backup og meta

ကျောရိုးနေရာလွဲခြင်း ပုံစံ၃ မျိုး

ကျောရိုးနေရာလွဲခြင်းဆိုသည်မှာကျောရိုးပြဿနာတစ်ခုဖြစ်ပြီး ကျောရိုးဟာ သူ့မူလနေရာမှလွဲချော်သွားခြင်းဖြစ်ပါတယ်။ လူတွေမှာဖြစ်တဲ့ကျောရိုးနေရာလွဲခြင်းပုံစံမျိုးစုံရှိပါတယ်။ ယခုဆောင်းပါးကတော့ သင့်ကို ကလေးနဲ့လူကြီးတွေမှာအဖြစ်တတ်တဲ့ အဖြစ်အများဆုံးပုံစံ ၃ မျိုးကို ဖော်ပြသွားမှာဖြစ်ပါတယ်။

ကျောရိုးနေရာလွဲခြင်း ပုံစံ၃ မျိုး

၁။ မွေးရာပါကျောရိုးနေရာလွဲနေခြင်း။

မွေးရာပါကျောရိုးနေရာလွဲနေခြင်းဆိုသည်မှာမွေးဖွားသည့်အချိန်ကတည်းက ကျောရိုးပုံစံမမှန်ခြင်းဖြစ်ပါတယ်။ ကိုယ်ဝန်ဆောင်ကာလတွင် ကျောရိုးဟာ ပုံမှန်ဖြစ်ပေါ်မလာတဲ့အခါ ကလေးရဲ့ကျောရိုးများဟာ နေရာလွဲသွားနိုင်ချေပိုများသွားပါတယ်။

အကယ်၍ ကလေးဟာ နာကျင်မှုမခံစားရလျှင်ဖြစ်စေ ကျောရိုးနေရာလွဲ ခြင်းဟာ ပိုဆိုးမလာလျှင် ဖြစ်စေ အိမ်တွင်းကုသမှုများနှင့် ကုသနိုင်ပါတယ်။

၂။ ကျောရိုးပျက်စီးသွား၍နေရာလွဲသွားခြင်း ။

ဒါကတော့ အဖြစ်အများဆုံးကျောရိုးနေရာလွဲတဲ့ပုံစံဖြစ်ပြီး အသက်ကြီးတဲ့လူတွေမှာပိုပြီးဖြစ်လေ့ရှိပါတယ်။

အသက်ကြီးလာ၍ကျောရိုးနေရာလွဲသွားခြင်းဟာ အသက်ကြီးလို့ဖြစ်တဲ့သဘာဝဖြစ်စဉ်ပဲ ဖြစ်ပါတယ်။ ကျောရိုးကြားထဲရှိ ကျောရိုးပြားများဟာ ရေဓါတ်နည်းလာတဲ့အခါ ကျောရိုးကို ကာကွယ်ပေးနိုင်စွမ်းနည်းလာပြီး အဆစ်ရောင်ခြင်း နှင့် ကျောရိုးပျက်စီး၍ နေရာလွဲ ခြင်းတို့ ဖြစ်ပေါ်လာရပါတယ် ။ အရွတ်များ ၊ ကျောရိုးပြားများ နှင့် အရိုးများဟာ အားနည်းလာပြီး ကျောရိုးကိုပုံမှန်အနေအထားမှာရှိအောင် ထိန်းသိမ်းထားနိုင်စွမ်းမရှိတော့ပါဘူး ။ ဆက်ထားတဲ့အဆစ်များဟာလည်း အသက်ကြီးလာတဲ့အခါ အရွယ်အစားကြီးလာပြီး ပွတ်တိုက်မှုများစွာဖြစ်ပေါ်စေပါတယ်။ ဒါကြောင့်ကျောရိုးများဟာ တစ်ခုပေါ်တစ်ခု လွဲချော်ကုန်ပါတယ်။

ကျောရိုးနေရာလွဲခြင်းဟာခါးနေရာတွင်အဖြစ်များလေ့ရှိပြီး လည်ပင်းနေရာတွင်လည်းဖြစ်တတ်ပါတယ်။

  • အဖြစ်အများဆုံးရောဂါလက္ခဏာတွေကတော့

ကျော ၊ လည်ပင်းနှင့် ခြေထောက်များ နာကျင်ခြင်းပဲ ဖြစ်ပါတယ်။ တစ်ခါတစ်ရံသင်လမ်းလျှောက်တဲ့အခါ ဖြစ်ဖြစ် ၊အချိန်အကြာကြီး မတ်တပ်ရပ်နေတဲ့အခါဖြစ်ဖြစ် နာကျင်မှုဟာ ပိုဆိုးလာတတ်ပါတယ်။ အခြားရောဂါလက္ခဏာများဖြစ်တဲ့ ပေါင်ရှေ့ရှိကြွက်သားများ တင်းလာခြင်း နှင့် ခြေထောက်များအားနည်းလာခြင်းတို့ကိုလည်းခံစားရနိုင်ပါတယ်။

၃။ ဆက်ထားသောအရိုးကျိုးသွား၍ ကျောရိုးနေရာလွဲသွားခြင်း ။

ကျောရိုးနောက်မှာရှိတဲ့ အဆစ်နှစ်ခုကိုဆက်သွယ်ပေးထားတဲ့အရိုးတစ်ခုရှိပါတယ် ။ ထိုအရိုးတွင်အနည်းငယ်ကျိုးသွားတဲ့အခါ ကျောရိုးနေရာလွဲ ခြင်းဖြစ်ပေါ်လာရပါတယ်။ ခါးနေရာတွင်အဖြစ်များပြီး ဖိအားအများဆုံးခံရသောနေရာဖြစ်သောကြောင့် ဖြစ်ပါတယ် ။ အရိုးတစ်ခုဟာ သွေးအလုံအလောက်မရတော့တဲ့အခါ ဖိအားများကိုမခံနိုင်ပဲ ကျိုးလွယ်လာပါတယ်။

ယခုပုံစံမျိုးဟာ ကလေးများတွင်မတွေ့ရသောကြောင့် မွေးရာပါရောဂါတစ်ခုတော့မဟုတ်ပါဘူး ။

ကျိုးတာအသေးအမွှားလေးဆိုလျှင်တော့ မနာကျင်ပါဘူး။ အကယ်၍ နာကျင်မှုခံစားလာရလျှင်တော့ ထိုနေရာဟာ အရိုးကျိးတဲ့နေရာဖြစ်လေ့ရှိပါတယ်။ နာကျင်မှုဟာ ပုခုံး ၊ လက်မောင်း ၊ တင်ပါး နှင့် ခြေထောက်များသို့လည်း ပျံ့နှံ့သွားလေ့ရှိပါတယ်။ သင်လမ်းလျှောက်တဲ့အခါ ၊မတ်တပ်ရပ်တဲ့အခါ ၊ခါးကုန်းလိုက်တဲ့အခါ သို့လည်ပင်းကိုမော့လိုက်တဲ့အခါ နာကျင်မှုဟာပိုဆိုးလာတတ်ပါတယ်။ သင်ဟာတစ်ခါတစ်ရံမှာ ခြေထောက်နှင့် ဒူးအောက်ပိုင်းနေရာများတွင် အားနည်းသလိုခံစားရနိုင်ပါတယ် ။

ကျောရိုးနေရာလွဲ ခြင်းတွင်ပုံစံမျိုးစုံရှိပါတယ်။ အဖြစ်အများဆုံးကတော့ အထက်ဖော်ပြခဲ့တဲ့ ၃ မျိုးပဲ ဖြစ်ပါတယ် ။ မွေးရာပါကျောရိုးနေရာလွဲ ခြင်းကတော့ ကလေးများတွင်အဖြစ်များပြီး ကျောရိုးပျက်စီး၍ နေရာလွဲရခြင်းကတော့ အသက်ကြီးလာ၍ ပျက်ဆီးတဲ့ဖြစ်စဉ်တစ်ခုပဲ ဖြစ်ပါတယ်။ ဆက်ထားသောအရိုးကျိုး၍ ကျောရိုးနေရာလွဲ ခြင်းကတော့ သင့်ကျောရိုးမှာရှိတဲ့အရိုးကျိုးသွားတဲ့အခါ ဖြစ်ပေါ်လာပါတယ်။

Hello health group သည် ကျန်းမာရေးဆိုင်ရာအကြံပေးခြင်း ၊ရောဂါရှာဖွေခြင်းနှင့် ကုသခြင်းတို့ကို မပြုလုပ်ပေးပါ ။

[embed-health-tool-bmi]

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

  1. Adult Spondylolisthesis in the Low Back. http://orthoinfo.aaos.org/topic.cfm?topic=A00588. Accessed January 7, 2017.
  2. Degenerative Spondylolisthesis Symptoms. http://www.spine-health.com/conditions/spondylolisthesis/degenerative-spondylolisthesis-symptoms. Accessed January 7, 2017.
  3. http://my.clevelandclinic.org/health/articles/spondylolisthesis. Accessed January 7, 2017.
  4. Isthmic Spondylolisthesis. http://www.spine-health.com/conditions/spondylolisthesis/isthmic-spondylolisthesis. Accessed January 7, 2017.
  5. Isthmic Spondylolisthesis Symptoms. http://www.spine-health.com/conditions/spondylolisthesis/isthmic-spondylolisthesis-symptoms. Accessed January 7, 2017.

Mierau D, Cassidy JD, Yong-Hing K. Dysplastic spondylolisthesis: a report of two cases. The Journal of the Canadian Chiropractic Association. 1985;29(3):131-134.

ယခုပုံစံ

07/01/2022

Phyo Wai Yan မှ ရေးသားသည်။

Dr. Htet Htet Zaw Win မှ ပြင်ဆင်ခဲ့ပါသည်။


ဆက်စပ် အကြောင်းအရာများ

လက်ပြင်ကြောနာနေတာကို သက်သာစေဖို့အတွက် နည်းလမ်းကောင်းများ

အရပ်ပြန်ပု သွားတာ ဘာကြောင့်လဲ


Hello Sayarwon Panel မှ အချက်အလက်များ စစ်ဆေးထားပါသည်။ Phyo Wai Yan မှ ရေးသားသည်။ နောက်ဆုံးအသစ်ပြင်ဆင်သည့်ရက်စွဲမှာ 07/01/2022 ဖြစ်ပါသည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement