တချို့လူတွေမှာ စိတ်ဖိစီးတဲ့အခါ အူလမ်းကြောင်းလုပ်ဆောင်ချက်မမှန်ခြင်း လက္ခဏာတွေခံစားရတတ်ပါတယ်။ အဲဒီထဲမှာ မကြာခဏလေလည်ခြင်းလည်း ပါဝင်နေပါတယ်။ နောက်ပြီး စိတ်ဖိစီးတဲ့အခါ ဆေးလိပ်သောက်တာ၊ ပီကေဝါးတာ၊ အချိုတွေစားတာ၊ အရက်သောက်တာ တို့လို လေပွစေ၊ လေလည်စေမယ့် အမူအကျင့်တွေပိုလုပ်မိ တတ်ပါသေးတယ်။
ဝမ်းချုပ်တာ
ကိုယ်စားထားတဲ့ အစားအသောက်တွေဆီက အကြွင်းအကျန်တွေ အူမကြီးထဲမှာ ကျန်ရှိတာကြာလာလေ အချဉ်ပေါက်ဖို့အချိန်ပိုကြာလေပါပဲ။ အဲလိုကနေ အနံ့ဆိုးတဲ့ လေတွေ မကြာခဏလေလည်စေနိုင်ပါတယ်။
အစာခြေစနစ်အတွင်းက ဘက်တီးရီးယားပမာဏ ဒါမှမဟုတ် အမျိုးအစား ပြောင်းလဲတာ
ပဋိဇီဝဆေးဝါးတွေ အသောက်များလို့ ဒါမှမဟုတ် ဘက်တီးရီးယားပါတဲ့ အစားအသောက်တွေစားမိလို့ အစာခြေစနစ်အတွင်းက ဘက်တီးရီးယားထိန်းညှိမှု ပျက်ယွင်းစေနိုင်ပါတယ်။ ဒီလိုပြောင်းလဲပျက်ယွင်းတဲ့အခါ မကြာခဏ လေလည်စေနိုင်ပါတယ်။
ဘယ်အချိန်မှာ ဆရာဝန်ပြသင့်တာလဲ
လေလည်တာ လူတိုင်းဖြစ်တဲ့ သဘာဝပဲဆိုပေမယ့် လွန်ကဲနေရင်တော့ ပုံမှန်မဟုတ်ပါဘူး။ လေလည်တာ မကြာခဏဖြစ်လွန်းရင် နေ့စဉ်ဘဝမှာ ထိခိုက်လာပါလိမ့်မယ်။ လူကြားထဲ သွားရလာရ၊ အလုပ်လုပ်ရတဲ့အချိန်တွေမှာ ကိုယ့်ကိုယ်ကို ယုံကြည်မှုလျော့လာမယ်၊ လူအထင်သေးခံရနိုင်တယ်၊ ရှက်ကိုးရှက်ကန်းဖြစ်နေရမယ်၊ အဆင်မပြေတော့ဘူးပေါ့။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။