အမျိုးသားတွေမှာ အဖြစ်များတဲ့ ဆီးကျိတ်ကင်ဆာ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ဆီးကျိတ်ကင်ဆာ အကြောင်းကို မပြောခင် ဆီးကျိတ်အကြောင်းအရင်ပြောပြပါမယ်။ ဆီးကျိတ် ဆိုတာ အမျိုးသားတွေမှာပဲရှိတာပါ။ ဆီးအိမ်အောက်မှာရှိပြီး ဆီးပြွန်ကို ပတ်ထားပါတယ်။ သစ်ချသီးပုံစံရှိပါတယ်။ သုတ်ရည်ကိုထုတ်ပေးပါတယ်။ အမေရိကန်မှာရှိတဲ့စစ်တမ်းတွေအရ ဆီးကျိတ်ကင်ဆာ ဟာ အမျိုးသားတွေမှာ ဒုတိယအဖြစ်အများဆုံးကင်ဆာပါ။ အသက်၆၀ကျော်အမျိုးသားတွေမှာ ၁၄ယောက် ၁ယောက်ဒါကြောင့် သတိထားရပါမယ်။ ဘာလက္ခဏာတွေခံစားရမလဲ။ ကြိုသိနိုင်မလား။ ကုလို့ရမလားစတဲ့အချက်တွေကို သိထားရပါမယ်။

ဘာလက္ခဏာတွေခံစားရမှာလဲ။

ဆီးကျိတ်ကင်ဆာက ကနဦးအဆင့်ဆိုရင် ဘာလက္ခဏာမှမပြတတ်ပါဘူး။ နည်းနည်းရင့်လာမှသာ လက္ခဏာပြတတ်ပါတယ်။ ပြတဲ့လက္ခဏာကလည်း ရိုးရိုးသာမန်ဆီးကျိတ်ကြီးတာနဲ့တူပါတယ်။ ဒါကြောင့် ဒီလက္ခဏာတွေခံစားနေရရင် ဆရာဝန်နဲ့ပြဖို့လိုပါတယ်။

  • ဆီးသွားရခက်တာ
  • ဆီးကျန်ပြီး ခဏခဏသွားချင်တာ
  • ဆီးထဲမှာသွေးပါတာ
  • ဆီးသွားအားပျော့တာ
  • သုတ်ရည်ထဲမှာသွေးပါတာ
  • ဆီးအိမ်နေရာမှာ နေလို့မကောင်းတာ
  • ခါးအောက်ပိုင်း၊ တင်ပါးနဲ့ ပေါင်တွေနာတာ
  • အရိုးနာတာ
  • လိင်တံမထောင်မတ်နိုင်တာ
  • သုတ်လွှတ်ရင်နာတာ
  • အစားအသောက်ပျက်တာ၊ ကိုယ်အလေးချိန်ကျတာ စတဲ့လက္ခဏာတွေကို သတိထားပါ။

ဘာလို့ဖြစ်ရတာလဲ။

ဆီးကျိတ်ကင်ဆာဖြစ်ရတဲ့အကြောင်းအရင်းကို သေသေချာချာမသိရသေးပါဘူး။ မျိုးရိုးဗီဇ၊ ပတ်ဝန်းကျင်က အဆိပ်အတောက်တွေ၊ ဓာတုပစ္စည်းတွေ၊ ဓာတ်ရောင်ခြည်တွေကြောင့်ဖြစ်တယ်လို့ ယူဆထားကြပါတယ်။

ဘယ်သူတွေပိုဖြစ်နိုင်လဲ။

  • အသက် : အသက်ကြီးလာလေလေ ဆီးကျိတ်ကင်ဆာဖြစ်နိုင်ချေ ပိုများလေလေပါ။ အသက်၄၀အောက်တွေမှာ တွေ့ရခဲပေမယ့် အသက်၅၅ကျော်လာရင် ဖြစ်နိုင်ချေတွေများလာပါပြီ။
  • လူမျိုး : ဘာကြောင့်လဲတော့ မသိပေမယ့် လူမည်းတွေက တခြားသူတွေထက်စာရင် ဆီးကျိတ်ကင်ဆာဖြစ်နိုင်ချေပိုများပြီး ဖြစ်ရင်လည်း ပိုဆိုးပါတယ်။
  • မျိုးရိုး : အမျိုးထဲမှာ ဆီးကျိတ်ကင်ဆာဖြစ်ဖူးတဲ့သူရှိရင် ကိုယ့်မှာလည်း ဖြစ်နိုင်ချေမြင့်ပါတယ်။ ရင်သားကင်ဆာဖြစ်ဖူးတဲ့သူရှိရင်လည်း ဖြစ်နိုင်ပါသေးတယ်။
  • အဝလွန်ခြင်း : အဝလွန်တဲ့အမျိုးသားတွေမှာ ဆီးကျိတ်ကင်ဆာဖြစ်ရင် ပိုဆိုးပြီး ကုရခက်ပါတယ်။
  • ဆေးလိပ်သောက်ခြင်း : ဆေးလိပ်အလွန်အကျွံသောက်သူတွေက ဆီးကျိတ်ကင်ဆာဖြစ်နိုင်ချေ ၂ဆရှိပါတယ်။ ဆေးလိပ်ဖြတ်တာ ၁၀နှစ်လောက်ကြာရင်တော့ ဖြစ်နိုင်ချေက ဆေးလိပ်မသောက်သူနဲ့ အတူတူပဲဖြစ်သွားပါတယ်။

နောက်ဆက်တွဲဘာတွေဖြစ်နိုင်လဲ။

ဆီးကျိတ်ကင်ဆာကို ဒီတိုင်းထားမယ်ဆိုရင် နောက်ဆက်တွဲအနေနဲ့

  • ဆီးမထိန်းနိုင်တာဖြစ်ပါမယ်။
  • လိင်တံမထောင်မတ်နိုင်တာဖြစ်ပါမယ်။
  • ကင်ဆာဆဲလ်တွေပျံ့နှံ့နိုင်ပါတယ်။ အနီးအနားက ဆီးအိမ်ကိုပျံ့မယ်။ သွေး၊ ပြန်ရည်ကနေတဆင့် တခြားအစိတ်အပိုင်းတွေကိုပျံ့သွားနိုင်ပါမယ်။ ဥပမာပြောရရင် အရိုးကိုပျံ့သွားရင် အရိုးနာတာ၊ အရိုးကျိုးတာတွေ ဖြစ်နိုင်ပါတယ်။ ဆီးကျိတ်ကင်ဆာက တခြားနေရာကိုပျံ့သွားပြီဆိုရင် ရောဂါကို ထိန်းလို့ပဲရပါတော့မယ်။ ပျောက်အောင်ကုဖို့ ခက်သွားပါမယ်။

ကာကွယ်နည်းများ

ဆီးကျိတ်ကင်ဆာကို ကာကွယ်လို့ရတဲ့နည်းတွေရှိပါတယ်။ ဒါပေမယ့် ဒီနည်းတွေက ဆီးကျိတ်ကင်ဆာကို ကာကွယ်နိုင်တယ်ဆိုပေမယ့် လုံးဝမဖြစ်တော့တာမဟုတ်ပါဘူး။ ဖြစ်နိုင်ချေနည်းသွားတာပါ။ နည်းလမ်းတွေကတော့

  • အသီးအရွက်တွေ၊ အသီးအနှံတွေ ပိုစားပါ။ အဆီတွေ၊ အချိုတွေ လျှော့စားပါ။
  • ဖြည့်စွက်အာဟာရတွေက ဆီးကြိတ်ကင်ဆာကို ကာကွယ်နိုင်တယ်လို့ သက်သေမပြနိုင်သေးပါဘူး။ ဒါကြောင့် ဒါတွေသောက်မယ့်အစား အာဟာရရှိတဲ့အစားအစာတွေကိုပဲ စားပေးပါ။
  • လေ့ကျင့်ခန်းလုပ်ပါ။ လေ့ကျင့်ခန်းလုပ်တာက ကိုယ်အလေးချိန်ကိုကျစေတဲ့အပြင် စိတ်ကိုလည်း ကြည်စေပါတယ်။ ဒါ့ပြင် လေ့ကျင့်ခန်းမလုပ်တဲ့သူတွေမှာ PSAလို့ခေါ်တဲ့ ဆီးကြိတ်ကင်ဆာမှာတွေ့ရတဲ့ ဓာတ်တစ်မျိုးများနေတတ်ပါတယ်တဲ့။
  • ကိုယ်အလေးချိန်လျှော့ပါ။ လေ့ကျင့်ခန်းလုပ်ပြီး သင့်တင့်မျှတစွာစားတာက ကိုယ်အလေးချိန်ကိုကျစေပါတယ်။
  • ဆီးကျိတ်ကင်ဆာစစ်ဆေးပါ။ ကျန်းမာပြီး ဆီးကျိတ်ကြီးတဲ့ လက္ခဏာမရှိတဲ့အမျိုးသားတွေမှာ ဆီးကျိတ်စစ်သင့် မစစ်သင့်ကတော့ အငြင်းပွားနေတုန်းပါပဲ။ တချို့ကျတော့လည်း အသက်၅၀လောက်ကစပြီး ဆီးကျိတ်စစ်ဆေးဖို့ အကြံပြုကြပါတယ်။ အသက်ကလည်း၅၅နှစ် မျိုးရိုးလည်းရှိတယ်ဆိုရင်တော့ ပုံမှန်စစ်ဆေးသင့်ပါတယ်။

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အာဟာရချို့တဲ့မှုတွေ မဖြစ်အောင် ဘယ်လိုစားသောက်ကြမလဲ။

အာဟာရချို့တဲ့ တာကလည်း အဝလွန်တာလိုပဲ ကျန်းမာရေး ထိခိုက်နိုင်ပါတယ်။ မျှတတဲ့အာဟာရကိုပြည့်ဝအောင် စားနိုင်မှသာ ပိန်လွန်းခြင်း၊ဝလွန်းခြင်းက ကင်းလွတ်မှာ ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

စပျစ်သီး စိမ်းစိမ်းနဲ့ ကျန်းမာရေး

စပျစ်သီး အရောင် အမျိုးမျိုးထဲမှာမှ စပျစ်သီး စိမ်းစိမ်းလေးကိုမှ ကြိုက်တယ်ဆိုသူတွေအတွက် စပျစ်သီးစိမ်းစိမ်းလေးကကျန်းမာရေးကို ဘယ်လို အထောက်အကူပြုလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

COVID-19 က အမျိုးသားတွေကို ပိုပြီး ထိခိုက်စေနိုင်မလား။

COVID-19 က အမျိုးသားတွေမှာ ပိုဖြစ်နိုင်သလား။ အမျိုးသားတွေ ကြားထဲမှာ ဖြစ်နှုန်းတွေ၊ သေနှုန်းတွေ များနေတာ၊ နောက်ဆက်တွဲတွေ ခံစားရတာ ဘာကြောင့်လဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

COVID-19 ကြောင့် ညိုးနွမ်းသွားနိုင်တဲ့ အမျိုးသားတို့ဘဝ

COVID-19 ရဲ့ ကူးစက်ခံရပြီး ပြန်ကောင်းလာတဲ့ အမျိုးသားတွေမှာ လိင်တံမထောင်မတ်တာကို တွေ့လာရပါတယ်။ ကိုဗစ်ကြောင့်လား တခြားကြောင့်လားဆိုတာ ဆက်လက်လေ့လာရပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

အမျိုးသမီးတွေမှာဖြစ်တတ်တဲ့ ကျန်းမာရေးပြဿနာများ

အမျိုးသမီးတွေမှာဖြစ်တတ်တဲ့ ကျန်းမာရေးပြဿနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 14, 2021 . 2 mins read
အမျိုးသားတို့ သိထားသင့်တဲ့ ကျန်းမာရေးအခြေအနေများ

အမျိုးသားတို့ သိထားသင့်တဲ့ ကျန်းမာရေးအခြေအနေများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 6, 2021 . 3 mins read
ဆီးကျိတ်ကင်ဆာ (Prostate Cancer)

ဆီးကျိတ်ကင်ဆာ (Prostate Cancer)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 30, 2020 . 3 mins read
နှလုံးသွေးကြော ရောဂါများ

နှလုံးသွေးကြော ရောဂါများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဒီဇင်ဘာ 28, 2020 . 3 mins read