ခရီးသွားရင် ဘာဆေးတွေဆောင်သွားကြမလဲ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 2, 2020 . 2 mins read
Share now

မိုးတွေလည်းစဲ၊ ရုံးတွေကျောင်းတွေကလည်းပိတ်ပြီ ဆိုတော့ အားလုံး ခရီးသွားဖို့ပြင်ဆင်နေကြပြီ ထင်ပါတယ်နော်။ ခရီးမသွားခင်၊ ဒါမှမဟုတ် သွားနေရင်း ဖျားနာတာတွေဖြစ်ပြီး မပျော်လိုက်ရတာတွေမဖြစ်စေဖို့ ခရီးသွားရာသီမှာဖြစ်တတ်တဲ့ ရောဂါလေးတွေနဲ့အတူ ဆောင်သွားသင့်တဲ့ဆေးတွေကိုပါ ဖော်ပြပေးလိုက်ပါတယ်။

၁။ ရာသီအကူးအပြောင်းကြောင့် ဖျားနာတာတွေ။

ဒါကြောင့် ခရီးသွားရင် သွားမယ့်နေရာနဲ့ သင့်တော်တဲ့ အနွေးထည်၊ အင်္ကျီတွေ ယူသွားပါ။

အဖျားကျဆေး၊ အကိုက်အခဲပျောက်ဆေး ပါရာစီတမော၊ နှာချေ နှာမွှန် ပျောက်ဆေး၊ ချောင်းဆိုးပျောက်ဆေး တို့လည်းဆောင်သွားပါ။ ဒါတွေဟာ အိမ်သုံးဆေးဝါးတွေပဲဖြစ်တဲ့အတွက် ဆေးဆိုင်မှာလည်း အလွယ်တကူ ဝယ်လို့ရပါတယ်နော်။

၂။ ကားမူးတတ်တဲ့သူတွေအတွက်။

ကားစီးရင် ကားမူးတတ်တဲ့သူတွေအတွက်လည်း dimenhydranite ပါဝင်တဲ့ ကားမူးပျောက်ဆေးကို ကားပေါ်မတက်ခင်တည်းက ကြိုသောက်ထားသင့်ပါတယ်။

၃။ အစားအသောက်မတည့်၊ ဝမ်းပျက်ဝမ်းလျှောဖြစ်တတ်ပါတယ်။

ခရီးသွားရင်း ဒေသစာတွေကို မဆင်မခြင်စားမိတဲ့အခါကျရင် ဝမ်းပျက်ဝမ်းလျှောဖြစ်တတ်ပါတယ်။ ဒါအတွက် ဓါတ်ဆားထုတ်ေလးတွေနဲ့ ဝမ်းပိတ်ဆေး (loperamide) ကို ဆောင်သွားပါ။ လက်ဆေးဖို့ အဆင်မပြေတဲ့အခြေအနေတွေအတွက်လည်း ရေမလိုလက်သန့်ဆေးရည်ကိုပါဆောင်သွားရင်တော့ အကောင်းဆုံးပေါ့။

အစာမတည့်ဘဲ ယားယံတာတွေဖြစ်နိုင်တဲ့အတွက် ဓါတ်မတည့်ရင်သောက်တဲ့ဆေးဖြစ်တဲ့ antihistamine ပါတဲ့ဆေးတွေကိုလည်း လိုရမယ်ရ ဆောင်သွားသင့်ပါတယ်။

အစာအိမ်နာ၊ အစာမကြေ၊ လေထိုးလေအောင့်ဖြစ်တတ်တဲ့သူတွေကလည်း အစာကြေဆေး၊ လေဆေး၊ အစာအိမ်နာပျောက်ဆေး (antacid) တွေကိုဆောင်သွားဖို့ မမေ့ပါနဲ့ဦး။

၄။ အကောင်ပလောင်တွေအကိုက်ခံရတာ။

တောတွင်း တောင်တွင်း လမ်းလျှောက်တာ၊ တောင်တက်တာတို့အတွက်ဆိုရင်တော့ ခြင်မကိုက်ဆေး၊ အကောင်ကိုက်ခံရတာ၊ ပျားတုပ်ခံရတာတို့အတွက် calamine လိုရှင်းကို ဆောင်သွားသင့်ပါတယ်။

၅။ ချော်လဲ၊ ထိမိခိုက်မိတာတွေအတွက်။

ခရီးသွားရင်း ချော်လဲတာ၊ အသေးစား ခြစ်ရာ၊ ပွန်းပဲ့ရာ တွေအတွက် betadine ပိုးသတ်ဆေးရည်၊ အနာကဒ်ပလာစတာ၊ အရက်ပြန်၊ ဂွမ်းတို့ကိုလည်း သယ်သွားသင့်ပါတယ်။

၆။ ပုံမှန်သောက်နေကျဆေးတွေ။

ဆီးချို၊ သွေးတိုးရောဂါဖြစ်နေသူတွေအတွက် ကိုယ်သောက်နေကျဆေးတွေကိုလည်း ကိုယ်ရောက်နေတဲ့ခရီးမှာ ဝယ်လို့မရတာတွေလည်းဖြစ်နိုင်ပါတယ်။ ဒီလိုနာတာရှည်ရောဂါတွေဟာ ဆေးနဲ့ထိန်းထားရတာဖြစ်တဲ့အတွက် ခရီးသွားမယ့်ရက်ကို ကြိုတွက်ပြီး ဆေးကဒ်တွေ ကြိုဝယ်ကြိုဆောင်ထားသင့်ပါတယ်။

ကိုယ်ဝန်တားဆေးသောက်နေတဲ့ မိန်းကလေးတွေကလည်း ခရီးသွားချိန်မှာ သောက်နေကျဆေးကဒ်ကို မပြတ်စေဖို့သတိထားပါ။ သုံးလခံထိုးဆေးထိုးတဲ့သူတွေဆိုလည်း ထိုးရမယ့်ရက်ရောက်ခါနီးပြီးဆိုရင် ကြိုထိုးသွားသင့်ပါတယ်။

ရာသီလာခါနီး သို့မဟုတ် ရာသီလာနေတဲ့အချိန် ခရီးသွားမယ်ဆိုရင် ဗိုက်အောင့်တာသက်သာစေမယ့် အကိုက်အခဲပျောက်ဆေး၊ အားဆေး၊ လစဉ်သုံးပစ္စည်း (Sanitary napkins, tampons) တွေကို အလုံအလောက်ယူသွားဖို့လည်း မမေ့ပါနဲ့ဦး။

၇။ တခြားတစ်ကိုယ်ရေ သန့်ရှင်းရေး၊ အလှအပအတွက်။

နေပူတဲ့နေရာတွေ ဥပမာ ကမ်းခြေကို သွားမယ်ဆိုရင်တော့ နေရောင်ကာဆေး (sunscreen) ကို အဓိကယူသွားသင့်ပါတယ်။ နေလောင်သွားခဲ့ရင်လည်း လိမ်းဖို့အတွက် ရှားစောင်လက်ပတ် ဂျယ်လ် (Aloe vera Gel) ကိုလည်း ထည့်သွားပါ။

ခံတွင်းသန့်ရှင်းပြီး အနံ့ဆိုးတွေမထွက်ဖို့လည်း ခံတွင်းသန့်စင်ဆေးရည်တို့ကိုလည်း ဆောင်ထားပါ။

မိန်းကလေးတွေအနေနဲ့ ခရီးသွားနေရင်း အဖြူဆင်းတာတွေ၊ အနံ့ဆိုးထွက်တာတွေဖြစ်နိုင်တဲ့အတွက် အမျိုးသမီးသန့်စင်ဆေးရည်ကိုလည်း ယူသွားကြဦးနော်။

ကဲ ဒီလောက်ဆိုရင်တော့ ခရီးသွားရင်း ဖြစ်တတ်တာတွေ၊ ဆောင်သွားရမယ့် ဆေးတွေ၊ ပစ္စည်းတွေအကြောင်းစုံသွားပြီထင်ပါတယ်နော်။ ခုလို ပိတ်ရက်ရှည်တွေများတဲ့ ခရီးသွားရာသီမှာ ကျန်းကျန်းမာမာ ပျော်ပျော်ရွှင်ရွှင်နဲ့ ခရီးသွားနိုင်ဖို့အတွက် ဒီဆောင်ပါးလေးကို ဝေမျှလိုက်ရပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အရေးအကြောင်း တွေ ဖြစ်တာကို လျော့နည်းအောင် ဂရုစိုက်ကြမယ်

အရေးအကြောင်း အိုမင်းရင့်ရော် collagen တင်းရင်းနုပျို အသားအရေ နေရောင်ခြည် sunscreen ရေများများသောက် moisturizer အိပ်ရေးဝ မျက်မှောင်ကျုံ့ ဆေးလိပ်သောက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

အံ့သြဖွယ်ရာ နေလောင်ကာ

Sunscreen မိတ်ကပ်တွေ SPF UV rays တက်တူးထိုးထားခြင်း  ဦးရေပြား နေရောင်ခြည် အမာရွတ် အသားအရောင်အရေပြားကင်ဆာ နေရောင် အရေပြားဆဲလ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

Motion sickness (ကားမူးခြင်း )

Motion Sickness ကားမူး လှိုင်းမူး လေယာဉ်မူး ယာဉ်စီးစဉ်မူး ခေါင်းမူး ပျို့အန် အသက်ရှူလေ့ကျင့်ခန်း လေကောင်းလေသန့်ရှူ ဆေးကြိုသောက် သကြားလုံးငုံ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

ခရမ်းလွန်ရောင်ခြည် ဒဏ်ကနေ ကာကွယ်ကြမယ်။

ခရမ်းလွန်ရောင်ခြည် အရေပြား Ultraviolet Radiation အရေပြားကင်ဆာ အရေးကြောင်း နွေရာသီ sunscreen sun protection factor နေကာမျက်မှန် အပူလျှပ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

COVID စစ်ဆေးဖို့ စအိုကနေ Swab ရယူ ရတော့မလား

COVID စစ်ဆေးဖို့ စအိုကနေ Swab ရယူ ရတော့မလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
Skincare နဲ့ ပတ်သက်တဲ့ အယူအဆ အလွဲတွေ

Skincare နဲ့ ပတ်သက်တဲ့ အယူအဆ အလွဲတွေ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် စက်တင်ဘာ 25, 2020 . 2 mins read
နေလောင်ဒါဏ်ကို ဘယ်လိုကာကွယ်မလဲ

နေလောင်ဒဏ်ကို ဘယ်လိုကာကွယ်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် စက်တင်ဘာ 3, 2020 . 2 mins read

ခရီးသွားရင်းလမ်းမှာစားဖို့ လွယ်ကူရိုးရှင်းတဲ့ မုန့်ဘူး​လေးပြင်ဆင်ကြမယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် ဩဂုတ် 30, 2020 . 2 mins read