close-icon
close-account

Hello Sayarwon မှ ထွက်မည်။

ထွက်မှာ သေချာပြီလား။

tip_welcome

မင်္ဂလာပါ။ !

ဝက်ဘ်ဆိုက်ကို လာရောက်တဲ့အတွက် ကျေးဇူးတင်ပါတယ်။ ကျွန်ုပ်တို့နှင့်အတူ ပိုမိုကျန်းမာပျော်ရွှင်ပြီး အသက်ရှည်ရှည် နေနိုင်မယ့် နည်းလမ်းကောင်းတွေကို ရှာဖွေလိုက်ပါ။ Hello Sayarwonမှာ ဆောင်းပါးတွေကို ဖတ်ရှုလိုက်ပါ။

ဘာထူးပါသလဲ။

ကျန်းမာရေး ဆောင်းပါးများ
ကျန််းမာရေး ကိရိယာများ

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ကလေးတွေမှာ ထိခိုက်ရှနာ ဘယ်လိုအရေးပေါ်ဂရုစိုက်မလဲ

စာရေးသူ ဓာတ်ပုံbadge
Yun Sandi Nan Mon မှ ရေးသားသည်။ 23/05/2022 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။
    ကလေးတွေမှာ ထိခိုက်ရှနာ ဘယ်လိုအရေးပေါ်ဂရုစိုက်မလဲ
    မသိနားမလည်သေးဘဲ ပျော်ရွှင်ဖို့၊ ပြေးလွှားဆော့ကစားဖို့လောက်သာ သိတဲ့ ကလေးဘဝကို အမြဲပြန်လည်တောင့်တလေ့ရှိကြပါတယ်။ ရင့်ကျက်လာချိန်မှာ စိတ်ပင်ပန်းလာတဲ့အခါတိုင်း အပူအပင်ကင်းတဲ့ ကလေးဘဝပြန်ရောက်ချင်တယ်ပဲ တဖွဖွညည်းကြတယ်။
    ကလေးဆိုတာ အပူအပင်တော့ ကင်းရင်ကင်းနိုင်ပေမယ့် ထိခိုက်ဒဏ်ရာတွေ၊ အနာတွေနဲ့တော့ မကင်းနိုင်တာသေချာပါတယ်။ အနည်းဆုံးတော့ ချော်မလဲဖူးတဲ့ကလေးမရှိသလောက်ပဲလေ။ အဲ့လို ထိခိုက်မိတဲ့အခါမျိုးမှာ အနာပဲ နောက်တော့ကျက်သွားမှာပေါ့ ဆိုပြီး ပေါ့ပေါ့ဆဆမထားသင့်ပါဘူး။ နာကျင်ရသက်သာအောင် ကလေးကို ဘယ်လိုဂရုစိုက်ပေးဖို့လိုမလဲဆိုတာ မိဘတွေ သိထားဖို့လိုပါတယ်။ ဒါမှ ကိုယ့်သားသမီးလေးတွေမှာ အပူအပင်ရော နာကျင်မှုရော ကင်းတဲ့ပျော်ရွှင်တဲ့ကလေးဘဝကို ပိုင်ဆိုင်နိုင်မှာပါ။
    ကလေးမှာ တစ်ခုခုထိခိုက်လာပြီဆိုရင် အရင်ဆုံး –
    ဒဏ်ရာအနေအထားကို ကြည့်ပါ
    ဒဏ်ရာကသေးလား၊ ကြီးလား၊ နက်လား၊ ရှတဲ့ဒဏ်ရာလား၊အကိုက်ခံရတာလား၊ အချွန်နဲ့စူးထားတာလား၊ ပွန်းပဲ့ရုံပဲလား အရင်စစ်ဆေးပါ။ အနာသေးသေးဆို အိမ်မှာပဲ ကိုယ်တိုင်ပြုစုကုသပေးလို့ရပေမယ့် ဒဏ်ရာကြီးရင်၊ နက်ရင်၊ ဒဏ်ရာက မျက်နှာမှာဖြစ်ရင်(မျက်လုံးနား) ဆရာဝန်နဲ့အမြန်ဆုံးပြပါ။
    အနာကိုသန့်စင်ပါ
    • လက်ကိုစင်အောင်ဆေးကြောပါ။
    • အနာကို သန့်စင်တဲ့ ရိုးရိုးရေနဲ့ဆေးကြောပါ။ အညစ်အကြေးနဲ့အမှုန်အမွှားတွေပါသွားပါလိမ့်မယ်။
    • အနာတဝိုက်ဘေးဧရိယာတွေကိုတော့ ဆပ်ပြာအပျော့စားနဲ့ရေနဲ့ဆေးကြောပါ။ အနာကို ဆပ်ပြာတိုက်ရိုက်မသုံးပါနဲ့။

    သွေးတိတ်အောင်လုပ်ပါ

    • အနာကို ပိုးသတ်ထားတဲ့ gauze သို့မဟုတ် သန့်စင်တဲ့အဝတ်စ နဲ့အုပ်ပြီး သွေးတိတ်တဲ့အထိ ဖိထားပေးပါ။
    • gauze မှာသွေးတွေရွှဲလာရင် ဆွဲမဖယ်လိုက်ပါနဲ့။နောက်အသစ်တစ်ခုအပေါ်ကထပ်အုပ်ပါ။
    • သွေးတိတ်ပြီး မိနစ်အနည်းငယ်ကြာတဲ့အထိ ဆက်ဖိထားပေးပါ။
    • အနာရှိနေတဲ့အစိတ်အပိုင်း လက် သို့မဟုတ် ခြေထောက်ကိုမြှင့်ထားပေးပါ။

    ဆေးထည့်ပါ

    • ပိုးသတ်ဆေး၊ အနာထည့်ဆေးတစ်ခုခု ထည့်ပါ။
    • ပြီးရင် ပလာစတာလေးကပ်ပြီးရောဂါပိုးမဝင်အောင်ကာကွယ်ပေးပါ။

    တကယ်လို့ –

    • ကလေးကသွေးအရမ်းထွက်နေရင်
    • ၁၀ မိနစ်လောက်ဖိပေးထားတာတောင်သွေးမတိတ်ဘူးဆိုရင်
    • ကလေးရဲ့အရေပြားမှာ တစ်စုံတစ်ခုစူးဝင်နေဆဲဖြစ်ရင် (ဥပမာ သံစူးတာ)
    • မျက်လုံး သို့မဟုတ် နှာခေါင်း၊ နားရွက်တို့မှာ ရှတဲ့ဒဏ်ရာဆိုရင်
    • ဒဏ်ရာကြီးရင်
    • အနာက အပေါ်ယံကျက်သလိုနဲ့ ထိလိုက်တိုင်းသွေးပြန်ထွက်နေရင်
    • တိရစ္ဆာန်အကိုက်ခံရတာဆိုရင်ဆေးကုသမှုသေချာခံယူသင့်သလို ဆရာဝန်ညွှန်ကြားတဲ့အတိုင်း ကာကွယ်ဆေးတွေ ထိုးသင့် ထိုးရပါမယ်။

    ညစ်ပေတဲ့အရာဝတ္ထုတွေကြောင့် စူးမိတာ၊ပြတ်ရှတာတွေအတွက်ဆို ဆရာဝန်က မေးခိုင်ကာကွယ်ဆေးထိုးခိုင်းနိုင်ပါတယ်။နောက်ပိုင်းမှာ အနာတဝိုက် နီမြန်းနေတာ၊ ပြည်တည်နေတာ၊ ရောင်ရမ်းနေတာလိုမျိုး လက္ခဏာတစ်ခုခုတွေ့ရရင် ဒါမှမဟုတ် အနာကိုထိလိုက်တဲ့အခါ ပူနေရင် အနာက ပိုးဝင်နေတာဖြစ်နိုင်လို့ အမြန်ကုသမှုခံယူသင့်ပါတယ်။

    health-tool-icon

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    Ref:

    https://kidshealth.org/en/parents/cuts-sheet.html

    https://www.webmd.com/first-aid/treating-cuts-and-bleeding-in-children

    https://www.babycenter.com/0_cuts-and-scrapes_407.bc

    အကြံပြုလိုသည့် ဆောင်းပါးများ

    ဘယ်လိုအခြေအနေမျိုးတွေမှာ မေးခိုင်ကာကွယ်ဆေးထိုးဖို့လိုမလဲ

    အနာပိုးမဝင်အောင်ကာကွယ်သင့်တဲ့ အကြောင်းအရင်း

    စာရေးသူ ဓာတ်ပုံbadge
    Yun Sandi Nan Mon မှ ရေးသားသည်။ 23/05/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။