အသားအရေလှချင်ရင် ညနက်မှ အိပ်တဲ့အကျင့်ကို အရင်ဖျောက်ပါ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

လူငယ်တော်တော်များများကို အသားအရေလှချင်လားလို့ မေးလိုက်ရင် မလှချင်ဘူးလို့ ဖြေမယ့်သူရှိမယ်မထင်ပါဘူးနော်။ အသားအရေလှဖို့အတွက် အရေပြားအလှအပ ထိန်းသိမ်းတဲ့ပစ္စည်းတွေ၊ ဆပ်ပြာအကောင်းစားတွေ၊ နာမည်ကြီးတံဆိပ်တွေတော့ ဈေးကြီးပေးပြီး အသုံးပြုကြပေမယ့် တကယ်အရေးကြီးတဲ့ အိပ်ချိန်မှန်ဖို့ကိုတော့ လူတွေက မေ့တတ်ကြပါတယ်။ ဒီနေ့ဆောင်းပါးမှာ ဘာကြောင့်အိပ်ချိန် ပြည့်ဝမှုသည် အရေပြားအလှအပအတွက် အရေးကြီးလဲဆိုတာကို ပြောပြပေးချင်ပါတယ်။

အိပ်ရေးပျက်တာ များလာခြင်း

အလုပ်များလို့၊ ကျောင်းစာတွေ ပိနေလို့၊ ဖုန်းသုံးနေလို့၊ ရုပ်ရှင်လက်စမဖြတ်နိုင်လို့၊ စသဖြင့် အကြောင်းပြချက်ပေါင်း သောင်းခြောက်ထောင်နဲ့ လူငယ်တွေ အိပ်ရေးအပျက်ခံပြီး နေလာကြပါတယ်။ တစ်နေ့ကို ပုံမှန်အိပ်ချိန် အနည်းဆုံး ၇နာရီမရတဲ့အခါမှာ ခန္ဓါကိုယ်တစ်ခုလုံးက အရေပြားတွေမှာ ဒီလိုပြဿနာတွေ ဖြစ်လာနိုင်တာကြောင့် သတိထားသင့်တယ်နော်။

၁။ မကောင်းတဲ့ ဟော်မုန်းဓါတ်တွေ များလာခြင်း

အိပ်ချိန်မပြည့်တဲ့အခါ စိတ်ဖိစီးမှုကို ဖြစ်စေတဲ့ ကော်တီစော် ဟော်မုန်း (Cortisol Hormone) တွေကို ပိုပြီးထုတ်လွှတ်ပါတယ်။ ဦးနှောက်က စိတ်ဖိစီးမှုဖြစ်နေတယ်လို့ ခံစားသိရှိတဲ့အခါမှာ ခါတိုင်းထက် ပိုမိုအလုပ်လုပ်ရတော့ နောက်ဆက်တွဲအနေနဲ့ အရေပြားက ပင်ပန်းနွမ်းနယ်ပြီး မွဲခြောက်လာတာဖြစ်ပါတယ်။

၂။ အသားအရေကို ပြန်လည်ထိန်းသိမ်းပေးမယ့် အာဟာရဓါတ်တွေ နည်းသွားခြင်း

အိပ်နေတဲ့အချိန်မှာ မျက်နှာရဲ့ အောက်အလွှာမှာ ကော်လဂျင်ဆဲလ်တွေ အဆက်မပြတ်ထုတ်ပေးပြီး ပျက်စီးနေတဲ့ တချို့နေရာတွေကို ဖြည်းဖြည်းချင်းကုစားပေးပါတယ်။ လူတစ်ယောက်က မအိပ်ဘဲနေလိုက်တဲ့အခါ အဲ့ဒီဟော်မုန်းတွေက ထွက်မလာတော့တာကြောင့် အသားအရေပြန်လည်ထိန်းသိမ်းဖို့ အာဟာရဓါတ်ေတွ နည်းသွားပြီး ကျန်းမာစိုပြေတဲ့အသားအရေမျိုး မဟုတ်တော့ဘဲ တဖြည်းဖြည်း အရေးအကြောင်းတွေ ထင်လာမှာပါ။

၃။ နဂိုရှိနေတဲ့ အရေပြားပြဿနာတွေ ပိုဆိုးလာစေခြင်း

ကိုယ်က မျက်နှာအဆီပြန်လို့ ဝက်ခြံေတွခဏခဏ ပေါက်တတ်တယ်၊ ချွေးပေါက်ကလည်း ကျယ်တယ်၊ အသားခြောက်တဲ့သူတွေဆိုရင်လည်း နှင်းခူ၊ ညှင်းတွေ ပေါက်လွယ်တယ်၊ တချို့ဆိုရင်လည်း အလှကုန်ပစ္စည်းတွေနဲ့ ဓါတ်မတည့်တာ၊ သုံးလိုက်တာနဲ့ ယားပြီးအင်ပျင်ထလာတာ အစရှိတဲ့ အရေပြားကျန်းမာရေးပြဿနာတွေဟာ အိပ်ချိန်နည်းလာတာနဲ့အမျှ အရင်ကထက် ပိုပိုဆိုးလာပြီး ကိုယ့်အသားအရေကို ပိုပြီးဒုက္ခဖြစ်စေနိုင်ပါတယ်။

၄။ ကြည်လင်ဝင်းပမှု မရှိတော့ခြင်း

ကလေးဘဝမှာ အသားလေးက ဝင်းပြီးကြည်နေသလောက် အသက်ကြီးလာတော့မှ ဘာလို့ ခြောက်ကပ်ကပ်နဲ့ ညိုမည်းလာတာလဲ။ အဖြေကတော့ ရှင်းပါတယ်။ အိပ်ချိန်နည်းလာလို့ ဖြစ်တာပါ။ အပြည့်အဝ အနားယူအိပ်စက်မှုမရှိတဲ့အခါ အရေပြား ပျက်စီးနေရင်လည်း ပြန်မပြုပြင်ပေးနိုင်တော့သလို အသားအရောင်က မှိန်လာမယ်၊ အသားအရေကို ကာကွယ်ပေးမယ့် အလွှာတွေက တဖြည်းဖြည်း ပါးလာတဲ့အခါ နေရောင်ခြည်ဒဏ်ကြောင့် အသားအရေ ပျက်စီးဖို့လည်း ပိုမိုလွယ်ကူလာမှာဖြစ်ပါတယ်။

၅။ အရွယ်မတိုင်ခင် အိုမင်းရင့်ရော်လာစေတယ်။

ဒါကတော့ အထူးတလည်ပြောစရာတောင် လိုမယ်မထင်ပါဘူး။ အိပ်ချိန်မပြည့်တဲ့အခါ အသားအရေပြုပြင်ထိန်းသိမ်းနိုင်စွမ်း နည်းသွားမယ်။ ဒီအခါ အရေပြားပေါ်မှာ ပျက်စီးနေတဲ့ ဆဲလ်အသေတွေ စုပုံလာပြီး အရေပြားပြဿနာတွေ ပိုဆိုးသွားသလို အရေးအကြောင်းေတွထင်ပြီး ကြည့်လာတာနဲ့ အိုမင်းရင့်ရော်နေသလို ဖြစ်မှာအသေအချာပါပဲ။

အလှကြိုက်တဲ့သူတွေလည်း အိပ်ချိန်နည်းတဲ့အခါ ဖြစ်လာနိုင်တဲ့ ကြောက်စရာဆိုးကျိုးတွေကို ခုလောက်ဆို သဘောပေါက်မယ်ထင်ပါတယ်။ ဒါကြောင့် ညဘက်တွေမှာ စောစောပြန်အိပ်ဖို့နဲ့ တစ်နေ့တာ အိပ်ချိန် ၇နာရီလောက်ကို ရအောင်အိပ်ဖို့ ခုကတည်းက အကျင့်ပြန်မွေးဖို့ တိုက်တွန်းပေးလိုက်ပါတယ်။

Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

နေလောင်ကာခရင်မ် ဝယ်တော့မယ်ဆိုရင်

နေလောင်ကာခရင်မ်ဆိုတာ ဘာလဲ။ အပြင်နေရောင်ခြည်မှာ ပါနေတဲ့ ခရမ်းလွန်ရောင်ခြည်တွေဟာ ...

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

အိပ်ရာထလို့ မျက်လုံးမို့အစ်နေတာမျိုး မဖြစ်ချင်ရင် ဒါတွေကိုရှောင်ပါ

မနက်အိပ်ရာနိုးလို့ အားရပါးရသမ်းပြီး ကိုယ့်မျက်နှာကိုယ် မှန်ထဲကြည့်လိုက်တဲ့အချိန် ...

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

အသားဖတ်တွေ ကွာနေတဲ့ ခြေထောက်ကို ဒီလိုကုစားကြရအောင်

လူတော်တော်များများက မျက်နှာနဲ့ ကိုယ်ခန္ဓာအလှအပကိုပဲ ဂရုစိုက်ရင်းနဲ့ ခြေထောက်လေးတွေကို ...

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

၂၁ရာစု လူငယ်များနှင့် စိတ်ကျန်းမာရေးပြဿနာတွေ

၂၁ရာစု လူငယ်များ ခံစားနေရတဲ့ စိတ်ကျန်းမာရေးပြဿနာတွေ မနည်းပါ။ လူငယ်တွေ ခံစားရနိုင်တဲ့ စိတ်ကျန်းမာရေး ပြဿနာ။ လူငယ်နဲ့ စိတ်ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သင့်အတွက် ရွေးချယ်ထားသည်

စိတ်ဖိစီးမှုဟာ သင့်ဥပဓိရုပ်ကို ဘယ်လိုထိခိုက်စေသလဲ

စိတ်ဖိစီးမှုဟာ သင့်ဥပဓိရုပ်ကို ဘယ်လိုထိခိုက်စေသလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် စက်တင်ဘာ 15, 2020 . 2 mins read
ရွှေဖရုံရွက် နဲ့ ကျန်းမာရေး

ရွှေဖရုံရွက် နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇွန် 12, 2020 . 2 mins read
ခန္ဓာကိုယ်မှာ ရေဓာတ်မပြည့်ဝတဲ့အခါ

ခန္ဓာကိုယ်မှာ ရေဓာတ်မပြည့်ဝတဲ့အခါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 18, 2020 . 2 mins read
လေဒီလေးတို့ ရေနွေးနွေးတစ်ခွက် သောက်ပေးသင့်တဲ့ အကြောင်းအရင်း

လေဒီလေးတို့ ရေနွေးနွေးတစ်ခွက် သောက်ပေးသင့်တဲ့ အကြောင်းအရင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 12, 2020 . 2 mins read