သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

null

ခွဲစိတ်မှုမလိုဘဲမွေးလမ်းကြောင်းပြန်ပြင်ခြင်းအကြောင်း

    ခွဲစိတ်မှုမလိုဘဲမွေးလမ်းကြောင်းပြန်ပြင်ခြင်းအကြောင်း

    သင့်မွေးလမ်းကြောင်းပုံစံဘယ်လိုဖြစ်နေမလဲလို့ စိတ်ထဲထင့်နေတတ်ပါသလား။ မပူပါနဲ့၊ သင်တစ်ယောက်ထဲမဟုတ်ပါဘူး။ အမျိုးသမီးတော်တော်များများဟာ – အထူးသဖြင့် ကလေးမွေးပြီးတဲ့အခါ၊ သွေးဆုံးပြီးတဲ့အခါ – မိမိတို့မွေးလမ်းကြောင်းပုံစံဘယ်လိုဖြစ်နေမလဲ စိတ်ပူတတ်ကြပါတယ်။

    ကံကောင်းစွာနဲ့ပဲ မွေးလမ်းကြောင်းပြင်ခြင်းနည်းကအမျိုးသမီးတွေ လိုအပ်ချက်ကိုဖြည့်ဆည်းပေးနိုင်ပါလိမ့်မယ်။

    မွေးလမ်းကြောင်းပြင်ခြင်းဆိုတာဘာလဲ

    ရေဒီယိုလှိုင်းသို့မဟုတ် ပြင်းအားနည်း လေဆာအလင်းတန်းကိုသုံးကာ အမျိုးသမီးအင်္ဂါရဲ့ ငယ်ရွယ်မှုကိုပြန်လည်ဆောင်ကြဉ်းပေးခြင်းဖြစ်တယ်။ အန္တရာယ်နည်းပြီး အလွန်ကိုအာနိသင်ရှိသော နည်းဖြစ်ပါတယ်။ ဦးတည်ချက်နှစ်ခုရှိပြီး – မွေးလမ်းကြောင်းကျဉ်းပေးတာနဲ့ မိန်းမအင်္ဂါအရောင်ဖျော့ပေးတာ တို့ဖြစ်တယ်။

    အမျိုးသမီးတွေအသက်ကြီးလာတာနဲ့အမျှ ကော်လဂျင်တွေနည်းလာပြီး မွေးလမ်းကြောင်းဆန့်ကျုံ့သတ္တိလျော့လာပါတော့တယ်။ ကလေးမွေးခြင်းနဲ့ သိသိသာသာအလေးချိန်ကျဆင်းသွားခြင်းတို့ဟာလည်း မွေးလမ်းကြောင်းကျယ်သွားစေပြီး ကာမဘဝကို ကျေနပ်နှစ်သက်စရာမကောင်းအောင် ဖြစ်သွားစေတတ်ပါတယ်။

    ထိုပြဿနာတွေအတွက် မွေးလမ်းကြောင်းပြင်သည့်နည်းကိုသုံးနိုင်ပါတယ်။ မွေးလမ်းကြောင်းပြင်ခြင်းဟာအောက်ပါပြဿနာတွေကို ဖြေရှင်းနိုင်ပါလိမ့်မယ်-

    • အသက်ကြီးခြင်း၊ ကလေးမွေးခြင်းတို့ကြောင့် မွေးလမ်းကြောင်းကျယ်သွားခြင်း
    • စက်ဘီးစီးခြင်း၊ မြင်းစီးခြင်းတို့ကြောင့် နာကျင်ရောင်ရမ်းခြင်း
    • လိင်လမ်းကြောင်းခွဲစိတ်မှုတစ်ခုခုကြောင့် အမာရွတ်ကျန်နေခြင်း
    • ဆီးမထိန်းနိုင်ခြင်းနှင့် နည်းမှန်မှန်နဲ့ မိန်းမကိုယ်ခွဲစိတ်ပြုပြင်လိုသူများအတွက်

    ဘယ်လိုအလုပ်လုပ်သလဲ

    မိန်းမကိုယ်ပြင်ခြင်းဆိုတာ အိုမင်းခြင်းကိုဆန့်ကျင်ပြီး ဆဲလ်များကြီးထွားဖြစ်ပေါ်ခြင်းကိုအားပေးပါတယ်။ နည်းအများစုက လိုအပ်တဲ့ဧရိယာမှာ ရေဒီယိုလှိုင်းသုံးပြီးပြုပြင်ကြပါတယ်။ ထိုကြိမ်နှုန်းလှိုင်းတွေက မွေးလမ်းကြောင်းအပူချိန်ကိုမြှင့်ပြီး ကော်လဂျင်ထွက်နှုန်းတက်စေပါတယ်။ လအနည်းငယ်ကြာနိုင်ပြီး တစ်ချိန်လျှင် ၁၀ မိနစ် ၁၅ မိနစ်ကြာနိုင်ပါတယ်။

    ယနေ့ခေတ်အခါနာမည်ကြီးတာကတော့ Femilft နှင့် ThermiVa တို့ဖြစ်ပြီး နာကျင်မှုကင်းကာ မေ့ဆေး၊ ထုံဆေးမလိုဘဲ အပူနှင့်နှိပ်ပေးသလိုခံစားချက်မျိုးလောက်သာဖြစ်ပါတယ်။

    Femilft – ခွဲစိတ်စရာမလို၊ အန္တရာယ်မများဘဲ ထုံဆေး၊ မေ့ဆေးမသုံးတဲ့ မွေးလမ်းကြောင်းတစ်သျှူးများကို ပြန်လည်ပြုပြင်ပေးသောနည်းဖြစ်တယ်။ ၁၅ မိနစ်သာကြာပြီး ထမင်းစားနားချိန်မှာတောင် လုပ်လို့ရသောနည်းဖြစ်ပါတယ်။ နာကျင်မှုမရှိဘဲ ပြီးလျှင်လည်းစောင့်ဆိုင်းစရာလိုသော နည်းဖြစ်တယ်။

    ThermiVa– မိန်းမကိုယ် သို့ မွေးလမ်းကြောင်းနံရံကို thermi technology ဖြင့် အိုမင်းခြင်းကိုဆန့်ကျင်ကာ ဆဲလ်ပွားမှုလှုံဆော်ပေးသောနည်းဖြစ်တယ်။ ရေဒီယိုလှိုင်းများကို လိုအပ်သော ဧရိယာသို့ပို့ဆောင်ကာ တစ်သျူးကိုအပူပေးပြီး ကော်လဂျင်ထုတ်အောင်လှုံ့ဆောင်ပေးခြင်းဖြစ်တယ်။ အပူချိန်ကတော့ ၄၂-၄၅ ဒီဂရီဆဲလ်ဆီးယပ်စ်လောက်ဖြစ်တယ်။

    ကောင်းကျိုးဆိုးပြစ်များ

    ဖော်ပြခဲ့ပြီးတဲ့အတိုင်း မွေးလမ်းကြောင်းပြုပြင်ခြင်းဟာ သင်ငယ်ရွယ်စဉ်ကလို၊ ကလေးမမွေးမီကလို မွေးလမ်းကြောင်းကိုနုပျိုမှု၊ တင်းကြပ်မှုပြန်ပေးနိုင်ပါတယ်။ ပိုမိုလှပစေပြီး ရေကူးဝတ်စုံဝတ်စဉ်၊ ကာမပျော်မွေ့စဉ်တွေမှာ သင့်ကိုယုံကြည်မှုရှိစေပါလိမ့်မယ်။ ပိုအတိအကျပြောရမယ်ဆိုရင်-

    • မိန်းမကိုယ်ပုံပန်းသွင်ပြင်ကို တိုးတက်ကောင်းမွန်စေတယ်
    • မွေးလမ်းကြောင်းခြောက်သွေ့ခြင်း၊ သိမ်ခြင်းကို လျှော့ချပေးတယ်
    • ဆီးစိမ့်ခြင်းကိုလျှော့ချပေးတယ်
    • မွးလမ်းကြောင်းကြွက်သားများ အလုပ်ပိုလုပ်စေတယ်
    • ကာမဆက်ဆံခြင်းကိုသာယာမှုရစေတယ်
    • မွေးလမ်းကြောင်းထိတွေ့သိရှိမှုအာရုံကို ပိုကောင်းစေတယ်
    • အဝတ်အစားကြပ်ကြပ်များမှာ သက်တောင့်သက်သာရှိစေပြီး
    • ရေကူးဝတ်စုံများနှင့်လည်း ယုံကြည်မှုရှိစေပါတယ်။

    ဒါပေမယ့် အန္တရာယ်အနည်းငယ်လည်းရှိနိုင်ပါတယ။် မွေးလမ်းကြောင်းဟာ တခြားသောအင်္ဂါများနှင့်နီးကပ်နေတာကြောင့် ဆီးအိတ်ထိခိုက်၊ သွေးယို၊ ပိုးဝင်သွားစေနိုင်ပါတယ်။ မွေးလမ်းကြောင်းပြင်ပြီးတဲ့အခါ သင်ရော သင့်ပါတနာပါ အဆင်ပြေသာယာနိုင်မယ့် အနေအထားပုံစံကိုလည်း စမ်းသပ်ရှာဖွေကြည့်ဖို့ လိုအပ်ပါဦးမယ်။

    မွေးလမ်းကြောင်းပြင်ခြင်းဟာ သင့်ကိုကာမဘဝမှာ သာယာမှု၊ ယုံကြည်မှုတွေပြန်ရစေပါတယ်။ ဒါပေမယ့် အန္တရာယ်လုံးဝမရှိတာလည်းမဟုတ်တာကြောင့် မရွေးချယ်မီ ဆရာဝန်နဲ့သေချာဆွေးနွေးတိုင်ပင်ဖို့တော့ လိုပါလိမ့်မယ်။

    Hello Health Group မှ အခြားသောဆေးဘက်ဆိုင်ရာအကြံဉာဏ်များ၊ ရောဂါရှာဖွေမှုများ၊ ကုသမှုများမပေးပါ။

    သားဥကြွေခြင်းကို တွက်ချက်ခြင်း

    သားဥကြွေခြင်းကို တွက်ချက်ခြင်း

    ရာသီစက်ဝန်းကို လေ့လာနိုင်ပါသည်။ မျိုးအောင်နိုင်မယ့်ရက်ကို တွက်ချက်ပြီး ကလေးယူဖို့ ဒါမှမဟုတ် တားဆေးသုံးဖို့ ဆုံးဖြတ်နိုင်ပါသည်။

    သားဥကြွေခြင်းကို တွက်ချက်ခြင်း

    ရာသီစက်ဝန်းကို လေ့လာနိုင်ပါသည်။ မျိုးအောင်နိုင်မယ့်ရက်ကို တွက်ချက်ပြီး ကလေးယူဖို့ ဒါမှမဟုတ် တားဆေးသုံးဖို့ ဆုံးဖြတ်နိုင်ပါသည်။

    သားဥကြွေခြင်းကို တွက်ချက်ခြင်း

    ရာသီစက်ဝန်း ရက်အရေအတွက်

    (days) ရက်

    28

    ရာသီရက်စုစုပေါင်း

    (days) ရက်

    7

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    Non-Surgical Vaginal Tightening. https://www.davidghozland.com/cosmetic-procedures/vaginoplasty/non-surgical-vaginal-tightening/. Accessed June 25, 2016.
    Vaginal Rejuvenation. http://www.smartbeautyguide.com/procedures/body/vaginal-rejuvenation. Accessed June 25, 2016.
    The 101 on Non-Surgical Vaginal Rejuvenation. http://www.drhonrado.com/the-101-on-non-surgical-vaginal-rejuvenation/. Accessed June 25, 2016.

    စာရေးသူ ဓာတ်ပုံbadge
    Dr.Aye Myat Myat Noe မှ ရေးသားသည်။ 28/01/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။