home

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

Weismann-Netter-Stuhl syndrome (ဝိုက်စ်မန်းနက်တာစတယ် စင်ဒရုန်း)

အဓိပ္ပါယ်ဖွင့်ဆိုချက်|ရောဂါလက္ခဏာများ|ဖြစ်ပွားမှုအကြောင်းရင်းများ|ဖြစ်ပွားစေနိုင်ချေကို မြင့်စေသည့် အကြောင်းရင်းများ|ရောဂါအဖြေရှာခြင်းနှင့် ကုသခြင်း|လူနေမှုပုံစံပြောင်းလဲခြင်းနှင့် အိမ်သုံးကုထုံးများ

အဓိပ္ပါယ်ဖွင့်ဆိုချက်

ဝိုက်စ်မန်းနက်တာစတယ် စင်ဒရုန်း ဆိုတာဘာလဲ။

ဝိုက်စ်မန်းနက်တာစတယ် စင်ဒရုန်းဆိုတာ အရိုးတွင် မူမမှန်မှုများစွာဖြစ်သော အလွန်ရှားပါးသည့် မျိုးရိုးဗီဇရောဂါတစ်မျိုးဖြစ်ပါတယ်။

ခြေသလုံးရိုး၂ခုမှာ လေးကိုင်းသဏ္ဍန်ဖြစ်နေပါမယ်။ တချို့လူတွေမှာ နံရိုး၊ တင်ပဆုံရိုး၊ ကျောရိုးနဲ့ လက်ရိုးတို့လိုမျိုး အခြားအရိုးတွေလည်း ဖြစ်နိုင်ပါတယ်။

ဝိုက်စ်မန်းနက်တာစတယ် စင်ဒရုန်းဟာ ဘယ်လောက်ထိ အဖြစ်များသလဲ။

ဝိုက်စ်မန်းနက်တာစတယ် စင်ဒရုန်းဟာ တော်တော်ရှားတဲ့ အရိုးရောဂါတစ်မျိုးဖြစ်ပြီး ယောက်ျားလေးနဲ့ မိန်းကလေးဖြစ်ပွားနှုန်းတူညီကြပါတယ်။ ၁၉၅၄မှာစတင်တွေ့ရှိပြီး လူအယောက်၇၀လောက် ဖြစ်ပွားပြီးပြီလို့ မှတ်တမ်းတင်ထားပါတယ်။ ဒါပေမယ့်လည်း ထိုရောဂါမျိုးဟာ ရှာဖွေရခက်ခဲတာကြောင့် လူထုထဲမှာဘယ်လောက်နှုန်းနဲ့ ဖြစ်ပွားနေတယ်ဆိုတာကို ဆုံးဖြတ်ရအဆင်မပြေပါဘူး။

အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။

ရောဂါလက္ခဏာများ

ဝိုက်စ်မန်းနက်တာစတယ် စင်ဒရုန်း ရဲ့ ရောဂါလက္ခဏာတွေက ဘာတွေလဲ။

ဝိုက်စ်မန်းနက်တာစတယ် စင်ဒရုန်း ရဲ့ အဖြစ်အများဆုံးရောဂါလက္ခဏာတွေကတော့ အောက်ပါတို့ပဲဖြစ်ပါတယ်။

  • ခြေသလုံးရိုး၂ချောင်း လေးကိုင်းသဏ္ဍန်ကွေးနေခြင်း
  • ပေါင်ရိုးကွေးခြင်း

ကိုယ်ကာယစွမ်းရည်ကို သိပ်မထိခိုက်တာကြောင့် ကလေးအရွယ်ရောက်တာတောင် မသိဘဲရှိနေတတ်ပါတယ်။ အရိုးကွေးတာတွေက ၂ဖက်လုံးမှာဖြစ်တတ်ပြီး တစ်ဖက်တည်းဖြစ်တာတော့ ရှားပါတယ်။

ခြေသလုံးရိုး တီဘီယာမှာ အတက်ထွက်နိုင်ပြီး ဓါတ်မှန်ဖြင့် တွေ့ရှိနိုင်ပါတယ်။ တင်ပဆုံအရိုးနဲ့ နံရိုးတွေမှာလည်း ခံစားရနိုင်ပါတယ်။ Coxa Vera လို့ခေါ်တဲ့ ပေါင်ရိုးက တင်ပဆုံးရိုးအနောက်နဲ့အလယ်ပိုင်းကို ဦးတည်နေသောအခြေအနေမျိုးကို ဝိုက်စ်မန်းနက်တာစတယ် စင်ဒရုန်းမှာ တွေ့ရလေ့ရှိပါတယ်။ အထက်မှာဖော်ပြထားတဲ့အထဲမှာမပါဝင်တဲ့ အခြားသောလက္ခဏာတွေလည်းရှိနိုင်ပါသေးတယ်။ တကယ်လို့ကိုယ့်ဆီမှာ ရောဂါလက္ခဏာတစ်ခုခုများရှိနေမလားဆိုပြီး စိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။

ဘယ်အချိန်မှာ ဆရာဝန်နဲ့ သွားရောက်ပြသသင့်ပါသလဲ။

သင့်ဆီမှာ သို့မဟုတ် သင်ချစ်ရသူတစ်ဦးဦးမှာ အထက်ဖော်ပြပါ ရောဂါလက္ခဏာတွေထဲက တစ်ခုခုများရှိနေမယ်ဆိုရင် ဒါမှမဟုတ် မေးခွန်းတစ်ခုခုရှိနေမယ်ဆိုရင် ဆရာဝန်နဲ့ တိုင်ပင်ဆွေးနွေးပါ။ လူတိုင်းရဲ့ခန္ဓါကိုယ်တုံ့ပြန်မှုဟာ မတူညီနိုင်ပါဘူး။ သင့်အခြေအနေအတွက် ဘာအကောင်းဆုံးလဲဆိုတာကို သင့်ဆရာဝန်နဲ့ တိုင်ပင်တာက အကောင်းဆုံးပါပဲ။

ဖြစ်ပွားမှုအကြောင်းရင်းများ

ဘာတွေက ဝိုက်စ်မန်းနက်တာစတယ် စင်ဒရုန်း ဖြစ်ပွားစေသလဲ။

ဝိုက်စ်မန်းနက်တာစတယ် စင်ဒရုန်းရဲ့ တရားခံက မျိုးရိုးဗီဇပြောင်းလဲခြင်းပါပဲ။ ထိုမျိုးရိုးဗီဇအတိအကျကိုတော့ ရှာဖွေတုန်းပါပဲ။ ထင်ရတာကတော့ ယင်းမျိုးရိုးဗီဇက ခန္ဓါကိုယ်အင်္ဂါအမျိုးမျိုးအတွက် ပရိုတင်းထုတ်လုပ်မှုကို တာဝန်ယူထားပါတယ်။ မျိုးရိုးဗီဇပြောင်းလဲသွားတဲ့အခါ ပရိုတင်းကောင်းကောင်းမထုတ်နိုင်တော့ဘဲ ကိုယ်အင်္ဂါတွေ အလုပ်ကောင်းကောင်းမလုပ်နိုင်တော့တဲ့အခါ ရောဂါများစွာဖြစ်ပေါ်လာပါတယ်။

ဝိုက်စ်မန်းနက်တာစတယ် စင်ဒရုန်းမှာ အရိုးဖွံ့ဖြိုးမှုအတွက် လိုအပ်တဲ့ပရိုတင်းထုတ်လုပ်မှုကို တာဝန်ယူသော မျိုးရိုးဗီဇချို့ယွင်းမှုက တရားခံလို့ ပြောနိုင်ပါတယ်။

ဖြစ်ပွားစေနိုင်ချေကို မြင့်စေသည့် အကြောင်းရင်းများ

ဘယ်အရာတွေက ဝိုက်စ်မန်းနက်တာစတယ် စင်ဒရုန်း ဖြစ်ပွားနိုင်ချေကိုမြင့်စေပါသလဲ။

တချို့အခြေအနေတွေက မျိုးရိုးလိုက်ခြင်းနဲ့ဆက်စပ်နေပါတယ်။ ဝိုက်စ်မန်းနက်တာစတယ် စင်ဒရုန်းဟာ လွှမ်းမိုးမျိုးရိုးဗီဇအမျိုးအစားဖြစ်တာကြောင့် ရောဂါရရှိဖို့ မိဘတစ်ပါးထံမှ ချို့ယွင်းမျိုးရိုးဗီဇတစ်ခုတည်းသာ လိုပါတယ်။ နောက်ထပ်သိရှိလိုသည်များအတွက် ဆရာဝန်ဖြင့် ဆွေးနွေးတိုင်ပင်ပေးပါ။

ရောဂါအဖြေရှာခြင်းနှင့် ကုသခြင်း

ယခုဖော်ပြထားသည့် အချက်အလက်များမှာ ဆေးပညာဆိုင်ရာကျွမ်းကျင်သူ၏ အကြံပေးချက်များနေရာတွင် အစားထိုးရန် မသင့်တော်ပါ။ ဆက်လက်သိရှိလိုသောအချက်အလက်များအတွက် သင့်ရဲ့ဆရာဝန်နဲံ အမြဲတိုင်ပင်ဆွေးနွေးပါ။

ဝိုက်စ်မန်းနက်တာစတယ် စင်ဒရုန်း ဟုတ်မဟုတ်ကို ဘယ်လိုအဖြေရှာအတည်ပြုသလဲ။

ဝိုက်စ်မန်းနက်တာစတယ် စင်ဒရုန်းကို ခြေသလုံးအရိုးကွေးခြင်း၊ ပေါင်ရိုးကွေးခြင်း၊ အရိုးအပြင်လွှာထူခြင်းနှင့် ရိုးတွင်းခြင်ဆီကြယ်ခြင်းတို့အား ဓါတ်မှန်ရိုက်ကြည့်ခြင်းဖြင့် တွေ့ရှိနိုင်ပါတယ်။ လက်ရိုးကွေးခြင်း၊ တင်ပဆုံရိုးမူမမှန်ခြင်း၊ ကျောရိုးပုံသဏ္ဍန်မှန်မှန်မဖွံ့ဖြိုးခြင်း၊ ဦးနှောက်နှင့်အာရုံကြောမကြီးကို ဝန်းရံထားသော အမြှေးပါးမာတောင့်ခြင်းတို့ကိုလည်း ဓါတ်မှန်ရိုက်ကြည့်နိုင်ပါတယ်။

ဝိုက်စ်မန်းနက်တာစတယ် စင်ဒရုန်းကို အဖြေရှာအတည်ပြုဖို့က ခက်ခဲနိုင်သလို၊ ကြာလည်းကြာနိုင်ပါတယ်။ ဘာကြောင့်လဲဆိုတော့ ထိုရောဂါအကြောင်းကို ကောင်းကောင်းမသိရသေးတဲ့အပြင် ရောဂါဇစ်မြစ်ကိုလည်း မဖော်ထုတ်ရသေးပါဘူး။ အခြားရောဂါတွေနဲ့ မှားယွင်းအတည်ပြုလိုက်နိုင်ပါတယ်။

ဝိုက်စ်မန်းနက်တာစတယ် စင်ဒရုန်းကို ဘယ်လိုကုသလဲ။

ဝိုက်စ်မန်းနက်တာစတယ် စင်ဒရုန်းအတွက် ကုသမှုကတော့ လူနာတစ်ဦးတစ်ယောက်ချင်းစီမှာ ကြုံတွေ့ရမယ့်ရောဂါလက္ခဏာတွေကို ဦးတည်မှာဖြစ်ပါတယ်။ ဝိုက်စ်မန်းနက်တာစတယ် စင်ဒရုန်းရောဂါသည်ကလေးအတွက် ကူညီထောက်ပံပေးမယ့် အဖွဲ့လေးဖွဲ့လိုက်တာက တောတော်ကူညီရာရောက်ပါတယ်။ ထိုအဖွဲ့က ဗဟိဒ္ဓကုထုံးတွေနဲ့ အခြား ဆေးပညာဆိုင်ရာ၊ လူမှုရေးဆိုင်ရာနဲ့ အလုပ်အကိုင်ဆိုင်ရာကူညီထောက်ပံ့မှုတွေ ပေးနိုင်ပါတယ်။

လူနာအများစုမှာ အရိုးပြဿနာတွေက ကိုယ်ကာယလုပ်ဆောင်နိုင်စွမ်းကို မထိခိုက်နိုင်ပါဘူး သို့မဟုတ် အနည်းငယ်သာထိခိုက်ပါတယ်။ ဂျာနယ်တစ်ခုမှ ဆောင်းပါးတစ်ခုက ဝိုက်စ်မန်းနက်တာစတယ် စင်ဒရုန်းကို ခွဲစိတ်ခြင်းပြုလုပ်ဖို့ အကြံပြုထားပါတယ်။ ဒါပေမယ့်လည်း ပုံသဏ္ဍန်မမှန်မှုတွေက ဘာပြဿနာမှ မပေးဘူးဆိုရင် ခွဲစိတ်စရာမလိုပါဘူး။ အသက်ရွယ်၊ အရိုးပုံသဏ္ဍန်ပျက်ခြင်း၏ပြင်းထန်မှုအတိုင်းအတာ၊ အရိုးအနေအထားမမှန်ခြင်း၊ ယေဘုယျကျန်းမာရေးအခြေအနေ၊ လူနာအကြိုက်နဲ့ အခြားသင့်တော်တဲ့အရာတွေလိုမျိုး အချက်တွေအပေါ်မူတည်ပြီး ကုသမှုရွေးချယ်ခြင်းက ပြောင်းလဲသွားမှာပါ။ ရောဂါခံစားရသူနဲ့ သူ၏မိသားစုဝင်တွေအတွက် မျိုးရိုးဗီဇပြဿနာဆိုင်ရာ အကြံပေးတိုင်ပင်မှုတွေက အကျိုးရရှိစေမှာပါ။

လူနေမှုပုံစံပြောင်းလဲခြင်းနှင့် အိမ်သုံးကုထုံးများ

လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက ဝိုက်စ်မန်းနက်တာစတယ် စင်ဒရုန်း ကို ကုသရာမှာ ဘယ်လိုအထောက်အကူပြုနိုင်မလဲ။

အကယ်၍သင့်မှာ မေးခွန်းတွေရှိမယ်ဆိုရင် သင့်အတွက်သင့တော်တဲ့ အဖြေရှာဖွေနိုင်ဖို့ ဆရာဝန်နဲ့ ဆွေးနွေးတိုင်ပင်သင့်ပါတယ်။

Hello Health Group ဆေးပညာအကြံပြုချက်များ၊ ရောဂါစစ်ဆေးအတည်ပြုချက်များနှင့် ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Weismann Netter Stuhl Syndrome

https://rarediseases.org/rare-diseases/weismann-netter-stuhl-syndrome/

Accessed February 7, 2018

Weismann Netter Stuhl Syndrome

http://www.uofmhealth.org/health-library/nord1182

Accessed February 7, 2018

What is Weismann-Netter-Stuhl Syndrome: Causes, Symptoms, Treatment, Diagnosis

https://www.epainassist.com/genetic-disorders/weismann-netter-stuhl-syndrome

Accessed February 7, 2018

စာရေးသူ ဓာတ်ပုံbadge
Phyo Wai Yan မှ ရေးသားသည်။ 11/05/2020 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။