ခရီးသွားရင်း တွေ့ကရာစားပြီး အစာအိမ်မထိခိုက်အောင် ကာကွယ်မယ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ပိတ်ရက်တွေရောက်လာပြီဆို အပီအပြင်လည်ဖို့ ဒါမှမဟုတ် ခရီးထွက်ဖို့ စီစဉ်ထားကြမှာပဲ။  ဒါပေမယ့် ခရီးကိုရောက်တာ တစ်ရက်ပဲရှိသေးတယ် နေမကောင်းဖြစ်သွားရပြီဆို ပလန်တွေအကုန် ပလုံသွားမှာနော်။

အရေးကြီးဆုံးက လမ်းမှာ ဒါမှမဟုတ် ခရီးရောက်တဲ့အခါ  စားမယ့်အစားအသောက်ကိစ္စပါပဲ။ ခရီးသွားရင်း ပျော်ရင်းရွှင်ရင်း လမ်းမှာစားစရာဆိုင်တွေ့ရင်ပဲ ရတနာတွေ့သလို ပြေးဝယ်စားကြ၊ သောက်ကြ တာ ပျော်စရာ။ ဒါပေမယ့် တွေ့ရာစားဖို့ ကိုယ့်ဗိုက်ကရော ကောင်းလို့လား။ ဘယ်အချိန်မဆို ဆင်ခြင်စားသင့်တဲ့ အစားအသောက်စာရင်းကို သတိပေးလိုက်ပါဦးမယ်။

ဆီကြော်စာ

ဆီကြော်တွေက ချေဖျက်ရခက်ရတဲ့အထဲ နေရာဒေသအပြောင်း၊ ရာသီအပြောင်းမှာ အစာပိုပြီးမကြေတော့ပါဘူး။ နဂိုတည်းက အစာခြေရည်ပြန်ဆန်တက်တတ်တဲ့၊ ဒါမှမဟုတ် အစာမကြေဖြစ်လွယ်၊ လေထတတ်တဲ့ ဗိုက်ဆို ပိုဆိုးပါတယ်။ ကားမူးတာနဲ့ပေါင်းရင် ပိုဆိုး။

ပြုပြင်စီမံထားတဲ့အစားအစာ

ဟော့ဒေါ့လို့ ခေါ်တဲ့ အချောင်းလေးတွေက ပြုပြင်စီမံထားတဲ့အစားအစာတွေပေါ့။ နောက်ပြီး ယူတို့လမ်းမှာ ဖောက်စားတတ်ကြတဲ့ အာလူးကြော် ဘာညာလည်း ဒီထဲပါတာပဲ။ အဲဒါတွေက လေပွစေနိုင်တယ်၊ ဗိုက်အောင့်စေနိုင်တယ်၊ မအီမသာဖြစ်စေနိုင်တယ်နော်။

အစပ်

ကမ်းခြေရောက်ပြီ၊ ပင်လယ်စာတွေ တွယ်ပြီဆိုပြီး အပူအစပ်တွေတရှူးရှူးစားခြင်းက ယူတို့ကို စမတ်မဖြစ်စေပါဘူး။ အခန့်မသင့်ရင် ဗိုက်အောင့်မယ်နော်။ အရမ်းစပ်အောင်မစားပါနဲ့။ အရင်တည်းက အစာအိမ်ပြဿနာရှိရင် သတိထားရမယ့်အချက်ပါ။

အကင်

အကင်တွေက အမြည်းလုပ်ရတာ အရသာရှိပေမယ့် မသန့်ရင်၊ မလတ်ရင် အစာအိမ်ကို E.coli လို ရောဂါပိုးတွေအတွက် လမ်းဖွင့်ပေးလိုက်နိုင်ပါတယ်။ အဲဒီဘက်တီးရီးယားဝင်ရင် ဝမ်းလျှောမယ်၊ ဗိုက်အောင့်မယ် Listeria ဆိုရင် ဖျားမယ်၊ခေါင်းကိုက်မယ်၊ ဗိုက်အောင့်မယ်။ ကဲ ပျော်နိုင်ပါတော့မလား။ ဒါ့ကြောင့် ကမ်းခြေရောက်လို့ စားမယ်ဆို ချက်ချင်းလတ်လတ်ဆတ်ဆတ်ကင်ခိုင်းတာ အကောင်းဆုံးပါ။

မလတ်ဆတ်တဲ့အစားအစာ

မလတ်ဆတ်တဲ့ အစားအသောက်တွေစားမိရင် ဝမ်းပျက်ဝမ်းလျှောတာ၊ ဗိုက်အောင့်ဗိုက်နာတွေအပြင် အစာအဆိပ်သင့်တာတွေအထိပါ ဖြစ်စေနိုင်တယ်။ ဒါ့ကြောင့် ပင်လယ်စာဖြစ်ဖြစ်၊ ဒေသစာဖြစ်ဖြစ် ဘာကိုစားစား အခြေအနေကောင်းမှ၊ လတ်ဆတ်သန့်ရှင်းမှုရှိမှ ဝယ်စားပါ။

အရက်

အယ်ကိုဟောပါတာတွေ အရက်ဘီယာအတူတူပဲနော်။ ဝိုင်လည်းအရက်မဟုတ်ဘူးလို့ ကပ်မငြင်းနဲ့။ အယ်ကိုဟောဆိုတာ အစာအိမ်ကိုပူလောင်စေတာအမှန်ပဲကို။ နည်းနည်းသောက်ရင်တောင် ရင်ပူတာ၊ အစာအိမ်အက်စစ်ပြန်ဆန်တက်တာတွေ ဖြစ်လာစေနိုင်တယ်။ သောက်တာများရင် အစာအိမ်နံရံတွေကို ရောင်ရမ်းစေလိမ့်မယ်။

ကော်ဖီ

ရေကူးပြီးလို့ ချမ်းတဲ့အချိန် ကော်ဖီလေးသောက်လိုက် နွေးသွားတာပဲမလား။ ဒါပေမယ့် အစာမရှိဘဲ သောက်လိုက်ရင် အစာအိမ်နံရံကို ဆွသလိုဖြစ်စေနိုင်ပါတယ်။ ကော်ဖီကြောင့် ရင်ပူတာ၊ အစာအိမ်အက်စစ်ပြန်ဆန်တက်တာ၊ ဗိုက်အောင့်တာ စတာတွေ ဖြစ်လာတတ်တယ်။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဘေဘီလေးက ကြက်သွန်ဖြူ စားလို့ရလား

ဘေဘီလေးက ကြက်သွန်ဖြူ စားလို့ရလား ဆိုတာ သိချင်နေပြီလား မေမေ... သေချာအဖြေထွက်သွားအောင် ဆောင်းပါးလေးထဲမှာ တူတူဖတ်ရအောင်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အစားအသောက်ကတစ်ဆင့် ကူးစက်နိုင်တဲ့ ရောဂါတွေ က သင်ထင်တာထက် ပိုဆိုးနေပြီလား

အစားအသောက်ကနေ  ပိုးကူးစက်ပြီး အစာအဆိပ်သင့်တာက အဖြစ်များပါတယ်။ ဝယ်ယူတာကစပြီး စားတာအထိ သန့်သန့်ရှင်းရှင်း လုပ်မယ်ဆိုရင် ပိုးကူးစက်မှုကို လျှော့ချနိုင်မှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အထက်လန်အောက်လျှော ဖြစ်စေတဲ့ အကြောင်းရင်းများ

အထက်လန်အောက်လျှော က အဖြစ်များတဲ့ရောဂါပါ။ အများစုက အလိုလို သက်သာပေမယ့် အန္တရာယ်ရှိတဲ့ အခြေအနေတွေမှာတော့ ဆရာဝန်နဲ့ ပြသလို့ လိုအပ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

မိန်းမကိုယ်မှာ ပေါက်တဲ့ဝက်ခြံ

ဝက်ခြံ မျက်နှာမှာ ပေါက်ရင် အော်........ပေါက်နေကျပဲလေလို့ ထားလိုက်တတ်ပေမယ့် မိန်းမကိုယ်မှာ ဝက်ခြံ ပေါက်လာပြီဆိုရင်တော့ ပေါက်လေ့ပေါက်ထရှိရဲ့လား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

Covishield ကာကွယ်ဆေး နဲ့ အရက် သောက်သုံးခြင်း

Covishield ကာကွယ်ဆေး နဲ့ အရက် သောက်သုံးခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 27, 2021 . 2 mins read
သန်စွမ်းကြံ့ခိုင်စေမည့် လေ့ကျင့်ခန်းများ

သန်စွမ်းကြံ့ခိုင်စေမည့် လေ့ကျင့်ခန်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 27, 2021 . 3 mins read
ရနံ့ကုထုံး (Aromatherapy) ရဲ့ ကျန်းမာရေးအကျိုးကျေးဇူး

ရနံ့ကုထုံး (Aromatherapy) ရဲ့ ကျန်းမာရေးအကျိုးကျေးဇူး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 25, 2021 . 2 mins read
ဘေဘီလေးက ချင်း (ဂျင်း) စားလို့ဖြစ်ရဲ့လား

ဘေဘီလေးကို ချင်း (ဂျင်း) ကျွေးလို့ရရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 2 mins read