backup og meta

အရိုးကျိုးသွားသော သင့်ကလေးငယ်အား အမြန်သက်သာဖို့ ဘယ်လိုကူညီမလဲ

မှ အချက်အလက် စစ်ဆေးထားပါသည်။ Dr. Thurein Hlaing Win


Dr. Hlaing Min Ko Ko မှ ရေးသားသည်။ · 10/08/2022 တွင် အသစ်ဖြည့်စွက်ခဲ့သည်။

အရိုးကျိုးသွားသော သင့်ကလေးငယ်အား အမြန်သက်သာဖို့  ဘယ်လိုကူညီမလဲ

ဘယ်ကလေးမဆိုအရွယ်ရောက်လာသည်နှင့်အမျှ သွေးခြေဥတာ ခြစ်ရာပွန်းရာဖြစ်တာမျိုးရှိလာပါမည်။ အရိုးကျိုးခြင်းဆိုတာလဲ ဖြစ်လာနိုင်သည့်ပြဿနာမျိုးပင်။

အရိုးကျိုးသောနေ့တွင် ပြုစုခြင်း

အရေးကြီးဆုံးလုပ်ရမည်မှာကျိုးသောအရိုးနေရာကိုကလေး၏နှလုံးထက်ပိုမြင့်မြင့်ထားရမည်ဖြစ်သည်။ ထိုမှသာ နှလုံးဆီသို့ အရည်များစီးဆင်းမှုကိုအထောက်အကူပြုပြီးရောင်းရမ်းခြင်းမသက်မသာဖြစ်ခြင်းကိုလျော့ချနိုင်ပါမည်။ ထို့အပြင် ကလေးငယ်လှဲလျှင်ဖြစ်စေထိုင်လျှင်ဖြစ်စေခိုင်းမိသည့်နေရာကိုအမှီအတွယ်တစ်ခုခုပေးထားခြင်းဖြင့် အနာသက်သာစေနိုင်သည်။ ဒဏ်ရာရပြီးနောက် ၂ ရက်အတွင်းအရိုးကျိုးသည့်နေရာတွင် ရေခဲဝတ်အုပ်ပေးနိုင်ပါသည်။ နောက်ရက်တွင် ရေဖဲဝတ်ကို ခဏခဏလဲပေးသင့်သည်။ ရေခဲဝတ်သည် သေချာချည်လို့ရသည့် ပလက်စတစ်အိတ်ဖြစ်စေတဘက်ဖြစ်စေသုံးလျှင် ကျောက်ပတ်တီးရေမဆိုစေရန်ဂရုစိုက်ပါ။ ဆေးဆိုင်မှသေချာဝယ်သော ပါရာစီတမောလိုIbuprofen လိုဆေးမျိုးသည် ကလေးများအတွက် စိတ်ချစွာသုံးနိုင်ပါသည်။

ကျောက်ပတ်တီးကိုဘယ်လိုဂရုစိုက်မလဲ

ခန္ဓါကိုယ်ကိုကျောက်ပတ်တီးထူထူနှင့်ကြပ်စည်းထားပါကယားယံပြီးစိတ်ရှုပ်စေတတ်ပါသည်။ ယားယံခြင်းသည် ပတ်တီးအောက်တွင်အဆီများစုလာသောကြောင့် ဖြစ်လာခြင်းဖြစသည်။. ပတ်တီးအတွင်းတုတ်နှင့်ထိုးမကုတ်စေရန် ကလေးကိုသေချာစောင့်ကြည့်ထားပါ။ ပိုးဝင်တတ်ပါသည်။ ပတ်တီးအပြင်ဖက်ကိုအသာခေါက်ပေးတာမျိုးလုပ်ပေးနိုင်သည်။ အဆင်မပြေသေးပါကဆံပင်လေမှုတ်စက်ကိုလေးအေးပေးခလုတ်ကိုနှိပ်ပြီးမှုတ်ပေးနိုင်ပါသည်။ ဘာမီတွန်လိုဆေးမျိုးသည် ယားယံမှုကိုသက်သာစေသည်။ သို့သော်လည်းအိပ်ငိုက်စေတတ်သည်ကိုသတိပြုပါ။ ထိုကြောင့်တိုက်မည်ဆိုလျှင် အိပ်ယာဝင်ခါနီးမှသာတိုက်ပါ။ အရေးကြီးဆုံးကကျောက်ပတ်တီးခြောက်သွေ့နေစေရန်သာပင်။ ပတ်တီးကိုဖုံးရန်တစ်ခုခုဝယ်ဖို့လဲ စဉ်းစားနိုင်ပါသည်။ မည်သို့ဆိုစေဘယ်အဖုံးအကာမှ ၁၀၀% ရေမလုံပါ။ ထို့ကြောင့် ဖုံးထားသည်ဆိုပြီးရေငုပ်တာမျိုးဆိုစေတာမျိုးမလုပ်နှင့်။

ပြန်ကောင်းလာသောအခါ

ကျောက်ပတ်တီးသည် အရိုးဆက်ရန်အတွက်အရေးပါကြောင်းကိုကလေးနားလည်အောင်ရှင်းပြထားပါ။ ကျိုးနေသည့်အစိတ်အပိုင်းကိုလှုပ်ရှားလျှင်သေချာဂရိုက်ပါ။ ပြန်ကျိုးနိုင်သည့်အန္တရာယ်ရှိသည်။ ကျောက်ပတ်တီးဖြည်ပြီးနောက် ထိုနေရာသည်တစ်မျိုးကြီးဖြစ်နေပြီးနာကောင်းနာနေနိုင်ပါသည်။ အဆစ်များအရွတ်များလဲမလှုပ်ရှားရတာကြာပြီဖြစ်၍ စစချင်းတောင့်တင်းနေနိုင်ပါသည်။ ဒါကကလေးကိုစိတ်တိုစေနိုင်သည်။ ထိုကြောင့် လှုပ်ရှားခြင်းအကြောဆန့်ခြင်းများလုပ်ပေးပါကမကြာခင်ပြန်ကောင်းလာပြီးနဂိုအတိုင်းခဏနှင့်ပြန်ဖြစ်လာမည်ကိုရှင်းပြပေးပါ။ ထို့ကြောင့် ပုံမှန်ပြန်မဖြစ်ခင် စိတ်နည်းနည်းရှည်ဖို့ အတော်လေးလိုပါသည်။

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

မှ အချက်အလက် စစ်ဆေးထားပါသည်။

Dr. Thurein Hlaing Win


Dr. Hlaing Min Ko Ko မှ ရေးသားသည်။ · 10/08/2022 တွင် အသစ်ဖြည့်စွက်ခဲ့သည်။

advertisement iconadvertisement

ဤဆောင်းပါးက အကူအညီဖြစ်ပါသလား။

advertisement iconadvertisement
advertisement iconadvertisement