Duodenitis ( အူသိမ်အစရောင်ခြင်း)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

Duodenitis ( အူသိမ်အစရောင်ခြင်း)ဆိုတာဘာလဲ။

Duodenitis ဟာ အူသိမ်ရဲ့ အစက duodenum ရောင်ခြင်း ဖြစ်ပါတယ်။ duodenum နံရံ ရောင်ခြင်းဟာ ဗိုက်နာခြင်း၊ သွေးထွက်ခြင်းနဲ့ အခြား အူလမ်းကြောင်း လက္ခဏာတွေကို ဖြစ်စေနိုင်ပါတယ်။ အဖြစ်အများဆုံး အကြောင်းရင်းတော့ H pylori ဘက်တီးရီးယားနဲ့ ဆက်စပ်နေတဲ့ အစာအိမ် ရောဂါပိုးဝင်ခြင်းပဲ ဖြစ်ပါတယ်။

ဒီရောဂါပိုးဟာ ပုံမှန်အတိုင်း duonenum နံရံကို အစာအိမ် အက်ဆစ်တွေကနေ ကာကွယ်ပေးတဲ့ အကျိအချွဲအလွှာကို ထိခိုက်စေနိုင်ပါတယ်။ ဒီအလွှာမရှိတော့ခြင်းဟာ နာတာရှည် ရောင်ရမ်းခြင်းနဲ့ duodenum အနာဖြစ်ခြင်းကို ဖြစ်စေနိုင်ပါတယ်။

Duodenitis( အူသိမ်အစရောင်ခြင်း) ဟာ ဘယ်လောက်ထိ အဖြစ်များသလဲ။

ဖွံ့ဖြိုးဆဲနိုင်ငံတွေက လူတွေရဲ့ ၈၀% ဟာ Helicobacter Pylori ရောဂါပိုးကူးစက်ခြင်း ရှိနေကြပါတယ်။ ရောဂါဖြစ်ပွားနိုင်တဲ့အချက်အလက်တွေကို လျှော့ချခြင်းအားဖြင့် စီမံနိုင်ပါတယ်။ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။

Duodenitis( အူသိမ်အစရောင်ခြင်း) ရဲ့ ရောဂါလက္ခဏာတွေက ဘာတွေလဲ။

Duodenitis ဟာ အစာအိမ်နံရံရောင်ခြင်းကို ဖြစ်စေနိုင်ပြီးတော့ လက္ခဏာ အတော်များများကို ဖြစ်စေနိုင်ပါတယ်။ ဒီလက္ခဏာတွေဟာ လူတွေကြားမှာ ပြင်းထန်မှု ကွာခြားမှုရှိပါတယ်။

Duodenitis လက္ခဏာတွေကို နေ့စဉ် (သို့) တခါတရံ ခံစားရနိုင်ပါတယ်။ တခါတလေမှာတော့ ဒီလက္ခဏာတွေဟာ ဆိုးရွားနိုင်ပါတယ်။

· ဝမ်းဗိုက်လေပွခြင်

· ဝမ်းဗိုက်နာကျင်ခြင်း

· လေထခြင်း

· စားချင်စိတ်မရှိခြင်း

· အန်ခြင်း၊ အန်ခြင်းမရှိပဲ ပျို့ခြင်း

ပြင်းထန်တဲ့ လက္ခဏာတွေဟာ အသက်အန္တရာယ်ကို ထိခိုက်စေနိုင်ပါတယ်။

အချို့အခြေအနေတွေမှာ Duodenitis အသက်အန္တရာယ် ဖြစ်စေနိုင်ပါတယ်။ အောက်ဖေါ်ပြပါ လက္ခဏာတွေရှိရင် အရေးပေါ်ဆေးကုသမှု ခံယူသင့်ပါတယ်။

  • သွေးဝမ်းသွားခြင်း
  • အလွန်ဗိုက်နာခြင်း
  • သွေးအန်ခြင်း

ဘယ်အချိန်မှာ ဆရာဝန်နဲ့ သွားရောက်ပြသသင့်ပါသလဲ။

ရောဂါကိုစောစီးစွာ သိရှိပြီး ကုသခြင်းဟာ ရောဂါပိုဆိုးလာခြင်းနဲ့ အခြားအရေးပေါ် အခြေအနေဖြစ်ခြင်းတွေကနေ ကာကွယ်ပေးနိုင်တာကြောင့် ဒီလိုအခြေအနေကို ကာကွယ်ဖို့ ဆရာဝန်နဲ့ စကားပြောသင့်ပါတယ်။

သင့်ဆီမှာ အထက်ဖော်ပြပါ ရောဂါလက္ခဏာတွေထဲက တစ်ခုခုများရှိနေမယ်ဆိုရင် ဒါမှမဟုတ် မေးခွန်းတစ်ခုခုရှိနေမယ်ဆိုရင် ဆရာဝန်နဲ့ တိုင်ပင်ဆွေးနွေးပါ။ လူတိုင်းရဲ့ခန္ဓါကိုယ်တုံ့ပြန်မှုဟာ မတူညီနိုင်ပါဘူး။ သင့်အခြေအနေအတွက် ဘာအကောင်းဆုံးလဲဆိုတာကို သင့်ဆရာဝန်နဲ့ တိုင်ပင်တာက အကောင်းဆုံးပါပဲ။

ဘာတွေက Duodenitis( အူသိမ်အစရောင်ခြင်း) ဖြစ်ပွားစေသလဲ။

Duodenitis ဖြစ်ခြင်းရဲ့ အဓိက အကြောင်းရင်းကတော့ H.pylori ဘက်တီးရီးယားကြောင့် ဖြစ်ပါတယ်။ ဘက်တီးရီးယားတွေဟာ အစာအိမ်နဲ့ အူသိမ်ထဲ ဝင်ရောက်လာပြီး ရောင်ရမ်းခြင်းကို ဖြစ်စေနိုင်ပါတယ်။

အခြားအကြောင်းရင်းတွေကတော့ အကိုက်အခဲပျောက်ဆေးတွေ ဖြစ်တဲ့ aspirin, ibuprofen, naproxen တွေကို ကြာရှည်စွာ အသုံးပြုခြင်းကြောင့် ဖြစ်ပါတယ်။

အဖြစ်နည်းတဲ့ အကြောင်းရင်းတွေကတော့

• Crohn’s disease (အစာအိမ် အူလမ်းကြောင်း ရောင်ခြင်း)

• An autoimmune condition

• Bile reflux (သည်းခြေရည်များ duodenum မှ အစာအိမ်အတွင်း ဝင်ခြင်း)

• အချို့ ဗိုင်းရပ်စ်ပိုးဝင်ခြင်း — ဥပမာ herpes simplex virus နဲ့ ကိုယ်ခံအားနည်းခြင်း

• အူသိမ်ကို ထိခိုက်ဒဏ်ရာ ရခြင်း

• အသက်ရှူစက်နဲ့ အသက်ရှူခြင်း

• အဓိက ခွဲစိတ်မှု၊ ပြင်းထန်တဲ့ ကိုယ်ခန္ဓါဒဏ်ရာရရှိမှုတွေနဲ့ ရှောခ့်ရခြင်း

• အဆိပ်ပါတဲ့ အရာတွေကို စားမိခြင်း

• ဆေးလိပ်လွန်ကဲစွာသောက်ခြင်း

• ကင်ဆာရောဂါအတွက် ဓါတ်ရောင်ခြည်ကုသခြင်း

• ကင်ဆာဆေးသွင်းကုသခြင်း

ဘယ်အရာတွေက Duodenitis( အူသိမ်အစရောင်ခြင်း) ဖြစ်ပွားနိုင်ချေကိုမြင့်စေပါသလဲ။

Duodenitis ဖြစ်ပွားနိုင်ချေကိုမြင့်စေတဲ့အကြောင်းရင်းတွေ အများကြီးရှိပါတယ်။ ဒါပေမယ့် ဖြစ်နိုင်ခြေရှိတဲ့ အချက်ရှိသူ အကုန်လုံးကတော့ duodenitis ဖြစ်မှာ မဟုတ်ပါဘူး။ ရောဂါဖြစ်ပွားမှု များစေတဲ့ အချက်တွေကတော့

  • အရက်အလွန်သောက်ခြင်း
  • ဓါတ်ရောင်ခြည်ကုသမှု ခံယူဖူးခြင်း
  • စိတ်ဖိစီးခြင်း၊ ပြင်းထန်သော နာမကျန်းဖြစ်ခြင်း
  • ဆေးလိပ်သောက်ခြင်း တွေပဲဖြစ်ပါတယ်။

ရောဂါအဖြေရှာခြင်းနှင့် ကုသခြင်း

ယေဘူယျအသိပေးချက် – ယခုဖော်ပြထားသည့် အချက်အလက်များမှာ ဆေးပညာဆိုင်ရာကျွမ်းကျင်သူ၏ အကြံပေးချက်များနေရာတွင် အစားထိုးရန် မသင့်တော်ပါ။ ဆက်လက်သိရှိလိုသောအချက်အလက်များအတွက် သင့်ရဲ့ဆရာဝန်နဲံ အမြဲတိုင်ပင်ဆွေးနွေးပါ။

Duodenitis( အူသိမ်အစရောင်ခြင်း) ဟုတ်မဟုတ်ကို ဘယ်လိုအဖြေရှာအတည်ပြုသလဲ။

သင့်ဆရာဝန်က Duodenitis ကို သိရှိနိုင်မယ့် စစ်ဆေးမှုများစွာကို အသုံးပြုနိုင်ပါတယ်။ H.pylori ကို သွေး၊ ဝမ်း၊ အသက်ရှူ စစ်ဆေးမှုတွေနဲ့ တွေ့ရှိနိုင်ပါတယ်။ Breath test အတွက်ကတော့ သင်ဟာ ကြည်လင်ပြီးအရသာမဲ့တဲ့ အရည်တစ်မျိုးကို သောက်ရမှာဖြစ်ပြီး အိပ်ထဲကို အသက်ရှူထုတ်ရမှာဖြစ်ပါတယ်။

ဒါဟာ တကယ်လို့ သင့်မှာ ရောဂါပိုးရှိတယ်ဆိုရင် သင့်ဆရာဝန်က carbondioxide gas အပိုကို တွေ့ရှိမှာဖြစ်ပါတယ်။

သင့်ဆရာဝန်က အသားစယူခြင်းနဲ့ အူလမ်းကြောင်း မှန်ပြောင်းကြည့်ခြင်းတွေကို ပြုလုပ်နိုင်ပါတယ်။ ဒီလိုလုပ်စဉ်မှာ ကင်မရာ အသေးလေးတပ်ထားတဲ့ မှန်ပြောင်းကို လည်ချောင်းမှတစ်ဆင့် အစာအိမ်၊ အူသိမ်အတွင်း ကြည့်မှာဖြစ်ပါတယ်။ ဒါဟာ ရောင်ရမ်းမှုတွေကို တွေ့နိုင်စေပါတယ်။

သင့်ဆရာဝန်က ရောင်ရမ်းမှုတွေကို သေချာမတွေ့ရှိရင် အသားစယူပြီး တစ်ရှူးစစ်ဆေးမှုတွေ ပြုလုပ်နိုင်ပါတယ်။

Duodenitis ( အူသိမ်အစရောင်ခြင်း)ကို ဘယ်လိုကုသလဲ။

Duodenitis ကုသခြင်းဟာ သင့်ကျန်းမာရေးစောင့်ရှောက်သူထံမှ ကျန်းမာရေးကုသမှု ရယူခြင်းကနေ စတင်ပါတယ်။ Duodenitis ရှိမရှိ သိရှိဖို့ ကျန်းမာရေးစောင့်ရှောက်သူက ဓါတ်ခွဲခန်းပို့ စစ်ဆေးရန် သွေး၊ ဝမ်းနဲ့ ဆီး samples တွေကို တောင်းခံနိုင်ပါတယ်။ အူအပေါ်ပိုင်း မှန်ပြောင်းကြည့်ခြင်းဟာ duodenum ကို သေချာမြင်ရစေပြီး သေးငယ်တဲ့ အသားစယူခြင်းတွေကို ပြုလုပ်နိုင်စေပါတယ်။ အသားစယူပြီး မှန်ပြောင်းနဲ့ကြည့်ကာ H.pylori infection ရှိမရှိ သိရှိနိုင်ပါတယ်။

  • အစာအိမ်အနာဖြစ်ခြင်းအတွက် ပိုးသတ်ဆေးသောက်ခြင်း – ပိုးသတ်ဆေးကို ဆေးပတ်လည်အောင်သောက်ခြင်းဟာ ရောဂါပြန်ဖြစ်ခြင်းကို ကာကွယ်ပေးနိုင်ပါတယ်။ အများအားဖြင့်ကတော့ ပိုးသတ်ဆေးနှစ်မျိုးကို ၁၄ ရက်ကြာပေးတတ်ပါတယ်။ ဥပမာ

Amoxicillin

Clarithromycin (Biaxin)

Metronidazole (Flagyl)

Tetracycline တို့ပဲဖြစ်ပါတယ်။

  • Duodenitis ကို ကုသတဲ့ အခြားဆေးများ – proton pump inhibitors, histamine H2 receptor antagonists တွေဟာ အစာအိမ်ထဲမှာ ရှိတဲ့ အက်ဆစ်ဓါတ်ကျဆင်းစေတာကြောင့် Duodenitis အတွက် အစွမ်းထက်တဲ့ ကုသမှု ဖြစ်ပါတယ်။

လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက Duodenitis ( အူသိမ်အစရောင်ခြင်း)ကို ကုသရာမှာ ဘယ်လိုအထောက်အကူပြုနိုင်မလဲ။

အောက်ဖော်ပြပါ လူနေမှုပုံစံများနဲ့ အိမ်သုံးကုထုံးများက သင့်အနေဖြင့် Duodenitis ကိုကုသတဲ့နေရာမှာနဲ့ လိုက်လျောညီထွေဖြစ်အောင်နေတဲ့နေရာတွေမှာ အကူအညီပေးနိုင်ပါတယ်။

  • ဆေးလိပ်ဖြတ်ခြင်း
  • အရက်အလွန်အကျွံ မသောက်ခြင်း
  • စပ်သောအစာ၊ အက်ဆစ်ဓါတ်ပါသော အရည်များ (လိမ္မော်ရည်၊ နာနတ်သီးရည်) လျှော့ခြင်း၊ အူကို ဒုက္ခပေးနိုင်တဲ့ ဆေးတွေ လျှော့ခြင်း

အကယ်၍သင့်မှာ မေးခွန်းတွေရှိမယ်ဆိုရင် သင့်အတွက်သင့်တော်တဲ့ အဖြေရှာဖွေနိုင်ဖို့ ဆရာဝန်နဲ့ ဆွေးနွေးတိုင်ပင်သင့်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ပင်လယ်စာနှင့် ဓာတ်မတည့်ခြင်း လက္ခဏာများ

နှုတ်ခမ်းပေါ်တွင် အဖုငယ်လေးများထွက်ခြင်း၊ ဝမ်းဗိုက် နာခြင်း၊ ပျို့ခြင်း၊ အန်ခြင်း၊ ဝမ်းပျက်ခြင်း၊ အသက်ရှူရခက်ခဲခြင်း၊ ချွဲသလိပ်ကပ်ခြင်း၊ အသက်ရှူလမ်းကြောင်း ပိတ်ဆို့ခြင်း၊ မျက်နှာ၊ နှုတ်ခမ်း၊ လျှာ၊ လည်ချောင်း၊ နား၊ လက်ချောင်းနှင့် လက်များ ယောင်ယမ်းခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung

အစာအိမ်အောင့်ရင် အမြန်ဆုံးသက်သာစေဖို့ ဘာတွေကိုလုပ်မလဲ

အစာအိမ်အောင့်ခြင်း အစာအိမ်ရောဂါ ဗိုက်အောင့်ခြင်း အမြန်သက်သာစေမယ့်နည်းလမ်း အိမ်တွင်းကုထုံး သိထားသင့်တဲ့အချက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

သောက်တာများပြီး အစာအိမ် မထိခိုက်အောင် ဘယ်လိုကာကွယ်မလဲ

အရက်သောက်ခြင်း အရက်နဲ့အစာအိမ် အစာအိမ်ထိခိုက်ခြင်း ဗိုက်အောင့်ခြင်း အရက်နာကျခြင်း သက်သာစေမယ့်နည်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ရာသီလာချိန် ဗိုက်ပွ ဗိုက်ကယ်တာ သက်သာစေမယ့် နည်းလမ်း(၅) ခု

ရာသီလာချိန် နာကျင်ကိုက်ခဲမှု ဗိုက်ပွခြင်း ဗိုက်အောင့်ခြင်း သက်သာစေမယ့်နည်းလမ်း အကြံပြုချက် အစားအသောက် အနေအထိုင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

သင့်အတွက် ရွေးချယ်ထားသည်

အူအတက်ခွဲစိတ်ကုသခြင်း

အူအတက်ခွဲစိတ်ကုသခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 5, 2020 . 3 mins read

COVID-19 နဲ့ ဗီတာမင် D ရဲ့ အခန်းကဏ္ဍ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ရေးသား ထုတ်ဝေခဲ့သည် မေ 21, 2020 . 3 mins read
အစာအဆိပ်သင့်ခြင်းအကြောင်း

အစာအဆိပ်သင့်ခြင်းအကြောင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin
ရေးသား ထုတ်ဝေခဲ့သည် မတ် 24, 2020 . 2 mins read

ရုတ်တရက်ထပြီး ဗိုက်နာ ၊ မအောင့်မအည်းနိုင်ဖြစ်ဖူးလား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇန်နဝါရီ 16, 2020 . 1 min read