ပန်ကရိယကင်ဆာ(မုန့်ချိုအိတ်ကင်ဆာ)

အဲလ်ပဲတီထွင်တဲ့ စတိဗ်ဂျော့ဘ်ကို သိကြတယ်ဟုတ်။ သူဆုံးသွားခဲ့တာ ပန်ကရိယကင်ဆာကြောင့်ပါ။ ပန်ကရိယကင်ဆာကို ကင်ဆာထဲမှာ အသံတိတ်လူသတ်သမားလို့ ပြောကြပါတယ်။ ကင်ဆာဆိုတဲ့အမျိုးက တော်ရုံ လက္ခဏာမပြတဲ့အမျိုးဆိုတာ သိကြပြီးသားပါ။ဒါပေမယ့် ဒီပန်ကရိယကင်ဆာကပိုဆိုးပါတယ်။ သူက နေတဲ့နေရာက ဝမ်းဗိုက်ရဲ့ ဟိုးအနောက်မှာ ရှိနေတဲ့အတွက် တော်ရုံအကျိတ်ဖြစ်ရင်လည်း မသိနိုင်ပါဘူး။ ဒါကြောင့် သူ့ကို ကင်ဆာတွေထဲမှာ ပိုကြောက်ကြတာပါ။ အသံတိတ်နဲ့ကိုယ်ထဲမှာ တဖြည်းဖြည်းကြီးလာပြီး တွေ့တဲ့အချိန်ကျတော့ အဆင့်က တော်တော်လေးကို မြင့်နေပါပြီ။ ဒါကြောင့် အတတ်နိုင်ဆုံး စောစောသိနိုင်ဖို့ အောက်ကလက္ခဏာတွေကို လေ့လာထားသင့်ပါတယ်။ ပန်ကရိယာကင်ဆာရဲ့ လက္ခဏာတွေက ဘာလဲ။ ဒီမှာလည်း ပြောစရာရှိတာက ပန်ကရိယကင်ဆာက နုသေးတယ်ဆို လက္ခဏာ မပြပါဘူး။ အောက်က လက္ခဏာတွေ ပြနေပြီဆိုတော့ ရောဂါက နည်းနည်းတော့ ရင့်နေပါပြီ။ ဗိုက်အောင့်တာက ခါးထိပါပြန့်သွားတယ်။ အစားအသောက်ပျက်တယ်။ အကြောင်းအရင်းမရှိဘဲ ကိုယ်အလေးချိန်ကျလာတယ်။ အသားတွေဝါ၊ မျက်လုံးတွေ ဝါလာတယ်။ […]