ခုနပြောတဲ့ သွေးခဲမျိုးတွေက ဦးနှောက်ရဲ့ သွေးကြောထဲမှာလည်း သွားဖြစ်နိုင်၊ ဆို့နိုင်တယ်။ နှလုံးခန်းထဲက ပြုတ်ထွက်လာတဲ့ သွေးခဲ အပိုင်းအစလေးကလည်း ဦးနှောက်သွေးကြောတစ်ခုခု ထဲမှာ လာဆို့နိုင်တယ်။ အို…. ဘယ်နေရာက သွေးခဲဖြစ်ဖြစ်ပါ… လာပိတ်တာနဲ့ ဒါကို ဦးနှောက်သွေးကြောပိတ်တယ်လို့ ပြောတာပဲ။ ဦးနှောက်က သွေးကြောတွေက ခပ်သေးသေးရယ်မို့ သွေးခဲ လာဆို့တာနဲ့ သွေးအသွားအလာရပ်သွားပြီပဲ။
အဲ့ဒီ့သွေးကြောကနေ အောက်ဆီဂျင်နဲ့ အာဟာရဓါတ်တွေ ရနေတဲ့ ဦးနှောက်ကြွက်သားဧရိယာက ရနေကျအတိုင်း မရတော့ဘူး။ ပုပ်လိုက်လာပြီး ပုံမှန်လုပ်ငန်းဆောင်တာကို မလုပ်နိုင်တော့ဘူး။ လေဖြတ်ပြီပေါ့။ အဲ့လို ပိတ်နေတာက တစ်ခါတလေ ကံကောင်းပြီး သွေးခဲသေးလို့ ဆေးကြောင့်ပျော်သွားတာဖြစ်ဖြစ်၊ နေရာရွေ့သွားတာပဲ ဖြစ်ဖြစ် ပြန်ပွင့်သွားတတ်တယ်။ ၂၄ နာရီအတွင်း ပြန်ပွင့်သွားပြီး စကားပြန်ပြောနိုင်၊ ခြေလက် ပြန်လှုပ်နိုင်တာမျိုး ရှိတတ်တယ်။ ဒါကို TIA ( Transient Intravascular Accident ) လို့ခေါ်တယ်။ မြန်မာ အယူဆို လေဖြန်းတယ်ပေါ့။ သူကလည်းပေါ့လို့မရဘူး။ သွေးခဲက နေရာရွေ့သွားတာဆိုပေမဲ့ ၇ ရက်အတွင်း သွေးကြောကျဉ်းတဲ့ တစ်နေရာရာမှာ သွားပြန်ပိတ်ပြီး လေထပ်ဖြတ်နိုင်တယ်။
ပိတ်သွားတဲ့ သွေးကြော အကြီးအသေး နဲ့ ပုပ်သွားတဲ့ နေရာအကြီးအသေး၊ အရေးပါမှု တို့ပေါ်မူတည်ပြီး မလှုပ်ရှားနိုင်ဖြစ်သွားမယ့် ခန္ဓာကိုယ် အစိတ်အပိုင်းနဲ့ စွမ်းဆောင်ရည်ထိခိုက်မှုအနည်းအများ အပြင် ပြန်ကောင်းနိုင်မကောင်းနိုင်စသဖြင့် ကွာခြားမှုတွေရှိလာတာပါပဲ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။