အိပ်ချိန်နဲ့ နီးနီးကပ်ကပ် အရက်သောက်တာက အိပ်စက်မှုကို ထိခိုက်စေပြီး ကောင်းကောင်းအိပ်ပျော်ဖို့ ခက်စေပါတယ်။ အကျိုးဆက်ကတော့ မနင်္ကအိပ်ရာနိုးချိန်မှာ ခေါင်းကိုက်တာပါပဲ။ အရက်ကို ၁ ခွက် ဒါမှမဟုတ် ၂ ခွက်သောက်တာက အိပ်ချင်သလို ဖြစ်စေပေမယ့် တစ်ညလုံး ကောင်းကောင်း အိပ်ပျော်စေဖို့တော့ ခက်ပါတယ်။ အရက်သောက်တာက အိပ်ရေးပျက်စေပြီး ခေါင်းကိုက်စေမှာပါ။
ခေါင်းတစ်ခြမ်းကိုက်တာကလည်း ညဘက်တွေမှာ အိပ်ရေးဝဝ အိပ်ပျော်စေဖို့ ခက်စေပြီး မနက်ခင်းမှာ ခေါင်းကိုက်ခြင်းနဲ့အတူ နိုးထစေနိုင်ပါတယ်။ ဒါကြောင့် ခေါင်းတစ်ခြမ်းကိုက်တတ်လားဆိုတာလည်း ကိုယ်တိုင် ဆန်းစစ်ကြည့်စေချင်ပါတယ်။
ကိုယ်တွင်းဇီဝနာရီက ဟန်ချက်ပျက်ပြီး ညဘက်တွေမှာ တစ်ရေးနိုးပြီး ပြန်အိပ်မပျော်တာ၊ အိပ်ပျော်ဖို့ ခက်တာ၊ တစ်ညလုံး တစ်ဆတ်ဆတ် နိုးနေတာတွေကလည်း မနက်ခင်း အိပ်ရာထချိန်မှာ ခေါင်းကိုက်ခြင်းကို ခံစားရစေနိုင်တဲ့ အကြောင်းအရင်းတွေပါပဲ။
စိတ်ကျန်းမာရေး ပြဿနာတွေဖြစ်ကြတဲ့ စိတ်ဓာတ်ကျတာ စိတ်ဖိစီးတာတွေကို ခံစားနေရမယ်ဆိုရင်လည်း မနက်ခင်းတိုင်း အိပ်ရာထချိန်မှာ စိတ်မကြည်သာမှုနဲ့အတူ ခေါင်းကိုက်တာကိုပါ ခံစားရစေနိုင်ပါတယ်။ ဒါကြောင့် ခေါင်းကိုက်ရင်း အိပ်ရာက နိုးထလာရပြီဆိုရင် ကိုယ်တိုင်မှာ စိတ်ဖိစီးတာ၊ စိတ်ဓာတ်ကျတာတွေ ခံစားနေရပြီလားဆိုတာ ဆန်းစစ်ကြည့်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။