သိုင်းရွိုက်ဟော်မုန်းများသူတွေ သတိထားသင့်တဲ့ အရေးပေါ်အခြေအနေ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date အောက်တိုဘာ 3, 2020 . 2 mins read
Share now

သိုင်းရွိုက်ဟော်မုန်းများသူတွေ သတိထားသင့်တဲ့ အရေးပေါ်အခြေအနေတစ်ခုရှိပါတယ်။ ဒါကို Thyroid crisis/ Thyroid stormလို့ ခေါ်ပါတယ်။ အချိန်တိုလေးအတွင်းမှာ ဖြစ်လာပြီး တဖြည်းဖြည်းပိုဆိုးလာနိုင်လို့ ထိရောက်တဲ့ကုသမှုကို အမြန်ဆုံး ခံယူသင့်တဲ့ အခြေအနေပါ။

Thyroid crisis အရေးပေါ်အခြေအနေဆိုတာ

သိုင်းရွိုက်ဟော်မုန်းက ခန္ဓာကိုယ်ရဲ့ လုပ်ငန်းဆောင်တာ တော်တော်များများကို ထိန်းချုပ်ထားပါတယ်။ ဒါကြောင့် သိုင်းရွိုက်ဟော်မုန်း များရင် ဖြစ်ဖြစ်၊ နည်းရင် ဖြစ်ဖြစ် တစ်ကိုယ်လုံးမှာ လက္ခဏာတွေ ပြတာပေါ့။ ဒီအရေးပေါ်အခြေအနေမှာတော့ သိုင်းရွိုက်ဟော်မုန်းတွေ အဆမတန်များလာတာကြောင့် ခန္ဓာကိုယ်တစ်ခုလုံးက စနစ်တွေ ထိန်းမနိုင် သိမ်းမရဖြစ်လာတာပါ။

ဘယ်လိုလက္ခဏာတွေ ပြတတ်လဲ။

သာမန်သိုင်းရွိုက်ဟော်မုန်း များတဲ့ လက္ခဏာတွေနဲ့ အတူတူပါပဲ။ သူကတော့ ရုတ်တရက်ကြီး ဖြစ်လာပြီး လက္ခဏာတွေလည်း ပိုဆိုးတတ်ပါတယ်။ တွေ့ရတတ်တာတွေကတော့

  • နှလုံးခုန်နှုန်းတွေ မြန်လာတာ (အရင်ကထက် ရင်ပိုတုန်တဲ့ ဝေဒနာ ခံစားရမှာပါ)
  • အဖျားတွေ တက်လာတာ
  • ချွေးတွေ အများကြီးထွက်လာတာ
  • တစ်ကိုယ်လုံး တုန်ရီနေတာ
  • ဂနာမငြိမ်တာ
  • သတိကောင်းကောင်း မရတာ
  • ဝမ်းလျှောတာ၊ အန်တာ
  • သတိလစ်တာ စတာတွေ တွေ့ရတတ်ပါတယ်။

သိုင်းရွိုက်ဟော်မုန်းများတဲ့ သူတစ်ယောက်ဟာ ရုတ်တရက်ကြီး ဒီလိုလက္ခဏာတွေ ပြလာတယ်ဆိုရင် ဒါအရေးပေါ်အခြေအနေပါ။ ဆေးရုံကို အမြန်သွားရမှာပါ။

ဘာကြောင့် ဖြစ်ရတာလဲ။

ဒီအရေးပေါ်အခြေအနေက ဖြစ်ခဲပါတယ်။ သိုင်းရွိုက်ဟော်မုန်းများတာကို မသိလို့ မကုဘဲနေတဲ့သူတွေ၊ ထိထိရောက်ရောက် မကုတဲ့သူတွေမှာ ပိုတွေ့ရပါတယ်။ ဒါ့ပြင် နဂို သိုင်းရွိုက်ဟော်မုန်းများတဲ့ အခံရှိတဲ့သူတွေမှာ အောက်က ကိစ္စလေးတွေ ဖြစ်လာခဲ့ရင်လည်း Thyroid crisis ဖြစ်တတ်ပါတယ်။

  • ထိခိုက်ဒဏ်ရာ ကြီးကြီးမားမားရတာ (အထူးသဖြင့် သိုင်းရွိုက်ဂလင်းကို ထိခိုက်မိတာ)
  • ခွဲစိတ်ကုသမှု လုပ်တာ (ဒါကြောင့် သိုင်းရွိုက်ဟော်မုန်း စိတ်ချရတဲ့ ပမာဏရောက်မှ ခွဲစိတ်တာတွေ လုပ်ပေးတာပါ)
  • ပြင်းပြင်းထန်ထန် စိတ်ထိခိုက်စရာရှိတာ
  • လေဖြတ်တာ
  • ဆီးချိုတွေ ထိန်းမရဖြစ်တာ
  • နှလုံးမကောင်းတာ
  • အဆုတ်သွေးကြောသွေးခဲပိတ်တာ
  • ပိုးဝင်ကူးစက်ခံရတာ
  • ကိုယ်ဝန်ဆိပ်တက်တာ
  • သိုင်းရွိုက်ဟော်မုန်း ထိန်းဆေးတွေ ပုံမှန်မသောက်တာ
  • နောက်ရှားရှားပါးပါး Graves disease လို့ ခေါ်တဲ့ သိုင်းရွိုက်ရောဂါတစ်မျိုးမှာ ရေဒီယိုသတ္တိကြွအိုင်အိုဒင်းနဲ့ ကုမိရင် ဖြစ်တတ်ပါတယ်တဲ့။

ကုသလို့ရပါသလား။

ကုသလို့ရပါတယ်။ အချိန်မီ ဆေးရုံကို ခေါ်သွားဖို့ လိုပါတယ်။ ဒီရောဂါက အချိန်တိုလေးအတွင်းမှာပဲ ပြင်းထန်လာတတ်လို့ ရုတ်တရက် နှလုံးခုန်မမှန်ဘဲ သေဆုံးတာမျိုး ဖြစ်တတ်ပါတယ်။ အဓိကကတော့ ဆေးဝါးတွေနဲ့ များနေတဲ့ သိုင်းရွိုက်ဟော်မုန်းကို ပြန်နည်းအောင် လုပ်ရတာပါ။ တခြားရောဂါအခံတွေ ရှိနေရင်လည်း ကုသပေးရပါတယ်။ အများစုကတော့ ၁ရက်ကနေ ၃ရက်လောက်ဆို သက်သာသွားပါပြီ။ သက်သာသွားရင်တော့ သက်ဆိုင်ရာ ဟော်မုန်းအထူးကုဆရာဝန်နဲ့ တိုင်ပင်ပြီး သေသေချာချာ ကုသရမှာပါ။ မဟုတ်ရင် ခဏခဏ ပြန်ဖြစ်ပါလိမ့်မယ်။

ကာကွယ်လို့ရော ရပါသလား။

ဒီရောဂါက နာတာရှည် ရောဂါတော့ မဟုတ်ပါဘူး။ အချိန်တိုလေးအတွင်းမှာ ခပ်မြန်မြန်ဖြစ်ပြီး အချိန်မီ ကုသမှုခံယူလိုက်ရင် ပြန်ကောင်းသွားတာမျိုးပါ။ ထပ်မဖြစ်ချင်ဘူးဆိုရင်တော့ သိုင်းရွိုက်ဟော်မုန်းကို ထိန်းချုပ်နိုင်အောင် ဆေးတွေ စနစ်တကျကုတာပဲ ဖြစ်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

သွေးကြောမကြီး ပြဲခဲ့ရင်

သွေးကြောမကြီး သွေးကြောမကြီးပြဲ နှလုံးရောဂါ နှလုံးရောဂါလက္ခဏာ ရင်ဘတ်အောင့် နှလုံးသွေးကြောပိတ် လေဖြတ် သွေးတိုးရောဂါ ကိုကင်းသုံး သွေးပေါင်ချိန်ထိန်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

လုပ်ငန်းခွင်မှာ မတော်တဆ ခြေပြတ်လက်ပြတ် ဖြစ်ခဲ့ရင်

ခြေပြတ်လက်ပြတ် စက်ယန္တရား ထိခိုက်ဒဏ်ရာ အနာသန့်ရှင်းရေး သွေးထွက်များ သွေးထွက်လွန် သွေးလန့် ဖြူဖျော့ ရင်တုန် ရှေးဦးသူနာပြုစုနည်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

နှလုံးကြွက်သားရောင်ရမ်းတဲ့အခါ

နှလုံး နှလုံးအမြှေးပါး နှလုံးကြွက်သားရောင်ရမ်းခြင်း နှလုံးကြွက်သားပုပ် heart attack လေဖြတ် နှလုံးသွေးကြောပိတ် နှလုံးခုန်မမှန် နှလုံးရပ် Post viral myocarditis တုပ်ကွေးဝင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

Endocrine System (ဟော်မုန်းစနစ်)မှာပါဝင်တဲ့ ဂလင်းတွေနဲ့ သူတို့ရဲ့ တာဝန်များ

Endocrine System ကို ဂလင်း များစွာနဲ့ ပါဝင်ဖွဲ့စည်းထားတာပါ။ ဒီတစ်ခေါက်တော့ Endocrine System မှာပါဝင်တဲ့ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

သိုင်းရွိုက်ဂလင်းခွဲစိတ်ခြင်းအကြောင်း

သိုင်းရွိုက်ဂလင်းခွဲစိတ်ခြင်းအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 20, 2020 . 2 mins read
စိတ်လှုပ်ရှားနေပြီဆိုရင် ဒီနည်းလမ်းတွေနဲ့ ထိန်းကြည့်ပါ။

စိတ်လှုပ်ရှားနေပြီဆိုရင် ဒီနည်းလမ်းတွေနဲ့ ထိန်းကြည့်ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 1, 2020 . 2 mins read

မွေးကင်းစကလေးတွေမှာ အတွေ့များတဲ့ ကျန်းမာရေးပြဿနာတွေ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 29, 2020 . 4 mins read
တစ်ခုခုစားပြီးတိုင်း အိမ်သာပြေးနေရပြီဆိုရင်

တစ်ခုခုစားပြီးတိုင်း အိမ်သာပြေးနေရပြီဆိုရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် စက်တင်ဘာ 23, 2020 . 2 mins read