သင် နားကိုက် တာ ဒါတွေကြောင့် ဖြစ်နိုင်ပါတယ်။

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် ဇူလိုင် 29, 2020 . 2 mins read
Share now

နားကိုက် တယ်ဆိုတာ သိပ်ကို ခံရခက်တဲ့ ရောဂါပါ။ ဘာကြောင့်ကိုက်လဲဆိုတာ ထားဦး။ လက်ရှိကိုက်နေတဲ့ အနေအထားကနေ အမြန်သက်သာချင်တာ လူနာတိုင်းရဲ့ ဆန္ဒပါပဲ။ နားကိုက်တာက အရွယ်မရွေး ဖြစ်နိုင်ပါတယ်။ တစ်ဖက်တည်း ကိုက်နိုင်သလို နှစ်ဖက်လုံးကိုက်တာလည်း ဖြစ်နိုင်ပါတယ်။ နားကိုက်တာက ကြာနေပြီဆိုရင် ဒီတိုင်း ပစ်မထားသင့်ပါဘူး။ ကြာလာရင် နားမကြားတော့တာ ဖြစ်လာနိုင်လို့ အကြောင်းရင်းကို ရှာပြီး ကုသရမှာပါ။ နားပိုးဝင်တာကြောင့်ဆို ပိုဆိုးပါတယ်။ ဒီတိုင်းထားလိုက်ရာက ပိုးက ဦးနှောက်ထဲရောက်ပြီး ဦးနှောက်အမြှေးရောင်တာအထိ ဖြစ်နိုင်လို့ပါ။

နားကိုက် ရတဲ့ အကြောင်းရင်းတွေ

နားကို ထိခိုက်ဒဏ်ရာရတာ၊ ပိုးဝင်တာ၊ တခြား အကြောင်းရင်း တစ်ခုခုကြောင့် နားကို လာထိခိုက်ပြီး ကိုက်တာ (ဥပမာ သွားကိုက်တာက နားကို ပျံ့ပြီးကိုက်တာ) အမျိုးစုံ ဖြစ်နိုင်ပါတယ်။ အသေးစိတ်ပြောရရင်တော့

  • နားပိုးဝင်တာ

နားကိုက်ရတဲ့ အကြောင်းရင်းထဲမှာ အဖြစ်အများဆုံးကတော့ နားပိုးဝင်တာပါပဲ။ ပိုးဝင်တာက နားရဲ့ အပြင်၊ အလယ်၊ အတွင်း သုံးနေရာလုံးမှာ ဖြစ်နိုင်ပါတယ်။ နားအပြင်ပိုင်းမှာ ပိုးဝင်တာက ရေကူးတာ၊ နားကြားကိရိယာတွေ တပ်တာ၊ နားကြပ်တပ်တာ၊ နားထဲကို ဂွမ်းဆို့တာ၊ လက်ချောင်းနဲ့ ထိုးတာ စတာတွေကြောင့် ဖြစ်နိုင်ပါတယ်။ နားအပြင်က အရေပြားကို ခြစ်မိတဲ့အခါ၊ ပွတ်တိုက်မိတဲ့အခါ ပိုးဝင်တတ်ပါတယ်။ ရေဝင်တဲ့အခါကျတော့ နားက စိုစွတ်နေပြီး ဘက်တီးရီးယားတွေ ပေါက်လွယ်ပါတယ်။ နားအလယ်ပိုင်းနဲ့ အတွင်းပိုင်းကကျတော့ အသက်ရှူလမ်းကြောင်းက ပိုးဝင်ပြန့်လာလို့ ပိုးဝင်တာ များပါတယ်။

  • တခြားအကြောင်းရင်းတွေကတော့

-နားထဲမှာ ဖိအားပြောင်းသွားတာ (ဥပမာ လေယာဥ်စီးလို့ဖြစ်ဖြစ်)

နားဖာချေးဆို့နေတာ

နားထဲမှာ ပစ္စည်းတစ်ခုခု ဝင်နေတာ

-လည်ပင်းနာ ရောဂါပိုးဝင်နေတာ (strep throat)

-နားထဲမှာ ရေဝင်တာ ဒါမှမဟုတ် ခေါင်းလျှော်ရည် ဝင်နေတာ

-နားဖာကလော်တဲ့ ဂွမ်းဆို့နေတာ

-မေးရိုးနာနေတာ

နားစည်ပေါက်တာ

-သွားကိုက်တာ စတာတွေကြောင့် ဖြစ်နိုင်ပါတယ်။

နားကိုက် တာအပြင် ဘာတွေခံစားရနိုင်လဲ။

လူကြီးတွေမှာ ဆိုရင်တော့

ကလေးတွေမှာဆိုရင်တော့

  • နားနာတာ
  • အသံတွေ သဲသဲကွဲကွဲမကြားရတာ
  • ဖျားတာ
  • နားထဲမှာ အူနေတာ
  • အိပ်မပျော်တာ
  • အရင်ကထက် ပိုငိုပြီး ဂျီကျတာ
  • ခေါင်းကိုက်တာ
  • အစားအသောက်ပျက်တာ
  • ဟန်ချက်ညီအောင် မထိန်းနိုင်ဘဲ ယိုင်ယိုင်သွားတာ စတာတွေ ဖြစ်နိုင်ပါတယ်။

ဘယ်အချိန်မှာ ဆရာဝန်ပြသင့်လဲ။

နားကိုက်တာအပြင် ကလေးမှာ အဖျား ၁၀၄နဲ့အထက်၊ ကလေးငယ်လေးတွေမှာ အဖျားနဲ့ ၁၀၁နဲ့အထက် ဖြစ်လာပြီဆိုရင် ဆရာဝန်နဲ့ ပြသင့်နေပါပြီ။ လူကြီးတွေမှာ ဆိုရင်တော့ နားနာနေရာကနေ ရုတ်တရက် အနာပျောက်သွားရင် သတိထားပါ။ နားစည်ပေါက်တာ ဖြစ်နိုင်ပါတယ်။ အောက်ကအခြေအနေတွေမှာ ဆိုရင်လည်း ဆရာဝန်နဲ့ သွားပြသင့်ပါတယ်။

  • နားကမခံနိုင်လောက်အောင် နာနေရင်
  • ခေါင်းမူးရင်
  • ခေါင်းကိုက်ရင်
  • နားရောင်လာရင်
  • မျက်နှာက ကြွက်သားတွေ အားနည်းလာရင်
  • နားထဲကနေ ပြည်တွေ၊ သွေးတွေ ထွက်လာခဲ့ရင်

ဘယ်လိုနားကိုက်တာပဲ ဖြစ်ဖြစ် ၂ရက်နေလို့မှ မသက်သာရင် ဆရာဝန်နဲ့ သွားပြတာ အကောင်းဆုံးပါပဲ။

နားမကိုက်အောင် ကာကွယ်လို့ရလား။

တချို့သော နားကိုက်စေတဲ့အကြောင်းတွေကတော့ ကာကွယ်လို့ရပါတယ်။ ဥပမာ

  • ကလေးတွေ နားပိုးမဝင်အောင် အိမ်ကလူကြီးတွေ ဆေးလိပ်မသောက်တာ၊ ကလေးကို ဆေးလိပ်ငွေ့နဲ့ မတွေ့အောင် ထားတာမျိုး
  • နားကို ခဏခဏ ကလော်တာ၊ နားထဲကို ပစ္စည်းတွေ ထည့်တာ (ဥပမာ ဂွမ်းဆို့တာ) မလုပ်တာမျိုး
  • ရေချိုး ဒါမှမဟုတ် ရေကူးပြီးတိုင်း နားကို သေချာခြောက်အောင်  သုတ်တာမျိုး
  • ကိုယ်နဲ့ ဓာတ်မတည့်တဲ့ ဖုန်တွေ၊ ဝတ်မှုန်တွေကို ရှောင်တာမျိုး လုပ်ပေးပြီး ကာကွယ်လို့ရပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

နားထဲကို ပိုးကောင် ဝင်သွားရင်

ပိုးကောင် နားထဲပိုးကောင်ဝင် နားအူ နားပြည်ယို နားကလော် နားစည်ပေါက် နားမကြားရ ဆီထည့် နားဖာကလော် ဇာဂနာ အရေးပေါ်နည်းလမ်း first aid

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

ကလေးများ သွားကြိတ် ရင်

သွားကြိတ် ကလေးများသွားကြိတ် အိပ်နေစဉ်သွားကြိတ် bruxism စိတ်ဖိစီးမှုကြောင့်သွားကြိတ် သွားမညီ သွားယား သွားပေါက်ခါနီး သွားကြွေလွှာတွေပျက်စီး သွားကြိတ်တာရပ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

သာမန် အဆုတ်ရောင် ရောဂါ (Walking pneumonia)

အဆုတ်ရောင် Atypical pneumonia ဘက်တီးရီးယား အစာသီး နှာချေ ချောင်းဆိုး ရင်ဘတ်အောင့် တုပ်ကွေး နားပြည်ယို ပိုးသတ်ဆေး လည်ပင်းနာ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

ဦးနှောက်ရောင် ခြင်း (Encephalitis) အကြောင်း

ဦးနှောက်ရောင် ဦးနှောက်အမြှေးရောင် တုပ်ကွေး တက် ဗိုင်းရပ်စ် Post infection encephalitis ရေယုန်ဗိုင်းရပ်စ် ပိုလီယိုပိုး ဂျပန်ဦးနှောက်ရောင် ခွေးရူးရောဂါပိုး ဝက်သက် ပါးချိတ်ရောင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

သင့်ကလေး ခဏခဏ နားပြည်ယို နေရင် ဒါကြောင့်လည်း ဖြစ်နိုင်ပါတယ်။

သင့်ကလေး ခဏခဏ နားပြည်ယို နေရင် ဒါကြောင့်လည်း ဖြစ်နိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyowai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဩဂုတ် 6, 2020 . 2 mins read
သင့်ကလေးက စကားပြောနောက်ကျနေပြီလား။

သင့်ကလေးက စကားပြောနောက်ကျ နေပြီလား။

ဆေးပညာပိုင်းဆိုင်ရာတည်းဖြတ်သူ Dr. Phyowai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဩဂုတ် 4, 2020 . 2 mins read
နားကိုက် တာ သက်သာစေဖို့ အိမ်တွင်းနည်းလမ်းများ

နားကိုက် တာ သက်သာစေဖို့ အိမ်တွင်းနည်းလမ်းများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇူလိုင် 29, 2020 . 2 mins read

လျှာအရသာ ဘာကြောင့် ပျက်ရသလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇူလိုင် 17, 2020 . 2 mins read