သွေးတွင်းသကြားဓာတ်မြင့်မားနေတဲ့အခါ စွမ်းအင်ထုတ်လုပ်ဖို့ လိုအပ်တဲ့ဆဲလ်တွေမှာ အာဟာရဓာတ်များနဲ့ အောက်ဆီဂျင်ကို ထိရောက်စွာ အသုံးချနိုင်ခြင်း မရှိတော့ပါဘူး။ ကိုယ်ခံစွမ်းအားလည်း ပုံမှန်အလုပ်လုပ်နိုင်စွမ်း မရှိတော့ပါဘူး။ ဆဲလ်တွေမှာ ရောင်ရမ်းခြင်း မြင့်မားလာပါတယ်။ ဒီအကြောင်းအရာတွေကြောင့် အနာကျက်နှေးပါတယ်။
သွေးတွင်းသကြားဓာတ်ဟာ ပုံမှန်ထက်မြင့်တက်နေတာ ကြာလာရင် အာရုံကြောများ အားနည်းလာနိုင်ပါတယ်။ အထူးသဖြင့် အစွန်အဖျားနေရာတွေဖြစ်တဲ့ ခြေဖျားလက်ဖျားက အာရုံကြောတွေ ချို့ယွင်းလာပါတယ်။ အာရုံခံနိုင်စွမ်းလည်း လျော့ကျလာပါတယ်။ အာရုံခံနိုင်စွမ်း လျော့လာတဲ့အတွက် မိမိရဲ့ခြေထောက်ဟာ ဆူးညောင့် ဒါမှမဟုတ် တခြားအရာဝတ္တုတွေနဲ့ ထိခိုက်မိတာတွေ၊ အပူလောင်တာတွေကို ခံစားမှု သိပ်မရပါဘူး။
ဒါ့အပြင် လမ်းလျှောက်ရာမှာလည်း မိမိခြေထောက်ကို လိုရာကို ထိထိရောက်ရောက်လှမ်းနိုင်စွမ်း နည်းလာပါတယ်။ ဒါကြောင့် ဆီးချိုရောဂါသည်တွေမှာ ခြေထောက်ပိုင်း မကြာခဏထိခိုက်မှုဖြစ်ပြီး ဖြစ်ခဲ့ရင်လည်း အနာကျက်နှေးရခြင်း ဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။