ကလေးတွေကို ရိုက်ပြီးဆုံးမမှဖြစ်မှာလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

ကလေးတွေကို ရိုက်ပြီးဆုံးမမှဖြစ်မှာလား

သားသမီးကို ဆုံးမတာလည်း ဆုံးမတာပေါ့လေ။ ဒါပေမယ့် ရိုက်မောင်းပုတ်မောင်းနဲ့ ဆုံးမတာမျိုးကတော့ ဘယ်လိုမှ မဖြစ်သင့်တဲ့ ဆုံးမမှုမျိုးပါ။ သားသမီးတွေကို ရိုက်နှက်ဆုံးမခြင်းအားဖြင့် ကလေးတွေဟာ-

  • လူကြောက်တတ်၊လူရှိန်တတ်လာမယ်၊အပေါင်းအသင်းမဆန့်တော့ဘူး။ လူစိမ်းတွေကို ကြောက်တတ်လာမယ်။
  • ရန်လိုဒေါသထွက်တတ်လာမယ်။
  • ထိခိုက်အနာတရဖြစ်မယ်။
  • စိတ်ဒါဏ်ရာတွေ ရသွားမယ် အစရှိတဲ့ ပြဿနာတွေနဲ့ ကြုံတွေ့လာရနိုင်ပါတယ်။

ဒါကြောင့် ရိုက်နှက်ဆုံးမရတဲ့ အခြေမဆိုက်ရအောင် ဘာတွေ လုပ်နိုင်မလဲဆိုတာကို ကြည့်ကြရအောင်။

၁။ ပတ်ဝန်းကျင် အနေအထားကို ပြောင်းပေးပါ။

မီးဖိုချောင်ထဲ၊ကြောင်အိမ်ထဲကို သင့်ကလေးက မွှေနှောက်သောင်းကျန်းနေတယ်ဆိုရင် ကြောင်အိမ်ကို သော့ခတ်ထားပါ။ မီးဖိုချောင်နဲ့ ကလေးကို ဝေးဝေးထားပါ။ အရုပ်တရုပ်ကို ကလေးက ဖျက်လို့ဖျက်ဆီးလုပ်နေတယ်ဆိုရင် အဲ့ဒီအရုပ်ကို ဘေးဖယ်ပစ်လိုက်ပါ။ ဒီလိုမျိုး ပတ်ဝန်းကျင်အနေအထားကို ကြိမ်ဖန်များစွာ ပြောင်းပေးခြင်းအားဖြင့် သင်ဘာမကြိုက်တတ်ဘူး၊ဘာကိုတော့ဖြင့် မလုပ်ရဘူးဆိုတာကို ကလေးအနေနဲ့ သဘောပေါက်လာပါလိမ့်မယ်။

၂။ ကြိုတင်ပြင်ဆင်ပါ၊ ကြိုတင်ပြင်ဆင်ပါ၊ ကြိုတင်ပြင်ဆင်ပါ။

ကလေးတွေနဲ့ အပြင်သွားတဲ့အခါ၊ခရီးသွားတဲ့အခါ လမ်းမှာ အငြိမ်မနေလို့၊ဂျီတိုက်နေလို့ ရိုက်ရပုတ်ရလုပ်ရတာမျိုးတွေ ရှိနေပါသလား။ ကိုယ့်ဖက်က ပြင်ဆင်သွားပါ။ ကလေးကြိုက်တတ်တဲ့ အရုပ်လေးတွေ၊မုန့်လေးတွေကို တခါတည်း ကြိုကြိုတင်တင် ဆောင်သွားပါ။ အိပ်ချင်လို့ ဂျစ်တိုက်ဂျီကျတတ်တဲ့ကလေးဆိုရင် မသွားခင် အိမ်မှာကတည်းက တရေးတမော သိပ်ထားပါ။ ဒါဆိုရင် သင်ရောကလေးပါ အဆင်ပြေပါလိမ့်မယ်။

၃။ စည်းမျဉ်းစည်းကမ်းတွေကို သတ်သတ်မှတ်မှတ် ချပေးပါ။

ဘယ်နေရာမှာမဆို စည်းမျဉ်းစည်းကမ်းတွေဟာ အသက်ပါပဲ။ အချိုတွေခိုးစားလို့ ရိုက်မှာထက်စာရင် ဘယ်အချိန်မှာ ဘယ်လောက်ပမာဏစားရမယ်ဆိုတာကို သတ်မှတ်ပေးပါ၊စာမကျက်ဘဲ ကာတွန်းကားခိုးကြည့်လို့ ရိုက်မယ့်အစား တနေ့တာအတွက် ကာတွန်းကားကြည့်ချိန်၊သူလေးအပန်းဖြေချိန်ကို သတ်မှတ်ပေးထားပါ စသဖြင့်ပေါ့။ ဒါပေမယ့် စည်းမျဉ်းစည်းကမ်းတွေ သတ်မှတ်တဲ့နေရာမှာ တသမတ်တည်းဖြစ်ဖို့တော့ လိုပါလိမ့်မယ်။ ဒီနေ့ စာကျက်ရမယ့်အချိန်ကို စာမကျက်လို့ သင်အပြစ်ပေးလိုက်ပေမယ့် နောက်နေ့ဒီအချိန်မှာပဲ စာမကျက်တာကို သင်စိတ်ကြည်နေချိန်မို့ အပြစ်မပေးဘူး ဆိုတာမျိုးလည်း မဖြစ်သင့်ပါဘူး။ တသမတ်တည်း ဖြစ်ပါစေ။ ဒါဆိုရင် စည်းမျဉ်းစည်းကမ်းတွေနဲ့ အသားကျသွားတဲ့ သင့်ကလေးဟာ မကောင်းတဲ့အပြုအမူတွေ လုပ်နိုင်ချေနည်းသွားလို့ သင်လည်း ရိုက်ဖို့မလိုတော့ပါဘူး။

၄။ ဆုပေးဒါဏ်ပေးစနစ်ကို ကျင့်သုံးပါ။

စည်းကမ်းတွေ ချမှတ်ပြီးတဲ့အခါ အရေးကြီးတဲ့နောက်တချက်က ဆုပေးဒါဏ်ပေးစနစ် ကျင့်သုံးဖို့ပါပဲ။ သင့်ရဲ့ စည်းကမ်းတွေအတိုင်း လိုက်နာတဲ့အခါ ချီးကျူးစကားပြောတာက အစပြုလို့ ကစားကွင်းလိုက်ပို့တာ၊အရုပ်၊မုန့်ဝယ်ပေးတာ စသဖြင့် ဆုချနိုင်ပါတယ်။ စည်းကမ်းဖောက်ဖျက်လို့ အပြစ်ပေးရပြီဆိုရင်လည်း ရိုက်နှက်ဆုံးမတာမျိုး မလုပ်ဘဲ တီဗွီကြည့်ခွင့်ပိတ်တာ၊ဖုန်းပေးမဆော့တာ၊အပြင်ထွက်ဆော့ခွင့်မပြုတာ အစရှိတာလေးတွေနဲ့ ဒါဏ်ပေးနိုင်ပါတယ်။ အဓိက အချက်က ရိုက်နှက်ဆုံးမစရာမလိုဘဲ သားသမီးတွေကို အထာကျကျ ဆုံးမပဲ့ပြင်နိုင်ဖို့ပါ။ ဒါဆိုရင် သူတို့စိတ်ထဲမှာလည်း မဟုတ်တာတခုခုလုပ်မယ်ဆိုရင် ပြန်ပြီးတန်ဖိုးတခုခု ပေးရတော့မယ်ဆိုတာကို နားလည်သွားပါလိမ့်မယ်။ ဒါဟာ ရိုက်ပြီးဆုံးမတာထက် အများကြီး ပိုပြီး အဖိုးတန်ပါတယ်။

၅။ မသိချင်ယောင်ဆောင်နေပါ။

ကလေးတွေက အာရုံစိုက်ခံချင်တဲ့အတွက် အာပြဲကြီးနဲ့ငိုတာ၊ဂျီကျတာမျိုး လုပ်တတ်ကြပါတယ်။ ဒီလိုအချိန်မျိုးမှာ ဒေါသတကြီးနဲ့ ရိုက်မောင်းပုတ်မောင်းလုပ်တာမျိုးထက် မသိချင်ယောင်သာ ဆောင်နေလိုက်ပါ။ ကြာလာရင် ဒီလို လုပ်လို့မရဘူးဆိုတာ သူတို့လေးတွေ အလိုလို သိလာပါလိမ့်မယ်။ သင်လည်း ရိုက်စရာ မလိုတော့ဘူးပေါ့။

၆။ သင့်စိတ်ကို ထိန်းပါ။

ကလေးနဲ့ ပတ်သက်လို့ အရမ်းဒေါသထွက်လာပြီဆိုရင် တခြားတယောက်ဆီ လက်လွှဲပေးလိုက်ပါ။ သင့် အိမ်ထောင်ဖက်ကို ခေါ်လိုက်တာမျိုး၊အဖိုးအဖွားနဲ့ ခဏထားခဲ့တာမျိုး လုပ်ပါ။ သင်ကိုယ်တိုင်ကတော့ အေးအေးဆေးဆေး ရေစိမ်ချိုးတာ၊ဒါမှမဟုတ် စိတ်ပေါ့ပါးသွားအောင် ရှုခင်းကြည့်တာ ဒါမျိုးတွေကို လုပ်နိုင်ပါတယ်။ ဒါဆိုရင် ကလေးကို ရိုက်မိမှာ မဟုတ်တော့ပါဘူး။

၇။ နွေးနွေးထွေးထွေး ပွေ့ဖက်ပါ။

ကလေးတွေဟာ ကလေးတွေပါပဲ။ ကြီးကြီးမားမား အပြစ်လုပ်မိတာမျိုးမဟုတ်ရင် ရိုက်နှက်ဆုံးမမယ့်အစား ပွေ့ဖက်ပြီး လေအေးလေးနဲ့ နူးနူးညံ့ညံ့ဆုံးမတာမျိုးက အများကြီးပိုပြီး တာသွားပါတယ်။ သင့်ရဲ့ ချစ်ခြင်းမေတ္တာကိုလည်း ပြပြီးသား ဖြစ်သွားတာပေါ့။

အိုးကောင်း နာနာရိုက်ရမယ်ဆိုတဲ့ ဆိုရိုးစကားရှိပေမယ့် ကိုယ့်ရဲ့ ကလေးတွေကို ဒေါသအလျောက်ရိုက်နှက်ဆုံးမပြီးပြီဆိုရင်လည်း သင်ပဲ စိတ်မကောင်းဖြစ်ရမှာပါ။ အဓိက ရည်ရွယ်ချက်က သင့်ရဲ့ သားသမီးတွေ လိမ္မာရေးခြားရှိပြီး လမ်းမှားမရောက်အောင် ထိန်းသိမ်းဖို့ပဲ ဖြစ်တာကြောင့် ရိုက်မောင်းပုတ်မောင်းလုပ်မယ့်အစား အထက်မှာ ဖော်ပြခဲ့တဲ့အချက်လေးတွေနဲ့ တိုက်ဆိုင်ပြီး လိုက်နာကျင့်သုံးကြည့်ပါ။ အနည်းနဲ့ အများတော့ ထူးခြားမှုလေးတွေ ရှိလာမှာ ဖြစ်ပါကြောင်း။

Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဘေဘီလေး တို့ အသားလှဖို့ ဆောင်ရန်၊ ရှောင်ရန် တချို့

ဘေဘီလေး ကလေး အရေပြား အသားအရေ မေမေတို့ လိုက်နာသင့်တဲ့ အချက် ကလေးပြုစုစောင့်ရှောက်ခြင်း ကလေးကျန်းမာရေး ကလေးအရေပြား မိဘများအတွက်လမ်းညွှန်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

မဖြစ်မနေကျော်လွှားရမယ့် မေမေတို့ရဲ့ စိတ်ဓာတ်ကျ ချိန်

စိတ်ဓာတ်ကျ မေမေ မီးဖွားပြီး စိတ်အပြောင်းအလဲ ဟော်မုန်း မိခင်ကျန်းမာရေး ကလေးပြုစုစောင့်ရှောက်ခြင်း စိတ်ကျန်းမာရေး ကလေးမွေးဖွားခြင်း မိခင်တာဝန် ခံစားချက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

မေမေတို့ကြောက်တဲ့ ဘေဘီတို့ရဲ့ ခေါင်းလျှော် ချိန်

ခေါင်းလျှော် ကလေး ရေချိုး ကလေးပြုစုစောင့်ရှောက်ခြင်း မေမေ ဘေဘီ ကလေးဆံသား ကြောက်စိတ် ရေ ရေမွန်းခြင်း အသက်ရှူခက် အအေးမိ ချော့မြှူ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ဗိုက်ခွဲမွေးထားတဲ့ မေမေတွေနဲ့ နောက်ဆက်တွဲ ခါးနာခြင်းဝေဒနာ

ဗိုက်ခွဲမွေး ခါးနာ မေမေ ကိုယ်ဝန်ဆောင် ဟော်မုန်း ကိုယ်အလေးချိန် ကလေးပြုစုစောင့်ရှောက်ခြင်း မိခင်ကျန်းမာရေး မိခင်နို့ ထုံဆေး ခင်ပွန်း ကလေးမွေးခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သင့်အတွက် ရွေးချယ်ထားသည်

Covid ကာလမှာ ကလေးနေမကောင်း ရင် ဘယ်လိုပြုစုပေးရမလဲ

Covid ကာလမှာ ကလေးနေမကောင်း ရင် ဘယ်လိုပြုစုပေးရမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် စက်တင်ဘာ 16, 2020 . 1 min read
ကလေးနဲ့ ဖေဖေ ရင်းနှီးချစ်ခင်ဖို့ မေမေတို့မှာ စီမံပေးပါဦးနော်

ကလေးနဲ့ ဖေဖေ ရင်းနှီးချစ်ခင်ဖို့ မေမေတို့ စီမံပေးပါဦးနော်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇူလိုင် 6, 2020 . 2 mins read
ကလေး ငယ်ငယ် ရှိတဲ့အိမ်မှာ မိဘတွေ မျက်ခြေမပြတ်သင့်တဲ့ ပစ္စည်း တချို့

ကလေး ငယ်ငယ် ရှိတဲ့အိမ်မှာ မိဘတွေ မျက်ခြေမပြတ်သင့်တဲ့ ပစ္စည်း တချို့

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇွန် 5, 2020 . 2 mins read
ကလေးတွေ အိမ်မြဲနေချိန် အိမ်မှာ သတိထားစောင့်ကြည့်သင့်တဲ့ အရာများ

ကလေးတွေ အိမ်မြဲနေချိန် အိမ်မှာ သတိထားစောင့်ကြည့်သင့်တဲ့ အရာများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် မေ 5, 2020 . 2 mins read