မှ အချက်အလက် စစ်ဆေးထားပါသည်။ Dr. Phyo Wai Lynn
ဆီးချို ရှိတယ်လား။ အသီး မစားနဲ့ သွေးချိုတွေ တက်မယ်နော် ဆိုပြီး ခဏခဏ အပြောခံနေရပြီလား။ ဒါဆို ဆီးချို ရှိရင် အသီး မစားရတော့ ဘူးလားလို့ မေးချင်နေလောက်မယ် ထင်တယ်နော်။
ဒီလို မဟုတ်ပါဘူး။ ဆီးချို အထူးသဖြင့် အမျိုးအစား (၂) ဆီးချို ရှိသူတွေ အနေနဲ့ စားလို့ရတဲ့ အသီးလေးတွေ ရှိပါသေးတယ်။ ဒါက ဘာ အသီးလေးတွေ ဖြစ်မလဲ ဆိုတာကို ဆောင်းပါးထဲမှာ အတူတူ ဖတ်ကြည့်ရအောင်နော်။
သစ်သီး ကြိုက်တဲ့ အမျိုးအစား (၂) ဆီးချို ရှိသူတွေ အနေနဲ့ ဒီ အသီးလေးတွေ စားပေးလို့ ရပါတယ်။
စပျစ်သီး (အစိမ်းရောင် စပျစ်သီး) လေးတွေကို စားပေးလို့ ရပါတယ်။ စပျစ်သီးက သွေးတွင်းသကြားဓာတ်ကို ထိန်းချုပ်ပေးနိုင်ပါတယ်။ သိပ္ပံနည်းကျ လေ့လာချက်တွေအရ စပျစ်သီးမှာပါတဲ့ polyphenols က သွေးတွင်းသကြားဓာတ်ကို ထိန်းညှိပေးပါတယ်။
နောက်အားသာချက် တစ်ခုက စပျစ်သီးက ဆီးချိုကြောင့်ဖြစ်တဲ့ ရောင်ရမ်းမှုကို သက်သာစေနိုင်တယ် ဆိုတာပါ။
ပန်းသီး စားတဲ့အခါ အခွံ နွှာမစားဖို့ အရင်ဆုံး ပြောပါရစေ။ ပန်းသီးက အမျှင်ဓာတ် ကြွယ်ဝတာကြောင့် သွေးထဲက သကြားဓာတ်တွေကို စုပ်ယူမှုကို နှေးစေပါတယ်။ ဒီနည်းနဲ့ သွေးတွင်း သကြားဓာတ် ရုတ်တရက် မြင့်တက်တာမျိုး မဖြစ်စေဖို့ ကူညီပေးပါတယ်။ ပန်းသီး အရွယ်တော် တစ်လုံး စားပေးတာက သွေးချို မမြင့်စေနိုင်ပါဘူး။
သွေးကြောတွေကို ကျန်းမာစေတဲ့ ဘလူးဘယ်ရီသီးက သွေးတွင်းသကြားဓာတ် မြင့်တက်စေနိုင်ခြေကိုလည်း နည်းပါတယ်။ အော်ဂဲနစ် စစ်စစ် ဘလူးဘယ်ရီသီးက ဆီးချို ရှိသူတွေ စားပေးလို့ ရတဲ့ အသီးတွေထဲက တစ်မျိုးပါ။
ဗီတာမင် C ကြွယ်ဝတဲ့ ဂရိတ်ဖရုစ်က ကိုယ်ခံအား ကောင်းစေသလို ကိုယ်အလေးချိန်ကိုလည်း ထိန်းညှိပေးပါတယ်။ ခန္ဓာကိုယ်ကိုလည်း သွေးတွင်းသကြားဓာတ်တွေကို အကောင်းဆုံး အသုံးပြုနိုင်စေဖို့ အားဖြည့်ပေးပါတယ်။ တစ်နေ့တာကို အရွယ်တော် ဂရိတ်ဖရုစ် တစ်ဝက်လောက် စားပေးလို့ ရပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Phyo Wai Lynn
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။