ဆောင်းရာသီမှာဖြစ်တဲ့ အသားပပ်ခြင်းက အရေပြားခြောက်သွေ့၊နီရဲပြီး အရေခွံကွာတာဖြစ်ပြီး ကလေးငယ်တွေမှာဆို မျက်နှာနဲ့လက်တွေမှာဖြစ်တတ်ပါတယ်။ နှုတ်ခမ်းလေးတွေခြောက်သွေ့အက်ကွဲတာ၊ ပါးမှာ အသားပပ်တာတွေဖြစ်တတ်ပါတယ်။ ကလေးတွေက နှုတ်ခမ်းခြောက်တဲ့အခါ လျှာလေးထုတ်၊နှုတ်ခမ်းသပ်တတ်ကြတဲ့အခါ တံထွေးကနှုတ်ခမ်းပိုခြောက်စေပါတယ်။ ဒါ့ကြောင့် အစိုဓါတ်ထိန်းဖို့ အမွှေးနံ့မပါတဲ့hypoallergenic လိုးရှင်း၊ ခရင်မ်စတဲ့ အဆီတစ်ခုခုနဲ့ ကလေးရဲ့ပါးကို အစိုဓါတ်ထိန်းပေးနိုင်ပါတယ်။ နှုတ်ခမ်းလေးတွေကိုတော့ ကလေးတွေအတွက်ထုတ်တဲ့ lip balmလေးတွေဆိုးပေးပါ။
ကလေးတွေရဲ့ လက်၊ခြေထောက်၊ ဦးရေပြား၊ နဖူးနဲ့ပါးတို့မှာ နှင်းခူ ဖြစ်လာတတ်ပါတယ်။ အသားခြောက်လွန်းပြီး ယားယံတဲ့ နှင်းခူဟာ ဓါတ်မတည့်ခြင်းလိုပဲ မိသားစုထဲမှာ မျိုးရိုး လိုက်တတ် ပါတယ်။ နှင်းခူက ဆောင်းတွင်းရဲ့ ခြောက်သွေ့တဲ့လေ သို့မဟုတ် နွေရာသီရဲ့အပူနဲ့ချွေးတို့ကြောင့် ပိုဆိုးတတ်ပါတယ်။ လိုးရှင်းတွေ၊ အဝတ်လျှော်ဆပ်ပြာတွေနဲ့ခေါင်းလျှော်ရည်တွေမှာပါတဲ့ အမွှေးနံ့နဲ့ဓါတုပစ္စည်းတွေအပြင်polyester အဝတ်အထည်တွေကလည်း အရေပြားကို ပိုထိခိုက်စေပါတယ်။ ကလေးကို တစ်နေ့နှစ်ကြိမ် ရေချိုးပေးတာ၊ ရေဖတ်တိုက်ပေးတာက အရေပြားကို ရေဓါတ်ပြည့်ဝစေပါလိမ့်မယ်။
- Cradle cap (ဦးရေပြားရောင်ခြင်း)
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။