သင်ဆီးချိုနဲ့သွေးတိုးရောဂါအတွက် ဒီစားသောက်မှုစနစ် ၉ချက်ကိုသိပါသလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

ဆီးချိုရှိတဲ့လူသုံးယောက်မှာနှစ်ယောက်က သွေးတိုးရှိပါတယ်။ သင့်စားသောက်မှုပုံစံမှာကာဘွန်ဟိုက်ဒရိတ်(Carbohydrate)ပါဝင်မှု တွက်ချက်ခြင်း၊သကြားကိုကန့်သတ်စားခြင်း၊ဆားလျှော့စားခြင်းစတဲ့ဂရုတစိုက်ပြုလုပ်မှုတွေကအဓိကဖြစ်ပါတယ်။ သင့်အနေနဲ့ဆီးချို ၊သွေးတိုးရှိနေပေမယ့် အောက်ကအချက်တွေကိုဂရုစိုက်မယ်ဆိုရင်သင့်အနေနဲ့ ကောင်းကောင်းစားနိုင်မယ့်အပြင်သင့်ရောဂါကိုလည်းထိန်းညှိပြီးသားဖြစ်သွားမှာပါ။

၁.ဆားအစားထိုး ကျန်းမာရေးနဲ့ညီညွတ်သောအရသာမှုန့်များသုံးပါ။

သင့်မှာ သွေးတိုးရှိနေပြီဆိုတည်းကသင်တစ်နေ့ကို ဆား(sodium)၁၅၀၀ မီလီဂရမ် ထက်ပိုမစားသင့်ပါဘူး။

လျှာကိုအလိုမလိုက်ပါနဲ့။ ဆားဘူးကိုလက်လှမ်းယူနေမယ့်အစားအစားအစာတွေကိုရှောက်သီးခွံမှုန့်၊ကြက်သွန်ဖြူ၊ Rosemaryရွက်၊ဂျင်း၊ငရုတ်ကောင်းဒါမှမဟုတ်ဇီယာမှုန့်စတာတွေနဲ့အမွှေးခတ်အရသာသွင်းပါ။

အိမ်မှာမိမိဘာသာချက်ခြင်းကပိုအဆင်ပြေပါတယ်။ သွေးတိုးကျနည်းဆိုတဲ့စာအုပ်ကိုရေးသောစာရေးဆရာ Janet Bond Brill က “သင်ဟာဆိုင်ကနေစားစရာတစ်ခုခုမှာစားပြီဆိုရင်သင့်ကိုယ်မှာ sodium ပါဝင်မှုများလာပြီ” လို့ဆိုထားပါတယ်။

၂.အစားအစာများကိုနာရီပုံစံမှတ်ယူပါ။

မျှတတဲ့အစားအစာအသောက်အကျင့်ရဖို့က “သင့်ပန်းကန်ပြားကိုနာရီလိုပုံဖော်ပါ” လို့Baltimore မှာရှိတဲ့ Mercy Medical Center ကဆီးချိုဌာနကိုညွှန်ကြားတဲ့Amber L. Taylorကဆိုထားပါတယ်။

သင့်ပန်းကန်ပြားရဲ့တစ်စိတ်ကိုအသီးအရွက်တွေထည့်ပါ။ ကျန်တဲ့တစ်ဝက်ရဲ့တစ်ဝက်ကိုအသားဓါတ်ကြွယ်ဝတဲ့ငါး၊ပဲဒါမှမဟုတ်ကြက်သားကိုထည့်ပါ။ နောက်ဆုံးတစ်စိတ်ကိုတော့ဆန်ကဲ့သို့ သီးနှံအစေ့( whole grain) တွေကိုထည့်ပါ။

သင့်အနေနဲ့ကာဘွန်ဟိုက်ဒရိတ်ပါဝင်မှုနှုန်းကို ရေတွက်ဖို့လိုဦးမှာဖြစ်ပြီးsodium တွေအလွန်အကျွံမစားဖို့လည်းသတိပြုပါ။

၃.Coffee ကိုလည်းချင့်ချိန်သောက်ပါ။

Coffee မှာပါတဲ့ကဖိန်းဓါတ်သင့်သွေးထဲကသကြားဓါတ်ကိုမြင့်တက်စေရုံသာမက သွေးတိုးလည်းတက်စေပါတယ်။ အာဟာရနဲ့ဆီးချိုအဖွဲ့အစည်းရဲ့ ပြောရေးဆိုခွင့်ရှိသူအမျိုးသမီး Torey Jones Armul ကကဖိန်းဓါတ်ကိုတစ်ရက်၂၀၀ မီလီဂရမ် အထိပဲကန့်သတ်ထားဖို့ပြောပါတယ်။ ဒီပမာဏက ကော်ဖီ နှစ်ခွက်စာပမာဏပါ။

၄.အစေ့အဆံနဲ့ဆန်ညိုကဲ့သို့ Whole grain တွေများများစားပါ။

Whole grain တွေက ဗီတာမင် နဲ့ သတ္တုဓါတ် ကြွယ်ဝပြီး အမျှင်ဓါတ် လည်းပါဝင်တဲ့အတွက်သင့်ကိုဗိုက်ပြည့်စေတဲ့အပြင် သွေးထဲကသကြားပါဝင်မှုနှုန်းကိုလည်းထိန်းညှိပေးပါတယ်။Whole grain တွေကိုတစ်ရက်၃ကြိမ်မှ၅ကြိမ်အထိစားပါ။

၅.ငှက်ပျောသီးစားပါ။

ငှက်ပျောသီးတွေက ပိုတက်ဆီယမ် ပါဝင်မှုမြင့်မားပါတယ်။ ငှက်ပျော်သီးသားမကဘဲသခွားမွှေးသီး၊ broccoli ၊မုန်လာဥနီ၊ပဲနီလေး၊ဂျူံပေါင်မုန့်များနဲ့အစေ့အဆံတွေကလည်း ပိုတက်ဆီယမ် ပါဝင်မှုများပါတယ်။

Marina Del Rey ဆေးရုံက အစားအသောက်ဒါရိုက်တာ Lauren Elkins ကလည်း “ပိုတက်ဆီယမ် က sodium ရဲ့ဆိုးကျိုးတွေကို လျှော့ချပေးတဲ့အပြင် သွေးတိုးကိုလည်းထိန်းချုပ်ပေးတယ်” လို့ပြောပါတယ်။

တကယ်လို့သင့်မှာ ကျောက်ကပ်နဲ့ပတ်သက်တဲ့ ရောဂါရှိနေရင်တော့ ပိုတက်ဆီယမ်များများစားတာကမကောင်းပါဘူး။ ဆရာဝန်နဲ့တိုင်ပင်ပြီးကန့်သတ်ပါ။

၆.အရက်လျှော့သောက်ပါ။

သင်ဟာသင့်မိသားစုနဲ့ဖြစ်ဖြစ်အပေါင်းအသင်းတွေနဲ့ဖြစ်ဖြစ်တွေ့ဆုံတဲ့အခါ ပျော်ပျော်နေပါ၊ဒါပေမယ့်အရက်မသောက်ပါနဲ့။

Elkins က “ဘီယာ၊ဝိုင်နဲ့ကော့တေး တွေမှာသကြားပါဝင်ပြီး သင့်သွေးထဲကသကြားဓါတ်ကိုမြင့်လာစေတဲ့အတွက် သွေးတိုးပါတက်လာစေပါတယ်။ ဒါ့အပြင်အရက်ကအစားအစားချင်စိတ်ကိုဖြစ်လာစေတဲ့အပြင်သင့်ကိုယ်ရဲ့အပူချိန်ပါတက်လာစေတယ်” လို့ဆိုပါတယ်။

ယောက်ျားလေးတွေကတစ်ရက်ကိုအရက်နှစ်ခွက်ပဲ သောက်သင့်ပြီးမိန်းမတွေကလည်းတစ်ရက်ကိုအရက်တစ်ခွက်ပဲ သောက်သင့်တယ်လို့ဆိုပါသေးတယ်။

၇.သင့်ကိုယ့်အတွက်အဆီတွေကိုချင့်ချိန်ပါ။

ဟင်းသီးဟင်းရွက်တွေကရတဲ့အဆီကိုသာသုံးပါ။

အရေခွံမခွာထားတဲ့ကြက်သား၊ဒိန်ခဲနဲ့ ထောပဲတွေမှာ တွေ့ရတဲ့ အဆီ (Saturated fats) တွေကသင့်ကိုယ်ရဲ့နေ့စဉ်ကယ်လိုရီ တွေရဲ့၁၀ရာခိုင်နှုန်းကို နေရာယူထားပါတယ်။

ဆီကြော်တွေမှာပါဝင်တဲ့ဆီ (trans fats) တွေကိုတတ်နိုင်သမျှရှောင်ကြဉ်ပါ။ အသားနဲ့နို့ထွက်ထုတ်ကုန်တွေမှာလည်း Trans fats ပါဝင်တဲ့အတွက်ကန့်သတ်ပြီးစားသင့်ပါတယ်။

ဒီအဆီနှစ်မျိုးလုံးကကိုလက်စထရောကိုမြင့်လာစေပြီးနှလုံးရောဂါကိုဦးတည်စေပါတယ်လို့ Armul ကဆိုပါတယ်။

၈.ပမာဏနည်းနည်းပဲစားသုံးပါ။

တကယ်လို့ သွေးတိုးတက်စေမယ့်အရာတွေကိုစားမယ်ဆိုရင်ပမာဏကိုထိန်းပါ။ဥပမာရေခဲမုန့်စားချင်တယ်ဆိုရင်ကလေးစားတဲ့ပမာဏလောက်ပဲမှာစားပါ။

တကယ်လို့ဆိုင်မှာ ဘာဂါ စားမယ်ဆိုလည်းအာလူးကြော်နဲ့တွဲစားမယ့်အစား အရွက်သုပ်တစ်ခုခုနဲ့စားပါ။

၉.သင့်တိုးတက်မှုကိုသင်မှတ်ထားပါ။

“စားသောက်မှုပုံစံပြောင်းလဲဖို့ကမှတ်သားတွက်ချက်တတ်ဖို့ပဲ” လို့ Brill ကပြောခဲ့ပါတယ်။ ကိုယ်စားသောက်တာတွေကို ဒိုင်ယာရီ စာအုပ်နဲ့ပဲဖြစ်ဖြစ် ဖုန်း ဆော့ဝဲ (Smart phone food tracking application) တစ်ခုခုနဲ့ပဲဖြစ်ဖြစ်မှတ်သားထားပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အသက် ၄၀ ကျော်အမျိုးသားတိုင်း လုပ်သင့်တဲ့ကျန်းမာရေးစစ်ဆေးမှုများ

ကျန်းမာရေးစစ်ဆေးမှုပြုလုပ်တယ်ဆိုတာ ရောဂါကုသရေးမှာ အရေးအကြီးဆုံးနဲ့ အလွယ်ကူဆုံးအဆင့်တစ်ခု ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

သွေးကြောမကြီး ဖောင်းတယ်ဆိုတာ အန္တရာယ်ရှိလား

သွေးကြောမကြီးဖောင်း သွေးတိုးရောဂါ ဆေးလိပ်ဖြတ် သွေးခဲပိတ် သွေးကြောပြဲ သွေးကြောပေါက် သွေးထွက်လွန် သွေးတွင်းကိုလက်စထရောများ Marfan syndrome Aortic aneurysm

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သွေးကြောမကြီး ပြဲခဲ့ရင်

သွေးကြောမကြီး သွေးကြောမကြီးပြဲ နှလုံးရောဂါ နှလုံးရောဂါလက္ခဏာ ရင်ဘတ်အောင့် နှလုံးသွေးကြောပိတ် လေဖြတ် သွေးတိုးရောဂါ ကိုကင်းသုံး သွေးပေါင်ချိန်ထိန်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ဖန်ခါးသီးရဲ့ ဆေးဖက်ဝင်မှု အဖုံဖုံ

ဖန်ခါးသီး နာမည်အတိုင်း ဖန်လည်းဖန်တယ် ခါးလည်းခါးပါတယ်။ ဒါပေမယ့် အနံကတော့ မွှေးပါတယ်။ နာမည်နဲ့လိုက်အောင်ဖန်ခါးပေမယ့် ကျန်းမာရေးအကျိုးကျေးဇူးတွေတော့ရှိနေပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

နေ့စဉ်ဘဝမှာ စိတ်နဲ့ ခန္ဓာ ကျန်းမာစေဖို့ ကြက်ပေါင်းရည်က ဘယ်လိုအကျိုးပြုသလဲ

နေ့စဉ်ဘဝမှာ စိတ်နဲ့ ခန္ဓာ ကျန်းမာစေဖို့ ကြက်ပေါင်းရည်က ဘယ်လိုအကျိုးပြုသလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် အောက်တိုဘာ 1, 2020 . 2 mins read
ဘေဘီလေးကို ရေညှိကျွေးပေးတဲ့အခါ

ဘေဘီလေးကို ရေညှိကျွေးပေးတဲ့အခါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 30, 2020 . 2 mins read
သွေးတိုးမဖြစ်အောင် အသက် ၃၀ မတိုင်ခင်မှာ ဘယ်လိုနေထိုင်စားသောက်ရမလဲ

သွေးတိုးရောဂါ မဖြစ် အောင် အသက် ၃၀ မတိုင်ခင်မှာ ဘယ်လိုနေထိုင်စားသောက်ရမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် စက်တင်ဘာ 27, 2020 . 2 mins read
နေအိမ်ကွာရန်တင်းဝင်နေသူတွေအတွက် စားသောက်မှုပုံစံလမ်းညွှန်ချက်

နေအိမ်ကွာရန်တင်းဝင်နေသူတွေအတွက် စားသောက်မှုပုံစံလမ်းညွှန်ချက်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် စက်တင်ဘာ 25, 2020 . 2 mins read