လေ့ကျင့်ခန်းတွေဟာ သင့်ကိုယ်ခန္ဓါအတွက်သာမက အသက်ကြီးရင့်တဲ့ ဦးနှောက်တွေအတွက်ပါ အကျိုးရှိတယ်ဆိုတာ သင်သိပြီးဖြစ်နိုင်ပါတယ်။ လေ့ကျင့်ခန်းလုပ်ခြင်းအားဖြင့် အသက်ကြီးလို့ဖြစ်တဲ့ ဦးနှောက်ရောဂါတွေကို ရှောင်ကျဉ်နိုင်ပါသလား၊ အဖြေကတော့ မှန်ပါတယ်။ အောက်ဖေါ်ပြပါ လေ့ကျင့်ခန်းသုံးခုဟာ သင်သိသင့်တဲ့ ဦးနှောက်အတွက်ကောင်းမွန်တဲ့ လေ့ကျင့်ခန်းတွေပဲ ဖြစ်ပါတယ်။
လေ့ကျင့်ခန်းတွေက အသက်ကြီးရင့်တဲ့ ဦးနှောက်ကို ကူညီနိုင်ပါတယ်။
လေ့ကျင့်ခန်းလုပ်ခြင်းဟာ မှတ်ဉာဏ်မကောင်းခြင်းနဲ့ Alzheimer’s ရောဂါတွေကို ကာကွယ်ပေးပါတယ်။ လေ့ကျင့်ခန်းဟာ insulin resistance၊ ရောင်ရမ်းခြင်း တွေကို လျော့ကျစေပြီး ဦးနှောက်မှာ ရှိတဲ့ ဆဲလ်တွေရဲ့ ဖွံ့ဖြိုးမှုကို လှုံဆော်ပေးကာ ဦးနှောက်ဆဲလ်အသစ် ဖြစ်ပေါ်မှုကို အားပေးပါတယ်။ ဦးနှောက်မှာ ဆဲလ်အသစ် ဖြစ်တာနည်းလေလေ အသက်ကြီးလာတဲ့အခါ သွေးကြောတွေ ဒုက္ခရောက်လေလေ ဖြစ်တာကြောင့် ဒါဟာ အရေးကြီးပါတယ်။
လေ့လာမှုတွေက လေ့ကျင့်ခန်းလုပ်ခြင်းဟာ သင့်ကို ကောင်းကောင်းအိပ်ပျော်စေပြီး စိတ်ပိုင်းဆိုင်ရာ ကျန်းမာရေးလည်း ကောင်းမွန်စေတယ်လို့ ဆိုပါတယ်။ ကောင်းစွာ အိပ်ပျော်ခြင်းဟာ သင့်မှတ်ဉာဏ်ကို ထိခိုက်စေတဲ့ အလုပ်ကြောင့် ဖြစ်တဲ့စိတ်ဖိစီးမှုနဲ့ စိတ်ဖိစီးမှုတွေကို လျော့ချပေးနိုင်ပါတယ်။
အေရိုးဗစ် လေ့ကျင့်ခန်းများ
အေရိုးဗစ် လေ့ကျင့်ခန်း တွေဟာ သင့်ရဲ့ ကြွက်သား၊ အဆစ်၊ အရိုးတွေပေါ်မှာ ဖိအားသက်ရောက်ခြင်း သိပ်မများတာကြောင့် ထိရောက်မှုနည်းတဲ့ လေ့ကျင့်ခန်းတွေလို့ သက်မှတ်နိုင်ပါတယ်။ အေရိုးဗစ် လေ့ကျင့်ခန်းတွေဟာ နှလုံးခုန်ကို ပိုမြန်စေနိုင်ပြီး သွေးကို ဦးနှောက်ထဲကိုပိုမိုညှစ်ထုတ် ပေးနိုင်ပါတယ်။ ဒါကြောင့် ဦးနှောက်ဆဲလ်အသစ်ဖြစ်ဖို့နဲ့ သူတို့အချင်းချင်းကြားက ဆက်သွယ်မှုကို ကူညီပေးနိုင်ပါတယ်။
အတွေ့များတဲ့ အေရိုးဗစ် လေ့ကျင့်ခန်းတွေကတော့လမ်းလျှောက်ခြင်း၊ ပြေးခြင်း၊ စက်ဘီးစီးခြင်းနဲ့ ရေကူးခြင်းတွေပဲ ဖြစ်ပါတယ်။ တစ်နေ့ကို လေ့ကျင့်ခန်း၄၅ မိနစ်လောက်၊ တစ်ပတ်မှာ အနည်းဆုံး သုံးကြိမ်လုပ်ခြင်းဟာ အကျိုး ရှိပါတယ်။
ယောဂ
ယောဂဟာ နှစ်ပေါင်းများစွာ အသုံးပြုခဲ့ကြတဲ့ လေ့ကျင့်ခန်း တစ်မျိုးဖြစ်ပါတယ်။ ယောဂဟာ စိတ်နဲ့ ကိုယ်ခန္ဓါရဲ့ ဆက်စပ်မှုပေါ် အဓိကထားပါတယ်။ ဒါကြောင့် စိတ်ရောကိုယ်ပါ တည်ငြိမ် အေးချမ်းစေပါတယ်။
Sahaja yoga ကို လုပ်ကြည့်နိုင်ပါတယ်။ ဒီယောဂအမျိုးအစားဟာ စိတ်ပူခြင်းကို လျော့စေပြီး ဘဝအရည်အတွး မြင့်စေကာ စိတ်ဖိစီးမှုကို ထိန်းချုပ်ပေးပါတယ်။ Hatha yoga ကတော့ ဖိအားကို လျော့ဖို့ ကူညီပေးနိုင်ပါတယ်။
ကျွမ်းကျင်သူတွေသင်ပေးတဲ့ ယောဂသင်တန်း တက်ခြင်း (သို့) အိမ်တွင် ယောဂကစားခြင်းတွေ လုပ်နိုင်ပါတယ်။ ယောဂလုပ်ဖို့ ပစ္စည်းကိရိယာ အများကြီးမလိုအပ်ပါဘူး။ ဖျာတစ်ခုသာ လိုအပ်မှာ ဖြစ်ပါတယ်။
ထိုက်ကျိ (Tai Chi)
Tai Chi ဟာ တရုတ်ရိုးရာ ကစားနည်းတစ်ခုဖြစ်ပြီး Tai Chi Chuan လို့ အသိများပါတယ်။ အခုခေတ်မှာတော့ Tai Chi ကို လေ့ကျင့်ခန်းအနေနဲ့ အသုံးပြုကြပါတယ်။ သူ့မှာ ညင်သာတဲ့ ကိုယ်ခန္ဓါ လှုပ်ရှားမှုတွေနဲ့ အကြောဆန့်ခြင်းတွေ ပါဝင်ပါတယ်။ Tai Chi မှာ အသက်ပြင်းပြင်းရှူပြီး လှုပ်ရှားမှုတွေကို ဖြည်းညင်းစွာ ပြုလုပ်ရတာ ဖြစ်ပါတယ်။ ဒီလှုပ်ရှားမှုတွေကို ရပ်နားမှုမရှိပဲ ပြုလုပ်ရတာဖြစ်ပြီး ကိုယ်ခန္ဓါဟာ ညင်သာစွာ လှုပ်ရှားနေမှာဖြစ်ပါတယ်။ Tai Chi ဟာ ယေဘုယျအားဖြင့် စိတ်ချရပေမယ့် သင့်မှာ အရိုးကျိုးခြင်း၊ အဆစ်ပြဿနာတွေရှိရင် ဒီနည်းကို မပြုလုပ်မီ ဆရာဝန်ကို မေးမြန်းသင့်ပါတယ်။
အသက်ကြီးသူတွေတောင်မှ လေ့ကျင့်ခန်းလုပ်ခြင်းကနေ အကျိုးကျေးဇူး ရရှိနိုင်ပါတယ်။ ဦးနှောက်အပါအဝင် ကိုယ်ခန္ဓါ အစိတ်အပိုင်းအကုန်လုံးဟာ လေ့ကျင့်ခန်းကြောင့် အကျိုးရှိနိုင်ပါတယ်။ ဒါပေမယ့် သင့်အတွက် သင့်လျော်တဲ့ လေ့ကျင့်ခန်းအမျိုးအစားကို သိရှိဖို့ ဆရာဝန်၊ ဆရာမ၊ အခြားကျန်းမာရေးစောင့်ရှောက်သူတွေနဲ့ တိုင်ပင်ဆွေးနွေးသင့်ပါတယ်။
Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။
[embed-health-tool-bmi]
