ဟင်းသီးဟင်းရွက်တို့၏စွမ်းအားသတ္တိ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

ဟင်းသီးဟင်းရွက်များကိုစားသုံးပေးသင့်ကြောင်း ကျွန်ုပ်တို့အားလုံးမကြာခဏကြားဖူးကြသည်။ အစာအာဟာရ၏အစွမ်းသည် အံ့အားသင့်စရာကောင်းပြီးထိုအစားအစာများထဲတွင် ဟင်းသီးဟင်းရွက်များကထိပ်ဆုံးမှပါဝင်နေသည်။ သို့သော် ကျွန်ုပ်တို့နေ့စဉ်စားသမျှထဲတွင် ဟင်းသီးဟင်းရွက်များမှာအဓိကပါဝင်ခွင့်မရကြပါ။ လူအများစုကရိုးရှင်းလွယ်ကူသောဟင်းသီးဟင်းရွက်များအမယ်စုံအောင် စားပေးဖို့ရန် ပျက်ကွက်ကြသည်။ ကျန်းမားရေးအတွက် အဆီချခြင်းနှင့် အမျှင်ဓါတ်များသောဟင်းသီးဟင်းရွက်များစားဖို့အရေးဦးစားပေးလုပ်သင့်ပါသည်။

ဟင်းသီးဟင်းရွက်များက ကျွန်ုပ်တို့အတွက် ဘာတွေလုပ်ပေးသလဲ?

  • ဟင်းသီးဟင်းရွက်တို့၏အရောင်မျိုးမျိုးသည် အထဲတွင်ပါဝင်သော ဓါတ်တိုးဆန့်ကျင်ပစ္စည်းအမျိုးမျိုးတို့ကြောင့်ဖြစ်သည်။ ဓါတ်တိုးဆန့်ကျင်ပစ္စည်းအားလုံးနီးပါးသည် အပင်များတွင်အဓိကတွေ့ရတတ်သည်။ အသား၊ ငါးတို့တွင် ပါဝင်မှုနည်းပါးသည်။ အကြောင်းရင်မှာသတ္တဝါတို့သည်လည်းအပင်ကိုစားသုံးသူများဖြစ်ပြီး ကျွန်ုပ်တို့ကဲ့သို့ပင် ခန္ဓါကိုယ်၌ ဓါတုစွမ်းအင်အဖြစ်သိုလှောင်ထားသည်။
  • အပင်များကထုတ်လုပ်သော ဓါတ်တိုးဆန့်ကျင်ပစ္စည်းများသည် ခန္ဓါကိုယ်၏ဆဲလ်များကိုဖျက်ဆီးတတ်သောဓါတ်တိုးပစ္စည်းများကိုချေဖျက်နိုင်သည်။ ဤနည်းဖြင့်ကျန်းမာသော ခန္ဓါကိုယ်ဆဲလ်များကိုကာကွယ်ပေးသည်။ ထို့ကြောင့်လူသားတို့တွင်ဓါတ်တိုးပစ္စည်းများကိုကာကွယ်နိုင်သောအရံအတား သဘာဝအရမပါဝင်သည်ကိုတွေ့ရသည်။

ဟင်းသီးဟင်းရွက်သီးသန့်စားသူများ (သက်သက်လွတ်စားသူများ) သတိပြုရန်

  • ဟင်းသီးဟင်းရွက်များသာပါဝင်သော အစားအစာတွင် သင့်တော်သောအချိုးအစားနှင့် စားနိုင်ပါကလုံလောက်သောအာဟာရကိုရရှိနေမည်ဖြစ်သည်။ အသားကိုရှောင်ကြဉ်စားသုံးသောကြောင့်အသားမှရသောအသားဓါတ် (ပရိုတိန်း)၊ ဇင့်ဓါတ်နှင့် သံဓါတ်တို့ကိုဟင်းသီးဟင်းရွက်မှ စားသုံးပေးရမည်ဖြစ်သည်။ နို့နှင့် နို့ထွက်ပစ္စည်းများကိုရှောင်ကြဉ်ပါကလည်း နို့မှရရှိသောကယ်လ်ဆီယမ်နှင့် ဗီတာမင် ဒီဓါတ်ကိုရရှိရန် အခြားမည်သည့်အစားအစာမှ ရနိုင်သည်ကိုစဉ်းစားရန်လိုအပ်သည်။ အသား၊ ငါးမှရရှိသောအစားအစာအားလုံးကိုရှောင်ကြဉ်မည်ဆိုပါကဗီတာမင် ဘီ12 သည်လည်းအဓိကစဉ်းစားရမည့် အချက်ဖြစ်သည်။ အကယ်၍ သင်သည် စိတ်ဖိစီးမှုနည်းပြီးသန့်ရှင်းသောပတ်ဝန်းကျင်တွင်နေထိုင်ကာ သင့်တင့်မျှတသောကိုယ်လက်လှုပ်ရှားမှုပြုလုပ်သောသူဆိုပါက အိပ်ရေး၀၀အိပ်၍ သန့်ရှင်းသောအာဟာရကိုစားသုံးလျှင် ဟင်းသီးဟင်းရွက်ကိုသာစားသုံးခြင်းသည် ကြီးမားသောပြဿနာမရှိနိုင်ပါ။ သို့သော် စိတ်ဖိစီးမှုများသောအခြေအနေကိုနေ့စဉ်ကြုံတွေ့နေရပြီး ပတ်ဝန်းကျင်ညစ်ညမ်းမှုရှိသောနေရာတွင် နေထိုင်ကာ အအိပ်အစားမမှန်သူဆိုပါက ပြဿနာရှိလာနိုင်သည်။ အာဟာရရေးရာများကိုကမ္ဘာပေါ်တွင် ဦးဆောင်လှုပ်ရှားသူပညာရှင် Charles Poliquin က ဟင်းသီးဟင်းရွက်များကိုညီညွတ်မျှတစွာစားနိုင်သည် ဆိုပါစေ ကျန်းမာရေးအတွက် အရေးကြီးသောအိုမီဂါ ၃ အက်စစ်တို့ကဲ့သို့ အာဟာရများသည် ဟင်းသီးဟင်းရွက်များကိုစားသုံးရုံမျှဖြင့် မရနိုင်ကြောင်းဆိုထားပါသည်။
  • ကျွန်ုပ်အနေဖြင့် ဟင်းသီးဟင်းရွက်ကိုသာစားခြင်းနှင့် လူတို့၏အစားအသောက်ကိုရွေးချယ်ခြင်းပုံစံသည် စိတ်ခံစားမှုနှင့် သက်ဆိုင်သည်ကိုလည်းဆိုထားသည်။ ပတ်ဝန်းကျင်၊ လူ့ကျင့်ဝတ်၊ ဘာသာရေးနှင့် ယဉ်ကျေးမှု၊ ကျန်းမာရေးရှုထောင့်အရလူတို့သည် ဟင်းသီးဟင်းရွက်ကိုသာစားသုံးခြင်းအကြောင်းအရင်းများစွာရှိသည်။ မည်သို့ပင်ဆိုပါစေ ဟင်းသီးဟင်းရွက်ကိုသာ စားသုံးမည်ဟုစဉ်းစားပါက မိမိအနေဖြင့် ကျန်းမာကြံ့ခိုင်ရန် အာဟာရဓါတ်များကိုအစီအစဉ် သေချာဆွဲရပါမည်။ ဟင်းသီးဟင်းရွက်များသာစားသုံးသူဖြစ်လာခြင်းသည် အသား၊ ငါးမစားတော့ခြင်းကိုသာမဆိုလိုပါ။ ထို့ကြောင့် သင့်အနေဖြင့် နည်းစနစ်ကျသောဟင်းသီးဟင်းရွက်များကိုစားသုံးခြင်းဖြင့် နည်းလမ်းကျသောဟင်းသီးဟင်းရွက်စားသူ (သက်သတ်လွတ်စားသူ) တစ်ယောက်ဖြစ်လာနိုင်ပါသည်။
  • မြန်မာနိုင်ငံတွင်ရရှိနိုင်သောအရေးပါသောဟင်းသီးဟင်းရွက်(၄)မျိုးသည်လူတိုင်း၏အစားအစာထဲတွင် ပါဝင်သင့်ကြောင်း ကျွန်ုပ်အနေဖြင့် အဆိုပြုပါသည်။

(၁) Bok Choy (မုန်ညင်းတစ်မျိုး)--ဗီတာမင်စီနှင့် အရိုးကျန်းမာရေးအတွက်ကောင်းသော ဗီတာမင်ကေများစွာ ပါဝင်ပါသည်။ ကယ်လစီယမ် ၊ ဖော့စဖောရပ် ၊ ပိုတက်စီယမ် ၊ မန်းဂနိစ် ဓါတ် ၊ သံဓါတ်နှင့် မဂ္ဂနီဆီယမ် စသောသတ္ထုဓါတ်များ လည်းပါဝင်ပါသည်။

(၂) ပန်းဂေါ်ဖီစိမ်း — အာဟာရစွမ်းအင်မြင့်သော ဟင်းသီးဟင်းရွက်တစ်မျိုးဖြစ်သည်။ သွေးပေါင်ချိန်ကိုထိန်းညှိပေးခြင်း ၊ နေလောင်ဒဏ်ကိုကာကွယ်ပေးခြင်း ၊ အရိုးကျန်းမာရေးအတွက်ကူညီပေးခြင်း၊ ခုခံအားစနစ်ကိုကောင်းမွန်စေခြင်း၊၊ကင်ဆာရောဂါကိုကာကွယ်ပေးခြင်းစသောအာနိသင်များ

ရရှိနိုင်ပါသည်။

(၃) Kale (အူတိုင်မပါ ပန်းဂေါ်ဖီတစ်မျိုး)-လွန်စွာအံ့အားသင့်ဖွယ် အစွမ်းရှိသောဟင်းသီးဟင်းရွက်ဖြစ်သည်။ ထိုအစိမ်းရောင် အစားအစာသည် သင့်ကိုလက်နက်ဖြင့်တိုက်ခိုက်နေသော ရောဂါများကိုခုခံကာကွယ်ပေးသည့် တပ်သားနှင့်တူသည်။ ခန္ဓါကိုယ်၏ အဆိပ်အတောက် ဖယ်ထုတ်ခြင်းဖြစ်စဉ် (၁) နှင့် (၂) နှစ်ခုစလုံးတွင် အဓိကပါဝင်ပေးသည်။ ထို့ကြောင့် ဗီယက်နမ်နိုင်ငံတွင် အများအပြားစိုက်ပျိုးလာကြသည်။ Kale တစ်ခွက်တွင် ရောဂါများ၏ အဓိကတရားခံဖြစ်သော ရောင်ရမ်းခြင်းဖြစ်စဉ်ကိုကာကွယ်ပေးသည့် အိုမီဂါ ၃ အက်ဆစ် ၁၀ %ခန့်ပါဝင်သည်ကိုတွေ့ရသည်။

(၄) ထောပတ်သီး — ကမ္ဘာပေါ်တွင် ကျန်းမာရေးအတွက် အထောက်အကူပြုဆုံး အစားအစာအဖြစ် သတ်မှတ်ခံရသည်။ ရှင်းပြရပါလျှင် ဒေါက်တာမယ်ရိုလာ ဆိုသူက ထောပတ်သီးကိုဟင်းချက်ရာတွင် သုံးသော ဆီအစားထိုးအဖြစ် အသုံးပြုသင့်ကြောင်းပင် ဆိုထားသည်။ အခြားစွပ်ပြုတ် ၊ ဟင်းရည်နှင့် ဟင်းချိုများတွင်လည်း အလားတ ူအသုံးပြုသင့်သည်။ ကလေးများအစားအစာ စ စားတတ်လျှင် ကျွေးသင့်သော အသီးလည်းဖြစ်သည်။ ထို့ကြောင့်ပင် မြန်မာ နိုင်ငံတွင်လည်း လွယ်ကူစွာရရှိနိုင်သော ထောပတ်သီးကို အံ့အားသင့်ဖွယ် ကျန်းမာရေးအထောက်အကူပြု ဟင်းသီးဟင်းရွက်များစာရင်းမှ ချန်ထားခဲ့၍ မရနိုင်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    ချွေးထွက်ခြင်းတွေလျှော့ကျစေဖို့ စားရမယ့်အစားအစာများ

    ချွေးထွက်ခြင်းတွေ လျှော့ကျစေဖို့ စားရမယ့် အစားအစာများ ချွေးနံ့ကို ဘယ်သူမှ မကြိုက်နှစ်သက်ကြပါဘူး။ ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Eaindray Kha

    သပွတ်သီးရဲ့ဆေးဖက်ဝင် အာနိသင်များ

    သပွတ်သီးဟာ သူ့ရဲ့အာဟာရအာနိသင်ကြောင့် အာရှတလွှားနဲ့ အမေရိကန်မှာ စိုက်ပျိုးစားသုံးနေကြတဲ့ ...

    ဆေးပညာပိုင်းဆိုင်ရာတည်းဖြတ်သူ Dr. Kaung Thar
    ရေးသားသူ Yun Sandi Nan Mon

    အဆီချရာ၌ ပါဝင် စားသုံးပေးသင့်သော အစားအသောက်များ

    အဆီချရမှာ အကောင်းဆုံးနည်းလမ်းကတော့ အစားအသောက်နှင့် လေ့ကျင့်ခန်းကိုယှဉ်တွဲပြီး ...

    ဆေးပညာပိုင်းဆိုင်ရာတည်းဖြတ်သူ Dr. K Zin Thwe
    ရေးသားသူ Dr. Khin Yin Kyay

    သက်သတ်လွတ်သမားများအတွက် စားစရာဘယ်လိုရွေးချယ်မလဲ

    သက်သတ်လွတ်သမားများအတွက် စားစရာဘယ်လိုရွေးချယ်မလဲ လူအများဟာဒီနေ့ကာလတွေမှာသက်သတ်လွတ် ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Thant Zin

    သင့်အတွက် ရွေးချယ်ထားသည်

    အပင်များမှ မရနိုင်သော အာဟာရဓာတ် ၇ မျိုးအကြောင်း

    အပင်များမှ မရနိုင်သော အာဟာရဓာတ် ၇ မျိုးအကြောင်း

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Thant Zin
    ရေးသား ထုတ်ဝေခဲ့သည် ဇွန် 23, 2020 . 2 mins read
    သက်သတ်လွတ်စားခြင်း၏ ကောင်းကျိုးဆိုးကျိုးများ

    သက်သတ်လွတ်စားခြင်း၏ ကောင်းကျိုးဆိုးကျိုးများ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Thant Zin
    ရေးသား ထုတ်ဝေခဲ့သည် ဇူလိုင် 22, 2019 . 2 mins read
    ကျန်းမာရေးအစ အစားအသောက်က။ ။

    ကျန်းမာရေးအစ သန့်ရှင်းတဲ့အစားအသောက်က။ ။

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thin Yadanar @ Frances
    ရေးသား ထုတ်ဝေခဲ့သည် နိုဝင်ဘာ 14, 2018 . 2 mins read
    မြင်းခွာရွက်က အလှအပနဲ့ ကျန်းမာရေးအတွက် ဘယ်လိုအကျိုးပြုသလဲ

    မြင်းခွာရွက်က အလှအပနဲ့ ကျန်းမာရေးအတွက် ဘယ်လိုအကျိုးပြုသလဲ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Eaindray Kha
    ရေးသား ထုတ်ဝေခဲ့သည် မတ် 8, 2018 . 2 mins read