အအေးမိတာနဲ့ရာသီဥတုအေးတာကြားမှာ ဆက်စပ်မှုရှိနေလား
ရာသီဥတုအေးတာက ဖျားစေနိုင်ပါသလား။ ဒီမှားယွင်းနေတဲ့ အယူအဆက လွန်ခဲ့တဲ့ရာစုနှစ်တွေကတည်းက ဘိုးဘွားတွေဆီကနေတဆင့် လက်ဆင့်ကမ်းလာခဲ့တဲ့ အယူအဆပါ။ ကလေးတွေကိုလေစိမ်းအတိုက်မခံနဲ့၊ ရာသီဥတုအေးနေချိန် အပြင်ခေါ်သွားမယ်ဆိုရင် ဦးထုပ်ဆောင်းသွားပေးပါ။ ဆံပင်ရေစိုနဲ့ အပြင်ပေးမထွက်နဲ့ဆိုတာတွေက ဘိုးဘွားတွေကနေတဆင့် မျိုးရိုးအဆက်ဆက်လက်ဆင့်ကမ်းလာခဲ့တဲ့ အယူအဆအမှားတွေပါ။ အပြည့်အဝကြီးမှားယွင်းနေတာတော့ မဟုတ်ပါဘူး။
ဒါပေမယ့် ဒါက ယုံတမ်းစကားဆိုရင် အအေးမိတာနဲ့တုပ်ကွေးဖြစ်တာတွေက ဘာကြောင့်ဆောင်းရာသီလိုမျိုးအေးတဲ့ရာသီဥတုတွေမှာ အဖြစ်များရတာလဲ လို့မေးစရာရှိလာပါပြီ။ ဒါကဘာကြောင့်လဲဆိုတော့အပေါ်မှာပြောခဲ့သလိုပါပဲ။ အအေးမိဖျားနာတာကို အဓိကဖြစ်စေတဲ့အကြောင်းအရင်းက ဗိုင်းရပ်စ်တွေကြောင့်ပါ။ ဘာလို့ ရာသီဥတုအေးတဲ့အချိန်မှာ ဖျားနာမှုတွေပိုဖြစ်ရတာလဲဆိုတာကတော့ အအေးမိတာနဲ့တုပ်ကွေးရောဂါတွေကိုဖြစ်စေတဲ့ရောဂါပိုးတွေက ရာသီဥတုအေးမြတဲ့အခြေအနေမှာ ရှင်သန်ပေါက်ဖွားနိုင်ခြေမြင့်မားနေတာကြောင့်ပါ။ ရာသီဥတုအေးမြနေတာက တုပ်ကွေးဖြစ်စေတဲ့ ဗိုင်းရပ်စ်တွေကို ရှင်သန်နေအောင် အားဖြည့်ပေးနေပါတယ်။
အအေးမိဖျားနာတာကိုဖြစ်စေတဲ့ အဓိက တရားခံ
ခန္ဓာကိုယ်ကို ဖျားနာစေတဲ့အရာတွေထဲမှာ ရာသီဥတုအေးတာတစ်ခုအပါအဝင်ဆိုပေမယ့် ရာသီဥတုအေးတာကြောင့်တစ်ခုတည်းနဲ့တော့ မဖျားနာနိုင်ပါဘူး။ သင့်အနေနဲ့rhinoviruses ကူးစက်ခံရတဲ့အခါ အအေးမိနိုင်ပြီး တုပ်ကွေးဖြစ်စေတဲ့ influenza ဗိုင်းရပ်စ်နဲ့ထိတွေ့မိတဲ့အခါမှာတော့ တုပ်ကွေးရောဂါခံစားရနိုင်ပါတယ်။ ဒါက ဖျားနာခြင်းရဲ့ အဓိက တရားခံတွေပါပဲ။
Rhinoviruses ကူးစက်ပြန့်ပွားမှုနှုန်းဟာနွေဦးရာသီနဲ့ဆောင်းဦးရာသီတွေမှာ အမြင့်ဆုံးပါ။ တုပ်ကွေးရောဂါပိုးကတော့ဆောင်းရာသီမှာပြန့်ပွားမှုနှုန်းအမြင့်ဆုံးပါ။ ဒီလိုမျိုးအေးမြတဲ့ ရာသီဥတုအနေအထားမှာ ဗိုင်းရပ်စ်တွေအကောင်းဆုံးရှင်သန်နိုင်မှုက ရာသီဥတုအေးတဲ့အခါ ဖျားနာမှုတွေကိုဖြစ်စေနိုင်တယ်ဆိုတဲ့ အယူအဆကိုဖြစ်ပေါ်စေခဲ့တာပါ။ တကယ်တော့ ဖျားနာမှုကိုဖြစ်စေတာက ပတ်ဝန်းကျင်မှာပြန့်နှံ့နေတဲ့ရောဂါပိုးတွေပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။