်။ ကြိုတင်ကာကွယ်ခွင့်ရတာက ကျန်းမာရေးအတွက်တင်အထောက်အကူပြုတာမဟုတ်ဘဲငွေကုန်ကြေးကျသက်သာစသေလို စိတ်သက်သာရလည်းရစေနိုင်ပါတယ်။ရောဂါကို ကုသရာမှာလည်း ပိုမိုလွယ်ကူစေနိုင်ပါတယ်။

သွေးအဖြေကနေတဆင့်ရောဂါတွေရှိနေလားဆိုတာကို သိခွင့်ရနိုင်တယ်

ကျန်းမာရေးစစ်ဆေးမှုလုပ်တဲ့အခါသွေးစစ်ဆေးမှုက မဖြစ်မနေလုပ်ရပါတယ်။ ဒီလိုသွေးစစ်ဆေးမှုကြောင့်လည်းရောဂါတော်တော်များများကိုသိရှိနိုင်မှာပါ။ အကြောင်းကတော့သွေးစစ်ဆေးမှုလုပ်တဲ့အခါသွေးတွင်းကိုလက်စထရောပမာဏကိုသိရှိနိုင်မယ်၊ ဆီးချိုရှိနေလား၊ ကင်ဆာ၊သွေးတိုး၊သွေးအားနည်းရောဂါ၊HIV/AIDS ရှိနေလား၊ နှလုံးသွေးကြောဆိုင်ရာရောဂါတွေရှိနေလားဆိုတာကို သိနိုင်သလို အသည်း၊ကျောက်ကပ်၊ သိုင်းရွိုက်တွေပုံမှန်အလုပ်လုပ်ရဲ့လားဆိုတာကိုလည်း သိနိုင်မှာပါ။ လိုအပ်တဲ့ ကုသမှုခံယူနိုင်သလိုပြင်ဆင်သင့်တဲ့ ကာကွယ်မှုအတွက်လည်း အသင့်ပြင်ထားနိုင်မှာပါ။

ကျန်းမာတဲ့လူနေမှုပုံစံကို ဖန်တီးခွင့်ရမယ်

ကျန်းမာရေးစစ်ဆေးမှုကနေတဆင့် ဆင်ခြင်နေထိုင်ရမယ့် အချက်တွေကို သိရှိပြီး လိုက်နာနေထိုင်မှုတွေကြောင့် ကျန်းမာတဲ့ စားသောက်မှုပုံစံအပြင်နေ့စဉ်ပုံမှန်လေ့ကျင့်ခန်းလုပ်တာကစလို့ ကျန်းမာတဲ့လူနေမှုပုံစံကို ဖန်တီးနိုင်မှာပါ။

ကာကွယ်ဆေးတွေပုံမှန်ထိုးဖြစ်မယ်

တစ်နှ်စ်တစ်ခါထိုးရမယ့် ကာကွယ်ဆေးတွေကိုလည်း မမေ့မလျော့ထိုးဖြစ်နိုင်မှာပါ။ တုပ်ကွေးရာသီရောက်လာချိန်မှာ တုပ်ကွေးကာကွယ်ဆေးမထိုးမိတာမျိုးဖြစ်နိုင်တဲ့ပြဿနာကိုကင်းစေနိုင်သလို ဆရာဝန်ကလိုအပ်တာကြောင့် ညွှန်ကြားလာမယ့် ကူးစက်ရောဂါကာကွယ်ဆေးတွေကိုလည်း ပုံမှန်ထိုးဖြစ်မှာပါ။

ပုံမှန်ကျန်းမာရေးစစ်ဆေးမှုလုပ်သင့်သူတွေက ဘယ်သူတွေလဲ………

  • ရောဂါအခံရှိသူတွေ
  • သက်အရွယ်ကြီးရင့်နေတဲ့သူတွေ
  • သက်လတ်ပိုင်းတွေ
  • မိဘမျိုးရိုးမှာ နာတာရှည်ရောဂါတစ်ခုခုခံစားရမှုရှိသူတွေ
  • အဝလွန်နေသူတွေ
  • ရှိသင့်တဲ့ BMI (ခန္ဓါကိုယ်ထုထည်ညွှန်းကိန်း) ထက်နည်းနေတဲ့သူတွေ
  • မွေးရာပါရောဂါတစ်ခုခုခံစားနေရတဲ့ ကလေးငယ်တွေကအခြားသူတွေထက်ပုံမှန်စစ်ဆေးမှုလုပ်သင့်ပါတယ်။

အသက်အရွယ်အလိုက်လုပ်ဆောင်သင့်တဲ့ ကျန်းမာရေးစစ်ဆေးမှုအကြိမ်ရေ

အသက်အရွယ်အလိုက် ကျန်းမာရေးစစ်ဆေးမှုခံယူရမယ့် အကြိမ်ရေလည်း ကွာခြားနိုင်ပါတယ်။

  • အသက် ၁၉ နှစ်ကနေ ၂၁ နှစ်အထိ ၂ နှစ် တစ်ကြိမ် ဒါမှမဟုတ် ၃ နှစ်တစ်ကြိမ်
  • အသက် ၂၂ နှစ်ကနေ ၆၄ နှစ်အထိ ၁ နှစ် တစ်ကြိမ် ဒါမှမဟုတ် ၃ နှစ်တစ်ကြိမ်
  • အသက် ၆၅ နှစ်အထက် တစ်နှစ်ကို တစ်ကြိမ်ပုံမှန်ကျန်းမာရေးစစ်ဆေးမှုလုပ်သင့်ပါတယ်။

ကျန်းမာခြင်းသည် လာဘ်တစ်ပါးဆိုတဲ့စကားအတိုင်း စိတ်ရောကိုယ်ပါကျန်းမာစွာနေထိုင်ချင်တယ်ဆိုရင်တော့ လိုအပ်တဲ့ ကျန်းမာရေးစစ်ဆေးမှုတွေကို အခုကစလုပ်လို့ ကိုယ်တိုင်အတွက် ရင်းနှီးမြှုပ်နှံလိုက်ပါလို့ တိုက်တွန်းပါရစေနော်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အသီးအရွက်တွေကို ဆားရည်နဲ့ဆေးကြောပေးပါ။

အသီးအရွက်တွေကို ကြိုက်တယ်။ အစိမ်းစားရတာလည်း သဘောကျတယ်။ ကြော်စား၊ ချက်စားရတာကိုလည်း ကြိုက်တယ်။ ဒါပေမယ့် အသီးအရွက်တွေက မသန့်ပဲ ပိုးတွေပါမှာစိုးတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အဆုတ်ကင်ဆာ ကာကွယ်ပါ

မဖြစ်ခင်က ကြိုတင်ကာကွယ်ပါ။ ဒီလို ကြိုတင်ကာကွယ်ရမယ့်အထဲမှာ အဆုတ်ကင်ဆာကလည်း တစ်ခုအပါအဝင်ပါပဲ။ အဆုတ်ကင်ဆာ သတိပြု ကာကွယ်လို့ ကျန်းမာရေးဂရုပြုပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
အဆုတ်ကင်ဆာ, ကျန်းမာရေးစင်တာ အောက်တိုဘာ 6, 2020 . 2 mins read

သွေးလေးဖက်နာရောဂါနဲ့ ပတ်သက်ပြီး သင်သိထားသင့်တဲ့ အချက်တွေက ဘာတွေလဲ။

သွေးလေးဖက်နာ လေးဖက်နာရောဂါ အရိုးအဆစ်တွေပုံပျက် အရိုအဆစ်အမြစ်တွေရောင်ရမ်း Autoimmune အဆစ်တွေတောင့်တင်း ဆေးလိပ်သောက် အဝလွန်ခုခံအားကမောက်ကမဖြစ် နာတာရှည်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အရသာရှိရှိ ဆေးဘဲဥသုပ် စားကြရာဝယ်

ဆေးဘဲဥလို့ ပြောလိုက်ရင် လူတိုင်း မြင်ဖူး စားဖူးကြမှာပါ။ အပေါ်က ထုံးလိုအရာတွေ မံထားပြီး ဒါတွေကို ထုခွဲလိုက်ရင် အတွင်းက ဘဲဥအလုံးလိုက်လေး ထွက်လာပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အဝလွန်မှုရဲ့ နောက်ဆက်တွဲ ကင်ဆာအမျိုးအစားများ

အဝလွန်မှုရဲ့ နောက်ဆက်တွဲ ကင်ဆာအမျိုးအစားများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 13, 2020 . 2 mins read
ကိုဗစ်ကာလမှာ ဝိတ်ချသင့်သလား

ကိုဗစ်ကာလမှာ ဝိတ်ချသင့်သလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 12, 2020 . 2 mins read
COVID-19 လက္ခဏာတစ်မျိုးဖြစ်တဲ့ လည်ချောင်းနာခြင်းကို သက်သာစေမယ့် အိမ်တွင်းကုထုံးများ

COVID-19 လက္ခဏာတစ်မျိုးဖြစ်တဲ့ လည်ချောင်းနာခြင်းကို သက်သာစေမယ့် အိမ်တွင်းကုထုံးများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 9, 2020 . 2 mins read
သာမန် ဖျားနာမှုကြောင့် အနံ့၊ အရသာ ပျောက်ခဲ့ရင်

သာမန် ဖျားနာမှုကြောင့် အနံ့၊ အရသာ ပျောက်ခဲ့ရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 9, 2020 . 2 mins read