မိုးတွင်းမှာ ဘယ်လိုရောဂါတွေ အဖြစ်များသလဲ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

မိုးရာသီမှာအဖြစ်များတဲ့ရောဂါများ

မုတ်သုံရာသီကနွေရာသီရဲ့ပူပြင်းခြောက်သွ့မှုဒဏ်ကိုလျော့ပါးစေတယ်ဆိုပေမယ့် မုတ်သုံရာသီနဲ့အတူရောဂါဘယအမျိုးမျိုးပါလာတတ်ပါ တယ်။ မုတ်သုံရာသီတိုင်းလိုလိုမှာ သန့်ရှင်းမှုမရှိတဲ့အနေအထားတွေနဲ့ကြိုတင်ကာကွယ်မှုနည်းလမ်းတွေကိုလုပ်ဆောင်ဖို့အားနည်းတာကြောင့်ရောဂါအမျိုးမျိုးဖြစ်ပေါ်ခံစားရတတ်ပါတယ်။ မိုးရာသီမှာဖြစ်လေ့ရှိတဲ့ရောဂါတွေနဲ့ရောဂါလက္ခဏာတွေကိုဖော်ပြပေးလိုက်ပါတယ်။

(၁) အအေးမိဖျားနာခြင်း – မိုးရာသီမှာအတွေ့ရအများဆုံးရောဂါတစ်ရပ်ဖြစ်ပါတယ်။ ရာသီဥတုအပူချိန်ပြောင်းလဲမှုကြောင့် ဖျားနာကြတာဖြစ်ပါတယ်။ အဖျားဝင်လာပြီဆိုရင် အများစုက ကူးစက်ရောဂါအဖြစ်ပြောင်းလဲသွားပြီး တစ်ဦးကနေတစ်ဦးကိုကူးစက်နိုင်တာကြောင့် အဖျားမဝင်အောင်ကာကွယ်ဖို့လိုပါတယ်။

ရောဂါလက္ခဏာတွေ –

  • နှာစေးတာ
  • ကိုယ်လက်တွေကိုက်ခဲတာ
  • လည်ချောင်းနာတာ
  • အဖျားတက်တာမျိုးတွေဖြစ်ပေါ်ခံစားရနိုင်ပါတယ်။

(၂) ငှက်ဖျား -Anopheles အမျိုးအစားခြင်အကိုက်ခံရာကနေကူးစက်တဲ့ရောဂါဖြစ်ပါတယ်။ မိုးရာသီမှာ မိုးသည်းထန်စွာရွာသွန်းမှုက ခြင်တွေကိုပေါက်ဖွားစေတာကြောင့် ငှက်ဖျားရောဂါကိုဖြစ်ပွားစေပါတယ်။

ရောဂါလက္ခဏာတွေ-

  • အချိန်မှန်အဖျားတက်တာ
  • ခိုက်ခိုက်တုန်အောင်ချမ်းတာ
  • ကြွက်သားတွေနာကျင်ကိုက်ခဲတာ
  • အားနည်းတာမျိုးတွေဖြစ်ပေါ်ခံစားရနိုင်ပါတယ်။

(၃) ကာလဝမ်းရောဂါ –မိုးရာသီမှာနောက်ထပ်အဖြစ်များတဲ့ရောဂါတစ်ရပ်ကတော့ ကာလဝမ်းရောဂါပဲဖြစ်ပါတယ်။ မသန့်ရှင်းတဲ့ရေနဲ့အစားအစာတွေက ကာလဝမ်းရောဂါပိုးကူးစက်ပျံ့နှံ့အောင် အားပေးပါတယ်။ သန့်ရှင်းမှုအားနည်းတာနဲ့ရေဆိုးနုတ်စနစ်တွေ အားနည်းတဲ့နေရာတွေမှာ ကာလဝမ်းရောဂါပျံ့နှံမှုမြန်ဆန်ပါတယ်။

ရောဂါလက္ခဏာတွေ-

  • ဝမ်းအရည်တွေမကြာခဏသွားတာ
  • အော့အန်တာ
  • ရေဓါတ်လျင်မြန်စွာခမ်းခြောက်တာ မျိုးတွေခံစားရနိုင်ပါတယ်။

(၄) ဝမ်းလျှောခြင်း – ဝမ်းလျှောတာကလည်း မိုးရာသီမှာအတွေ့ရများတဲ့ရောဂါတွေထဲကတစ်ခုလို့ဆိုရပါမယ်။ မသန့်ရှင်းတဲ့သောက်သုံးရေတွေနဲ့အစားအစာတွေကိုစားသုံးမိတာကနေဖြစ်ပွာတာဖြစ်ပါတယ်။ရောဂါဖြစ်ပွားနေချိန်မှာ အစာချေစနစ်ရဲ့လုပ်ငန်းစဉ်တွေက တစ်စတစ်စ ယိုယွင်းလာတာဖြစ်ပါတယ်။ အရည်အသွေးမပြည့်မီတဲ့ဆီတွေနဲ့ပြုလုပ်ထားတဲ့ အစားအသောက်တွေကြောင့်လည်း ဝမ်းလျှောနိုင် ပါတယ်။ မိုးရာသီမှာ အစားအသောက်တွေစားသုံးတဲ့အခါ သန့်ရှင်းမှုကိုအထူးဂရုပြုပါ။

ရောဂါလက္ခဏာတွေ-

  • ဝမ်းအရည်တွေသွားတာ
  • ဗိုက်ထဲကအောင့်တာ
  • အဖျားတက်တာ
  • ဝမ်းသွားတဲ့အခါသွေးပါတာ
  • လေပွတာ
  • မအီမသာဖြစ်တာ မျိုးတွေဖြစ်ပေါ်ခံစားရနိုင်ပါတယ်။

(၅) တိုက်ဖွိုက် – တိုက်ဖွိုက်ရောဂါက မုတ်သုံရာသီမှာဖြစ်ပွားတတ်တဲ့ ကူးစက်မြန်ရောဂါတစ်မျိုးဖြစ်ပါတယ်။ အစားအသောက်နဲ့ရေတွေသန့်ရှင်းမှုမရှိတာကြောင့်ရောဂါဖြစ်ပွားရတာဖြစ်ပါတယ်။

ရောဂါလက္ခဏာတွေ-

  • အချိန်အတော်ကြာအဖျားတက်နေတာ
  • ခေါင်းကိုက်တာ
  • ဗိုက်အောင့်တာ
  • အော့အန်တာ
  • ခံတွင်းပျက်တာ
  • ဝမ်းသွားတာ
  • မအီမသာဖြစ်တာ မျိုးတွေဖြစ်ပေါ်ခံစားရနိုင်ပါတယ်။

(၆) အူမရောင်နာ –မသန့်ရှင်းတဲ့အစားအသောက်တွေနဲ့သောက်သုံးရေတွေထဲမှာရှိနေတဲ့ ဘက်တီးရီးယားတွေကြောင့်ဖြစ်တဲ့ရောဂါဖြစ်ပါတယ်။ မသန့်ရှင်းတဲ့အစားအသောက်တွေနဲ့ရေတွေ အူထဲကိုရောက်ရှိသွားတဲ့အခါရောဂါပိုးကူးစက်ပြီး အူတွေရောင်ရမ်းလာတာဖြစ်ပါတယ်။

ရောဂါလက္ခဏာတွေ-

  • အစားအစာတွေနဲ့ရေတွေကိုမျိုချရခက်ခဲလာတာ
  • အစာစားပြီးတိုင်း ဗိုက်ထဲမှာပူလောင်နေတာ
  • အရမ်းပြင်းထန်လာတဲ့အခါ ဝမ်းသွားတဲ့အခါသွေးပါတာမျိုးအထိဖြစ်ပေါ်ခံစားရနိုင်ပါတယ်။

(၇) အသည်းရောင် အသားဝါအေ –မုတ်သုံဝင်လာတာနဲ့ယင်တွေကပေါက်ဖွားလာပြီဖြစ်ပါတယ်။ အသည်းရောင် အသားဝါအေက ယင်ကောင်တွေကြောင့်ဖြစ်တာဖြစ်ပါတယ်။ လူနာနဲ့တိုက်ရိုက်ထိတွေ့မှုကနေလည်းကူးစက်နိုင်ပါတယ်။

ရောဂါလက္ခဏာတွေ-

  • ဖျားနာတာ
  • တုပ်ကွေးလက္ခဏာတွေလိုမျိုး အားနည်းတာ၊ကြွက်သားတွေနဲ့အဆစ်တွေကိုက်ခဲနာကျင်တာ။ အစားစာချင်စိတ်မရှိတာ၊မူးဝေတာ
  • ဝမ်းဗိုက်ထဲမှာမအီမသာဖြစ်တာ
  • ရက်အနည်းငယ်ကြာလာတဲ့အခါ အသားဝါတာမျိုးအထိဖြစ်လာနိုင်ပါတယ်။

(၈)Sheet Pitt –မုတ်သုံရာသီမှာအဖြစ်များတဲ့ရောဂါတွေထဲကတစ်ခုပါ။ ရာသီဥတုပူတာကြောင့်ရော အေးတာကြောင့်ပါဖြစ်ပေါ်ခံစားရနိုင်ပါတယ်။ အရေပြားပေါ်မှာ ယားယံတာတွေစတင်ခံစားလာရပြီး အဖုအပိမ့်လေးတွေထွက်လာကာ ပူစပ်ပူလောင်ခံစားရပါတယ်။

(၉) အသားဝါခြင်း –မသန့်ရှင်းတဲ့ရေတွေနဲ့အစားအစာတွေကနေကူးစက်ပြန့်နှံ့လေ့ရှိတာကြောင့် မိုးရာသီမှာ အသားဝါတာကိုခံစားရနိုင်ပါတယ်။ လမ်းဘေးမှာရောင်းချတဲ့အစားအသောက်တွေကနေ အဓိကကူးစက်တာဖြစ်ပါတယ်။

ရောဂါလက္ခဏာတွေ-

  • အားနည်းလာတာ
  • ဆီးအဝါတွေသွားတာ
  • အော့အန်တာ
  • ဗိုင်းရပ်စ်ကြောင့် အသည်းလုပ်ငန်းစဉ်တွေပုံမှန်မဟုတ်တာမျိုးအထိခံစားရနိုင်ပါတယ်။

(၁၀) သွေးလွန်တုပ်ကွေး – မိုးရာသီမှာအဖြစ်များတဲ့ရောဂါတစ်မျိုးဖြစ်ပါတယ်။ခြင်ကျားတွေကိုက်ခံရတာကြောင့်သွေးလွန်တုပ်ကွေးရောဂါဖြစ်ပွားတာဖြစ်ပါတယ်။

ရောဂါလက္ခဏာတွေ-

  • အဖျားတက်တာ
  • ကိုယ်လက်တွေကိုက်ခဲတာ
  • အဆစ်တွေနာကျင်ကိုက်ခဲတာ
  • အနီအဖုအပိမ့်တွေထွက်တာ မျိုးခံစားရနိုင်ပါတယ်။

(၁၁)Leptospirosis –ရောဂါပိုးကူးစက်ခံထားရတဲ့ တိရစ္ဆာန်ရဲ့ ဆီးနဲ့မစင်တွေက မြေဆီလွှာ၊ရေနဲ့ အပင်တွေကိုသွားထိတွေ့မိပြီးရောဂါပိုးတွေကူးစက်ပြန့်နှံ့တာဖြစ်ပါတယ်။ရောဂါပိုးရှိနေတဲ့ အစားအစာတွေနဲ့ရေကို စားသုံးမိတာ၊ အနာ၊အရေပြားပွန်းပဲ့ဒဏ်ရာ၊ မျက်စိ၊ နှာခေါင်းနဲ့ပါးစပ်တွေကိုရောဂါပိုးရှိနေတဲ့ရေ၊မြေကြီးတွေနဲ့ထိတွေ့မိတဲ့အခါLeptospirosisရောဂါကူးစက်ခံရနိုင်ပါတယ်။

ရောဂါလက္ခဏာတွေ-

  • အဖျားရှိတာ
  • ကြွက်သားတွေနာကျင်ကိုက်ခဲတာ
  • ခေါင်းကိုက်တာ
  • ခြေသလုံးကြွက်သားတွေနာကျင်တာ
  • မျက်လုံးတွေနီမြန်းတာ
  • ရောဂါပြင်းထန်ပါက – အသည်း၊ဦးနှောက်နဲ့ကျောက်ကပ်ထိခိုက်ပျက်စီးတာမျိုးအထိဖြစ်နိုင်ပါတယ်။

အထက်ပါရောဂါတွေဖြစ်တတ်တဲ့အကြောင်းရင်းနဲ့ရောဂါလက္ခဏာတွေကိုဖတ်ရှုပြီး မိုးတွင်းမှာဖြစ်တတ်တဲ့ရောဂါတွေကို ကာကွယ်နိုင်မှာဖြစ်ပါတယ်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကလေးထိန်း ပြီး ဝိတ်ချမလား

မိခင်တစ်ယောက်ဟာ သာမန် ပေါ့ပေါ့ပါးပါး ကလေးထိန်း တဲ့ လုပ်ငန်းဆောင်တာတွေကြောင့် တစ်နေ့ကို ကယ်လိုရီ ၁၄၄-၂၀၀ ဝန်းကျင်လောက် လောင်ကျွမ်းနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ဝက်ခြံဖြစ်လွယ်တဲ့ အသားအရေပိုင်ရှင်တွေအတွက် သဘာဝဆေးနည်းတစ်လက်

ဝက်ခြံဖြစ်လွယ်သူတွေအတွက် အသားအရေကို အထိရောက်ဆုံး ထိန်းပေးနိုင်မယ့် သဘာဝပစ္စည်းလေးတစ်ခုအကြောင်း ပြောပြပေးချင်ပါတယ်။ ဒါကတော့...........

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အိန္ဒိယမှာဖြစ်ပွားနေတဲ့ အမည်မဖော်နိုင်သေးတဲ့ ကျန်းမာရေးပြဿနာ

အခုလက်ရှိ နိုင်ငံတကာမှာ ကိုဗစ်ဒဏ်ကို အလူးအလဲခံနေကြရစဉ်မှာပဲ အိန္ဒိယနိုင်ငံက ပြည်နယ်တစ်ခုမှာ ဘာရယ်လို့ သေချာ အမျိုးအမည် မသိတဲ့ ရောဂါတစ်ရပ်ဖြစ်ပွားနေပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ခါးနာခြင်း

လမ်းလျှောက်နိုင်စေဖို့ မတ်မတ်ရပ်နိုင်စေဖို့  စသည်ဖြင့် ခါးရဲ့အထောက်အပံ့တွေက များလှပါတယ်။ ဒီလိုပဲ ခါးနာသွားစေနိုင်တဲ့ အပြုအမူတွေကလည်း မနည်းလှပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

သွေးတိုးသမားတွေ စားပေးရမယ့် အထူးအစားအစာများ

သွေးတိုးသမားတွေ စားပေးရမယ့် အထူးအစားအစာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
ကပ်ဘေးကာလမှာ မေ့မထားသင့်တဲ့ အရာ

ကပ်ဘေးကာလမှာ မေ့မထားသင့်တဲ့ နောက်ထပ် ကျန်းမာရေးပြဿနာတစ်ခု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 11, 2021 . 3 mins read
အင်းဆက် တွေက သင့်ကို ဘာရောဂါပေးနိုင်သလဲ။

အင်းဆက် တွေက သင့်ကို ဘာရောဂါပေးနိုင်သလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇန်နဝါရီ 15, 2021 . 2 mins read
အစားအသောက်တွေကနေ သင့်ဆီကို ဘာရောဂါပိုးတွေ ရောက်လာနိုင်သလဲ။

အစားအသောက်ကတစ်ဆင့် ကူးစက်နိုင်တဲ့ ရောဂါတွေ က သင်ထင်တာထက် ပိုဆိုးနေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇန်နဝါရီ 9, 2021 . 4 mins read