ဝက်ခြံလေးတွေကို စိတ်ရှည်ပါ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် ဒီဇင်ဘာ 28, 2020 . 2 mins read
Share now

ဝက်ခြံဖြစ်တာက အတော်လေး စိတ်ညစ်စရာပါ။ တစ်ခါတစ်ခါ စိတ်တိုလို့ မျက်နှာတွေ ရောင်တဲ့အထိ ဝက်ခြံတွေကို ညှစ်ပစ်ဖူးတဲ့ အခိုက်အတန့်တွေရှိတယ်ဟုတ်။ တကယ်ကတော့ဒါက ဝက်ခြံတွေ ပိုဆိုးလာအောင် ကိုယ်တိုင်က လုပ်လိုက်မိတာပါ။

ဝက်ခြံတွေ သက်သာသွားစေဖို့ဆိုရင် စိတ်ရှည်ဖို့လိုပါမယ်။ ဘယ်လိုစိတ်ရှည်ရမလဲဆိုတာကို ဆောင်းပါးလေးထဲမှာ ပြောပြပေးသွားပါမယ်။

ဝက်ခြံအမျိုးအစားတွေက ဘာတွေလဲ……….

ဝက်ခြံတွေက အရွယ်အစား၊ ပုံစံ စုံသလို အမျိုးအစားလည်း ကွဲပြားပါတယ်။

ဝက်ခြံတွေက ဘယ်နေရာမှာ ပေါက်နိုင်လဲ………..

ဝက်ခြံတွေက မျက်နှာမှာ အတွေ့ရများပေမယ့် ခန္ဓာကိုယ်အနှံ့ နှာခေါင်းထဲနဲ့ နားထဲမှာပါမကျန် ပေါက်နိုင်ပါတယ်။

ဝက်ခြံဆိုတာ…….

ဝက်ခြံဆိုတာက အရေပြားပေါ်မှာ နီမြန်းပြီး နာကျင်တဲ့ အဖုအပိမ့်တွေထစေတဲ့ အဖြစ်များတဲ့ အရေပြားပြဿနာတစ်မျိုးပါ။ အသက်အရွယ်မရွေးဝက်ခြံပြဿနာကို ခံစားရနိုင်တယ်ဆိုပေမယ့် ဆယ်ကျော်သက်အရွယ်တွေ၊ သက်လတ်ပိုင်းတွေမှာ အဖြစ်များပါတယ်။

ဝက်ခြံ ဘာကြောင့်ဖြစ်ရတာလဲ……..

ဝက်ခြံဖြစ်စေနိုင်တဲ့အကြောင်းအရင်းတွေက အများကြီးပါ။ ဟော်မုန်း အပြောင်းအလဲကြောင့် ဝက်ခြံဖြစ်နိုင်သလို မျိုးရိုးလိုက်တာကြောင့်လည်း ဝက်ခြံဖြစ်နိုင်ပါတယ်။ အဆီပြန်စေတဲ့အရာတွေနဲ့ ထိတွေ့မိတာကလည်း ဝက်ခြံဖြစ်စေနိုင်ပါတယ်။

ဝက်ခြံကို ပိုဆိုးစေနိုင်တဲ့ အခြားအလေ့အထတွေကတော့ ဝက်ခြံကို ကုတ်ဖဲ့တာ၊ စိုထိုင်းဆများတာ၊ စိတ်ဖိစီးတာ၊ ဝက်ခြံရှိတဲ့နေရာတွေကို တင်းကျပ်စွာ ဝတ်စားမိတာ၊ ဥပမာ အဝတ်အစားကျပ်ကျပ်တွေ ဝတ်တာမျိုးတွေပါ။

ဝက်ခြံ ဘယ်လိုဖြစ်လာတာလဲ………..

ဝက်ခြံ ဘယ်လိုဖြစ်လာတာလဲ...........

အရေပြားမှာရှိတဲ့ အဆီဂလင်းနဲ့မွှေးညှင်းအိတ်တွေရဲ့ လုပ်ဆောင်မှုအနေအထားဟန်ချက်ပျက်မှုတွေကနေ ဝက်ခြံဖြစ်လာရတာပါ။ အဆီဂလင်းတွေနဲ့ မွှေးညှင်းအိတ်လေးတွေက အဆီတွေကို ထုတ်လွှတ်ပါတယ်။

တကယ်လို့ အဆီဂလင်းတွေက အဆီတွေ အများကြီး ထုတ်လွှတ်မယ်၊ ဆဲလ်သေတွေက မွှေးညှင်းအိတ်ထဲမှာရှိတဲ့ အဆီထုတ်ပေးတဲ့ လမ်း​ကြောင်းကို ပိတ်ဆို့မိမယ်ဆိုရင်ဖြစ်ဖြစ် မွှေးညှင်းပေါက်တွေကို ဘက်တီးရီးယားတွေ ဝင်ရောက်ကူးစက်ခံရရင်ဖြစ်ဖြစ် ဝက်ခြံတွေ ဖြစ်လာပါတယ်။ ဘက်တီးရီးယားတွေ ရှိနေခြင်းက ရောင်ရမ်းခြင်းကိုဖြစ်စေနိုင်ပါတယ်။ ရလဒ်ကတော့ အရေပြားပေါ်မှာ နီမြန်းရောင်ရမ်းတဲ့ ဖုတွေထွက်လာတာပါ။

ဝက်ခြံအားလုံး ကုသနည်းတူလား……….

ဝက်ခြံတွေက အရွယ်အစားနဲ့ ပြင်းထန်မှုတွေ ကွခြားနိုင်ပါတယ်။ အဆံဖြူထွက်တဲ့ ဝက်ခြံနဲ့ ဆားဝက်ခြံတွေက ပန်းရောင်လိုမျိုး အနီဖျော့ဖျော့အဖုလေးတွေပါ။ အလယ်မှာ အဖြူဆံလေးတွေနဲ့ အမဲရောင်အဆံလေးတွေရှိနေတတ်ပါတယ်။ ပြည်ဖုလိုမျိုးဖြစ်နေတဲ့ နီရဲရောင်ရမ်းတဲ့ ဝက်ခြံတွေနဲ့ ဆင်ဝက်ခြံတွေကတော့ ဝက်ခြံအမျိုးအစားတွေထဲမှာ အပြင်းထန်ဆုံးပုံစံတွေဖြစ်ပြီး ကြီးမားနာကျင်သလို ပြည်ဖုကြီးတွေဖြစ်နေတတ်ပါတယ်။ ဝက်ခြံတဝိုက်မှာလည်း ရောင်ရမ်းနေတတ်ပါတယ်။

ဝက်ခြံ အမျိုးအစားတွေ ကွာခြားသလို ဝက်ခြံအတွက် ကုသနည်းတွေကလည်း မတူနိုင်ပါဘူး။ သာမန် ဝက်ခြံအတွက် ကုသနည်းက မှိုပိုးကြောင့် ဖြစ်တဲ့ ဝက်ခြံတွေကို ပိုဆိုးစေနိုင်ပါတယ်။ ဒါ​ကြောင့် ဝက်ခြံ အမျိုးအစားအလိုက် သုံးရတဲ့ အသားအရေ ထိန်းပစ္စည်းတွေ ကွာနိုင်သလို ဂရုစိုက်ရပုံခြင်းလည်း ကွာနိုင်ပါတယ်။

ဝက်ခြံတွေကို သက်သာအောင်လုပ်ရာမှာ တူညီတဲ့အချက်

ဝက်ခြံ အမျိုးအစားတွေ ကွာခြားတာကြောင့် ကုသမှုတွေ အသားအရေ ထိန်းသိမ်းရမှုတွေ ကွာနိုင်ပေမယ့် တူညီတာကတော့ စိတ်ရှည်ဖို့ပါ။ ဝက်ခြံတွကို သက်သာအောင် လုပ်တဲ့အခါ အနည်းဆုံး ၄၅ ရက်ကနေ ၂ လအတိ စောင့်ရပါမယ်။

အသားအရေထိန်းပစ္စည်းတစ်ခုခုကို သုံးတဲ့အခါ အဲ့ကာလလောက် စောင့်မှ ရလဒ်ကို သိရမှာပါ။ ဒီလိုမှ မဟုတ်ဘူးဆိုရင် ဝက်ခြံလည် မပျောက် အသားအရေလည်း ထိခို်က ပျက်စီးနိုင်ပါတယ်။

ဒါကြောင့် ဝက်ခြံ ဖြစ်တဲ့အခါ ကုတ်ဖဲ့တာ၊ ညှစ်တာတွေ မလုပ်ပါနဲ့။ ပုံမှန် အသားအရေထိန်းသိမ်းမှုတွေကို လုပ်ပါ။ အသားအရေနဲ့ လိုက်ဖက်မယ့် အသားအရေထိန်းသိမ်းမှု ပစ္စည်းတွေကို နည်းစနစ်မှန်မှန်နဲ့ စိတ်ရှည်ရှည် အသုံးပြုပေးပါ။

တစ်ပတ်တစ်ခါလောက်ကို သိသာတဲ့ ရလဒ်တွေ ရရှိမှာပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

ပင်ပန်းလာရင် အိပ်သင့်ရဲ့လား အိပ်လိုက်လို့ ဘာအကျိုးရှိနိုင်မလဲ

ပင်ပန်းလာရင် အိပ်သင့်ရဲ့လား အိပ်လိုက်ရင် ဘာတွေ အကျိုးရှိနိုင်မလဲဆိုတာ ပြောပြချင်ပါတယ်။ လုပ်နေကျ အလုပ်တွေကို လုပ်ဖို့တောင် ခက်ခဲလာပြီဆိုရင် သေချာတာကတော့ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

နေပူထဲ အချိန်အကြာကြီးရပ်နေမိလို့ Eye Sunburn မဖြစ်ရလေအောင်

Eye Sunburn နေပူရှိန်ပြင်းပြင်းထဲ အချိန်အကြာကြီး ရပ်နေမိရင် မျက်လုံးတွေ ပြာဝေပြီး မူးသလိုလို မော်သလိုလို ဖြစ်လာတာကို Eye Sunburn လို့ ခေါ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကြောက်စိတ်တွေ များနေတယ် ဆိုရင် ဒါတွေ မစားပါနဲ့။

ကြောက်စိတ်တွေ များနေတယ် ဆိုတာကို ကိုယ်တိုင်တောင် မသိလိုက်ဘဲ ခံစားနေရနိုင်ပါတယ်။ ဒီအခြေအနေတွေကိူ အကောင်းဆုံး ကျော်လွှားဖို့ ဆိုရင်.....

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
အာပူရွက် ရဲ့ကျန်းမာရေး အာနိသင်

အာပူရွက် ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read
ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 4, 2021 . 2 mins read
အရေပြား ဓာတ်မတည့်မှု

အရေပြား ဓာတ်မတည့်မှု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 3, 2021 . 2 mins read