ဗြိတိန်နိုင်ငံမှာ ၂၀၁၃ခုနှစ်က ပြုလုပ်ခဲ့တဲ့ သုတေသန စစ်တမ်းတခုအရ နှလုံးရုတ်တရက် ထိခိုက်ခြင်း ဒါမှမဟုတ် လေဖြတ်ခြင်း ဝေဒနာမခံစားရမီ ၃ – ၅ နှစ်အတွင်းမှာ ပန်းသေပန်းညှိုး ဖြစ်လာတတ်တယ်လို့ သိရပါတယ်။
ဘာလို့လဲဆိုတော့ သင့်လိင်တံဆီသွားတဲ့ သွေးကြောတွေမှာ နှလုံးသွေးကြောတွေထက် ၂ – ၄ ဆလောက်ထိ ပိုသေးငယ်တာမို့ သွေးကြောကျဉ်း၊သွေးကြောပိတ်တဲ့ ပြဿနာကို ဦးစွာခံစားရတာ ဖြစ်ပါတယ်။ နောက်ပိုင်းမှာ နှလုံးဆီသွားတဲ့ သွေးကြောအကြီးတွေပါ ပြဿနာတက်လာပြီး လေဖြတ်တာ၊ရုတ်တရက် နှလုံးရပ်တာမျိုး ဖြစ်ပေါ်လာပါတယ်။
‘ကြာဆေး’ကို သုံးစွဲကြသူ အမျိုးကောင်းသားတွေဟာ အမှန်တကယ် စိတ်သွားတိုင်း ကိုယ်မပါဖြစ်တာကြောင့် သုံးစွဲကြသူတွေရှိသလို ပို’ကဲ’ချင်လို့ သုံးစွဲကြသူတွေလည်း ဒုနဲ့ဒေးပါ။
အထက်မှာ ဖော်ပြခဲ့တဲ့အတိုင်း ဒီဆေးတွေရဲ့ ဘေးထွက်ဆိုးကျိုးတွေဟာ အခန့်မသင့်ရင် အသက်ပါ ပါသွားနိုင်တဲ့အပြင် ပန်းသေပန်းညှိုးခြင်းဟာလည်း နှလုံးပြဿနာတခုခုကို ကြိုတင်ညွှန်းဆိုနေတဲ့ နိမိတ်ပြလက္ခဏာတခု ဖြစ်နေနိုင်တာမို့ ဒီဆေးတွေကို သုံးစွဲကြတော့မယ်ဆိုရင် ဆရာဝန်နဲ့ တိုင်ပင်ပြီးမှ သုံးစွဲတာ အကောင်းဆုံး ဖြစ်ပါကြောင်း မျှဝေလိုက်ရပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။