ဆင်တုပ်ကွေးအနီစက်လေးတွေကြောင့် ကျန်ရစ်ခဲ့တဲ့အမာရွတ် ပျောက်ကင်းစေမယ့်နည်းလမ်း (၉) ခု

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020
Share now

Chikungunya လို့ခေါ်တဲ့ ဆင်တုပ်ကွေးကို ခံစားဖူးတယ်ဆိုရင် အရေပြားမှာယားလိုက်ရတဲ့ အနီစက်၊ အနီဖုလေးတွေကို သတိရမှာပေါ့။ တုပ်ကွေးသက်သာသွားတဲ့အခါ အများစုက ဒါတွေပျောက်သွားပြီး အဆစ်နာဝေဒနာသာ ကျန်ရစ်ခဲ့ပါတယ်။ ဒါပေမယ့် ကံဆိုးသူတချို့မှာတော့ အနီစက်လေးတွေကခြင်ကိုက်ဖုလိုလိုဖြစ်ကျန်ခဲ့ပြီးခြောက်သွားတဲ့အခါ အမာရွတ်ကျန်ခဲ့ပါတယ်။

ဒီတစ်ခါတော့ အဲဒီအမာရွတ်တွေကို ကုစားပေးဖို့ သဘာဝနည်းလမ်းလေးတွေပြောပြပေးချင်တာပါ။ အမာရွတ်ပျောက်ဆေးတွေရှိပေမယ့်လည်း ခန္ဓါကိုယ်အနှံ့က(အထူးသဖြင့် လက်နဲ့ခြေထောက်မှာရှိနေတဲ့) အစက်ကလေးတွေကို လိုက်လိမ်းရတာ မွဲသွားနိုင်တယ်လေ။ အဖိုးနည်းပေမယ့် အစွမ်းထက်တဲ့ နည်းလမ်း (၉) ခုကတော့ –

(၁) ရှားစောင်းလက်ပပ်

  • ရှားစောင်းလက်ပပ်ကို အခွံခွာပါ။
  • အတွင်းသားကို ပန်းကန်လုံးထဲထည့်ခြေပါ။
  • ရလာတဲ့အနှစ်ကို အမာရွတ်ရှိတဲ့အရေပြားမှာ စိမ့်ဝင်အောင် စက်ဝိုင်းပုံသဏ္ဍာန်ပွတ်လိမ်းပါ။
  • လိမ်းထားပြီး နာရီဝက်လောက်ကြာတဲ့အခါရေအေးနဲ့ဆေးချပါ။(ရေမချိုးခင် လိမ်းမယ်ဆိုရေချိုးချလိုက်ရုံပါပဲ)
  • တစ်နေ့နှစ်ကြိမ် လိမ်းပါ။

(၂) ဗီတာမင် E

  • ဗီတာမင် E အလုံးလေးတွေကိုဖောက်ပြီး အမာရွတ်ရှိတဲ့နေရာကို လိမ်းပါ။
  • ၁၀ မိနစ်လောက်ကြာအောင် နှိပ်နယ်လိမ်းပါ။
  • လိမ်းထားပြီးရင် မိနစ် ၂၀လောက်ထားပြီးရေနွေးနွေးနဲ့ဆေးပါ။
  • တစ်နေ့သုံးကြိမ် လုပ်လို့ရပါတယ်။

(၃) ပျားရည်

  • အိပ်ရာမဝင်ခင် အမာရွတ်ပေါ် ပျားရည်ပါးပါးလေးလူးပါ။(သိပ်များရင်ပုရွက်ဆိတ်ကိုက်ပါလိမ့်မယ်နော်)
  • ပျားရည်လိမ်းထားတဲ့အပေါ်မှာ ပတ်တီး သို့မဟုတ် အဝတ်ပါးလေးနဲ့ပတ်အုပ်ပါ။
  • တစ်ညထားအိပ်လိုက်ပါ။
  • မနက်ကျရင် ပတ်တီးကိုဖြည်ပြီးရေနွေးနွေးနဲ့ဆေးချပါ။(ရေနွေးစပ်ချိုးပါ)
  • ညတိုင်းလုပ်လို့ရပါတယ်။

(၄) အုန်းဆီ

  • အုန်းဆီသုံးဇွန်းလောက်ကို အပူပေးပါ။
  • အမာရွတ်မှာ ၁၀ မိနစ်လောက် နှိပ်နယ်လိမ်းပေးပါ။
  • အုန်းဆီကို အရေပြားက စုပ်ယူနိုင်စေဖို့ တစ်နာရီလောက် ထားပေးပါ။
  • တစ်နေ့ကို နှစ်ကြိမ်ကနေလေးကြိမ် လုပ်ပေးနိုင်ပါတယ်။

(၅) ပန်းသီးရှာလကာရည်

  • ပန်းသီးရှာလကာရည် ၂ဇွန်းကိုပေါင်းခံရေ ၄ဇွန်းရောပါ။ (ရေနွေးအိုးအလယ်မှာ ပန်းကန်လုံးတစ်လုံးနဲ့ထည့်ပေါင်းလိုက်ရင်ပေါင်းခံရေ ရပါတယ်)
  • ရောထားတဲ့အရည်ကို ဂွမ်းလုံးလေးနဲ့ ဆွတ်ယူပြီး အမာရွတ်မှာ တို့ပေးပါ။
  • ခြောက်အောင်ထားပါ။
  • ညအိပ်ခါနီး အခုလို တို့ပြီး မနက်ကျရေဆေးချပါ။

(၆) သံလွင်ဆီ

  • သံလွင်ဆီ (extra-virgin olive oil) ၃ ဇွန်းကို လာဗင်ဒါအဆီ ၃ စက်ထည့်မွှေပါ။
  • အမာရွတ်ရှိတဲ့နေရာကို ၅ မိနစ်လောက် နှိပ်နယ်လိမ်းပေးပါ။
  • လိမ်းပြီး နာရီဝက်လောက်ထားပါ။
  • ရေနွေးနွေးနဲ့ဆေးချပါ။
  • တစ်နေ့ ၃ ကြိမ်လုပ်လို့ရပါတယ်။

(၇) သံပရိုသီး

  • လတ်ဆတ်တဲ့ သံပရိုသီးကို အူတိုင်ရှောင်ပြီး အစိတ်လေးတွေလှီးပါ။
  • အမာရွတ်ရှိတဲ့နေရာလေးတွေမှာ ညင်ညင်သာသာပွတ်ပေးပါ။
  • ပြီးရင် ၁၀ မိနစ်လောက်ထားပြီးမှရေအေးနဲ့ဆေးချပါ။
  • ဒီနေ့ဒီအချိန်ဆိုနောက်နေ့ဒီလိုအချိန်မှ ထပ်လုပ်ပါ။

(၈) အာလူး

  • အာလူးတစ်လုံးကို မထူမပါးအကွင်းလိုက်လှီးပါ။
  • အမာရွတ်ရှိတဲ့နေရာမှာ စက်ဝိုင်းပုံသဏ္ဍာန် ပွတ်ပါ။
  • အာလူးကွင်းက နွမ်းခြောက်လာပြီဆို ဖယ်ပြီးနောက်တစ်ကွင်းလဲပါ။
  • မိနစ် ၂၀လောက်ဆက်လုပ်ပြီး ခြောက်အောင် ဒီအတိုင်း ၁၀ မိနစ်ထားပါ။
  • ရေအေးနဲ့ဆေးပါ။
  • တစ်နေ့တစ်ကြိမ်လုပ်နိုင်ပါတယ်။

(၉) မုန့်ဖုတ်ဆိုဒါ

  • မုန့်ဖုတ်ဆိုဒါ၂ဇွန်းကို ပေါင်းခံရေနည်းနည်းနဲ့ အနှစ်ဖြစ်အောင်ရောမွှေပါ။
  • အမာရွတ်ရှိတဲ့နေရာကိုပေါင်းခံရေနည်းနည်း အရင်ဆွတ်ပြီး အနှစ်ကို သုတ်လိမ်းပါ။
  • လိမ်းထားတဲ့အပေါ်မှာရေနွေးဝတ်နဲ့ ၁၅ မိနစ်အုပ်ထားပါ။
  • ရေဆေးချပါ။

သတိပြုဖို့က

ဒီနည်းတွေအကုန်လုံးကို အနာပေါ်သုံးလို့မရပါဘူးနော်။ အနာပေါက်မရှိတဲ့ အမာရွတ်နဲ့တဝိုက် အသားအရေကိုသာသုံးပေးရမှာဖြစ်ပါတယ်။ ကိုယ်နဲ့ဓါတ်မတည့်တဲ့ပစ္စည်းပါရင် မသုံးရပါ။ဆေးတွေလို ချက်ချင်းကြီး ရက်တိုအတွင်းအမာရွတ်ပျောက်စေမှာမဟုတ်ပေမယ့် ဘေးမရှိဘဲ တဖြည်းဖြည်းချင်းသိသာလာတာ သဘာဝပစ္စည်းလေးတွေရဲ့အစွမ်းပါ။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။

Read also:

သင်ဒါလည်း နှစ်သက်နိုင်ပါတယ်။

ကလေးရဲ့ အစာခြေစနစ် နဲ့ ကိုယ်ခံအားကို အားဖြည့်ပေးမယ့် အရာတွေက ဘာတွေများလဲ…….

မေမေ မိခင်ဘဝ ကလေး ကိုယ်ခံအား အာဟာရ မှတ်ဉာဏ် ဦးနှောက် အမြင်အာရုံ အစာခြေစနစ် အကျိုးပြုဘက်တီးရီးယား လေနာ ဝမ်းပျက်ဝမ်းလျှော အာဟာရဓာတ်​ DHA

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

အမျိုးသားတိုင်း ကျင့်သုံးသင့်တဲ့ ကျန်းမာတဲ့ စားသောက်မှုပုံစံ

ကျန်းမာရေး အမျိုးသား အစားအသောက် ပျော်ရွှင်စွာ ကျန်းမာတဲ့စားသောက်မှုပုံစံ သစ်သီး ဟင်းသီးဟင်းရွက် အမျှင်ဓာတ် ဆန်လုံးညို ထမင်း အူမကြီးကင်ဆာ အစာခြေစနစ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

ခြေထောက်ပေါ်က သဲကြိုးရာ ဒီလိုဖျောက်ပါ

လေဒီလေးတွေ ခြေထောက်လှလှ ကြေးတွန်းသန့်စင် သဲကြိုးရာ နေလောင်တာ ကြေးချွတ်သန့်စင်ပါ lotion နေလောင်ကာခရင်မ် မိုးရေတွေ ပေါင်းတင်ပါ baking soda

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

ကလေးသောက် ဖော်မြူလာနို့မှုန့်တွေ နဲ့ပတ်သက်ပြီး သိထားတာတွေ မှန်ရဲ့လား……………..

ကလေး ကျန်းမာပျော်ရွှင်နေဖို့ အာဟာရဓာတ်ပြည့်ဝနေဖို့ ဖော်မြူလာနို့မှုန့် မိခင် မေမေ မိခင်နို့တိုက်ကျွေးတာ ကလေးနဲ့ မိခင်ကြား ထွေးပွေ့ကြင်နာမှု အဝလွန်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သင့်အတွက် ရွေးချယ်ထားသည်

အတက်လေးတွေ ထွက်ပြီး စိမ်းနေတဲ့ အာလူး လေးတွေကို စားသင့်လား

အတက်လေးတွေ ထွက်ပြီး စိမ်းနေတဲ့ အာလူး လေးတွေကို စားသင့်လား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇွန် 2, 2020
ကျောက်ကပ် အားကောင်းစေမယ့် အစားအသောက် (၇) မျိုး

ကျောက်ကပ် အားကောင်းစေမယ့် အစားအသောက် (၇) မျိုး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇွန် 1, 2020
ပန်းသစ်ခွ နဲ့ ကျန်းမာရေး

ပန်းသစ်ခွ နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 28, 2020
Hidradenitis suppurativa ( HS ) ပြည်တည်နာ တစ်မျိုး

Hidradenitis suppurativa ( HS ) ပြည်တည်နာ တစ်မျိုး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် မေ 25, 2020