လည်ချောင်းနာခြင်း ။ ။ ကလေးဟာ ပဋိဇီဝဆေးတွေ သောက်ဖို့ လိုနေသလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

လည်ချောင်းနာတယ်ဆိုတာ ဘာလဲ။

လည်ချောင်းနာခြင်းဟာ နှိုင်းစရာမရှိအောင် နာကျင်ပြီး အနှောက်အယှက်အတော်ပေးနိုင်တဲ့အရာပါ။ လည်ချောင်းနာခြင်းအများစုဟာ ဗိုင်းရပ်စ်ကြောင့်ဖြစ်ရပါတယ်။ ဘက်တီးရီးယားပိုးဝင်ခြင်းကလည်း လည်ချောင်းနာခြင်းကို ဖြစ်စေနိုင်ပါတယ်။

တကယ်လို့များ သင့်ကလေးဟာ ပြင်းထန်တဲ့လည်ချောင်းနာခြင်းကို ရုတ်တရက်ခံစားလာရပြီး ချောင်းဆိုးခြင်း၊ နှာချေခြင်းနဲ့ အခြားသော အအေးမိတဲ့လက္ခဏာတွေလည်း မတွေ့ရခဲ့ရင်တော့ strepthroat ဖြစ်နိုင်ချေများပါတယ်။ Strep Throat ဆိုတာကတော့ လည်ချောင်းနဲ့ အာသီးမှာ ဘက်တီးရီးယားပိုးဝင်တာပါ။

လူကြီးတွေမှာဖြစ်တတ်တဲ့ လည်ချောင်းနာတဲ့ ပြဿနာ ၁၀ခုမှ ၁ခုက Strep Throat ပါ။ လည်ချောင်းနာခြင်းဟာ အများအားဖြင့်တော့ သူ့အလိုလိုပျောက်သွားတတ်ပါတယ်။ ရက်အနည်းငယ်လောက် ဒါမှမဟုတ် တစ်ပတ်ကျော်လောက်ကြာတတ်ပါတယ်။ အချို့သော ကိစ္စတွေမှာ (ဥပမာ Strep Throatလို )တော့ သင့်ကလေးအတွက် ပဋိဇီဝဆေးလိုမလို စမ်းသပ်မှုတစ်ခု လုပ်ရပါတယ်။

လည်ချောင်းနာခြင်းအတွက် အခြားအဖြစ်များတဲ့ အကြောင်းရင်းတွေမှာတော့ ဓါတ်မတည့်ခြင်းတွေ ဓါတုပစ္စည်းတွေပါဝင်တဲ့ လေထုညစ်ညမ်းမှုတွေ၊ မီးခိုးတွေ ဒါမှမဟုတ် နှစ်ဆင့်ခံဆေးလိပ်ငွေ့တွေနဲ့ ထိတွေ့မိခြင်းတွေဖြစ်နိုင်ပါတယ်။

ဖြစ်နိုင်ချေရှိသော အချက်များ

လည်ချောင်းနာနိုင်ချေများတဲ့ အချက်တွေအများကြီးရှိပါတယ်။ ဥပမာ

အသက်အရွယ် (အသက် ၅နှစ်ကနေ ၁၅နှစ်ကြားကလေးတွေဟာ လည်ချောင်းနာနိုင်ချေ အများဆုံးပါပဲ)

လေထုညစ်ညမ်းခြင်း သို့မဟုတ် ဆေးလိပ်ငွေ့နဲ့ ထိတွေ့ခြင်း

ရာသီဥတု (လေအေးဟာ လည်ချောင်းကို ဒဏ်ဖြစ်စေပါတယ် )

ရာသီ (ဆောင်းတွင်းနဲ့ နွေဦးအစောပိုင်းကာလတွေဟာ လည်ချောင်းနာခြင်းအဖြစ်အများဆုံးရာသီတွေပါ။ )

လည်ချောင်းနာနေသူတွေနဲ့ ထိတွေ့မိခြင်း

ခုခံအားနည်းနေခြင်း သို့မဟုတ် ခုခံအားစနစ်ကို အားနည်းစေတဲ့ ဆေးဝါးမှီဝှဲရခြင်း

လက္ခဏာများ

လည်ချောင်းနာခြင်းဟာ တစ်ခုခုမြိုချရာမှာတောင် နာကျင်စေပါတယ်။ လည်ချောင်းထဲမှာ ခြောက်သွေ့ပြီး အက်ကွဲနေသလို ခံစားရစေပါတယ်။ အောက်ပါလက္ခဏာတွေဟာ ဗိုင်းရပ်စ်ကြောင့်ဖြစ်တဲ့ လည်ချောင်းနာခြင်း သို့မဟုတ် ဓါတ်မတည့်မှုကြောင့်ဖြစ်ရတဲ့ လည်ချောင်းနာခြင်းနဲ့ ဆက်စပ်နေတဲ့ လက္ခဏာတွေပါ။

နှာစေးခြင်း၊ နှာချေခြင်း၊ ချောင်းဆိုးခြင်း၊ အဖျားအနည်းငယ်ရှိခြင်း (၃၈̊C ထက်နည်းသော)၊ မျက်ဝတ်ထွက်ခြင်း၊ အပျော့စားခေါင်းကိုက်ခြင်း သို့မဟုတ် ကိုယ်လက်နာကျင်ကိုက်ခဲခြင်း စတာတွေပါဝင်ပါတယ်။

Strep Throat နဲ့ဆက်စပ်နေတဲ့ လက္ခဏာတွေကတော့ ပါးကြိတ်ယောင်ခြင်း၊ အာခေါင်ပျော့ သို့မဟုတ် အာခေါင်မာမှာ သေးငယ်တဲ့ အနီစက်တွေပေါ်လာခြင်း၊ အပိန့်ထခြင်း၊ အော့အန်ခြင်း၊ အဖျားကြီးခြင်း (38̊C နဲ့အထက် ) ပျို့ခြင်း၊ ပြင်းပြင်းထန်ထန်ခေါင်းကိုက်ခြင်း သို့မဟုတ် ကိုယ်လက်နာကျင်ကိုက်ခဲခြင်း၊ လည်ချောင်းတွင်းမှ Lymph Nodes များ ရောင်ရမ်းခြင်း စတာတွေပါဝင်ပါတယ်။

ကုသခြင်း

တကယ်လို့များ သင်နဲ့သင့်ကလေးမှာ ဖြစ်နေတဲ့ လည်ချောင်းနာခြင်းက ဗိုင်းရပ်စ်ကြောင့်ဖြစ်ရတယ်ဆိုရင် ပဋိဇီဝဆေးဝါးတွေ လုံးဝလိုအပ်မှာမဟုတ်ပါဘူး။ ဒီလို လည်ချောင်းနာခြင်းတွေဟာ ၄ရက် ကနေ ၅ရက်အတွင်းမှာ သူ့အလိုလိုပျောက်ကင်းသွားမှာပါ။ တကယ်လို့သင့်မှာက Strep Throat ရှိနေတယ်ဆိုရင်တော့ ပင်နယ်စလင်ဆို ပဋိဇီဝဆေးတွေကို ဆရာဝန်က ညွှန်းကောင်းညွှန်းပါလိမ့်မယ်။

ဒါပေမဲ့ Strep Throat ဟာလည်း ဆေးသောက်သည်ဖြစ်စေ၊ မသောက်သည်ဖြစ်စေ ၃ရက်ကနေ ၇ရက်အတွင်းမှာ အလိုလိုပျောက်ကင်းသွားမှာပါ။ ပဋိဇီဝဆေးတွေဟာ မြန်မြန်ပိုကောင်းလာစေမှာလည်းမဟုတ်ပါဘူး။ ဒါပေမဲ့ တခြားသူတွေဆီ ပြန့်ပွားနိုင်မယ့် အချိန်ကာလကိုတော့ တိုတောင်းအောင်လုပ်ပေးနိုင်ပါတယ်။

ပဋိဇီဝဆေးတွေဟာ ဘက်တီးရီးယားပိုးတွေကသင့်ခန္ဓါကိုယ်ရဲ့ အခြားသောအစိတ်အပိုင်းတွေ ဥပမာ နားနဲ့ နှာခေါင်းတွေထဲ ပြန့်ပွားသွားခြင်းကို လျှော့ချပေးနိုင်ပါတ်ယ။ ဒါပေမဲ့ ပဋိဇီဝဆေးတွေမှာ ဝမ်းပျက်ခြင်း၊ အော့အန်ခြင်း၊ အပိန့်ထခြင်းတို့လို ဘေးထွက်ဆိုးကျိုးတွေ ရှိနိုင်ပါတယ်။

ဘေးထွက်ဆိုးကျိုးတွေကို ခဏထားပါဦး။ ပဋိဇီဝဆေးတွေ မသောက်ခင်မှာ ဒါတွေကို အရင်စဉ်းစားကြည့်ပါ။
-လည်ပင်းနာတာက Sterp throatကြောင့် ဟုတ်မဟုတ်၊ ပဋိဇီဝဆေးလိုမလို ဆရာဝန်ကသာ ဆုံးဖြတ်ပေးနိုင်မှာပါ။ ကိုယ့်သဘောနဲ့ကိုယ် ကလေးကို ပဋိဇီဝဆေးတိုက်တာမျိုး မလုပ်ပါနဲ့။

-ပဋိဇီဝဆေးတွေကို မလိုအပ်ဘဲ သောက်သုံးမိရင်တော့ တကယ်တမ်းလိုအပ်လာတဲ့အချိန်မှာ ဆေးတိုးတော့မှာမဟုတ်ပါဘူး။ ပဋိဇီဝဆေး တစ်ခါသောက်လိုက်တိုင်းမှာ ဆေးကြောင့်မသေနိုင်တဲ့ ဘက်တီးရီးယားတွေ တစ်ခါတစ်ခါတိုးလာတာပါပဲ။ ဖြည်းဖြည်းခြင်းနဲ့ ဒီဘက်တီးရီးယားတွေဟာ သုတ်သင်ရခက်ခဲလာပြီး ပိုပြီးပြင်းထန်တဲ့ ကူးစက်မှုတွေဖြစ်စေနိုင်ပါတယ်။ ဒီဘက်တီးရီးယားတွေကို ရှင်းပစ်ဖို့ အခြား ပိုပြင်းထန်ပြီး မူလသောက်နေတာနဲ့ မတူတဲ့၊ ပိုပြီး အကုန်အကျများတဲ့ ပဋိဇီဝဆေးတွေကို သောက်ရနိုင်ပါတယ်။

တကယ်လို့ကလေးက ၃လလထက်ငယ်ပြီး အဖျားရှိနေမယ်ဆိုရင်တော့ ကျန်းမာရေးဆိုင်ရာ ကျွမ်းကျင်သူတွေနဲ့ ချက်ချင်းသွားပြပါ။

Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

မွေးကင်းစကလေးတွေမှာ အတွေ့များတဲ့ ကျန်းမာရေးပြဿနာတွေ

မွေးကင်းစ ကလေး ကျန်းမာရေး မိဘ မိခင် အသက်ရှူ မွေးလမ်းကြောင်း ဦးရေပြား အသားဝါ သွေးအားနည်း လေထိုးလေအောင့် နို့အန် မိခင်နို့ အဖျားတက် အအေးမိတုပ်ကွေး သေးခံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

ကလေးငယ်တွေကို ခေါင်းအုံးနဲ့ ပေးအိပ်လို့ရလား

ကလေး ခေါင်းအုံး ကုတင် ပုခက် စောင် အသက် ရုတ်တရက်သေဆုံးခြင်း ကလေးအိပ်ကုတင် အရေပြား ချည်သား ခေါင်းအုံးအသား မျက်နှာ အသက်ရှူကျပ် ဓာတ်မတည့် မေမေ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

ကလေးရှိတဲ့နေအိမ်မှာ အလုပ်လုပ်ရတာ မဖြစ်နိုင်တဲ့ကိစ္စတစ်ခုလား

ကလေး နေအိမ် အလုပ် လုပ်ငန်းခွင် စိတ်ဖိစီးမှု အလုပ်လုပ်ချင်စိတ် မိသားစု အလုပ်ချိန် ရုပ်ရှင် အနားယူ အလင်းရောင် အိပ်ခန်း ဆော့ကစား အိမ်အလုပ် ဝန်ထမ်း Covid-19

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

အသုံးမတတ်ရင် ကိုယ့်ကို ပြန်ပြီး ဘေးဖြစ်စေမယ့် Face Shield

Mask Covid-19 Face Shield ကလေး ရောဂါပိုး ဆပ်ပြာ အသက်ရှူလမ်းကြောင်း လက်ဆေး ရေမလိုလက်သန့်စင်ဆေးရည် ကိုရိုနာဗိုင်းရပ်စ် ပလတ်စတစ် ကပ်ဘေးကာလ ဘိုးဘွား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

ကြားဖူးနေတဲ့ lcFos က ကလေးတွေအတွက် ဘယ်လို အကျိုးပြုသလဲ........

ကြားဖူးနေတဲ့ lcFos က ကလေးတွေအတွက် ဘယ်လို အကျိုးပြုသလဲ……..

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 15, 2020 . 2 mins read
ကလေးထိန်းရမယ့် တာဝန်က အကြီးဆုံးကလေးမှာ မရှိနေပါဘူး။

ကလေးထိန်းရမယ့် တာဝန်က အကြီးဆုံးကလေးမှာ မရှိနေပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 1, 2020 . 2 mins read

ဓာတ်မတည့်စာအကြောင်း သိထားသင့်သမျှ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 30, 2020 . 3 mins read
ဘေဘီလေးနဲ့ နေကြာစေ့

ဘေဘီလေးနဲ့ နေကြာစေ့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 30, 2020 . 2 mins read