ကိုယ့် သွေးရည်ကြည် ပြန်အသုံးပြုတဲ့ ကုထုံးနဲ့ ဆံပင်ပြန်ပေါက်စေနိုင်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဖေ‌ဖော်ဝါရီ 14, 2021 . 2 mins read
Share now

ဆံပင်ပါး၊ ဆံပင်ကျွတ်နေတဲ့သူတွေ၊ ထိပ်ပြောင်တဲ့သူတွေအတွက်က ဆံပင်ပြန်ပေါက်စေမယ့်၊ ဆံပင်သန်စေမယ့်ဆေးတွေ၊ နည်းလမ်းတွေကိုလိုက်ရှာနေကြမှာပါပဲ။ တချို့ကတော့ သဘာဝဆေးနည်းလေးတွေ၊ ဆံပင်သန်ဆေး ဒါမှမဟုတ် ပေါင်းတင်တာတွေနဲ့ ပြန်အဆင်ပြေလာကြပေမယ့် နည်းအမျိုးမျိုး၊ဆေးအမျိုးမျိုးသုံးကြည့်ပြီး အဆင်မပြေသူတွေလည်းရှိပါတယ်။ အခုတော့ နီးလျက်နဲ့ဝေးနေတဲ့ ကုသဆေးတစ်ခုကို သုတေသနကဖော်ထုတ်ပေးခဲ့ပါတယ်။ မျိုးဗီဇအရကို ဆံပင်ပါးတဲ့သူတွေအတွက်က အသုံးများတဲ့ကုထုံးတွေရှိပေမယ့် ခုတစ်ခါတွေ့ရှိတဲ့ ကုထုံးအသစ်ကတော့ ကာယကံရှင်ရဲ့သွေးကို ပြန်အသုံးပြုမယ့် သွေးရည်ကြည် ကုထုံးပဲ ဖြစ်ပါတယ်။

Platelet-rich plasma (PRP) လို့ခေါ်တဲ့သွေးရည်ကြည်ကုထုံးကို သွားကနေ အရိုးအထိ ကုသမှုအမျိုးစုံမှာ သက်သာပျောက်ကင်းမှုမြန်ဆန်အောင် အသုံးပြုနေတာဖြစ်ပါတယ်။ အစက လူသိများတာက မျက်နှာအလှအပအတွက် အသုံးပြုတာဖြစ်ပြီး ဆံပင်အတွက်ဆို ပိုခေတ်စားလာတော့မှာပါ။

ဒီကုထုံးအတွက်သုတေသနက အစောပိုင်းအဆင့်မှာပဲရှိနေသေးတဲ့အတွက် ဆံကေသာကုထုံးအဖြစ်တရားဝင် အသုံးပြုခွင့်မရသေးပါဘူး။

သွေးရည်ကြည် ကုထုံးက ဘယ်လိုမျိုးလဲ

PRP ကုထုံးမှာ ကာယကံရှင်ရဲ့သွေးကိုယူပြီး သွေးရည်ကြည် ထဲက သွေးနီဥဆဲလ်တွေကို ခွဲထုတ်ပါတယ်။ ဆံပင်ပေါက်စေမယ့် growth factorsလေးတွေ ပေါင်းထည့်ထားတဲ့သွေးရည်ကြည်ကို သူ့ဆီ ပြန်ထိုးနှံပေးလိုက်ပါတယ်။

ဆံကေသာကုထုံးအတွက် PRP နည်းကို သုံးတဲ့အခါ သွေးရည်ကြည်ကို ဆံပင်အမြစ်အိတ်လေးတွေထဲ ထိုးပေးရတာဖြစ်ပါတယ်။ မသိမသာလေးနေရခက်တာကလွဲရင် ဘာမှမခံစားရသလို အချိန်လည်း ၁၀ မိနစ်ပဲကြာပါတယ်။

ကိုယ့် သွေးရည်ကြည် ပြန်အသုံးပြုတဲ့ ကုထုံးနဲ့ ဆံပင်ပြန်ပေါက်စေနိုင်

ကုထုံးခံယူပြီးတဲ့အခါ တစ်လတစ်ကြိမ်နဲ့ သုံးလဆက်တိုက် ဆေးလာထိုးရမှာဖြစ်ပြီးနောက်ပိုင်းကိုတော့ သုံးလကနေ ခြောက်လအတွင်း တစ်ကြိမ်ပြန်လာထိုးရမှာပါ။ ကုသမှု လအနည်းငယ်ကြာရင်ပဲ ဆံပင်ကျွတ်သက်သာလာတာ သိသာလာမယ်။ နောက်ပိုင်းကျရင်တော့ ဆံပင်ထူ၊ ဆံပင်အသစ်ပေါက်တာ များလာမှာဖြစ်ပါတယ်။ ဒါပေမယ့် ကုသမှုစရိတ်ကတော့ တစ်ဦးကိုဒေါ်လာ ၁၀၀၀ ဝန်းကျင် ကုန်ကျနိုင်တယ်လို့ နယူးယောက်စီးတီး အခြေစိုက် dermatologist တစ်ဦးဖြစ်တဲ့ Dr.Joshua Zeichner ကပြောပါတယ်။

ရလဒ်ရော ကောင်းသလား

အစားအသောက်၊ အနေအထိုင်၊ ဓာတုပစ္စည်း ထိတွေ့မှုတို့ကြောင့်မဟုတ်ဘဲ မျိုးရိုးဗီဇအရ ဆံပင်ပါးသူ ဒါမှမဟုတ် ထိပ်ပြောင်သူ အမျိုးသမီး၊ အမျိုးသားတွေမှာ ဒီကုထုံးနဲ့ဆို ဆံပင်ကျွတ်သက်သာတဲ့အပြင် ပိုတောင်ပေါက်လာသေးတယ်လို့ သုတေသီတွေက လေ့လာတွေ့ရှိခဲ့ပါတယ်။

ကိုယ့် သွေးရည်ကြည် ပြန်အသုံးပြုတဲ့ ကုထုံးနဲ့ ဆံပင်ပြန်ပေါက်စေနိုင်

၂၀၁၈ ခုနှစ်က ပါဝင်သူ ၃၉ ဦးကို လေ့လာခဲ့တဲ့ သုတေသနတစ်ခုအရ PRP သွေးရည်ကြည် ထိုးနှံမှု လေးကြိမ်ခံယူပြီးသူတွေမှာ ခြောက်လတာအတွင်း ဆံပင်ပိုသန်ပြီး ထူထဲလာတာတွေ့ရပါတယ်။ တခြားသုတေသနတွေမှာလည်း မျိုးဗီဇကြောင့် ထိပ်ပြောင်ပြီး ဘာဆေးသုံးသုံး မရတဲ့သူတွေမှာတောင် ဒီနည်းက အောင်မြင်မှုနှုန်းမြင့်မားကြောင်းဖော်ပြခဲ့ပါတယ်။

ဒီနည်းက ကိုယ့်သွေးရည်ကြည် ကို ပြန်အသုံးပြုရတာဖြစ်လို့ သဘာဝပစ္စည်းဆိုတော့ ဘေးကင်းတယ်၊ အပ်စိုက်ကုသလောက်လေးပဲ နာကျင်မှုကလည်း နည်းမှာဖြစ်ပါတယ်။

“ PRP ကုထုံးက ထိပ်ပြောင်မှမဟုတ်ဘူး၊ ဆံပင်နည်းနည်းပါးတဲ့သူတွေအတွက်လည်း အကောင်းဆုံးကုသနည်းဖြစ်ပါတယ်။” လို့Zeichner ကပြောပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဆံသားနဲ့ဦးရေပြား ကို ထိန်းသိမ်းပါ

ဆံသားနဲ့ဦးရေပြား ကိုလည်း မျက်နှာအသားအရေလိုပဲ စောင့်ရှောက်မှုတွေ လုပ်ဆောင်ဖို့ လိုအပ်ပါမယ်။ အကြောင်းကတော့ ဦးရေပြား ကျန်းမာမှ ဆံသားလည်း ကျန်းမာမှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သတင်းကြီးနေတဲ့ ကိုဗစ် ကုသဆေး Favipiravirက တကယ်စွမ်းရဲ့လား

Favipiravir ကို မြန်မာနိုင်ငံမှာ စတင်ထုတ်နိုင်ပြီလို့ ဆိုပါတယ်။ ဒါဟာ ကိုဗစ်ကို ကုသနိုင်မှာလား။ လူတိုင်း သုံးလို့ရပါ့မလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သုက်ထွက်မြန်တဲ့ အမျိုးသားများ ကုသမှုခံယူဖို့ လိုအပ်လာပြီဆိုရင်…

သုက်ထွက်မြန် အမျိုးသား ကုထုံး လိင်ပိုင်းဆိုင်ရာ လိင်ဆက်ဆံ လိင်တံ ထောင်မတ် ကျားဟော်မုန်း တက်စတိုစတီရုန်း လူငယ် စိတ်ဖိစီးမှု လေ့ကျင့်ခန်း သုက်လွှတ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

ဆယ်ကျော်သက်တို့အတွက် ဆံသားထိန်းသိမ်းနည်း

ကျန်းမာလှပတဲ့ ဆံသား ပိုင်ဆိုင်ထားခြင်းက  အလှတိုးစေတဲ့ အချက်တစ်ခုပေါ့။ ဒီတော့ ဆံသားလှပစေဖို့အတွက် ဆယ်ကျော်သက် တစ်ယောက်အနေနဲ့ ဘယ်လို ဂရုစိုက်ရမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ခွေးကြောက်တဲ့ စိတ်ရောဂါ (Cynophobia)

ခွေးကြောက်တဲ့ စိတ်ရောဂါ (Cynophobia)

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 9, 2021 . 2 mins read
အင်ဆူလင် နှင့် အလွဲများ

အင်ဆူလင် နှင့် အလွဲများ

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 1, 2021 . 2 mins read
ကိုဗစ်ဖြစ်ပြီး ထွက်တဲ့ antibodies ဘယ်လောက်ခံလဲ.......

ကိုဗစ်ဖြစ်ပြီး ထွက်တဲ့ antibodies ဘယ်လောက်ခံလဲ…….

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် ဩဂုတ် 24, 2021 . 2 mins read
ကိုဗစ်ဖြစ်ပြီးရင် ကာကွယ်ဆေး ထိုးဖို့ လိုမလို

ကိုဗစ်ဖြစ်ပြီးရင် ကာကွယ်ဆေး ထိုးဖို့ လိုမလို

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဩဂုတ် 18, 2021 . 2 mins read