ကင်ဆာဆဲလ်တွေရဲ့ လက္ခဏာတစ်ခုက အပွားများတာပါ။ ခန္ဓာကိုယ်မှာ ရှိတဲ့ တခြားဆဲလ်တွေမှာလည်း ဒီလိုအပွားများတဲ့ ဆဲလ်တွေ ရှိပါတယ်။ ဥပမာ အရေပြားဆဲလ်တွေ၊ အူလမ်းကြောင်းက ဆဲလ်တွေ၊ ဆံပင်တွေပါ။ သူတို့ရဲ့ သဘာဝကိုက ပွားလိုက်၊ ပျက်လိုက် ဖြစ်နေရပါတယ်။
ကင်ဆာကုထုံးအတွက် ဆေးသွင်းတဲ့အခါ ဆေးတွေက ခန္ဓာကိုယ်က အပွားများတဲ့ ဆဲလ်တွေမှန်သမျှကို တိုက်ခိုက်ပါတယ်။ ဒါကြောင့် ကင်ဆာဆဲလ်တွေအပြင် ဆဲလ်အကောင်းတွေပါ ထိခိုက်ပြီး အရေပြားမှာ အနာတွေ ဖြစ်တာ၊ ဝမ်းလျှောတာ၊ ဆံပင်တွေ ကျွတ်တာ ဖြစ်တာပါ။ နောက်ပိုင်းမှာတော့ ဆေးပညာတွေ တိုးတက်လာတာကြောင့် ကင်ဆာဆဲလ်တွေကိုပဲ ပစ်မှတ်ထားတိုက်ခိုက်တဲ့ Targeted therapyဆိုတာတွေ ပေါ်လာတဲ့အတွက် ဘေးထွက်ဆိုးကျိုးတွေက ဒီလောက် မပြင်းထန်တော့ပါဘူး။
Takeaway
ကင်ဆာလူနာတစ်ယောက် ဆေးကုသဖို့ ဆုံးဖြတ်လိုက်တယ်ဆိုရင် ဆရာဝန်တွေအနေနဲ့ ဝမ်းသာရပါတယ်။ ဘာကြောင့်လဲဆိုတော့ အများစုက ကင်ဆာဆိုတာနဲ့ သေနိုင်တယ်၊ ကုမရဘူးဆိုပြီး အလွယ်တကူ လက်လျော့သွားကြလို့ပါ။ ဒီလိုမျိုး လက်လျော့ချင်ရတဲ့အထဲမှာ သတင်းမှား၊ အသိမှားတွေကြောင့် ကင်ဆာကို ကုဖို့ ပိုကြောက်သွားရင် လူနာအတွက် ပိုနစ်နာပါတယ်။ တချို့ဆို အလွယ်ကုလို့ရနိုင်တဲ့ ရောဂါနုတဲ့အဆင့်မှာပဲ ရှိသေးလို့ပါ။
ဒါကြောင့် ကင်ဆာရောဂါနဲ့ ပတ်သက်ပြီးတော့ပဲဖြစ်ဖြစ်၊ ကုထုံးတွေနဲ့ ပတ်သက်ပြီးတော့ပဲဖြစ်ဖြစ် သူများပြောတိုင်း မယုံဘဲ စိတ်ချရတဲ့နေရာတွေကနေ လေ့လာဖို့၊ တတ်ကျွမ်းသူတွေကို မေးမြန်းဖို့ လိုပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။